Casamento
O casamento é aliança sagrada instituída por Deus. Ele une marido e mulher em uma só carne — pacto de amor, fidelidade e companheirismo que reflete o amor de Cristo pela Igreja.
Fundamento divino
Não é bom que o homem esteja só. Deus criou o casamento como aliança de companheirismo, amor e fecundidade.
Ɠɔoɠɔ GALAGI ɠɛni ma: «É la ʋani ga zunui ɠila ko yɛ de. Nà kpɔba nu ʋagɔ ɓɛtɛzu bɛ.»
Ɠɔoɠɔ GALAGI ɲiimɛni wolai lɔɔni zunui ɠaazu, é ɲi. É kaka ɠaegi gila seɠeni, é ma zuai laaɠulu pogi zu. Ɠɔoɠɔ GALAGI anzanui ɓɛtɛni ga naama ɠaka ɠaegi, nii é seɠeni, é kula zunui ɠakai zu, é ʋaani la zunui ʋɔ.
Zunui ɠɛni ma:
«Niizu nii ɠa é ga kaei, nii é ga mà ɠaei,
kpusɛi nii é ga kpùsɛi.
Daaseigi ɠa ʋɛɛ ga anzanui,
mazɔlɔɔ kulaʋɛ zunui zu.»
Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila.
Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila. Zunui ta anzai ti felegɔ ti ɠabei ɠɛni de, kɛlɛ ti la ɠɛni unfesu ɓɔɠɔ ɠaazu.
Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila.
Ɠɔoɠɔ GALAGI anzanui ɓɛtɛni ga naama ɠaka ɠaegi, nii é seɠeni, é kula zunui ɠakai zu, é ʋaani la zunui ʋɔ.
Zunui ɠɛni ma:
«Niizu nii ɠa é ga kaei, nii é ga mà ɠaei,
kpusɛi nii é ga kpùsɛi.
Daaseigi ɠa ʋɛɛ ga anzanui,
mazɔlɔɔ kulaʋɛ zunui zu.»
Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti ɠɛ ga kpusɛ ɠila.
GALA ge ɠɛni ma: «Ade nuɓusɛi ɓɛtɛ ga ade-maaniinigi, é ɠɛ ga de-ʋaaɠulabai, é zei kaleiti unda, ta wɔniiti, ta toganiiti, ta eteai pɛ, ta aniiti kpein ti ɓokposu zooi ma.»
GALA ge nuɓusɛi ɓɛtɛni ga tɔ ɓɔɠɔi maaniinigi, é kpɛtɛni ga GALA maaniinigi. É zunui ta anzanui ɓɛtɛni.
GALA ge tuya looni ti ʋɛ, é ɠɛ ti ma: «À ɓuɠu, wo mɔin, wo eteai laave, wo maaɠolo. À zei kaleiti unda, ta wɔniiti, ta suai kpein é yɛnvuzu zooi ɠa.»
Kayɛnni ta Aɓɛle ta-vai
Zunui anzai Ɛve laani ʋolu, naa kogi zeɠe, é sɔlɔɔ ga Kayɛn, é ɠɛni ma: «Gè zunu zɔlɔɔga ga Ɠɔoɠɔ GALAGI ná-kpɔbai maaʋele.»
Sɛte zɔlɔɔ fai
Adama anzai laani ʋolu mɔnɔ, naa kogi zeɠe, é doun zunu zɔlɔɔ, é daasei pɛɛ ga Sɛte, mazɔlɔɔ é ɠɛni ma: «GALA ge doun zunu ɠili fea zèa Aɓɛle ʋotogi zu, nii Kayɛn paani.»
Fidelidade conjugal
O que Deus ajuntou não separe o homem. O casamento deve ser honrado e o leito matrimonial preservado sem impureza.
Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
É ti wooɠaaʋoteni, é ɠɛ ti ma: «Wo la dɛ kalani mu GALA sɛʋɛiti su ga tɔɔzeizu mɔunpa Ani Ɓɛtɛ ƓALAGI nuɓusɛi ɓɛtɛni, zunui ta anzanui,. é zɛba é ɠɛ ma: ‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila›?. Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
é zɛba é ɠɛ ma: ‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila›?. Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
Kalagi é ʋilɛ vulu zaa vai ʋa
«É woni ɓalaa ga: ‹Zɔi é ɠɛlɛzu anzai ʋa, é vulu zaa zɛʋɛi ve naa ya.›. Kɛlɛ nɔ̀un, nà bosu wo ma ga: Zɔi nɔpɛ é ɠɛlɛzu anzai ʋa, é ɠula koloɠolo faa ʋolu, toɠa naa liizu tɔun wɛɛnziɛgi ma. Zɔi ma é anzanu zeizu, nii sinigi ɠɛlɛai ba, tɔ ɓalaagi wɛɛnziɛgi ɠɛa.
