15 ज़ै तम्हैं बिधाते च़ाकरी नांईं करनी च़ाहंदै, तैहा गल्‍ला लआ आझ़ ई सोठी कि तम्हां कसरी च़ाकरी करनी? तै तम्हां फरात दरैऊआ पार तिन्‍नां देबते च़ाकरी करनी ज़सरी च़ाकरी थारै दाद-बाब करा तै? कि इधी तिन्‍नां अमोरीए देअआ-देबीए च़ाकरी करनी ज़सरी ज़ैगा तम्हैं एभै आसा बस्सै दै? रही मेरी गल्‍ल, मुंह ता करनी आपणैं टबरा संघी सदा बिधाते च़ाकरी।"

4 ज़ुंण होरी लै झ़ूरी करा, सह डाहा सबर अर दुजै लै झींण अर ज़ुंण झ़ूरी करा सह निं कोहिए निंदा करदअ आथी, झ़ूरी निं आपणीं बड़ैई करदअ आथी, अर नां आप्पू सराहंदअ आथी, 5 सह निं दुजे बेइज़ती करदअ, नां सह मतलबी हंदअ, सह निं धखी का रोश्श करदअ, ज़ै तेऊ लै कुंणी बूरअ बभार किअ तेता बी निं सह आद डाहंदअ, ज़ै कुंण तेऊ लै पाप बी करे, तेता बी करा सह माफ। 6 ज़ुंण झ़ूरी करा सह निं लोगे कदुष्ट कामां लै खुश हंदअ, सह हआ भलै अर शुचै कामां लै खुश। 7 सह ज़िरा झ़ूरी दी सोभी गल्‍ला, सह निं विश्वास करनअ छ़ाडदअ, सह डाहा सोभी गल्‍ला दी आशा अर सह धरा हर गल्‍ला लै धीर।✝

14 सोभी का ज़रूरी गल्‍ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़। 15 सह आसा मसीहा ई थारअ परमेशरा संघै अर एकी-दुजै संघै मेल़-ज़ोल़ करा, थारअ सभाब लोल़ी तिहअ शांती दी रहअ। तम्हैं आसा तेऊ एते ई तैणीं एक देही हणां लै शादै दै। कबल्‍लै रहा परमेशरो शूकर करदै लागी।

16 ज़ुंण तम्हैं मसीहा का आसा शिखल़अ द, तिन्‍नां हर गल्‍ला मनी ज़िऊआ आपणीं ज़िन्दगी परमेशरे मरज़ी दी। एकी-दुजै लै दैआ आपणीं अक्ल करै समझ़ाऊंणी अर सखाऊंणी ज़ुंण तम्हां परमेशरा का आसा भेटी दी। भज़न, गाऊंण अर आत्मिक गिहा करै रहा परमेशरे स्तोती अर शूकर करदै लागी। 17 बैणा करै या कामां करै ज़ुंण बी तम्हैं करा, सोभै करा प्रभू ईशूए नाओंए, अर प्रभू ईशू करै करा परमेशरो शूकर।

14 सोभी का ज़रूरी गल्‍ल आसा एही कि एकी-दुजै संघै करनी झ़ूरी किल्हैकि एता करै हआ तम्हां सोभिओ कठा मेल़-ज़ोल़।

15 ऐहा गल्‍लो डाहै धैन, तम्हां मांझ़ै निं कोहै कसरै कदुष्ट कामें बदल़ै बूरअ करी। पर कबल्‍लै रहणअ भलाई करना लै आजू, अर आप्पू मांझ़ै अर सोभी संघै करा भलाई करने कोशिश।✝

6 तैही निं तिंयां ऐबै दूई देही आथी पर तिंयां रहा एक देही बणी। इहअ करै ज़ुंण परमेशरै आसा ज़ोल़ै दै, तिन्‍नां ज़ुदै करदै निं तम्हैं लागा।"

9 एतो मतलब आसा इहअ कि ज़ुंण परमेशरै ज़ोल़ै दै आसा, तिन्‍नां ज़ुदै करदै निं तम्हैं लागा।"

18 तेखअ सोठअ बिधाता इहअ, "आदमीओ एक्‍कै रहणअ निं ठीक आथी, मुंह बणाणअं एऊ लै इहअ साथी ज़ुंण एऊ संघै ढब्बे।"✝

