Casal
O casal cristão é parceria abençoada por Deus. Juntos são mais fortes. O amor mutual, a paciência e a submissão ao Senhor são os pilares do casamento que honra a Deus.
Unidos em Cristo
Eu e minha casa serviremos ao Senhor. O vínculo perfeito é o amor que tudo suporta e tudo espera.
Nono deno muduno ikne ikne tenamga pame diga i, ene prio! Nono yoba ta deno muduno tomun, nono tabre deno kubro tekre, ye ere wakai ere tenamga. Ama taragl wakai ta yoba i morabara plau dinan, nono ama kide pre tekre, wakai pramga. Te, nono yoba deno muduno tomun, no nono keme wakai muniwedi prikre, kagno ake mitna edekramga. Yegl ersre, te nono ama yoba i mabuno kide ere tekramga. Te, no nono keme wakai moramnedi prikre, yoba i ama wakai moraiglmedi pramga. Te, yoba deno muduno tomun, ye nono ere kide ere noraiglkwa ba nono deno kubro tekre, ere kide ere noraiglkwa i ta pre moglkramga. Te, nono yoba deno muduno tomun, ye mabuno kide eribi, nono gun yeikre, mabuno kaima pamere eraiglkwa i keme gun yenamga. Nono yoba deno muduno tomga yoba i ta yubun noribi, nono yage sikre, deno muduno te pai moramga. Yegl ersre, te, God ye nono agroma abaroma i nomano mina kogon erabedi pre pai moglsre, nomane wakai inaiglmedi sugl mogl, agroma abaroma i ta kide kodokramga.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Ene nomano ya deno muduno bogl mudu Krais sugl morabedi teo. Tebi, Krais deno muduno wida di padigl tenabuka. Ene God ogo nagie swara meglkwa i, mem swara i pre ene agle dugwa. Te, ene ege ege God di wakai yei te pai molo.
Te, Krais kamo ene nomano ya deno muduno mina kau sinan, ene mogl pai eraiglmara u ta enabuka. Tebi, nomane wakai tenabara i mina ene ikne ikne God kamo duglo boramnedi si gi dio. Ene yegl ersre, te, giglage kane kane mina ene deno muduno bogl God di wakai yei teo. Giglage tau Buk Giglage mina paugwa i ene didre, kaima tau okna digwa i, didre, te, giglage tau Mudu Murubuglo ene nomane tenabere ama ene bekidre, dio.
Te, ene ka siragl mere dinaiglkwa mo kogon siragl mere ta eraiglkwa i, ene Yaglno Kade Jisas yobama munedi prisre, yomere pamere keme mudu erio. Te, Krais kogon erumara i mina ene Neno Kade God di wakai yei te molo.
Te, ene mabuno swara ta eraiglkwa podo paugwa i, ene deno muduno te ikne ikne edenaiglkwa paugwa. I siragl pre ene deno muduno ikne ikne tebi, ene deno muduno swara yedre, akie wakai moraiglkwa.
Yoba ta ene ere kide ere tebi, ene mabuno kide ta ere ikne ede tekrio. Ene mabuno ta eribi, agroma abaroma tau wakai moraiglkwa i, ene mabuno i keme ere ikne ikne edidre, yoba meda meglkwa i ama mabuno yegl ere teo.
Yegl paugwa pre ye suo moglkre, yoba swara mere yegl miurka. Yegl pre God taragl ta ere i swara edenabuka i, yoba ta ere i pere pere edekraiglmiwe dugwa.
Yegl paugwa pre God taragl ta ere i swara edenabuka i, yoba ta ere i pere pere edekraiglmiwe dugwa.
O projeto divino
Não é bom que o homem esteja só. Dois são melhores do que um — e o cordão de três dobras não se rompe facilmente.
Ana Yawe God ere mogl, yegl dugwa, Yagl yene swara moglkwa kuno erekrukwa pre na yoba kunamo ta ye ake ple dinabuka ama bekenagle dugwa.
