Casal
O casal cristão é parceria abençoada por Deus. Juntos são mais fortes. O amor mutual, a paciência e a submissão ao Senhor são os pilares do casamento que honra a Deus.
Unidos em Cristo
Eu e minha casa serviremos ao Senhor. O vínculo perfeito é o amor que tudo suporta e tudo espera.
ओर जे यहोवे री सेवा करनी तुसा खे बुरी लगो, तो आज चूणी लो कि केसरी सेवा करोगे, चाए तिना देवतेया री जिना री तुसा रे बुजुर्ग फरात नदिया रिया पच्छमा रिया जगा दे करो थे ओर चाए एमोरिया रे देवतेया री सेवा करो जिना रे देशो रे तुसे रओए, पर मां आपणे टब्बरो समेत सदा यहोवे री ई सेवा करनी।
प्यार सब्रखोर ए और कृपा करने वाल़ा ए। प्यार जल़न नि करदा, प्यार आपणी तारीफ नि करदा और कमण्ड नि करदा। प्यार अनुचित रीतिया ते नि चलदा, से आपणी पलाई नि चांदा, प्यारो रे चट गुस्सा नि आऊँदा, बुरा नि मानदा। प्यार कुकर्मो ते खुश नि ऊँदा, पर सच्चो ते खुश ओआ। प्यार सारिया गल्ला सईन करी लओआ, सारिया गल्ला रा विश्वास करोआ, सबी गल्ला री उम्मीद राखोआ, सबी गल्ला रे सब्र राखोआ।
और इना सबी पाँदे, प्यारो खे जो सिद्धता रा कटिबन्द ए बानी लो। शान्ति जो मसीह देओआ तुसा रे दिलो रे राज्य करो। एड़ी शान्तिया खे तुसे एक शरीर ऊई की बुलाई बी राखे। तुसे सदा धन्यवादी बणे रे रओ। मसीह रे वचनो खे आपणे दिलो रे बऊत जादा बसणे देओ। सिद्ध ज्ञानो समेत एकी-दूजे खे सिखाओ और चिताओ। आपणे-आपणे मनो रे धन्यावादो साथे परमेशरो खे पजन, स्तुतिगान और आत्मिक गीत गाओ। और वचनो ते और कामो ते जो कुछ बी करो, सब प्रभु यीशुए रे नाओं ते करो और तेस साथे परमेशर पिते रा धन्यवाद करो।
और इना सबी पाँदे, प्यारो खे जो सिद्धता रा कटिबन्द ए बानी लो।
खबरदार! कोई केसी साथे बुराईया रे बदले बुराई नि करो, पर सदा पलाई (भलाई) करने रे आगे रओ, आपू बीचे और सबी साथे बी सदा पलाईया रे काम करने री कोशिश करो।
तो एबे सेयो, दो नि पर एक तन ए। इजी री खातर, जो परमेशरे जोड़ी राखेया, तिना खे माणूं लग नि करो।"
इजी री खातर जो परमेशरे जोड़ी राखे, तो लाड़ा-लाड़ी आपू बीचे एकी-दूजे खे नि छाडो।"
O projeto divino
Não é bom que o homem esteja só. Dois são melhores do que um — e o cordão de três dobras não se rompe facilmente.
तेबे परमेशर यहोवा बोलेया, "आदमिए रा कल्ला रणा ठीक निए, तेसखे मां एड़ा जोड़ीदार बनाणा, जेस साथे से मेल खाओ।"
इजी बजअ ते मर्द आपणे माए-बाओ खे छाडी की आपणियां लाड़िया साथे मिलेया रा रणा ओर सेयो एक तन बणे रे रणे।
इजी बजअ ते मर्द आपणे माए-बाओ खे छाडी की आपणियां लाड़िया साथे मिलेया रा रणा ओर सेयो एक तन बणे रे रणे। आदमी ओर तेसरी लाड़ी दोनो नांगे थे, पर तिना खे शर्म नि आओ थी।
फेर परमेशरे बोलेया, "आसे माणूंआ खे आपणे रूपो रे मुताबिक, आपू जेड़ा बणाईए, ताकि सेयो समुद्रो री मछलिया पाँदे, सर्गो रे पंछिया पाँदे, करेलू डांगरा, ओर बणो रे जानवरा पाँदे, सारी तरतिया पाँदे ओर सारी तरतिया पाँदे लूरने वाल़े जन्तुआ पाँदे अक्क राखो।" तेबे परमेशरे माणूं आपणे रूपो रे मुताबिक बणाया। आपणे ई रूपो रे मुताबिक परमेशरे से बणाया। तिने मर्द ओर जवाणस करी की सेयो माणूं बणाए। ओर परमेशरे तिना खे आशीष देंदे ऊए बोलेया, "फल़़ो-फूलो ओर तरतिया रे परी जाओ ओर तरतिया खे आपणे वशो रे करी लो ओर समुद्रो रिया मछलिया, सर्गो रे पंछी ओर तरतिया पाँदे सारे लूरने वाल़े जन्तुआ पाँदे अक्क राखो।"
ओर तुसे लोक तो बच्चे पैदा करी की फूलो-फल़़ो ओर बढ़ी जाओ ओर तरतिया पाँदे बऊत जादा परी जाओ।"
कले रणे ते दो माणूं साथे रणे अच्छे ए, कऊँकि सेयो एकी दूजे री मताद करी सकोए सफल ऊणे रिया तँईं।
पक्का यहोवे ई तुसे कट्ठे जोड़ी राखे। तुसा री आत्मा ओर तुसा रा शरीर तेसरे ई ए। इजी री खातर से तुसा ते परमेशरो ते प्यार करने वाल़ी ल्वाद चाओआ। इजी री खातर तुसे सब आपणी-आपणी लाड़िया साथे वफादार बणे दे रओ। जेसा साथे तुसे जवानिया दे ब्या कित्तेया था।
Amor conjugal
Maridos, amai vossas mulheres. A mulher virtuosa é achada de Deus. Cresçam juntos em graça e verdade.
