O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
ପରମେଶ୍ୱର ନିଜେ ତିଆର୍ ମାଡ଼୍ତେ ସାରେ ଜିନିଷ୍ତିଙ୍କ୍ ଉଡ଼୍ତଣ୍ଡ୍, ମେଣ୍ଡେ ଉଡ଼ାଟ୍, ସାରେ ଗାଟି ଲେକେତ୍ । ଆସୁଟ୍ ମୁଲ୍ପୁଟ୍ ନୁ ନାର୍କକ୍ ଆସ୍ ଆରୁ ଦିନା ଆତ୍ତେ ।
ବେଲାକି ନାନ୍ ମିକିଙ୍କ୍ ସାୟେତ୍ ଶିକ୍ଷା ଇଦୁତମ୍, ନା ଆଦେଶ୍ତିଙ୍କ୍ ୱିଡ଼୍ସ୍ମାଟ୍ ।
ନିଜେତ୍ ପାୟୁର୍ତେ ଗଟିନେ ନାରୁଡ଼୍ ୱେଡ଼୍କେ ଆଦ୍ତଡ଼୍, ମେଣ୍ଡେ ସାରେ ସମୟ୍ତେ ଗଟି କେତାନାଦ୍ ବେସର୍ ସାୟେ ।
ହୋ ନା ମାର୍, ନିମେ ଉର୍ୱେ ତିନ୍, ବାତେଙ୍କ୍ଇତ୍କେ ଆଦ୍ ସାୟେ; ମେଣ୍ଡେ, ଉର୍ୱେତ୍ ନିଇଟାଟାଡ଼୍ ତିନୁଟ୍, ବେଲାନ୍କି ଆଦ୍ ମିଇ ପାୟୁର୍ତିଙ୍କ୍ ମିଙ୍ଗିତ୍ । ଜ୍ଞାନ ମିଇ ଜିଉତ୍ ସେଙ୍ଗେ ଆଦ୍ ଲେକାମ୍ ଇଞ୍ଜ୍ ମିଡ଼୍ ପୁନ୍ତିଡ଼୍; ମିଡ଼୍ ଆଦ୍ ପାହେମ୍ ଆତ୍କେ, ପୁରସ୍କାର ମାନ୍ନାଙ୍କ୍ ମିୟାଦ୍ ଆଶେ ୱେରେ ଆୟ ।
ଜ୍ଞାନ ଆନିଦାଦିଡ଼୍ ସମ୍ପତିତେ ଅଦିକାର୍ତେ ଲେକାମ୍ ସାୟେ; ମେଣ୍ଡେ ବେନଡ଼୍ ଗେଲ୍ସି ମାନ୍ଦାନ୍ ନାରୁଡ଼୍ ମାଇଦିଙ୍କ୍ ଆଦ୍ ନାର୍ଗେ ଲାବ୍ ।
ଆଦିଙ୍କ୍ ନିୟମ୍ ପବିତ୍ର ନୁ ମେଣ୍ଡେ ଅଦିନ୍ ଆଦେଶ୍ ପବିତ୍ର, ନ୍ୟାୟତାଦ୍ ନୁ ସାୟେତ୍ତାଦ୍ ।
ଇଦ୍ ଜଗତ୍ତାଦ୍ ନିତିନିୟମ୍ ଇସାପ୍ତେ ବ୍ୟବହାର୍ ମାଡ଼୍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍ ଆୟି । ଆଲାଇତ୍କେ, ଇଶ୍ୱର୍ତାଦ୍ ଇଚ୍ଛା ବାଆତେ, ଅନ୍ କଣ୍ଡେତାଗ୍ ବେନ୍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍ଦ୍ତିଡ଼୍ ।
ମିଡ଼୍ ବେନଙ୍କ୍ ସାୟେ ଇଞ୍ଜ ହେର୍କା ମାଡ଼ୁତିଡ଼୍, ଆଦିନ୍ ତଡ଼୍ ମିୟାଦ୍ ଇଜତ୍ ଆୟ୍ମାକି ।
