Bom ânimo

33 मै तुहुरिन्हे यी बात यहे कारणसे कनु, ताकि तुहुरिन्हे शान्ति मिले। काकरेकी तुहुरे मोरिक चेला हुइतो। संसारमे तुहुरिन्हे कर्रा बा। पर साहस करो, काकरेकी मै संसारके शासक शैतानहे जित सेकल बतुँ।"

7 काकरेकी परमेश्वर हम्रिहिन्हे डरपोँक नै बनैलाँ, बेन हुँकार आत्मा हमार मनहे बल्गर बनैथिन। हम्रिहिन्हे दोसुर जहनहे प्रेम करक लग सहायता करथाँ, और हम्रिहिन्हे अपनहे अप्निहीँ नियन्त्रण करे सेक्ना शक्ति देथाँ।

13 ख्रीष्टमे मै सक्कु चिज करे सेक्थुँ, जे महिन्हे शक्ति देहत।

27 पर येशू झत्तेहेँ ओइन्से बात बत्वैलाँ, "सँस्सा करो, यी मै हुइतुँ, ना डराऊ।"

50 जब ओइने येशूहे देख्लाँ ते ओइने सक्कु जाने घब्रागिल रहिँत। तब्बेहेँ येशू ओइन्हे कलाँ, "सँस्सा करो, यी मै हुइतुँ, ना डराऊ।"

48 येशू उ जन्नीहे कलाँ, "छाई, तुँ अपन विश्वासके कारण चोखाइल बतो, शान्तिसे जाऊ।"

6 तबेकमारे हम्रे जबफेन हिम्मत कर्थी। और हम्रे यी जन्थी कि, जबसम हम्रे शरीरमे रथी, तबसम हम्रे स्वर्गमे रहुइया प्रभुसे दूर रथी।

25 तबेकमारे संघरियो, हिम्मत करो। मै परमेश्वरमे विश्वास करथुँ, महिन्हे जसिके बतागिल बा, ठिक ओस्तेहेँ हुई।

6 महिन्हे यी बातके पक्का विश्वास बा, कि परमेश्वर जे तुहुरिन्केमेसे कौनो मजा काम सुरु करल बताँ, वहे उ कामहे उ दिन पूरा करहीँ, जोन दिन येशू ख्रीष्ट फिर्ता अइहीँ।

6 तुहुरे यहे सक्कु बातमे खुशी हुई परत, तभुन फेन अब्बे कुछ समयक लग तुहुरिन्हे बहुत मेरके दुःख सहे परी।

11 काकरेकी तुहुरिन्हे भेँटा करना मोरिक बहुत इच्छा बा ताकि मै तुहुरिन्हे कुछ आत्मिक वरदानके आशिष देहे सेकुँ, जिहिसे तुहुरिन्के विश्वास बल्गर हुई सेके। 12 मोरिक कहे खोज्लक का हो कलेसे तुहुरिन्के विश्वास बल्गर कराईक लग मै तुहुरिन्हे सहायता करे सेकुँ। और मोरिक विश्वासहे बल्गर बनाइक लग तुहुरे महिन्हे सहायता करे सेको।

16 तबेकमारे हम्रे हरेस नै खैथी। हमार बाहेरके शरीर नाश हुइती गैलेसे फेन हमार आत्मा भर दिनदिने लावा हुइती जाइत।

11 तबेकमारे तुहुरे एकदोसर जहनहे उत्साहा देऊ, और एकदोसुर जहनहे बल्गर बनाऊ, जसिके तुहुरे करत फेन बतो।

7 हे मोरिक विश्वासी भैयो, तबेकमारे हम्रे अपन कष्ट और दुःखमे फेन तुहुरिन्के बारेमे तिमोथीक थेनसे यी सुनके हौसल बती कि तुहुरे अपन विश्वासमे बल्गर बतो।