O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
तेबे परमेशरे जो कुछ बणाई राखेया था, सब तिने देखेया कि से बऊत ई अच्छा ए। तेबे साँज ऊई ओर फेर प्याग ऊई ओर ईंयाँ छठा दिन ऊईगा।
कऊँकि तूँ यहोवा तर्मी ओर पला ए;
तूँ पापी माणूंआ खे बी सिखाए आ कि तेरिया बाटा दे किंयाँ चलणा ए।
पर परमेशरो रे नेड़े रणा, येई माखे पला ए;
मैं प्रभु परमेशर आपणी शरण लणे री जगा मानी राखी;
प्रभु, मां तेरे सारे कामा रा बखाण करना।
ओ प्रभु, पला ए तेरा तन्यवाद करना;
ओ परमपरदान परमेशर, पला ए तेरे नाओं रा गुणगाण करना;
दस तारा वाल़े बाजे पाँदे, बीणा पाँदे गम्भीर आवाजा दे गाणा, प्यागा तेरी करूणा ओर सांजा तेरी सच्चाईया रा प्रचार करना।
सारंगिया साथे रागो रे मुताबिक प्यागा तेरी करूणा
ओर राती तेरी सच्चाईया रा प्रचार करना कितणा पला ए।
कऊँकि प्रभु परमेशर पला ए,
तेसरी करूणा सदा-सर्वदा ओर तेसरी सच्चाई पीढ़िया ते पीढ़िया तक बणी री रओई।
देखो, केड़ी उत्तम ओर पली गल्ल ए कि
यहोवे री प्रजा आपू बीचे मिली-जुली की रओई!
कऊँकि मैं तुसा खे खरी शिक्षा देई राखी;
मेरिया शिक्षा खे नि पुलणा।
सई बखतो पाँदे सई ज्वाब देणे ते सब खुश ओए।
ओर मोके पाँदे बोली री गल्ल कितणी खरी ओई।
ओ मेरे पाऊ तूँ सईत खा, कऊँकि से ताखे अच्छा ए,
कऊँकि से ताखे खाणे दे बऊत मीठा लगणा।
ईंयाँ ई बुद्धि बी ताखे मीठी लगणी,
जे ताखे से मिली जाओ तो अन्तो रे तिजी रा फल बी मिलणा ओर तेरी उम्मीद नि टूटणी।
बुद्धि बाओ रिया जायदाता ते अच्छी ओई, बल्कि जिऊँदे रणे वाल़ेया खे बऊत फायदेमंद ए।
जो यहोवे खे न्याल़ोए ओर तेसगे जाओए, तिना खे यहोवा खरा ए। इजी री खातर यहोवे ते उद्धार पाणे री उम्मीद राखी की, चुपचाप रणा खरा ए।
ओ माणूंआ, से माखे बताई चुकेया रा कि अच्छा क्या ए ओर यहोवा तांते ये सब छाडी की क्या चाओआ कि तूँ न्याय साथे काम करे ओर कृपा साथे प्यार राखे ओर आपणे परमेशरो साथे नम्र ऊई की चले।
ईंयां आसे देखूँए कि बिधान पवित्र ए और तिजी री आज्ञा पवित्र ए, ठीक ए और खरी ए।
और एसा दुनिया रे लोका जेड़े नि बणो, बल्कि तुसा रे मनो रा नवां ऊई जाणे ते, तुसा रा चाल-चलण बी बदलदा रओ। ताकि तुसे परमेशरो री खरी, भावती और सिद्ध इच्छा अनुभवो ते पता करदे रओ।
जो तुसा री नजरा रे खरा ए तिजी री दूजे लोक निन्दा नि करो।
सबी ते पईले आँऊ तुसा ते ये आग्रह करूँआ कि सबी लोका खे प्रार्थना करो। परमेशरो ते माँगो कि से तिना री मताद करो और तिना खे आशीष देओ। तिना री तरफा ते बचोलेपणो री प्रार्थना करो। तिना लोका खे परमेशरो रा धन्यवाद करो। राजा और सब ऊच्चे पद वाल़ेया खे इजी री खातर प्रार्थना करो कि आसे राम और चैना साथे सारी भक्तिया और सई तरके ते जीवन बिताईये। ये म्हारे उद्धारकर्ता परमेशरो खे अच्छा लगोआ और टब्बो बीया।
कऊँकि परमेशरो री बणाई री हर एक चीज खरी ए और आसे कुछ बी खाई सकूँए, पर ये कि परमेशरो खे धन्यवाद करी की खाई जाओ। कऊँकि सेयो चीजा परमेशरो रे वचने की और प्रार्थना साथे परमेशरो खे मानणे जोगी ऊई जाओईया।
कऊँकि हर एक अच्छा बरदान और हर एक खरा दान स्वर्गो तेईए और जोतिया रे पिते री तरफा ते मिलोआ। परमेशर सदा एक जेड़ा रओआ और ना ई टवांवे जेड़ा बदलोआ।
लूण अच्छा ए, पर जे लूणो रा स्वाद बिगड़ी जाओ तो से किजी साथे लूणका करना? आपू रे लूणो जेड़ा मित्रता रा स्वभाव राखो और आपू बीचे मिली-जुली की रओ।"