ନାନ୍ ମୁନେନ୍ ଅନୁରଦ୍ ମାଡ଼ିତାନ୍, ଉପାସନା ମାଡ଼ାନ୍ ୱେଲେ ସାର୍ରେତଡ଼୍ ସେଙ୍ଗେ ଇଶ୍ୱର୍ତାଗ୍ ପ୍ରାର୍ତନା, ନିବେଦନ୍ ନୁ ଦନ୍ୟବାଦ୍ କେଲାଟ୍ । ଇଦେଲେକାମ୍ ଅନ୍ୟାୟ୍ତେ ଶାସନ୍ ମାଡ଼ାନଡ଼୍ ନୁ ରାଜାଲଡ଼୍ ସେଙ୍ଗେ ପ୍ରାର୍ତନା ମାଡ଼ାଟ୍, ବେଲାକି ଇଶ୍ୱର୍ତେ ବକ୍ତିତେ ଶାନ୍ତିତେ ମାନ୍ତାଡ଼୍ ନୁ ଆନ୍ୱେ ନାରୁଡ଼୍ ପ୍ରତି ସାୟେତ୍ ବ୍ୟବହାର୍ ମାଡ଼ି ସୁକାମ୍ ଶାନ୍ତିତେ ଜିୱୁଣ୍ଡ୍ ବାଦ୍କେ ପାର୍ଦ୍ତାଡ଼୍ । ଇଦ୍ ଲେକାମ୍ ପ୍ରାର୍ତନା ତ୍ରାଣକର୍ତ୍ତାଲ୍ ଇଶ୍ୱର୍ତେ କଣ୍ଡେତେ ଯଥାର୍ତ ନୁ ଗ୍ରହନ୍ ଯୋଗ୍ୟ ।
ଇଶ୍ୱର୍ ବାତେ ତିଆର୍ ମାଡ଼ିମିନ୍ଦେନ୍, ଆଦ୍ ସାରେ ସାୟେ, ଆଗାଙ୍କ୍ ବେଦିଙ୍କ୍ବା ପାସ୍କାଙ୍କ୍ ପାର୍ଦାଙ୍କ୍ ଆୟ । ଅଂକିଙ୍କ୍ ଦନ୍ୟବାଦ୍ ମାଡ଼ି ଅନାଦ୍ ସାରେ ଦାନତିଙ୍କ୍ ସାରେ କୃତଜ୍ଞା ତଡ଼୍ ଗ୍ରହନ୍ ମାଡ଼ାନ୍ ଉଚିତ୍ । ଇଶ୍ୱର୍ତେ ବାକ୍ୟ ଏର୍କେ ମାଡ଼ି ଅଂକିଙ୍କ୍ ପ୍ରାର୍ତନା ମାଡ଼ାନ୍ ଦ୍ୱାରା ସାର୍ରେ ବିଷୟ ପବିତ୍ର ଆଦ୍ତେ ।
ସାର୍ରେ ସାୟେତ୍ ଦାନ ନୁ ସାର୍ରେ ସାୟେତ୍ ଉପହାର୍ ସ୍ୱର୍ଗତେ ବାବାନାଗାଙ୍କ୍ ୱାଦ୍ତେ, ଅଣ୍ଡ୍ ସାରେ ୱେସ୍ତେ ମାବିନ୍ କର୍ତ୍ତାଲ୍ । ଅନ୍ ୱେରେନାରୁଡ଼୍ ଲେକାମ୍ ଆୟନ୍; ମାବ୍ ନିଡ଼୍କେ ମାଡ଼ି ବେସୁଙ୍କ୍ ଇକାଡ଼୍ ସୃଷ୍ଟି ମାଡ଼ଣ୍ଡ୍ ।
"ଅୱଡ଼୍ ଅଣ୍ଡ୍ ସାୟେତ୍ ଜିନିଷ୍; କିନ୍ତୁ ଅୱଡ଼୍ ଯଦି ତାନ୍ ଅୱଡ଼୍ତେ ମିଙ୍କ୍ସ୍ପାନାଦ୍ ହରାମାଡ଼ିତେ, ଆଦିଙ୍କ୍ ବେଦ୍ପୁଟୁଙ୍କ୍ ମିଙ୍କ୍ସ୍ପାଙ୍କ୍ ଆଦ୍ତେ ?"
"ମି ହୃଦୟତାଗ୍ ସାଙ୍ଗନ୍ ଲୋପେ ଅୱଡ଼୍ଇନା କାଇଲି ମାନୁଟ୍, ଆଲାଇତ୍କେ ମିଡ଼୍ଆନ୍ତେ ମାନ୍ଦ୍ପାର୍ଦ୍ତିଡ଼୍ ।"