Kalagi é ʋilɛ wɛɛnziɛ fai ʋa
«Wo mɛnigɛ ga é woni ga: ‹Mina wɛɛnziɛ bo.›. Kɛlɛ nɔ̀un, nà bosu wo ma ga: Zɔi nɔpɛ é wɛlɛzu anzanui ta ʋa, gaazuɠulapɔ, é ɓega ga wɛɛnziɛgi wo ta naa, ziimaʋɛ.
Ti ɠɛni ma: «Moize vaaʋɛ bu ga zunui vulu zaa zɛʋɛi ve anzai ya, ti bali ma ta naa.»
Yesu ɠɛni ti ma: «Wa-ɠikpaai maaʋele ɠa Moize naama levei zɛʋɛai la wo ʋɛ. Kɛlɛ eteai ɓɛtɛ ziɛgi zu, ‹GALA ge nuɓusɛi ɓɛtɛni, zunui ta anzanui.›. ‹Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila.›. Naazu ti la mɔ ga nu felegɔ, ta niina ga kpusɛ ɠila kpe. Naa ɠa é ba, nu nɔpɛ ge mina naa ɠaaɠwɛ, nii GALA ge kpɔgai su.»
Ʋele nɔ ɠana é la ɓalaa, ni anzanui ɠa ɠɛlɛna sinigi ʋa, é zei taɠili bɛ, é wɛɛnziɛgi ɠɛa.»
Ɛsɛ pɛ ge unfema ve vului ʋɛ, zinigi ta anzai ti ɠɛ ga wooɠɛɠila nua ɓɔɠɔ ʋɛ, mazɔlɔɔ GALA ka koloɠolo nuiti ta wɛɛnziɛ nuiti tukpɔɠaaleʋe.
Ɛsɛ pɛ ge unfema ve vului ʋɛ, zinigi ta anzai ti ɠɛ ga wooɠɛɠila nua ɓɔɠɔ ʋɛ, mazɔlɔɔ GALA ka koloɠolo nuiti ta wɛɛnziɛ nuiti tukpɔɠaaleʋe.
Ɛsɛ pɛ ge unfema ve vului ʋɛ, zinigi ta anzai ti ɠɛ ga wooɠɛɠila nua ɓɔɠɔ ʋɛ, mazɔlɔɔ GALA ka koloɠolo nuiti ta wɛɛnziɛ nuiti tukpɔɠaaleʋe.
Amor como Cristo
Maridos, amai vossas mulheres como Cristo amou a igreja. O amor conjugal reflete o evangelho em ação.
Anzazinigiti, à wo-anzaiti nɛɛ ʋɛ, eɠɛʋelei Kilista Egilisii nɛa la ʋɛ, é za ná-faa zu. É ɲadeni ga ná-saai maaʋele, é kole ga ziɛi ta daawooi,
Anzazinigiti, à wo-anzaiti nɛɛ ʋɛ, eɠɛʋelei Kilista Egilisii nɛa la ʋɛ, é za ná-faa zu. É ɲadeni ga ná-saai maaʋele, é kole ga ziɛi ta daawooi, mazɔlɔɔ é ɠɛni pɔ é dɛɛ ɓɔɠɔ ɠaazu, ga toɠa ga Egilisii é volozu, kɔzɔzu la ba, kpilikpilisu la kɔlɔgi ʋa, ɲadegai, naa pɛ daazeeliai.
