O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Mnungu aonaga kugamba kila icho adamanyaga, chandilisaga chedi. Zuwa dyaswaga niyo kwacha. Idyo dyandaga zuwa dya mtandatu.
Kwaviya Zumbe Mnungu ni ywedi na muwagilwa,
awahiniza wata wavu zisila zo kutimila.
Mna miye ni vedi ninde hagihi na Mnungu,
Zumbe Mnungu kanda niye unyilikilo wangu,
nenibwelekeze mbuli zose udamanye!
Wila wa nt’hogola
Ni mbuli yedi ya kumtogola Zumbe Mnungu,
na kukukemela nt’hunyo weye Mnungu ywa kulanga.
Kubwelekeza mtondo lukunde lwako holukusila,
no uhuilwa wako aho nekilo,
kwa ukemi wa zeze na sindamgunda,
na maizwi dya kinubi.
Zumbe ni ywedi,
lukunde lwakwe ni lwa mazuwa yose
naho uhuwilwa wakwe haukusila.
Uwedi wo uhamwenga wa want’hu
Vandilisa vedi naho vawagilisa,
umwo wandugu wakekala hamwenga naho kwa uhamwenga.
Kwaviya nawenk’hani malagizo yedi, msekujala mahinizo yangu.
Kulava uhituzi wedi kwegala kinyemi, mbuli ikuungwa kwa lupisi lwakwe ni yedi vitendese.
Ulosi wa milongo miidi na mtandatu
Mwanangu udye uki kwaviya ni wedi, naho kivuna kina mwiile mwo mnomo, ivi nivo wili mzungu unamwiile mwo moyo wako, uneva kuupata nounde na kawiilo mwa mazuwa yakwiza, naho kawiilo dyako hedinde enga ivo wili.
Mzungu ni wedi enga ivo wili ukipe, naho ni wedi kwa wagima wose.
Zumbe Mnungu ni ywedi kwa wadya wakumhuwila na kwa wose wakuzungula wambizi wakwe.
Ni vedi mnt’hu kugojela kwa kufinyiliza, kwajili yo uyokozi wa Zumbe Mnungu.
Naho haluse, miko iyenye ikuka, naho sigilizi ikuka, naho ni ya uwagilwa naho ni yedi.
Mse kutimila zimbuli ze isi, mna, Mnungu adamanye uhituzi wa kundani mwe zifanyanyi zenyu, vileke mdahe kumanya yadya yakuungwa ni Mnungu naho ni kihi chedi naho kikumwelela naho kikint’hile.
Msekuleka kiya mkukiona kunda kint’hu chedi kwenyu kigambigwe kiha.
Malagizo mwo Kuvika
Bosi mwa yose mgambileni Mnungu yadya mkuunga, lombezeni kwa Mnungu na kuwalombezela want’hu watuhu, no kumtogola kwa mbuli ya want’hu wose, walombezeleni maseuta na wakulu wose, vileke kinde no utondowazi, na haheina vugo hamwenga na kumwogoha Mnungu no wikazi wedi. Imbuli ino ni yedi naho yazumilwa hameso ha Mnungu Mlokozi ywetu,
Kila kint’hu kiumbigwe ni Mnungu ni chedi, naho hakihali chochose kikuunga kulemezwa mna vihokelwe kwa kumtogola Mnungu, kwaviya kint’hu icho kikukizwa kwa Mbuli ya Mnungu na kwa kulombeza Mnungu.
Kila geleko dyedi na dikint’hile dyalawa kwe mbingu, na kwa Tate, muumbi ywo ung’azi wa kulanga, heekuhituka naho hana kilagiso chochose kugamba ana mahituhitu.
"Munyu ni wedi, mna munyu unabanika no utendigwe vivihi unde munyu wedi?
"Indeni na munyu wa uhamwenga mgati mwenyu, naho mwikale kwa utondowazi kila yumwenga na miyawe."