Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
Ccathyaa balyn tuh Pachia hysawnuapaw thua zah, ccangpyakunaw hanlan, seinaw langsaku nawlan, raethuinaw hanlan, dingnaw kya thuiheikunaw hanlan athanepaw nynh thua. Tuhcite Pachia ccungccaw tuh accingpaw athua nawlan te ahoypaw ryalaw miakaw hanlan paccynpaw athua nawlan nynh thua.
Na imua lya mawte Ccathyaa kha phe na ny vae, tuh-e Ccathyaa nynh Khri Jesu zynnaw liate khumnaw mue nawlan hawnaw kha ae pya kho. Ccathyaa balyn tuh Pachia hysawnuapaw thua zah, ccangpyakunaw hanlan, seinaw langsaku nawlan, raethuinaw hanlan, dingnaw kya thuiheikunaw hanlan athanepaw nynh thua. Tuhcite Pachia ccungccaw tuh accingpaw athua nawlan te ahoypaw ryalaw miakaw hanlan paccynpaw athua nawlan nynh thua.
Ccathyaa kya-e profehbya hynh lukhakheit nynh amaw a rynaw te asuilan a leihkupaw thua khyh cipaw hynh masaty nyh oh. Pawccecize profehbya tuh ccungccaw rynaw thyhte yn thua boi khyh, Pachia kya-e athyaapaw ccungccaw hae tuh Thyaa Muisaw nynh a cciakhae hae thyhte nynh a ho hae.
Byaccing bya kha hmerarih lan phiathyate, maethya lanpaw a hoi leipaw ryalahtu na thua zah, Pachia nynh a nawccawpaw lang tangte, Pachia kalan pyaku lan thawte zuakuh.
Kae ngiapaw tuh: Pachia Bya kha la ho. Accyh accanthya zemah, accanthya khyh zemah la zuakuh, mih seinaw kha la muihsakuh hae, la pe hae lah thawzung la pya hae, myarya lungsaete la ccangpah hae.
Kamaw kae thua makhia ccungccaw hae kya Ccathyaa riapyanaw, phunghonaw te ccangpyanaw kha pekite la rae.
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
Pawccecize Pachia Bya tuh ahiinpaw, athungpaw te kyn ning te ahepaw thaloi laeze ahe huapaw thua zah, hiinnaw te muisaw, kintui te ru atungkunaw hae phianaw cia heize a thuing khopaw nynh thua; thinlung kya-e tuanaw te paccynkunaw kha mah aphiathyapaw nynh thua.
Vaaw te laephi tuh azo cih, thuasalama ka bya tuh zo lan khyh.
Thuasalama Jesu nynh, "Ccathyaa kya,
‘Ccungccaw tuh
sanlou kyalya te hiin khyh,
thuasalama Pachia munglae kyate
yn toikuhpaw bya miakaw
te nynh a hiin,’ cite azeikuh," a cipya.
Khuaa te vuiraw tuh
vaawlang te yn ccahbung zah,
laephi nynh aku posah zah
athae a thaesah nawlan te
ccacii a ccoutu kha ccacii pya zah,
looh a aetu kha looh a pya nawlan,
laephi kha tui a ciasah
mawlaezung ki khyh,
tuhawte nynh ka khalang kyate
a poupaw ka bya tuh athua cih;
alakaw lante kamaw kalan
yn ki lan khyh,
ka eenaw kha a ccingsah cih zah,
ka sawnuathepaw kha
a ccingsah cih.
Minmin hynh na byaccing te thyaasah hae; na bya tuh byaccing nynh thua.
"Ccathyaa kya zungzae hiinnaw kae mue cih cite na tua oh zah Ccathyaa kha thawte na ccung oh; Ccathyaa tuh kamaw konglang ccaekia a khanpaw nynh thua.
Thuasalama Bawipaw bya tuh
zungzae atyn," a ci.
Tuh-e bya tuh nae kalan hopya athuapaw thehoypaw bya nynh thua.
Mino hae nynh mih laanpi kha
pawtemou a thyaasah kho cih hae?
Na bya thyhte raeringkunaw liate
a thyaasah cih hae.
Na bya hynh abalyn mawte
byaccing nynh thua;
adingpaw na phungzae ccangkheit cci tuh
zungzae atyn.
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
Berea khuaccaaw hae tuh Thesalonika khuaccaaw hae hawte mih lungping khyh, thehoypaw kha pekite ngae hae zah, tuh-e bya tuh akyh kyh khyh cipaw ny nawlan nin takyhte Ccathyaa te a dokhia hae.
Paul tuh leih a cyimae hawte, sinakok kalan teebua zah sabbath nin ninthum cia minmin ryte Ccathyaa kya-e kha a hokuh hae. Messiah tuh chinaw a ing cih zah chinaw kyate a thoothui aho cite ccaesahpah hae zah a langsahpya hae. Paul nynh, "Nae kya kae hopya oh paw Jesu hynh Messiah nynh thua," a cipya hae.