Anzazinigiti, à wo-anzaiti nɛɛ ʋɛ, eɠɛʋelei Kilista Egilisii nɛa la ʋɛ, é za ná-faa zu. É ɲadeni ga ná-saai maaʋele, é kole ga ziɛi ta daawooi, mazɔlɔɔ é ɠɛni pɔ é dɛɛ ɓɔɠɔ ɠaazu, ga toɠa ga Egilisii é volozu, kɔzɔzu la ba, kpilikpilisu la kɔlɔgi ʋa, ɲadegai, naa pɛ daazeeliai. Zekana anzazinigiti maanɛai ti ti-anzaiti nɛɛ la ʋɛ, eɠɛ ti-ɓusɛi. Zɔi é anzai nɛɛzu ʋɛ, naa ɓɔɠɔ nɛa ʋɛ. Mazɔlɔɔ nu nɔpɛ ge la dɛ ɓɔɠɔ ɓusɛi wɔinzeɠeni, kɛni tɔun é ɗa kɔnɔkula, é ɗa sɛsɛbo, eɠɛʋelei Kilista kɛɛzu la Egilisii ʋɛ, tɔɔzei da ga kpusɛi ʋaalobazuʋɛti.
Zekana anzazinigiti maanɛai ti ti-anzaiti nɛɛ la ʋɛ, eɠɛ ti-ɓusɛi. Zɔi é anzai nɛɛzu ʋɛ, naa ɓɔɠɔ nɛa ʋɛ.
Zekana anzazinigiti maanɛai ti ti-anzaiti nɛɛ la ʋɛ, eɠɛ ti-ɓusɛi. Zɔi é anzai nɛɛzu ʋɛ, naa ɓɔɠɔ nɛa ʋɛ. Mazɔlɔɔ nu nɔpɛ ge la dɛ ɓɔɠɔ ɓusɛi wɔinzeɠeni, kɛni tɔun é ɗa kɔnɔkula, é ɗa sɛsɛbo, eɠɛʋelei Kilista kɛɛzu la Egilisii ʋɛ, tɔɔzei da ga kpusɛi ʋaalobazuʋɛti.
Anzaiti, à ɓɔɠɔmaayei wo-zinigiti bɛ, eɠɛʋelei wo kɛɛzu la Maliɠii ʋɛ. Mazɔlɔɔ anzazinigi ɠa é ga anzai ma ungi, eɠɛʋelei Kilista la ga Egilisii ma ungi. Kilista ɓɔɠɔi ɠa é ga Egilisii Ɠizo Nui, nii é ga kpusɛi. Naa ɠa é ba, eɠɛʋelei Egilisii ɓɔɠɔmaayeiɗai la Kilista ʋɛ, ʋele ɠana anzanuiti maanɛai ti ɓɔɠɔmaayei la ti-zinigiti bɛ fai pɛ su.
Anzaiti, à ɓɔɠɔmaayei wo-zinigiti bɛ, eɠɛʋelei wo kɛɛzu la Maliɠii ʋɛ. Mazɔlɔɔ anzazinigi ɠa é ga anzai ma ungi, eɠɛʋelei Kilista la ga Egilisii ma ungi. Kilista ɓɔɠɔi ɠa é ga Egilisii Ɠizo Nui, nii é ga kpusɛi.
Anzaiti, à ɓɔɠɔmaayei wo-zinigiti bɛ, eɠɛʋelei wo kɛɛzu la Maliɠii ʋɛ. Mazɔlɔɔ anzazinigi ɠa é ga anzai ma ungi, eɠɛʋelei Kilista la ga Egilisii ma ungi. Kilista ɓɔɠɔi ɠa é ga Egilisii Ɠizo Nui, nii é ga kpusɛi. Naa ɠa é ba, eɠɛʋelei Egilisii ɓɔɠɔmaayeiɗai la Kilista ʋɛ, ʋele ɠana anzanuiti maanɛai ti ɓɔɠɔmaayei la ti-zinigiti bɛ fai pɛ su.
Anzazinigiti, à wo-anzaiti nɛɛ ʋɛ, eɠɛʋelei Kilista Egilisii nɛa la ʋɛ, é za ná-faa zu. É ɲadeni ga ná-saai maaʋele, é kole ga ziɛi ta daawooi, mazɔlɔɔ é ɠɛni pɔ é dɛɛ ɓɔɠɔ ɠaazu, ga toɠa ga Egilisii é volozu, kɔzɔzu la ba, kpilikpilisu la kɔlɔgi ʋa, ɲadegai, naa pɛ daazeeliai. Zekana anzazinigiti maanɛai ti ti-anzaiti nɛɛ la ʋɛ, eɠɛ ti-ɓusɛi. Zɔi é anzai nɛɛzu ʋɛ, naa ɓɔɠɔ nɛa ʋɛ. Mazɔlɔɔ nu nɔpɛ ge la dɛ ɓɔɠɔ ɓusɛi wɔinzeɠeni, kɛni tɔun é ɗa kɔnɔkula, é ɗa sɛsɛbo, eɠɛʋelei Kilista kɛɛzu la Egilisii ʋɛ, tɔɔzei da ga kpusɛi ʋaalobazuʋɛti. «Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila.». Nii ɠa ga faa wola nii é ɠɛa lɔɔɠuni. Nà nii wosu, é lo Egilisii ta Kilista ʋa. Nii é wo ma, naa ɠa ga zinigi ɠilagilagi anzai nɛɛ ʋɛ eɠɛ tɔ ɓɔɠɔi, anzai ɠilagilagi unfe sinigi ma.
