Casal

4 Ludo guna moyonlefu kakale guna bunhu, ludo aguna fupa kene kuzwikudza, 5 agutohaya mazwibhato. Ludo agutozwihakila yago zila, agutogwadzisiwa moyo kakale gotjimbidza kangan’wa tjinyigwa, 6 agutohanhila tjakaleleka, koga gohanhila tjaakalulama. 7 Ludo agutonyala moyo muzwinhu zose, gogalamoyo zwinhu zose, gogalabgwe zwinhu zose, gosimidzila muzwinhu zose.

14 Pehhugwi kwako kose ikoku ibani neludo, gunoba igo gunohanganya kose mukubhatana kwakapelela. 15 Bvumilani kunyalala kwaKhirisitu kulawule mumimoyo yenyu, ngobe makadanigwa mumbili un’ompela, kakale galani muboka. 16 Bvumilani dama laKhirisitu kuti ligale mumuli nebunji gwalo, mudiyane kakale mutambunudzane mubutjenjebvu gose, kakale mumbe njimbo nenjimbo dzinolumbidza Ndzimu nenjimbo dzemeya, muboka Ndzimu mumimoyo yenyu. 17 Kakale tjimwe netjimwe tjamunothama, kungaba mukulebeleka kene muzwiyeto, mukuthame kose muzina laHe Yesu, muboka Ndzimu Tate muwunli.

14 Pehhugwi kwako kose ikoku ibani neludo, gunoba igo gunohanganya kose mukubhatana kwakapelela.

15 Mube nelebeswa kuti akuna unobgwilizila tjibi netjibi, koga muzwipile gala muyetilana tjakanaka umwe kuwumwe, nekubanhu bose.

6 Abatjibabili, koga batjiba nyama in’ompela. Ndizo ke tjabhatshanyiwa neNdzimu, ngakusibe nenhu unotjipalalanya."

9 Tjabhatshanyiwa neNdzimu, kusibe nenhu unotjipalalanya."

25 Balume, idani bafumakadzi benyu, saKhirisitu akada gubungano akapila butjilo gugwe ngentha yalo,

28 Ndizo ke balume bakafanila da bafumakadzi babo semibili yabo. Iwhoyo unoda mfumakadzi uwe unozwida iye tjekukwe. 29 Ngobe akuna nhu unohema mbili uwe, koga unowumpa zodliwa akawuntjengeta, saKhirisitu ethama kugubungano,

31 ✝"Nentha yayikoku nlume unowhosiya tatayi namayi akanamatilana nemfumakadzi uwe, bubili gwabo banowhoba nyama in’ompela."

31 Hungu yose nebuhongola negwadziwa moyo nehhoba nemanyepwa kubhude mumuli, nebengana kose, 32 ✝koga mululame kuwumwe newumwe, mube nemimoyo minyolo, muyetile umwe newumwe mazwibhatigwa, seNdzimu akamuyetila mazwibhatigwa muna Khirisitu.

25 ✝Ndizo, letjani manyepwa, umwe newumwe ngaalebe lebeswa kumbakidzani uwe, ngobe tinhango dzembili un’ompela. 26 Mon’wani koga musitjinye; hhuba lisidze likanongina mutjakamon’wa, 27 musipe Satane nkoba. 28 Mbava ngayisitjakwibe, koga ngayihinge, ihinge n’hingo wakanaka ngemaboko ayo, kuyetila kuti itubule bhatsha banohaya. 29 Kusibhude matama akayipa mumilomo yenyu, koga kubhude matama akanakila baka, sekwakunobe kuhakika, kuyetila kuti kubhatshe ibabo banowha. 30 Musiwhise zogwadza Meya Yakayengemala yeNdzimu, yamakatjayiwa nayo lutjayo gwehhuba lesunungugwa. 31 Hungu yose nebuhongola negwadziwa moyo nehhoba nemanyepwa kubhude mumuli, nebengana kose, 32 ✝koga mululame kuwumwe newumwe, mube nemimoyo minyolo, muyetile umwe newumwe mazwibhatigwa, seNdzimu akamuyetila mazwibhatigwa muna Khirisitu.

3 Musitongothama tjinhu ngekuzwikumbula imwi moga kene nekuzwiloba fuba, koga nezwitebamisa bonani bamwe sebahine pamuli. 4 Umwe newumwe wenyu asigale akathaabalila zwinhu zwizwe koga, koga athaabalile zwinhu zwebamwe bo.

26 Ndizo ke mose mubana beNdzimu, ngekugalamoyo muna Khirisitu Yesu, 27 ngobe sayikoku bunji gwenyu makabvubikiwa muna Khirisitu matjimbala Khirisitu. 28 Akutjina Njhuta kene Nghiriki, akutjina nlanda kene wakasununguka, akutjina wetjilume kene wetjikadzi, ngobe mose makalizana mbeli kwaKhirisitu Yesu.

4 Bose banhu ngabalemekedze ndobolo, nhobo yendobolo ngayisilongwe hambgwa, ngobe Ndzimu unowholanga banothama bupombgwe nebasingazwibhate.

Tjenjelelani basi bagalimoyo

14 Musibe netjinomuhanganya nebanhu basingagalemoyo. Ngobe ndulamo nebubi kungahingidzana tjini? Kene kuti tjedza tjingawililana nehhalima?

11 Nekene kwakajalo, kuna He nhu wetjikadzi ate ali tjimwe kuhhe kwenlume nenlume ate ali tjimwe kuhhe nkadzi;