5 Mbrə ə̂në azü ə̂në lɔsu əndje sə kə yisə̂ äwä kə əndje kɔ, əndje sə kə mbrə aərə Lïndə̂ aəgo lɔsu əndje nə; bale, azü ə̂në Âgbɔ̂ Yîrə̂ nə sə kə yisə̂ äwä kə əndje kɔ, əndje sə kə mbrə aərə Lïndə̂ ndəma Âgbɔ̂ Yîrə̂ nə. 6 Kədə əzü kə ma tə̂ ye Lïndə̂ aəgo lɔsu ye, tshə sə kə na trɔ kuzu; bale, kədə əzü kə ma tə̂ ye Lïndə̂ Âgbɔ̂ Yîrə̂, tshə sə kə na gâ tə̂ sorô də blatshe. 7 Kə mbrə tə̂ Lïndə̂ lɔsu əzü mbrə â əzü wəra tə̂ ye tə̂ Ndjapä, tshə sə sə kə mbrə ərə Lïndə̂ âgbɔ̂ əpʉ nə̂ Ndjapä nə ne, tshə lï lï ndje ndə kə pa tshə mbrə rə ne. 8 Azü ə̂në əndje sə kə mbrə tə̂ əndje Lïndə̂ lɔsu əndje kɔ, əndje lï lï ndə kə fʉ lə ala Ndjapä ne.

9 Ənə̂ e, e sə sə kə mbrə tə̂ e Lïndə̂ lɔsu e nə̂ əzü ne, bale e sə kə mbrə tə̂ e Lïndə̂ Âgbɔ̂ Yîrə̂ nə, mbrə ə̂në Âgbɔ̂ Yîrə̂ nə sə lə e. Əzü ə̂në tshə sə sə də Yîrə̂ Kristə nə ne, tshə sə sə tə əzü nə̂ ye ne.

1 Rəkɔ, kpəsəye əpʉ ngbanga sə sə kwatə̂ye lə kumu azü ə̂në əndje tɔ̂ popo Jezu Kristə gâ ye kɔ ne. 2 Mbrə ə̂në âgbɔ̂ əpʉ nə̂ Âgbɔ̂ Yîrə̂, ə̂në ə za sorô kə azü tə̂ äwä Jezu Kristə kɔ, djɔ̂ əbə* lə âgbɔ̂ əpʉ nyaka də kuzu gâ ye. 3 Ndjapä mbrə̂ ərə ə̂në âgbɔ̂ əpʉ nə̂ Mayïzə lï lï ndə kə mbrə nə ne kɔ gâ ye, mbrə ə̂në kə mɔ əzü kânga äwä tə̂ âgbɔ̂ əpʉ nə ndə kə mbrə nə: bale Ndjapä nə wlâ Ɨrɨ nə də ə̂tə̂ ye lə akwa əzü ə̂në ə sə mata akwa alayïnyaka kɔ ndə kə pa tshə djɔ əndje lə nyaka nə. Kôto səkɔ, Ndjapä nə wâ ngbanga gâ pâ nyaka nə ə̂në ə mbrə kosəra lə akwa azü nə kɔ gâ ye. 4 Ndjapä nə mbrə̂ ərə səkɔ ndə kə pa a mbrə tə̂ əzə̂ Lïndə̂ kə ma ərə də äwänə ə̂në âgbɔ̂ əpʉ nə zâ ama də nə gâ ye kɔ, əzə̂ ə̂në a mbrə tə̂ əzə̂ mbrə mandânə səye Lïndə̂ lɔsu əzə̂ ne kɔ, bale â sə kə mbrə tə̂ əzə̂ Lïndə̂ ndəma Âgbɔ̂ Yîrə̂ kɔ.

13 Mbrə ə̂në kədə e mbrə tə̂ e Lïndə̂ lɔsu e nə, e sə kə tshu nə. Bale kədə, tə̂ äwä Âgbɔ̂ Yîrə̂ nə, də̂ e wo kə mbrə tə̂ e lə akwa əzü nə gâ ye, e sə kə sə də sorô. 14 Mbrə ə̂në azü nɔ̂ ə̂në Yîrə̂ nə̂ Ndjapä nə sə kə yisə̂ äwä kə əndje kɔ sə tə aləvu Ndjapä nə.

21 Rəkɔ, mə sɔ̂tə̂ âgbɔ̂ əpʉ səye: əmə ə̂në tshelə əmə yində kə mbrə ə̂rɔ̂ ərə kɔ, əmbrʉ ərə kə sə̂ trö ndə mə mbrə nə. 22 Mâ tə̂ lɔsu əmə, âgbɔ̂ əpʉ nə̂ Ndjapä fʉ ə fʉ tə̂ əmə. 23 Bale, lə akwa əmə nɔ̂, mə sɔ̂tə̂ ə̈bə̈ ata âgbɔ̂ əpʉ ə̂në ə sə kə mbrə awlra tə̂ ənə̂ sə̂ ə̂në lɔsu əmə yində nə kɔ, â mbrə əmə tə kanga âgbɔ̂ əpʉ nyaka nə ə̂në ə sə djoko lə əmə kɔ.