«Naa ɠa é ba, zunui ɠa zeɠe kɛɛɠɛ ta dee ʋa, é ɠili anzai ʋa, ti felegɔ ta ɠɛ ga kpusɛ ɠila.».
Nii é wo ma, naa ɠa ga zinigi ɠilagilagi anzai nɛɛ ʋɛ eɠɛ tɔ ɓɔɠɔi, anzai ɠilagilagi unfe sinigi ma.
Nii é wo ma, naa ɠa ga zinigi ɠilagilagi anzai nɛɛ ʋɛ eɠɛ tɔ ɓɔɠɔi, anzai ɠilagilagi unfe sinigi ma.
Kɛlɛ koloɠologi, ta kɔzɔba vai ma zii pɛ, ta koozu yii, naama vai tanɔpɛ ge mina ɠɛ wo zaama, eɠɛʋelei fizɔgai la GALA ná-nuiti saama.
Submissão e respeito
Mulheres, sujeitem-se aos próprios maridos. Maridos, convivam com as esposas com conhecimento e honra.
GALA nui ná-pɛlɛyeɠei
Anzaiti, à ɓɔɠɔmaayei wo-zinigiti bɛ, eɠɛʋelei soloogai da anzanuiti ma, niiti ti ga Maliɠii nɔnɔiti. Anzazinigiti, à wo-anzaiti nɛɛ ʋɛ, à mina ti zopele ɲɔu.
Kɛlɛ nii bɔɔlɔai ti pɛ ba, à ɓɔɠɔ maaɠili ga nɛɛbɛi, nii é wo ɠilizu ɓɔɠɔ ʋa kpaan. Kilista ná-ziilɛigi lo wo luɠɔ, naama yiilɛigi ɠa GALA ge wo loligai ma ʋɔɔma, wo ɠɛ ga kpusɛ ɠilagi ʋaalobazuʋɛti. À ɠɛ ga faanɛɛ wuuɠwɛɛ nuiti. Kilista laawooi yɛ wo zaama ga bɔɔlɔa. À ɓɔɠɔ ɠala, wo ɓɔɠɔ lɛnɛ wo ɠilagilagi ɠimalai pɛ su. À GALA guyeiti too, ta GALA dɛbi wuyeiti, naa ʋɛɛ guyeiti ba Zɛnvu Ɲadegai ti lɛɛzu ga woye. À ti loo GALA bɛ ga yii pɛ ta faanɛɛ wuuɠwɛɛgai. Nii nɔpɛ wo kɛɛzu, kpɔɛzuɠulai zu ɓaa kɛɛwotii zu, à ti pɛ kɛ, é zoloo Maliɠii Yesu yiimai ma, wo ɗa Ɠɛɛɠɛ GALA mama ga tɔun maaʋele.
Kɛlɛ nii bɔɔlɔai ti pɛ ba, à ɓɔɠɔ maaɠili ga nɛɛbɛi, nii é wo ɠilizu ɓɔɠɔ ʋa kpaan.
Zɛnvu wɔlɔmai ta zɛnvu niinɛi
Deɠɛmu, à etea vaa ɲɔiti suɠoloɠolo, ti wo-yiimaʋɛ: koloɠologi, kɔzɔba vai, ɓɔɠɔyiimai, ani wɔin ɲɔu vaiti, ta koozu yii, é ga kɔɔɠɔ gani kɔɔ vai.
Anzazinigiti, wa ɓalaagi, à eteai ziɛ ʋɔɔma, wa wo-anzaiti, wo ɠizɛ ta-zɛbɛsulala vai zu. À unfe ti ma, tɔɔzei wa tiyani wa zɛnvui ma ʋoganii zeɠezu ʋɔɔma, nii GALA ge feezu ná-zaalai zu, naa ɠa a kɛ faa tanɔpɛ ge mina wa-ƓALA falii zuɠoloɠolo.
