33 Nanning nynh kamaw kya daenaw na hoi nawlan oh hynh-e bya hynh kae hopya oh. Nanning nynh laephi kya vawsawnaw na tung cih oh; thuasalama nae rawhoy sah; laephi tuh ka tae vae," a ci.

9 Kae nynh kaw phe kae pya vae khaw: Na thawsaesakuh lah, na rawthungsakuh; rih nan, na bungzou nan sah; pawccecize Bawipaw na Pachia tuh na ccianaw miakaw kya na kya a um," a cipya.

25 Te Joshua nynh minmin kha, "Rih nan oh, nae bungzou nan sah; nae thawsaesakuh oh lah, nae rawthungsakuh oh; pawccecize na tuk oh paw rhaw hae balyn tungvaw kya Bawipaw nynh hynhcite a cyih cih," a cipya hae.

10 kae tuh na kya ka um keiccuze

na thinphang nan sah,

kae tuh na Pachia

ka thua keiccuze rih nan;

nang kha thawzung kae pya cih zah,

kae bawm cih, taenaw a hoipaw

ka ranglang kuih te nang kha

kae thungkhaw cih.

7 Pawccecize Pachia nynh rawthyanaw muisaw kha aening oun pya khyh, thuasalama thungnaw, sungsakunaw, te mawtemaw yhku khonaw muisaw kha nynh oun pya.

13 Thawzung yn pyatupaw Khri liate pawpaw balyn ka cyih kho.

24 Bawipaw a ngaehoikuh hae paw

nanning balyn, nae thawsae sah lah,

nae rawthung sah.

3 Kae ko nin vae ze, nae thaepah zah,

ka muisaw thawzung kha nae saesah.

1 Bawipaw tuh ka awnaw te

kae yn khumtu nynh thua;

Hum raw mou ka rih cih?

Bawipaw tuh ka hiinnaw

a rekunaw nynh thua;

Hummou ka ripah cih?

27 Thuasalama Jesu nynh minmin kha hopah kangmaw hae zah , "Nae thinphang nan sah, kamaw nynh ka thua, rih nan oh," a cipya hae.

50 Pawccecize mih balyn te amaw kha muih hae zah a rih hae. Jesu nynh bya hopah kangmaw hae zah, "Nae thinphang nan sah, kamaw nynh ka thua, rih nan oh," a cipya hae.

48 Jesu nynh, "Ka ccanung, na zynnaw nynh ae dansah vae, ngaengante la cceih ccavae," a cipya.

6 Tukeiccuze aening tuh zynkunaw ah hoi zungzae oh; hynh-e pyn inn kya ah um lya oh tuh, Bawipaw te ah sawkuh oh cipaw ah ny oh;

10 Sawpaw sah sarinaw, nin kuin lae thum nin khe ccungccaw hae kha mih inn lang a kisah hae, Bawipaw nynh David, Solomon te a ccungccaw Israel hae kya a langsahkupaw hoynaw keiccuze minmin tuh lungtua lungpawte a ki hae.

7 "Nae thawsaesakuh oh lah, nae rawthungsakuh oh. Assiria siapharan te a kya umpaw zapi hae balyn kha rih nan oh, nae bungzou nan sah; pawccecize aning kalan a pankhaepaw laeze aening kalan oun pankhaepaw tuh a thawsaehua.

10 Vawsaw tung lya

na rhawthya zetuh,

na thawzung azya.

25 Tukeiccuze uno hae, nae rawthung sah; pawccecize kae yn hopya thyhte yn cyihkuh cih cite Pachia kha ka zyn.

6 Nanning kya ahoypaw ryalaw a thotu Pachia nynh Jesu Khri Nin a thua cia tuh-e rya tuh a ccingsah cih cite zynkunaw ka hoi.

6 Nanning tuh atu lya syntawnaw aphuinphuin keiccu aho lanze sosoh nae ngaethya zemah, hynh-e kong kyahin nae lungpaw sah.

39 Miding hae kya-e khumnaw tuh

Bawipaw kyate nynh yn thua;

aning tuh vawsaw ccyh lya

mih khynnaw nynh thua.

11 Pawccecize nae thawzung tynsahnaw lanpaw muisaw lasung abang kha neethung khylan myarya kae muih ry oh. 12 Tuh-e tuh nanning te kae nynh zynnaw raveih khate thawzung ah pyaku kalang ccaw oh cipaw nynh thua.

16 Tukeiccuze kae lungthang khyh. Atolang e kae pyn tuh roh salamah, alungkhu lang e kae muisaw tuh nin kheit koute nin kheit thawsah athua.

11 Tukeiccuze na cyimae oh hawte thawzung pyakuh kalang oh lah, lu kheit te lu kheit tynsakuh oh.

7 Tukeiccuze uteno hae, riathaenaw te tuaasahkunaw kae teing lyakhe nae zynnaw nynh nanning konglang lungtangnaw oun pya.

16 Ccungccaw balyn nynh, "Bawipaw kha pachia ccangpaw beik taw lan zah, vua lan kae ci boi lan khyh! 17 Pawccecize Bawipaw kae Pachia tuh kaening te kae minpaaw hae kha seetangnaw inn, Izip ram kyate oun poukhaetu te kae mit nynh a muihnaw kya syntawnaw alepi a raetu te kae ccianaw takyhte kae thuanaw minphuin hae balyn kyate oun hiinsahtu nynh thua.

11 Bawipaw nynh a hopaw tuh: Nanning hanlan ka hoipaw paccynnaw hynh ccaerarih lan ka ny, tuh-e paccynnaw tuh nanning hanlan vawsawnaw thua leite hoynaw thua zah, ngaehoinaw a umpaw malang ccyh kha pya khylan nynh thua.