Ana mabuno yegl paugwa pre yagl nem mam kide kodidre, ye ebie bogl si dakagl morabrika. Miur, ogono nagino swara kaima mere yegl paugwa.
Ana mabuno yegl paugwa pre yagl nem mam kide kodidre, ye ebie bogl si dakagl morabrika. Miur, ogono nagino swara kaima mere yegl paugwa. Ana yagl abu suo ikra kugugl gagl edekre, yokoko miurka. Yokoko miurka ba agai goglkribrika.
Ana God ere mogl, yegl dugwa, Nono yoba beke yenamniwe dugwa. Yoba nono munere moraiglmedi beke yenamga. Beke yomun, ye dumo makan mudu ya taragl pra pra makan mina wan meglkwa i, bitno mere mogl, sugl moraiglkwa. Ye buglo bagle ki sugl moglsre, kua ki sugl moglsre, agl bugla ya taragl pra pra makan mina wan meglkwa i ama sugl moglsre, yegl eraiglmiwe di, yegl dugwa. Ana God yoba beke yogwa. Yene moglmere moraiglmedi beke yogwa. Yagl ya abu beke yogwa.
God yoba beke yedre, ogo kade ake mina ede, di wakai yei togwa, Ene gak mere kide kuglsro! Mere kide kiur, yoba mere meglbi, ene yoba dumo pere pere pi mogl, dumo makan mudu sugl moraiglkwa. Ana buglo bagle ya te, kua ya te, taragl pra pra makan mina wan meglkwa i, na ene yoba ye bitno mere yegl ediga. Ene ye bitno mere mogl, sugl moraiglmiwe di, yegl dugwa.
Ana, na ene okna kana di teigra, ene gak mere kide kulo! Mere kide kiglbi, ene yoba mere mogl, ede pi dumo pere pere moraiglmiwe di, yegl dugwa.
Amor conjugal
Maridos, amai vossas mulheres. A mulher virtuosa é achada de Deus. Cresçam juntos em graça e verdade.
Te, ene yagl meglkwa i, ene ebinoma deno muduno teo. God Kere Yugwa Yagl yugobunomo mina nono suna munga i, ye okna dem muduo norsre, nono ere inagledi goglmere yegl, ene ebinoma deno muduno yegl tenaiglkwa pre diga.
Ana Jisas nono dem muduo podo norsre, nono pre goglmere mere yegl, ene yagl ama ebinoma deno muduno tenaiglkwa pre diga. Te, ene enene ogono nagino ere wakai erimere yegl, ebinoma ere wakai ere teo. Ene ebino bogl swara kaima meglkwa pre yoba ye ebinoma ere wakai ere teigwa i, ye yene ama ere wakai ere teigwa. I siragl pre yoba yene ogono nagino ere kide erekrikwa. Ta manugwa. Ye ogono nagino ere wakai ere, kaya mokna tedre, yegl erikwa. Kuno yegl mere ene ebinoma ere wakai ere teo.
Ana yoba yene ogono nagino ere wakai erimere kuno yegl mere God Kere Yugwa Yagl yugobunomo mina munga i, nono ye ogo nagie mere yegl munga pre ye nono ama yegl mere ere wakai ere noro moglkwa.
Yegl erukwa pre okna ibo God kamo mina yegl dugwa,
Yagl ye nem mam kide kodidre, ebie bogl si dakagl morabrika.
Miur, ogono nagino swara kaima mere yegl pamiwe
di, yegl dugwa.