Anzazinigiti, wa ɓalaagi, à eteai ziɛ ʋɔɔma, wa wo-anzaiti, wo ɠizɛ ta-zɛbɛsulala vai zu. À unfe ti ma, tɔɔzei wa tiyani wa zɛnvui ma ʋoganii zeɠezu ʋɔɔma, nii GALA ge feezu ná-zaalai zu, naa ɠa a kɛ faa tanɔpɛ ge mina wa-ƓALA falii zuɠoloɠolo.
Pureza no casamento
Não adulterarás. A impureza sexual destrói alianças e famílias. Deus chama à santidade no matrimônio.
Mina wɛɛnziɛ bo ɲɛgɛlɛin.
Mina ɠaazuɠula ɲɛgɛlɛin è-zeiɲɔɠɔi ná-pɛlɛi ʋa. Mina ɠaazuɠula ɲɛgɛlɛin è-zeiɲɔɠɔi anzai ʋa, ɓaa ná-botiɠɛ zunui, ɓaa ná-botiɠɛ anzanui, ɓaa ná-nikɛi, ɓaa ná-soovalegi, ɓaa ani nɔpɛ é ga è-zeiɲɔɠɔi nɔnɔ.
Kɛlɛ tama, nii a kɛ koloɠologi maala, fizɔgɛ zunui ɠilagilagi ɓɔɠɔ anzai ɠɛ zea, anzanui ɠilagilagi ɓɔɠɔ zinigi ɠɛ zea.
Zunui zini tosuʋɛ ɠɛ anzanui ʋɛ, anzai anzanu losuʋɛ ɠɛ ɠana nɔ sinigi ʋɛ. Mazɔlɔɔ anzai ɓusɛi la nɔ ga tɔ ɓɔɠɔi nɔnɔ, toɠa ga sinigi nɔnɔ. Zenɔ ɠana é la, anzazinigi ɓusɛi la ɓalaa nɔ ga tɔ ɓɔɠɔi nɔnɔ, toɠa ga anzai nɔnɔ.
Zunui zini tosuʋɛ ɠɛ anzanui ʋɛ, anzai anzanu losuʋɛ ɠɛ ɠana nɔ sinigi ʋɛ. Mazɔlɔɔ anzai ɓusɛi la nɔ ga tɔ ɓɔɠɔi nɔnɔ, toɠa ga sinigi nɔnɔ. Zenɔ ɠana é la, anzazinigi ɓusɛi la ɓalaa nɔ ga tɔ ɓɔɠɔi nɔnɔ, toɠa ga anzai nɔnɔ. À mina yeeɠula wa-lakobai wu, kɛni wa zoloona su yeeɠɛɠala laawu, nii a kɛ wo ɓɔɠɔ ve GALA falii ya. Naa ʋolu wo ɠale ma ɓɔɠɔ ma, naa ɠa a kɛ, Setana mina wo lɛ ga, ga wa ɓɔɠɔzotalai maaʋele.
Zunui zini tosuʋɛ ɠɛ anzanui ʋɛ, anzai anzanu losuʋɛ ɠɛ ɠana nɔ sinigi ʋɛ. Mazɔlɔɔ anzai ɓusɛi la nɔ ga tɔ ɓɔɠɔi nɔnɔ, toɠa ga sinigi nɔnɔ. Zenɔ ɠana é la, anzazinigi ɓusɛi la ɓalaa nɔ ga tɔ ɓɔɠɔi nɔnɔ, toɠa ga anzai nɔnɔ. À mina yeeɠula wa-lakobai wu, kɛni wa zoloona su yeeɠɛɠala laawu, nii a kɛ wo ɓɔɠɔ ve GALA falii ya. Naa ʋolu wo ɠale ma ɓɔɠɔ ma, naa ɠa a kɛ, Setana mina wo lɛ ga, ga wa ɓɔɠɔzotalai maaʋele.
Nà bosu naati ma, niiti ti la ga anzazini, ta niiti ti la zini bɛ, ta poanzaiti, ga pagɛ ti ma, ti yɛ ɠana, eɠɛʋelei gè la. Kɛlɛ ni wo la zoosu wo ʋa ɓɔɠɔ zo, à vului ɠɛ, mazɔlɔɔ soloogɛ wo vului ɠɛ, wa ʋa ɗa ɠalasu ga ɓɔɠɔyiimai.