24 तैही रहणअ मर्ध आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।✝

24 तैही रहणअ मर्ध आपणैं ईजा-बाबा छ़ाडी आपणीं लाल़ी संघै मिली अर तिंयां दुहै हणैं एक देही।✝

25 आदमी अर तेऊए लाल़ी रहा तै दुहै नांगै पर तिन्‍नां नांईं ती ऐहा गल्‍ले शरम लागदी।

26 तेखअ बोलअ बिधाता इहअ, "ऐबै बणाणैं हाम्हां मणछ आपणैं रुपै आप्पू ज़िहै। ताकि तिंयां समुंदरे सारी म्हाछ़ली, सरगै डेऊणैं आल़ै सोभी च़ेल्‍लू-पखीरू, घरेलू डागै-चैणैं, पृथूई अर तेथ दी हांढणै-फिरनैं आल़ै ज़ीबा आपणैं काबू दी डाहे।"✝

27 तेखअ बणाऐं बिधाता मणछ आपणैं रुपै आप्पू ज़िहै, तिंयां बणाऐं बिधाता मर्ध अर बेटल़ी दूई रुपै।✝

28 बिधाता दैनी तिन्‍नां लै बर्गत, संघा बोलअ तिन्‍नां लै इहअ, "फल़ा-फूला संघा भर्हिया सारी पृथूई दी अर समुंदरे म्हाछ़ली, सरगे च़ेल्‍लू-पखीरू, ज़ुंण ज़ीब धरती दी हांढा-फिरा तिन्‍नां करा आपणैं काबू तेथ दी आसा थारअ हक।"

7 "हुंह च़ाहा तम्हां लै इहअ कि थारै लोल़ी खास्सै शोहरू-माठै हुऐ, ताकि तिंयां सारी पृथूई दी बस्से।"✝

9 कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी।

15 तम्हैं बिधाता बैहे बधाना करै मर्ध-बेटल़ी एक देही हणां लै निं आथी बणाऐं दै? थारी देही अर आत्मां आसा दुहै बिधाते। तै किज़ू लै किऐ बिधाता तम्हैं कठा? सह च़ाहा इहअ कि थारी लुआद होए अर तिंयां बी बिधाता लै होए। तैही सोठा राम्बल़ै करै कि तम्हैं केही ज़िन्दगी ज़िऊआ। तम्हैं निं आपणीं बेटल़ी संघै विश्वास घात करी ज़हा संघै भर ज़ुआनी थारअ बैह आसा हुअ द।

25 ओ मर्धो, आपणीं-आपणीं लाल़ी संघै करा झ़ूरी, ज़िहअ मसीहा बी विश्वासीए टोली संघै झ़ूरी करी आप्पू ई हुअ तिन्‍नां लै बल़ीदान।

28 एऊ साबै आसा इहअ ठीक कि मर्ध ज़ुंण आपणीं-आपणीं लाल़ी संघै आपणीं देही ज़ेही झ़ूरी डाहा, सह डाहा आप्पू ई लै झ़ूरी। 29 किल्हैकि कोही निं कधू आपणीं देही संघै ज़ीद किई, पर तेता धाचा-पाल़ा हेर-सभाल़ करी, ज़िहअ मसीहा टोलीए हेर-सभाल़ करा

31 ज़िहअ पबित्र शास्त्र बोला,✝

"मर्ध रहणअ आपणैं ईजा-बाबा छ़ाडी

आपणीं लाल़ी संघै मिली अर

तिंयां दुहै हणैं एक देही।"

31 सोभी रंगे कल़बिश, प्रकोप, रोश्श, ज़ीद, निंदा, अर ज़ीदा संघी लोल़ी हर बूरी गल्‍ला तम्हां का दूर। 32 एकी-दुजै लै हआ झणैल़ू अर झ़ूरनै आल़ै। ज़िहअ परमेशरै मसीहा ईशू दी थारै ज़ुल्म माफ किऐ, तिहै ई करा तम्हैं एकी-दुजै माफ।