Filip nynh marangle kalan ccue zah, tuh-e paw nynh profeh Isaiah ccauh a riapaw kha he a thae tuh, "Na riapaw kha na thaethya tou?" cite a khia. Aning nynh, "Lukhakheit nynh yn hopah leite pawtemou ka thaethya kho cih?" a ci. Aning nynh Filip kha marangle kalan kaebua lan te a pe dahungbua lan a ko. Tuh-e paw nynh a riapaw Ccathyaa tuh:
"Saw theihtupaw kalan
a cciakhae hae paw tuu hawte
amaw kha cciakhae hae zah,
tuutaw nynh a ming ngotupaw malang
sia leite a um hawte
aning tuh a mung kha a myh.
Filip nynh tuh-e Ccathyaa kyate tho zah Jesu kong kha a hopya.
Pawccecize Ezra nynh Bawipaw kawbya kha ccangku lan te zui lan thuasah, phungbya hae te phungzae hae kha Israel hae kya ccangpya lan thuasah a thinlung kha a pyaku.
Tuinte Jesu nynh minmin kha, "Pou mingaee hae, profeh hae nynh a hosya hae paw balyn kha zyn lan myarya na rusah oh ii! Khri tuh hynh-e hae hynh a teing koute a phu-enaw lungkhu lang tee lan ccan khyh tou?" a cipya hae. Moses kyate tho zah Profeh hae balyn nynh amaw konglang a zei hae paw Ccathyaa balyn kha minmin kya ccaerarih lan a hopya hae.
Jesu nynh yn thua zah, "Vaawlang te laephi vawlan e kawhoinaw balyn tuh kamaw kalan pya athua vae. Tukeiccuze la cceih oh lah minphuin hae balyn kha zuitu lang la rae oh, Paaw, Ccapaw te Thyaa Muisaw min te baptisma la pya oh. Kaw kae pya oh paw balyn kha a zui nawlan hae la ccangpah oh; laephi she athang cia nae kya tyty ka um," cite a zuitu hae kha a hopya hae. Amen.
Na ccia vae oh ze, ‘Vaawlang peenaw tuh anae vae,’ cite thehoypaw kha la siakhae oh.
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
Te Bawipaw bya tuh Elijah kalan yn thua zah,
Pethuel ccapaw Joel kalan yn thuapaw Bawipaw bya:
Bawipaw bya tuh Jeremiah kya yn thua zah,
Hodaebya. Malakhi kyate Israel kalan Bawipaw bya tuh yn thua.Bawipaw
Bawipaw bya tuh Zekhariah kalan yn thua zah a hopaw tuh:
Te Bawipaw bya tuh Isaiah kya yn thua zah:
Bawipaw PACHIA Muisaw tuh
ka tungvaw a um,
pawccecize Bawipaw nynh
kae kha chitui yn thuh vae;
tuaasahkunaw a teing hae paw kalan
thehoypaw thuakhaepya khylan
kae hynh yn saw vae,
thinlung akoi hae paw vaemaw kha
dansah khylan, a kyng hae paw kya
luenaw kong hopya khylan te
thongccah hae paw kha
luesah khylan thuasah,
Bawipaw thawccinaw kum te
ah Pachia kya-e liarunaw nin kha
siakhae khylan thuasah,
a rah a khui hae paw kha
lungtangnaw pya khylan thuasah,
Zion kya a rah a khui hae paw kha
bawm khylan—
buhhaw hanpaw haetapawsi,
rawkhuinaw hanpaw
lungtuanaw chitui,
ngaethyanaw hanpaw
lungtuanaw boeining kha
minmin kalan pya khylan thuasah
kae kha yn saw vae.
Bawipaw nynh a phu-enaw
langsaku khylan a linpaw
dingnaw thingku cite minmin kha
ko athua cih hae.
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
Pachia bya miakaw tuh akyh;
amaw kya a rekuh hae paw hanlan
aning tuh khawriaphua nynh thua.
A bya kyakhe biachih nan,
tuhkhyhze tuh ae pe cih zah
mihynpaw na thuanaw kha
a langsakuh cih.
E ccauh kya a umpaw profehbya hae a thaepaw ccungccaw miakaw kalan kae nynh ccaekia ka khanpaw tuh: Lukhakheit nynh hynh-e uccaw hae hynh a biachih lanze, Pachia nynh tuh-e paw tungvaw kya hynh-e ccauh lungkhu azeikuhpaw shethya hae kha a biachih cih. Lukhakheit nynh hynh-e ccauh lungkhu e profehbya hae kha a lawbang lanze, hynh-e ccauh kya azeikuhpaw hiinnaw thingku kyate thuasah, athyaapaw khuapi kyate thuasah Pachia nynh a hanpaw kha a lawpah ru cih.
Khri thawccinaw liate nanning ae kotu oh paw kha arangte na vua oh zah ccangpaw thehoypaw kalan na paleihku oh paw tuh ka ngaeangthua. Ccangpaw thehoypaw um khyh; thuasalama nanning kha vawsaw ae pya oh zah Khri thehoypaw kha ahme leipaw lang a paleih rypaw ccungccaw abang a um hae. Thuasalama kaening zemah thuasah, vaawlang te yn thuapaw vaawpaw zemah thuasah nae kya kae ho vae paw thehoypaw te arawsekuhpaw thehoypaw kha a ho lanze, aning tuh thyalaw thua sah! Na kyngku vae oh paw thehoypaw te arawsekuh lante a hopaw tuh thyalaw thua sah cite langmawlya kae ho vae hawte, atu kae nynh bua ka ho.