Zɔiti ti vului ɠɛai, devei gè bosu, nà laade gè ʋa ɠɛ bosu, Maliɠii ɠa é bosu: Anzanui fuluai, é mina ɠula sinigi ya. Ni a ɠulana zea, é mina mɔ zei zini bɛ ʋolu, ɓaa é ti yɔɠɔzuɓɛtɛ ta sinigi. Zunui mina ɠɛlɛ anzai ʋa.
Mazɔlɔɔ kidaaleʋelala zinigi ɠa ɲadesu ga anzai maaʋele, kidaaleʋelala anzanui ɠa ɲadesu ga sinigi maaʋele. Ni naa laade, ti-lointi ta ɠɔzɔ, tama gaamazu ti ɲadegɛ.
Nà pɔ ga ziizoolɛ nɔpɛ ge mina ɠɛ wo ma. Zunui anza la bɛ, naa ɠa ɗa yiizoolɛ ga Maliɠii ná-faiti nɔ, toɠa ɗa ɠaaɓa ga é nɛɛ Maliɠii ʋɛ. Kɛlɛ zɔi anzai zea, naa ɠa ɗa yiizoolɛ ga etea vaiti, toɠa ɗa ɠaaɓa ga é nɛɛ anzai ʋɛ, gaaɠwɛɛʋɛ su fele. Zenɔ ɠana, anzanui é la zini bɛ, ɓaa anzalopo ɓeai, naa ɠa ɗa yiizoolɛ ga Maliɠii ná-faiti, mazɔlɔɔ toɠa pɔ é ɲade kpusɛi zu ta zɛnvui. Kɛlɛ zɔi ma é zinigi ʋɛ, naa ɠa ɗa yiizoolɛ ga etea vaiti, toɠa ɗa ɠaaɓa ga é nɛɛ sinigi ʋɛ.
Poanzaiti
Anzanui fuluai, naa ɠiliʋɛ sinigi ʋa, siɛgi pɛ su naa vulua la. Kɛlɛ ni sinigi a zaana, fiegɛ ga é zei naama nui ʋɛ, nii é pɔ, kɛlɛ kɛni é ɠɛ ga kidaaleʋe nui ta.
Vulu vai
Ade naati pɛtɛna, faiti wo ti-ma zɛʋɛi ɠɛai mà. Pagɛ zunui ma ga é mina anzanu vulu. Kɛlɛ tama, nii a kɛ koloɠologi maala, fizɔgɛ zunui ɠilagilagi ɓɔɠɔ anzai ɠɛ zea, anzanui ɠilagilagi ɓɔɠɔ zinigi ɠɛ zea.
À ɓizɛ koloɠologi ʋa! Zɔɔma ɠotoiti nui ti ɠɛɛzu, naati ta kpusɛi ʋoluʋelei, kɛlɛ zɔi é ɓɔɠɔ veezu koloɠologi ya, toɠa kotoi ɠɛɛzu ɓɔɠɔ ɓusɛi laalɔɠɔma. Wo la kwɛɛ ɓaa, ga wo-ɓusɛi ɠa ga Zɛnvu Ɲadegai zei ʋɛlɛi, nii é wo-yiimaʋɛ, wo sɔlɔɔgai GALA zea? Wo la ga ɓɔɠɔ nɔnɔ. Mazɔlɔɔ wo unmɔɔgɛ ga sɔngɔ ɓaa. Deɠɛmu à GALA dɛbi ga wo-ɓusɛi.
«Daamianigi ɠa ná nu ɠogi vaa ma, nu ɠogi ɠa ná daamianigi vaa ma.» GALA ka ti zeizu felegɔ pɛ koloɠolo. Nui ɓusɛi la ga koloɠologi nɔnɔ. Toɠa ga Maliɠii nɔnɔ, Maliɠii ɠa ga kpusɛi nɔnɔ. GALA nii é Maliɠii wuzeɠeni, é kula saai ya, toɠa de wuzeɠe ɓalaa, é de ɠula saai ya ga ná-zɛbɛi maaʋele.