ओ लाड़ेयो! आपणी-आपणी लाड़िया साथे प्यार राखो, जेड़ा मसीहे बी मण्डल़िया साथे प्यार करी की आपणे आपू खे मण्डल़िया खे देईता।
ईंयां ई लाड़ा आपणी-आपणी लाड़िया साथे आपणे शरीरो जेड़ा प्यार राखो, जो आपणी लाड़िया खे प्यार करोआ, से आपू साथे प्यार करोआ। कऊँकि कोई बी आपणे शरीरो ते बैर नि राखदा, बल्कि तिजी रा पालण-पोषण करोआ, जेड़ा मसीह बी मण्डल़िया साथे करोआ।
जेड़ा कि पवित्र शास्त्र बोलोआ, "इजी बजअ ते मर्द आपणे माए-बाओ छाडी की आपणी लाड़िया साथे मिले रा रणा और सेयो दोनो एक तन ऊणे।"
सब प्रकारा री कड़वाहट, प्रकोप, रोष, क्ल़ेश, निन्दा और सब बैरभाव तुसा ते दूर ऊई जाओ। एकी दूजे-पाँदे कृपा करने वाल़े और दयालु बणो। जिंयाँ परमेशरे मसीह रे तुसा रे पाप माफ कित्ते, तिंयाँ ई तुसे बी एकी-दूजे रे पाप माफ करो।
इजी बजअ ते चूठ बोलणा छाडी की हर एक, आपणे साथी विश्वासिया ते सच्च बोलो, कऊँकि आसे एक ई शरीरो रे अंग ए। जे तुसा खे रोष आई जाओ तो एसा गल्ला रा त्यान राखो कि तुसे रोषो रे पाप नि करो। सूरज डूबणे तक तुसा रा रोष नि रओ और ना ई शैतानो खे मौका देओ। चोरी करने वाल़ा दुबारा चोरी नि करो, बल्कि खरे काम करने रे आपणे आथो साथे मईणत करो, ताकि जेसखे जरूरत ओ, तेसखे देणे खे तेसगे कुछ ओ।
कोई गन्दी गल्ल तुसा रे मुंओ ते नि निकल़ो, पर जरूरता रे मुताबिक सेई निकल़ो, जो ओरी रिया तरक्किया खे पला ए, ताकि तिजी ते सुणने वाल़ेया पाँदे कृपा ओ। परमेशरो रे पवित्र आत्मा खे आपणे बुरे चाल-चलणो ते दु:ख नि देओ, जेतेरे जरिए तुसा खे छुटकारे रे दिनो खे छाप देई राखी। सब प्रकारा री कड़वाहट, प्रकोप, रोष, क्ल़ेश, निन्दा और सब बैरभाव तुसा ते दूर ऊई जाओ। एकी दूजे-पाँदे कृपा करने वाल़े और दयालु बणो। जिंयाँ परमेशरे मसीह रे तुसा रे पाप माफ कित्ते, तिंयाँ ई तुसे बी एकी-दूजे रे पाप माफ करो।
जिने जवाणस ब्यायी ली, तिने किमती चीज पाई ली,
ओर यहोवे री आशीष तेस पाँदे ऊई री।
आपणे फाईदे या कमण्डो ते कुछ नि करो, पर दीनता ते एकी-दूजे रा आपू ते जादा त्यान राखो। हर एक आपणे ई पलाईया री नि, बल्कि दूजे री पलाईया री बी चिन्ता करेया करो।
कऊँकि तुसे सब तेस यीशु मसीह पाँदे विश्वास करने रे जरिए परमेशरो री ल्वाद ए। और तुसा बीचा ते जितणेया यीशु मसीह रा बपतिस्मा लया, तिने मसीह पईनी ला रा। यीशु मसीह रे विश्वास करने ते तुसे सब एक जेड़े बणी गे रे, चाए कोई यहूदी ए या दूजी जाति, चाए कोई दास ए या आजाद, चाए कोई मर्द ए या जवाणस सब यीशु मसीह रे एक ए
ब्या सबी लोका रे आदरो री गल्ल समजी जाओ और एस रिश्ते दे दोनो आपू बीचे निष्कलंक रओ, कऊँकि परमेशरो व्याभिचारिया रा और गन्दे काम करने वाल़ेया रा न्याय करना।
अविश्वासिया साथे लग जुँगड़े रे नि जुड़ो, कऊँकि धार्मिकता और पापो रा क्या मेल-जोल? या जोति और न्हेरे री किंयाँ दोस्ती ऊई सकोई?
तेबे बी प्रभुए रे ना तो जवाणस बिना मर्दो ते और ना मर्द बिना जवाणसा ते ए।