A carne
A carne representa a natureza pecaminosa que milita contra o Espírito. A Bíblia ensina que os que pertencem a Cristo crucificaram a carne com suas paixões e desejos.
Carne versus Espírito
Os que são segundo a carne inclinam-se para as coisas da carne. O nascido da carne é carne; o nascido do Espírito é Espírito.
किल्हैकि ज़ुंण मणछ देहीए पापी सभाबे बशै आसा सह सोठा पाप करनै आल़ी गल्ला, पर ज़ुंण पबित्र आत्में बशै रहा, सह सोठा तिन्नां गल्ला ज़ेता करै पबित्र आत्मां खुश हआ। देहीए पापी सभाबा दी मन्न लाणअ ता आसा मौत, पर आत्मां दी मन्न लाणअ आसा सदा लै ज़िन्दगी अर शांती।
किल्हैकि देहीए पापी सभाबा दी मन्न लाणअ आसा परमेशरा संघै ज़ीद डाहणीं किल्हैकि देहीओ पापी सभाब नां परमेशरे बधाने डरा हेठै आथी अर नां सह तेऊए बधाना मनी सकदअ। ज़ुंण देहीए पापी सभाबे बशै आसा, तिंयां निं परमेशरा खुश करी सकदै।
पर ज़ै तम्हां दी परमेशरो आत्मां बस्सा, तै निं तम्हैं देहीए पापी सभाबे बशै आथी पर तम्हैं आसा पबित्र आत्में बशै। ज़ै कहा दी मसीहे आत्मां नांईं आथी, तै निं सह मसीहो आथी।
ऐबै ज़ुंण ईशू मसीहा दी विश्वास करा तिन्नां लै निं सज़ा हणीं। तिंयां निं देहीए साबै ज़िन्दगी काटदै पर तिंयां ज़िऊआ पबित्र आत्में साबै ज़िन्दगी। पबित्र आत्मां दैणीं तम्हां लै ज़िन्दगी ज़ुंण मसीहा ईशू करै भेटा अर तेता करनै तम्हैं पाप अर मौता का आज़ाद।
किल्हैकि ज़ुंण काम मोसा गूरो बधान म्हारै पापी सभाबा करै नांईं करी सकअ, सह काम किअ परमेशरै, मतलब तेऊ छ़ाडअ आपणअ पूत एऊ संसारै ताकि सह म्हारै पाप दूर करी सके। तेऊ धरी एही देही ज़ेही देही हाम्हां पापी मणछा का आसा। सह आअ म्हारै पापा लै बल़ीदान हणें तैणीं। ज़ांऊं तेऊ इहअ किअ, तेऊ रहैऊअ कि म्हारै पाप आसा असली दी हाम्हां बरैबाद करनै आल़ै अर ज़ुंण बी पाप करा तेऊ लै भेटणीं सज़ा। परमेशरै किअ अह एते तैणीं कि हाम्हैं बधाने बिधी देहीए पापी सभाबे साबै नां करे पर हाम्हैं पबित्र आत्में साबै पूरी करे।
शूणां, ज़ै तम्हैं ऐहा आपणीं देहीए पापी सभाबे साबै ज़िन्दगी काटे, तम्हैं हणैं परमेशरा का दूर, पर ज़ै तम्हैं पबित्र आत्में शगती करै आपणीं देहीए पापी सभाबा मारी पाए, तै रहणैं तम्हैं ज़िऊंदै। तैही ज़ेतरै बी लोग परमेशरे आत्में साबै ज़िन्दगी काटा, तिंयां ई आसा परमेशरे लुआद।
मंऐं शिखल़ी आपणीं ज़िन्दगी का अह गल्ल कि ज़ेभै बी हुंह भलअ करनअ च़ाहा मेरै भलै हआ तेभै बूरअ ई।
किल्हैकि दिला का, रहा हुंह परमेशरे बधाना करै खुश, पर मुंह भितरी आसा एक होर शगती ज़ुंण मेरी अक्ल डाही जुध करा। अह शगती बणाआं मुंह पापे गलाम ज़ुंण मुंह भितरी आसा।
ज़धू हाम्हैं आपणीं बूरी सोठे साबै काम करा तै अर ज़धू हाम्हैं बधान मना तै, हाम्हैं च़ाहा तै होर बी खास्सअ पाप करनअ। हाम्हैं किई सह बूराई ज़ेता करै हाम्हैं परमेशरा का सदा लै दूर हुऐ तै।
इहअ करै कि ज़ुंण देही का निखल़अ सह आसा देही, अर ज़ुंण पबित्र आत्मां का ज़ल्मअ, सह आसा आत्मां।
"आत्मां आसा ज़िन्दगी दैणैं आल़ी, देही करै निं कोई फाईदअ, ज़ुंण गल्ला मंऐं तम्हां का बोली तिंयां आसा आत्मां बी अर ज़िन्दगी बी।
Vencer a carne
Andai no Espírito e não cumprireis os desejos da carne. Os que são de Cristo crucificaram a carne com suas paixões.