5 Mbrə ə̂në, alɔ ə̂në a dâka pə kə mbrə aərə Lïndə̂ lɔsu əzə̂ leme-e kɔ, aəmbrʉ aəgo ə̂në ə ka gâ pâ âgbɔ̂ əpʉ kɔ sə̂ kə mbrə aərə lə akwa əzə̂ nɔ̂ â a sə̂ kə mbrə aərə ə̂në kuzu ə na mandâ nə kɔ.

6 Ərə ə̂në əzü kə zû kɔ sə tə əzü, â ərə ə̂në Âgbɔ̂ Yîrə̂ kə zû kɔ sə tə yîrə̂.

63 Âgbɔ̂ Yîrə̂ kə mbrə â əzü ə sə tə sorô kɔ. Əzü, lə əzü tə̂ ye, tɔ tɔ gâ tə̂ ə̈bə̈ ərə bale ne. Aəpʉ ə̂në, əmə, mə pâ kə e kɔ, ə sə tə aəpʉ nə̂ Âgbɔ̂ Yîrə̂ də aəpʉ sorô.

16 Mə pa ənə̂ əmə kə e ə pa: e kätə̂ Âgbɔ̂ Yîrə̂ tshə yisə̂ äwä kə e, kanika e mbrə ərə ə̂në tshelə əzü yində̂ nə kɔ mbrə ne.

19 Kandää, a wûsə̂ aərə ə̂në əndu əzü nə ə mbrə kɔ gâ ye: əpʉ kə ma ə̂trû, kə sə sə mvo ne, kə pra ayashe wala akoshe kpî tə̂ əwo zə wala äkɔ̈ zə, 20 kə vrɔ aamba andjapä, əpʉ ayɔ, əpʉ aawlra, akəpʉ, kə za tshelə gâ tə̂ azü, aəkɔ, kə mbrə ərə tə alayïnga azü, kə ia ətshe, kə sɔ tshelə takpa tə̂ azü, 21 kə ma əgo aərə nə̂ azü, kə ndju ə̂pî rô pâ nə, kə zɨ rəgo rô pâ nə gâ ndə alabə̈ aərə ə̂në ə sə ndje gu ndə nə rə kɔ. Mə pa kə e ətshinə gâ ye kane, mata ə̂në mə pâ ətshinə gâ ye kɔ: azü ə̂në əndje sə kə mbrə marä tə̂ aərə səke, əndje sə sə kə sɔtə̂ ətshe lə Əgɔngerə nə̂ Ndjapä ne.

24 Bale, azü ə̂në əndje sə tə azü nə̂ Jezu Kristə nə kɔ, əndje wô əndu əzü nə gâ ala masheyɔ gâ ye də aəmbrʉ aərə nɔ̂ ə̂në əzü nə ə ma əgo nə kɔ.

13 Alaye əmə, Ndjapä ê e ndə kə pa e sə yera; kʉtə̂ ərə bale, əpʉ kə sə e yera nə dö tə̂ ye dö tə ə̈bə̈ ərə kə za äwä kə e ndə kə pa e mbrə ərə ə̂në tshelə e yində nə kɔ ne. Bale, tə̂ äwä kə yi tə̂ e, e mbrə̈ tə̂ e tə alayïkosəra nə̂ angâ e lə takpa tə̂ e.

8 Əzü ə̂në tshə lu aərə ə̂në əndu əzü yində nə, tshə sə kə kɔ angwa ərə əndu əzü nə, ə̂në ə tə nə kə də̂ kuzu kɔ. Bale, əzü ə̂në tshə lu aərə mbrə Âgbɔ̂ Yîrə̂, tshə sə kə kɔ angwa ərə Âgbɔ̂ Yîrə̂ nə, ə̂në ə tə nə kə də̂ sorô nə̂ alɔnɔ̂ kɔ.

16 Mbrə ə̂në aərə nɔ̂ ə̂në ə sə pâ ashɔ kɔ: əgo lɔsu əzü, də əgo aərə ə̂në ala əzü ə wu kɔ gâ ndə kə da əkro azü ə̂në əndje da mbrə aərə ə̂në əndje sə də nə kɔ, aərə sə̂ nɔ̂ kɔ to to mâ ndə Abä ne, bale ə to kpə pâ ashɔ səye.

11 Lə Kristə nə də̂ e wâ ndje gandja ə̂në ə də̂ kəna əzü də̂ kə wâ e də nə kɔ ne. Bale, e wâ də̂ gandja ə̂në Kristə nə kə yu tshuku nə kɔ, gandja ə̂në ə djɔ e lə ərə ə̂në ə gi əzü gâ tə̂ äwä nyaka kɔ.

41 E lö lö ne, e yü Ndjapä kanika ə te te lə afrɔ ərə ne. Yîrə̂ əzü sə də əgo ndə kə ma ə̂rɔ̂ ərə, bale, əndu əzü nə sə sə də awlra ne.»

50 Alaye, əpʉ ə̂në mə sə kə pa kɔ sə rəke: tshekotə̂ ə̂në ə sə də dɔ̂ngɔ̂ də ə̈ndjï kɔ lï lï ndə kə pa ə li Əgɔngerə nə̂ Ndjapä ne, â tshekotə̂ ə̂në ə gba je kɔ lï lï ndə kə sɔtə̂ äwä kə sə tə ərə ə̂në ə ndɨ ndɨ tə̂ ərə ne kɔ ne.