O que é bom
O que é bom vem de Deus. A Bíblia celebra a bondade divina e nos convida a discernir, praticar e desfrutar tudo o que é bom — porque toda boa dádiva vem do Pai das luzes.
Pachia nynh a raepaw atyn-are kha myarya ahoy ccaccing cite a muih. Te zete thang zah awkhua yn thua—tuh-e tuh nin taruhnaw nin nynh thua.
Bawipaw tuh hoy zah a ding;
tukeiccuze misei hae kha
a laanpi a ccangpya hae.
Thuasalama kae ka hanlan tuh
Pachia kalan naekupaw hynh ahoy;
na ryalaw balyn kha ho khylan,
Bawipaw PACHIA kha
ka khynnaw lang ka nungku vae.
Bawipaw kalan lungtuabya hote,
Ahang Huaccepaw Pachia,
na min thehoysahnaw hlawsah tuh
myarya ahoy;
tintang, phyly te roi hoypaw kha
khuakute awkhua kya atynpaw
na sungsahnaw kha thuasah,
khuazi kya na lungzinaw kha thuasah
hopaw tuh myarya hoypaw nynh thua.
Pawccecize Bawipaw tuh ahoy;
atynpaw a sungsahnaw tuh zungzae tyn zah,
a lungzinaw tuh she takyh kya atyn.
Uno hae nynh lungngingte
pynkheihlan um tuh
pawcih baban mou hoy zah
lungrythua lan a um!
pawccecize ahoypaw
thuiheinaw kha kae pya oh,
tukeiccuze kae ccangpyanaw oh kha
vua nan oh.
Ccungccaw tuh
bya khungkupaw liate a lungtua,
ccyh dosete hopaw bya tuh
pawcih baban ahoy!
Ka ccaaw, khoitui kha niatua,
athuapaw nynh thua,
adaw kyate accawpaw khoitui tuh
na khalang kya a-epaw nynh thua.
Hawnaw tuh na hiinnaw hanlan
tuh-e hawte nynh thua cipaw nyh;
hawnaw na hoi zetuh,
na hanlan malang ccyh
ngaehoinaw a um cih zah,
na ngaehoinaw tuh roh lan khyh.
Hawnaw tuh rho hawte hoy zah,
khuanin a muih hae paw hanlan
athanepaw nynh thua.
Bawipaw tuh amaw
a ngaehoikuh hae paw te
amaw a ccung hae paw hanlan ahoy.
Bawipaw khumnaw kha
daebabi lan ngaw tuh ahoy.
Pou ccungccapaw, aning nynh
ahoypaw kha phe ae hopya vae;
dingrarih lante cyi lanpaw,
thawccinaw hoi lanpaw te
zakawsangsakute Pachia malang
hiin lanpaw kha
Bawipaw nynh nang
ae ngiapaw thua khyh tou?
Tukeiccuze Kawbya tuh athyaa, phungbya mah athyaa, ding zah ahoy.
Nanning nynh hynh-e laephi muinsanke nan oh, thuasalama ahoypaw uccaw, ry lan umpaw uccaw te accingpaw uccaw cikuh hae paw—Pachia rynaw tuh pawmou athua cipaw na thaethya nawlan oh, nae thinlung kha thawsakute muinsan rulaekuh oh.
Nae kya-e ahoypaw kha athahpaw hawte thethya la hosah nan oh.
Ngiapyanaw, sawsangpyanaw, alaku te ngiapyanaw te lungtuabya honaw kha ccungccaw balyn hanlan na raepya nawlan oh masaty lan kae ngia oh, aening nynh Pachia nyhpaw hiinnaw kya te sawtua lan umpaw hiinnaw balyn kyakhe daenaw te ah hiin kho nawlan oh te daebabipaw hiinnaw ah hoi kho nawlan oh, siapharan hae te kawhoitu hae balyn hanlan saw la sangpah oh cite kae ngia oh. Tuh-e cyisahnaw tuh aening oun Khumtu Pachia malang ahoypaw te ry lan umpaw nynh thua.
Pawccecize Pachia nynh a raepaw miakaw tuh marya ahoy; lungtuabya hote lawku lanze pawpaw mah sung lanpaw um khyh. Pawccecize pawpaw balyn tuh Pachia bya liate thuasah, sawsangnaw liate thuasah thyaasah athua.
Ahoypaw lasung miakaw te accingpaw lasung miakaw tuh aluki langte, awnaw hae mih Paaw kyate nynh oun thua hae. Amaw kya tuh rulaekunaw um khyh zah apaleihkuhpaw mynlyh cipaw um boi khyh.
Loi tuh ahoy, thuasalama loi nynh a enaw kha azo vae ze, pawtemou na esah kho ung cih? Naemaw kyakhe loi kha hoi oh, lu kheit te lu kheit daenaw te la um oh," a cipya hae.