पर हुंह बोला तम्हां लै इहअ कि पबित्र आत्में साबै काटणी आपणीं ज़िन्दगी। तै निं तम्हां तिंयां बूरी गल्ला करनी ज़ुंण थारअ पापी सभाब च़ाहा करनअ।
अह गल्ल आसा सोभी का शुझदी कि पापी सभाब किज़ै च़ाहा करनअ, मतलब कंज़रैई ज़िहै छ़ोतलै अर च़िल़्हखरै काम, मुहुर्ती पूज़ा, ज़ादू मत्र, ज़ीद, झ़गल़ै, होरीए च़िज़ो मांण, रोश्श, बरोध, फूट, कल़बिश, होरीए च़िज़ा आप्पू लै च़ाहणीं, शराबी हणअ। इना ज़िहै आसा कई च़िल़्हखरै काम, इने इहै कामें बारै दैआ हुंह तम्हां लै चतैनगी ज़िहै मंऐं तम्हैं पैहलै बी किऐ तै चतैन कि इहै-इहै कामां करनै आल़ै निं परमेशरे राज़ा दी बरासते हकदार हणैं।
आजू लै आसा इहअ कि ज़ुंण मसीहा ईशूए आसा, तिंयां निं तिन्नां पापी सभाबे कामां ऐबै करी सकदै ज़ेता करनैओ हाम्हां पैहलै च़ाअ लागा त। किल्हैकि ईंयां कदुष्ट काम आसा हाम्हैं क्रूसा दी छ़ड़ाऊई करै मारी हेरै दै!
ए भाईओ, तम्हैं आसा परमेशरै आज़ाद हणां लै शादै दै अर ऐबै निं तम्हां मोसा गूरे बधाने गलामी दी रहणें ज़रुरत आथी, पर इहअ निं सोठा कि तम्हैं आसा देहीए पापी सभाबे साबै काम करना लै आज़ाद। एकी-दुजै संघै करा झ़ूरी अर च़ाकरी तम्हैं आसा एता करना लै आज़ाद।
किल्हैकि ज़ुंण मणछ आपणैं पापी सभाबे साबै काम करा तेऊ का शुझणीं कि तेता करै आई तेऊ लै मौत। पर ज़ुंण पबित्र आत्में साबै काम करे तेऊ का शुझणअ कि पबित्र आत्मां दैनी तेऊ लै सदा रहणैं आल़ी ज़िन्दगी।
किल्हैकि ज़ुंण बी संसारै बूरी गल्ला आसा तिंयां निं म्हारै बाब परमेशरा बाखा आथी, पर तिंयां आसा संसारा बाखा ज़हा कामां करनैओ अर भाल़णेंओ तिन्नां च़ाअ लागा अर ज़ेऊ साबै ज़िऊंणेंओ तिन्नां घमंड आसा।
ज़ेभै तम्हैं मसीहा दी विश्वास किअ, थारअ खतैर निं मणछे हाथै हुअ ज़िहै यहूदी करा पर थारअ खतैर हुअ मसीहा करै, ज़ुंण थारै पाप करनैओ सभाब पाआ काटी।
बिहुदै रहा अर प्राथणां करदै रहा लागी ताकि तम्हैं खरी दी पल़ी पाप नां करे। थारअ शाह ता बोला पर देही आसा कमज़ोर।"
भाईओ, म्हारी पृथूईए देही आसा हाड-मास्सा करै बणाईं दी, हाम्हैं निं ऐहा देही संघै परमेशरे राज़ा दी बझ़ी सकदै ज़ुंण स्वर्गै आसा। हाम्हैं निं स्वर्गै आपणीं ऐहा देही संघै बझ़ी सकदै ज़ुंण मरी सका, किल्हैकि तिधी निं मौत आथी।