31 Aba larihin Bungiu luagu buidu lan sun le ladügübei. Ítara liñati buga lagunfulirun lisisin weyu.

8 Buidu liña Aburemei, richá ligia;

Arufudahati houn gafigountiña luagu lémeri,

28 Ánheinti au, nayarafahóuba lun Bungiu,

ladüga anihán lubuidun-ágeibei katei nun.

Buguya, Nabureme, buguya naramudaguagülebei,

nadimurehaba luagu sun katei le badügübei.

1 Nabureme Íñuguti,

buiti lichugúniwa seremei bun

luma leremuhóuniwa luagu buéirigun!

2 Ladimurehóun luagu lueirin bínsiñehabu binaafin,

luma luagu bigunfulin guñoun,

3 lau tamuri gidara,

luma lau tamuri sun tuwuyeri árüpa.

5 Ladüga buiti Aburemei;

ani magumuchaditi línsiñehabu,

liabin ligunfulin, mébehati.

1 Ariha humá ida liña lan lubuidun

lun haganóun íbirigu lidan aban hámagua!

2 Buiti sun le narufudahabei hun,

mabulieida huméi lubeiti nilurudun.

23 Ma lubuidun dan le ladarirúniwa óunabagülei le richabei;

dan létima liabin lidan dan!

13 Guraba sírudu bímeti le tídangiñeti haban maba, niráü:

Houchabéi, ariha báamugei lisemén.

14 Ítarameme luba libimen basandiruni lichú aau luma subudi;

anhein badarira, buídubei lidin bun,

ani meferidirunbei bemenigin.

11 Buítimati lichú aau houn ha awinwandubaña ya ubouagu, anhein anihein lubéi aban alagan úara luma lichú aau ligía.

25 Areidati Aburemei houn ha hemenigibaña luagu,

houn sun ha áluahabalin.

26 Buítimati wámanichun agurabaha

líderaguniwa Bungiu.

8 Arufuda laali Bungiu le buídubei bun,

luma ka lan lamuriahabei búmagiñe:

Lun badügün irichaü, lun gudemehabu ban

luma lun manaagun ban bungua ligibugiñe Bungiu.

12 Sánduti lubeiti lilurudun Bungiu lídangua, sánduti giñe sun gumadi le lídanbei, richaguati, ani buidu ligía.

2 Hebé habagaridun keisi lirahüñü ubóu le; lubaragiñe lira, sansi huméi ligaburi hisaminan, sansi láamuga giñe ligaburi habagaridun. Ítara luba hiabin lun hasubudiruni le lugundanbei Bungiu hun—le buídubei, le úaraguabei.

16 Míchiga humá lubeiti lúgaaru lun ladimurehóun wuriba luagu katei buiti le gayaraabei hadügüni keisi afiñetiña luagu Kristu.

1 Furumiñeti katei, amuriahatina lun ladügǘniwa furíeigi, ayumuraguni, rúa ligíame seremei lun Bungiu hawagu sun gürigia, 2 hawagu gumadimatiña, luma hawagu sun lúrudugu lun gayara lan wabagaridun aban ibagari darangilati, le deregewati lun Bungiu, le giñe inebewati lidan sun luwuyeri. 3 Buiti katei le, gúndaati giñe Bungiu le Wasalbaragüle lau,

4 Sun katei le ladügübei Bungiu buiti; moun lumuti wamaharun lun ni kata lídangiñe; lunti wánharun lun sun le adüga láalibei, teinki wameime luagu, 5 lugundun harumagüda lumuti lererun Bungiu, luma afurieiduni.

17 Sun buiti le ichugúbei woun, le úabei mégeiti luagu siélugiñe liabin, lúmagiñe Bungiu le adügübalin burí lilanpuna sielu. Bungiu le ligiamémebei súnwandan; úati sánsiguaü lidan, mamuñoungadun ligía.

50 Buiti salu; gama lumoun anhein leferidira lubasuan, kábagia un hu lan? Memegeiralá lubeiti salu hidan gayara láamuga haganóun lidan darangilaü húmagua».