25 इहअ करै झ़ुठअ बोल़णअ छ़ाडी बोला हरेक आपणैं साथी-संघी का शुचअ, किल्हैकि हाम्हैं आसा आप्पू मांझ़ै एकी देहीए आंग।✝

26 ज़ेभै तम्हां रोश्शै एछे, तेता करै निं लोल़ी थारै पाप हुअ, सान्हां का आजी लोल़ी थारअ रोश्श मुक्‍कअ।✝

27 नां राख्सा लै दैआ आप्पू कबाता पाणैओ मोक्‍कअ।

28 च़ोरी करनै आल़अ निं ऐबै भिई च़ोरी करी पर भलै कामां करना लै लागै आपणैं हाथै खटदअ एते तैणीं लागी कि, ज़ै कहा ज़रुरत होए, तेभै लोल़ी तेऊ का किज़ै दैणा लै हुअ। 29 कोई बी नथोघी गल्‍ला निं लोल़ी थारी खाखा का निखल़ी, पर एही भली गल्‍ला करनी ज़ेता करै होरीए बी मज़त होए थारै बोल बोल़णैं करै लोल़ी शुणनै आल़ै मणछे बर्गत हुई।

30 परमेशरे पबित्र आत्मां लै निं आपणीं ज़िन्दगी करै शोग दैआ, ज़हा करै तम्हां लै छ़ुटकारे धैल़ी लै छ़ाप आसा लाई दैनी दी।✝

31 सोभी रंगे कल़बिश, प्रकोप, रोश्श, ज़ीद, निंदा, अर ज़ीदा संघी लोल़ी हर बूरी गल्‍ला तम्हां का दूर। 32 एकी-दुजै लै हआ झणैल़ू अर झ़ूरनै आल़ै। ज़िहअ परमेशरै मसीहा ईशू दी थारै ज़ुल्म माफ किऐ, तिहै ई करा तम्हैं एकी-दुजै माफ।

22 ज़ुंणी बैह करी बेटल़ी आणी, सह लोल़ी तेऊ आप्पू लै बधिया च़ीच़,

ऐहा गल्‍ला का लागा इहअ थोघ कि बिधाता आसा तम्हां लै भलअ।

3 ज़ेऊ साबै तम्हैं ज़िन्दगी ज़िऊआ, तेथ निं सिधअ आपणअ नफअ भाल़णअ। घमंडी निं हणअ। हथू करनी होरीए बी इज़त। होर मणछ बी समझ़णैं आप्पू का खास। 4 सिधै आपणैं ई बारै निं सोठणअ कि थारी कै ज़रुरत आसा। तम्हैं सोभी करनी होरीए बी गरज़ पूरी।

26,27 ज़ांऊं तम्हैं मसीहे नाओंऐं डुबकी लई, थारअ च़ाल-च़लण हुअ मसीहा दी नऊंअ ज़िहअ कुंण नऊंऐं झिकल़ै बान्हां। इहअ करै हुऐ तम्हैं सोभै परमेशरे लुआद ज़ांऊं तम्हैं मसीहा ईशू दी विश्वास किअ।

28 मसीहा दी निं ऐबै यहूदी अर होरी ज़ाती मांझ़ै किछ़ै भेद आथी, नां कुंण मसीहा दी गलाम आथी अर नां कुंण आज़ाद, अर नां कोई मर्ध, नां बेटल़ी, किल्हैकि तम्हैं सोभै आसा मसीहा ईशू दी एक।

4 बैहो करनअ सोभी अदर, अर आपणीं ज़िन्दगीए साथी संघै रहणअ शुचै-पाक्‍कै अर नर्दोश किल्हैकि परमेशरा दैणीं कंज़रै अर पराई बेटल़ी सेटा डेऊणैं आल़ै लै सज़ा।

14 ज़ुंण प्रभू ईशू मसीहा दी विश्वास निं करदै तिन्‍नां संघै निं मेल़-ज़ोल़ आथी, किल्हैकि धर्म अर पापो कै मेल़-ज़ोल़ हणअ? न्हैरै अर प्रैश्शे कै संगत?

11 तैबी प्रभूए विश्वासी मांझ़ै निं बेटल़ी मर्धा का ज़ुदी आथी अर नां मर्ध बेटल़ी का आथी ज़ुदअ।