O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
तैखन परमेशरे ज़ैन किछ बनेवरूए थियूं, सब हेरू, त कुन हेरू, कि तैन बड़ू रोड़ूए। फिरी ड्लोझ़ भोइ फिरी झ़ेझ़ भोइ। एन्च़रां शेइयोवं दिहाड़ी भोइ।
यहोवा भलो ते सच़्च़ोए;
एल्हेरेलेइ तै पापी लोकन अपनि बत हिरालो।
पन परमेशरेरे नेड़े रानू, इन्ने मेरे लेई रोड़ूए;
मीं प्रभु परमेशर यहोवा अपनि छ़पनेरी ठार मन्नोरीए,
ज़ैस सेइं अवं तेरां सब कम्मां बियान केरी।
केत्रू रोड़ूए यहोवारू शुक्र केरनू,
हे परमप्रधान परमेशर, तेरे नंव्वेरू भजन ज़ोनू;
झ़ेझ़ां तेरो प्यार,
ते राती तेरी सच़्च़ैइअरो प्रचार केरनो,
दश तारीबाले बाज़े ते सैन्गी पुड़,
ते सितारी पुड़ रोड़ो सूर लानो रोड़ोए।
किजोकि यहोवा भलोए, तैसेरी दया हमेशारे लेई आहे,
ते तैसेरी सच़्च़ाई पीढ़ी करां पीढ़ी तगर रहचे।
हेरा, इन केत्रू भलू आहे ते रोड़ी गल्ले।
कि ढ्ला लोक एप्पु मांमेइं मिलोरे रान!
किजोकि मीं तुसन रोड़ी शिक्षा दित्तोरीए;
मेरी शिक्षा न शारा।
भलो मैन्हु जुवाब देने सेइं खुश भोते,
ते मौके पुड़ ज़ोवरी गल केत्री रोड़ी भोतीए!
हे मेरे मट्ठा तू माछ़ी खा, किजोकि तैन रोड़ूए,
ते मैछ़ेरो कश भी, किजोकि तै तेरे ऐशी मां मिट्ठो लग्गेलो।
एन्च़रां सेइं अक्ल भी तीं तेरही मिट्ठी लग्गेली;
अगर तू तैस हासिल केरस त आखरी मां तैसेरो फल भी मैल्हेलो, ते तेरी उमीद न ट्लुटेली।
अक्ल विरासती सेइं साथी रोड़ी भोतीए,
बल्के इस दुनियाई मां रानेबालां केरे लेई फैइदामन्द आहे।
ज़ैना यहोवारो इंतज़ार केरतन ते तैस कां गातन, तैन केरे लेई यहोवा भलोए।
यहोवा करां छुटकारेरी उमीद रेखतां च़ुपच़ाप रानू ठीके।
हे इन्सान, तैनी तीं सेइं ज़ोवरूए कि रोड़ू कुने; ते इसेरे अलावा यहोवा तीं करां होरू कुन चाते, कि तू न्याय सेइं कम केरस, ते दयाई सेइं प्यार रख्खस, ते अपने परमेशरे सेइं नम्रता सेइं च़लस?
एल्हेरेलेइ मूसेरो कानून पवित्रे, ते हुक्म भी पवित्र, ठीक ते रोड़ोए।
ते इस दुनियारे तरीके पुड़ न च़ला, पन परमेशर तुश्शी सोच बदलेरे ज़िरिये सेइं तुश्शो चाल चलन भी बेदलोए, ताके तुस ज़ानथ कि परमेशर तुसन करां कुन चाते, या ज़ै रोड़ू ते ज़ैन तैस पसंद एइते, ते सिद्ध आहे।
एल्हेरेलेइ ज़ैन कम तुश्शे लेई रोड़ूए ते जाइज़े, तैसेरे बारे मां होरन तुहीन केरनेरो मौको न दे।
हुनी अवं सेब्भन करां बेद्धतां इन ज़ोताईं, कि बिनती, ते प्राथना, ते दरखुवासां, सेब्भी मैन्हु केरे लेई की गान। राज़ां ते सेब्भी उच्चे पदे बालां केरा लेई प्राथना केरा, ताके तैना असन सुखे ते बगैर खतरे सेइं ज़ींने देन ते अस परमेशरेरी आराधना केरि बटतम ते होरि लोकन सेइं रोड़ो बर्ताव केरि बटम। इन इश्शे मुक्ति देनेबाले परमेशरे रोड़ू लगते ते पसंद एइते।
किजोकि परमेशरेरी बनेवरी हर चीज़ रोड़ीए। अस परमेशरेरू शुक्र केरतां सब किछ खेइ बटतम। किजोकि परमेशरेरे वचने, ते प्राथनाई सेइं शुद्ध भोते।
किजोकि हर रोड़ू वरदान, ते हर रोड़ू दान इश्शे बाजी परमेशरेरे तरफांए, ज़ैनी सैरी लौआं (यानी दिहाड़ी चाँदनी, तारे) बनेइं। परमेशर हमेशा अक्कां ज़ेरोए, तै छावरो ज़ेरो न बेदलो।
लून त रोड़ू आहे, पन अगर लूनेरो सुवाद च़ेलि गाए, त फिरी दुबारां केन्च़रे तैसेरो सुवाद वापस आनेले? तेन्च़रां तुस भी एप्पू मां लून रखा, यानी परमेशरेरो हुक्म मन्ना, त एप्पू मांमेइं मेल मिलापे सेइं राथ।"