Aening ah sungsah oh paw, ah unopaw Paul nynh mah amaw kya pya athuapaw hawnaw thyhte nae kalan phe a zei vae hawte, ah Bawipaw kya-e ngaesangnaw tuh khumnaw nynh thua cipaw la nyh oh. Aning nynh a ccaky hae balyn kya mah hynh-e uccaw hae kong hynh a la ho. A ccaky hae kya thaethya lan arupaw abang a um. Tuanaw a zya hae paw te thinlung atyn lei hae paw nynh ccangpaw Ccathyaa hae kha asuilan a mae hae hawte mimaw ronaw hanlan a maeku hae.
Pawccecize Ccathyaa kya a umpaw ngaesangnaw te thawpyanaw liate aening nynh ngaehoinaw ah hoi nawlan oh, Ccathyaa kya langmawlya e azeikuhpaw miakaw tuh aening thuiheinaw elang nynh zei athua.
Thuasalama minmin nynh a zyn khyh hae ze pawtemou a ko kho cih hae? A thae khyh hae ze pawtemou a zyn kho cih hae? Phunghotu a um khyh ze pawtemou a thae kho cih hae? Minmin kha a saw khyh hae ze pawtemou phung a ho cih hae? Ccathyaa kyaze, "Thehoypaw a hotu hae ccu tuh pawcih baban apuithya!" cite azeikuh. Thuasalama ccungccaw hae balyn nynh thehoypaw kha zui khyh hae; pawccecize Isaiah nynh, "Bawipaw, kae hopaw bya kha hum nynh mou a zyn?" cite a ho. Tukeiccuze zynnaw tuh thaenaw kyate nynh yn thua, thaenaw tuh Khri kong honaw kyate nynh yn thua.
Pawccecize kae tuh thehoypaw hanlan ka maethah khyh; pawccecize thehoypaw tuh a zynpaw ccungccaw miakaw hanlan khumnaw mue nawlan Pachia thungnaw nynh thua, masaty lan Judah hae hanlan thua zah tukoute Grik hae hanlan mah athuabua. Pawccecize, "Adingpaw ccungccaw tuh zynnaw liate nynh a hiin cih," cite azeiku hawte, tuh-e zynnaw kya nynh Pachia kya-e dingnaw tuh zynnaw kyate zynnaw kalan langsahpya athua vae.
Atu aening nynh laephi muisaw kha ah mue khyh oh, Pachia nynh aening oun pyapaw lasung hae kha ah thaethya nawlan oh, Pachia kyate yn thuapaw Muisaw kha nynh ah mue oh. E uccaw hae konglang hynh ccungccaw hawnaw nynh ccangpyapaw bya te kae ho khyh, Thyaa Muisaw nynh ccangpyapaw bya te kae ho zah, Muisaw a hoipaw ccungccaw hae kyakhe muisaw te asekuhpaw byaccing hae kha nynh kae ccaesahpya hae.
Muisaw a hoi leipaw ccungccaw nynh tuh Pachia Muisaw kya-e lasung hae kha mue khyh, pawccecize tuh-e lasung hae tuh aning hanlan ngaeenaw nynh thua. Tuh-e lasung hae tuh muisaw lante kyalya nythya athua keiccuze aning nynh nyh kho khyh.
Pawccecize laephi ccungccaw hae nynh mih hawnaw liate Pachia a ny khyh hae paw kha Pachia nynh a hawnaw te a raepaw nynh thua, tukeiccuze kaening nynh kae hopaw ngaeenaw bya liate a zynpaw ccungccaw hae tuh khumnaw a mue nawlan hae Pachia nynh a paccyn.
Pawccecize Judah hae nynh muihsahnaw hae kha a ngia hae, Grik hae nynh hawnaw kha a ccung hae. Thuasalama kaening nynh tuh vaelantung kya a khiade hae paw Khri kong kha nynh kae ho, tuh-e tuh Judah hae hanlan thykunaw thua zah Zenta hae hanlan ngaeenaw nynh thua. Thuasalama ko hae paw Judah hae te Grik hae parouh hanlan Khri tuh Pachia thungnaw te Pachia hawnaw nynh thua.
Pawccecize Khri nynh kae hynh baptisma pya khylan yn saw khyh, thehoypaw ho khylan nynh yn saw. Tuhzemah Khri a vaelantung tuh a thungnaw azo khyh nawlan, hawnaw bya te yn hosah khyh.
Thuasalama nanning tuh mohnaw kyate ngaeang lan umpaw amaw kya-e awnaw lungkhu lang ae kotu oh paw a hoynaw kha siakhae khylan popaw ccungccaw, bawi phin ranpibawi ciihan, athyaapaw minphuin, Pachia ccungccaw nynh na thua oh.