Te, ene yoba kide pre teigwa mabuno i, ene kide kodio. Ene deno kubro, yoba deno bogl tedre, kigl nonga digwa i kide kodidre, ama ene yoba kenaglno sigwa ya ene mabuno siragl mere ere, yoba ere kide ere tenamnedi erikwa i, kide kodio. Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
Ana God ene deno muduno kor padigl togwa pre ene ka kibi digwa mabuno i, kide kodio. Nono erme yugobuno swara munga i, ka kaima keme di ikne ikne edinamga. Te, ene ege tau deno kubraiglkwa ba ene deno kubraiglmara i, tadaglme erekre, tabre kide kodinaiglkwa. Ene deno kubraiglkwa i pai mogl enan, ade beinan, kide panabuka. Ene Satan agai tekrio. Te, ene tau yoba taraglno kunogl neigwa i, mabuno i kide kodo, enene ogono wagle kogon ere yagl, i neo. Ene kogon eribi, ene enene si nedre, te, yoba ta kaya mokna mo ki ta yeikrabuka i, ama ene ake ple dinaiglkwa kuno erabuka.
Ana ene ka dinaiglkwa i, ka kide ya ka tewe ki dikrio. Ene ka yomere pamere didre, te, ene ka siragl mere dibi, yoba ake ple di tenan, wakai moraiglkwa i keme dio. God ene okuo agre i ede enagledi Mudu Murubuglo muno gane mere yegl ene ere padigl togo, ene meglmara suna moglkwa i, ene ye kide prabedi erekrio. Te, ene yoba kide pre teigwa mabuno i, ene kide kodio. Ene deno kubro, yoba deno bogl tedre, kigl nonga digwa i kide kodidre, ama ene yoba kenaglno sigwa ya ene mabuno siragl mere ere, yoba ere kide ere tenamnedi erikwa i, kide kodio. Ene mabuno yegl kide kodidre, yoba deno muduno tedre, enene ikne ikne ere wakai erio. Te, God komono kana ere mogl, ye Kere Yugwa Yagl kogon erumara i mina ene tadaglmeno gugl ede tomere kuno yegl mere, yoba ta ene ere kide ere tenabuka i, ene ake moglkre, ere ede teo.
Ene swara swarade moraiglmara i, ene enene we di prikre, te ene kagno kade inamnedi pre taragl swara kaima ta erekrio. Ene yegl ta erekre, enene pre i atne edidre, agroma abaroma tau moraiglkwa i pre i mitna edio. Te, ene enene keme wakai moramnedi prikre, agroma abaroma tau i ama wakai moraiglmedi prio.
I siragl pre ene Krais Jisas pre mediglmara i mina ene God gagiglma mogl kodigwa.
Ene prio! Yoba ede nigl atne eimere mere ene Krais moglmara ede atne pi kodigwa. Te, yoba kugugl gagl edimere mere yegl, ene Krais kugugl gagl mere yegl edigwa. Yegl pre God ene okna meglmere meglmedi kankrukwa. Okna ene tau Juda yoba meglko, tau Grik yoba meglkwa. Te, ene tau kane padre, yoba kogono eriko, tau yoko meglkwa. Te, yagl tau meglko, abu meglko, erukwa. Ba erme God ene yegl mere meglmedi kankrukwa. Ene u swara pi Krais Jisas yobama meglmedi kanugwa.
Yagl abu bogl inaiglkwa mabuno pre mitna edio. Te marit ere kide ere dinamnedi kunogl nekrio. I siragl pre kumugl abai mo yagl abu ta ye yagl abu pere bogl kunogl nenaiglkwa i, God ye ka tage tenabuka.
Nono God yugumo mere yegl munga
Ana ene yoba ta pre mediglkrikwa i bogl tap sidre, akie si dakagl moglkrio. I siragl pre mabuno du ya mabuno kide u swara enabrika i, kuno ta erekrukwa. Te, abuglage ya mim ama si dakagl moglkrabrika.
Na yagl ye ebinoma bitno meglkwa pre ebinoma mogl atne edenaiglkwa pame diga ba nono ama pre pogl sinamga. Nono yagl ya abu munga i, Yagl Kade gumuglo mina kuno munga. Yagl yene swara meglbi, kuno erekrabuka. Te, abu yene swara moraiglkwa ama kuno erekrabuka.