Wo la suɠwɛɛ ɓaa, ga telebotala nuiti ti la GALA ná-masadai zɔlɔɔga ga tɔnɔ? À mina ɓɔɠɔ yaava, koloɠolo nuiti ti la GALA ná-masadai zɔlɔɔga ga tɔnɔ, ta kɔɔɠɔ gani kɔɔ nuiti, naa ʋɛɛ wɛɛnziɛ nuiti ba, ta zunuiti ti laazu ga ɓɔɠɔ, naa ʋɛɛ unma nuiti, ta koozu yii nuiti ba, naa ʋɛɛ nuiti ba ti ɓɔɠɔ veai dɔɔ ya, ta tɔɠɔ ɠoloɠolo nuiti, é ʋɛɛ ladalala nuiti ba. Ti pɛ ti la GALA ná-masadai zɔlɔɔga ga tɔnɔ.
Nɛɛbɛi yiilɔɔʋɛ, nɛɛbɛi ʋagɛ. É la toloi ɠɛa, é la ɓɔɠɔ vaa lɛa su, é la wasoga. É la ɓaaɠulama vaa ɠɛa, é la tɔnɔ gaiziaa tɔ ɓɔɠɔ ɠila nɔ ʋɛ, zii la ɠulaa, é la faawanama makɛga. É la ɠoozunɛa telebotala vaa zu, kɛlɛ toɠa ɗa ɠoozunɛ gaamai zu. Siɛʋɛ fai pɛ bu, é kidaaleʋei makɛgɛ fai pɛ su, kitogi ɠa bɛ fai pɛ su, fai pɛ kubogɛ su.
Wa ɠisiɛzu ga Kilista ɠaaɠwɛɛʋɛ su ɓaa? Pɔle ɠa é ɓadɔni saa wului ma wa-vaa zu ɓaa? Wo ɓatizeni Pɔle laaseigi zu ɓaa?
Nà GALA mamasu, ga gè la wo tanɔpɛ kpatizeni, kɛni Kilisepuse ta Gaiyuseni nɔ, naa ɠa a kɛ nu nɔpɛ ge mina ɠɛ, é ɓatizeni dàaseigi zu. Ungo, gaama ʋe! Gè Setefanase ná-pɛlɛwu nuiti kpatizeni ɓalaa. Naa ʋoluma, gè la kwɛɛ, ni gè taɠiligaa ɓatizeni mɔnɔ. Kilista la ɠɛni tèʋeni ɓatize vaa ma, kɛni Woo Niinɛ Ʋagɔi laazeeli vai, naa mina ɠɛ ga nuɓusɛiti ta-ɠimalai ma ɓɔɛzuɠulai maaʋele, naa ɠa a kɛ Kilista zaa vai saa wului ma, naa mina ɠɛ ga wafuun faa.
Kpusɛ zu vaiti ti ɠɛni ɠɛɛzu Egilisii zu
Toɠa wosu adaʋɛ pɛ ga koloɠologi ɠa wo zaama, koloɠologi nii nui niiti vɔlɔ ti la GALA kwɛɛ, ti la ma zii ɠɛɛzu, ga wo taɠila ge ʋilɛga kɛɛɠɛ anzai ʋolu! Wasogi ɠa wo su gola! Wo pɛ wo maanɛɛni wo yiiɓɔlɔ, naa ɠa a la kɛ zunui é naama vai ɠɛai, é ɠula wo zaama!
Sabedoria conjugal
Acha esposa, acha o bem. Bebe água da tua própria cisterna. A fidelidade conjugal é fonte de bênção permanente.
Nui a anzai zɔlɔɔna, é undaanɛɛi zɔlɔɔga,
faanɛɛ ɠa naa, é sɔlɔɔgai Ɠɔoɠɔ GALAGI ya.
Nui a anzai zɔlɔɔna, é undaanɛɛi zɔlɔɔga,
faanɛɛ ɠa naa, é sɔlɔɔgai Ɠɔoɠɔ GALAGI ya.
Nui a anzai zɔlɔɔna, é undaanɛɛi zɔlɔɔga,
faanɛɛ ɠa naa, é sɔlɔɔgai Ɠɔoɠɔ GALAGI ya.
Nu ɠa zoo è pɛlɛi ta anii kpein sɔlɔɔ ga pogani è-ɠɛɛni zea,
kɛlɛ Ɠɔoɠɔ GALAGI ɠila kpe nɔ ɠa a zoo, é ɠima anzanui ve nu ya.
Ɠoozunɛ yeenɔpɛ su, wo eteai ziɛ ʋɔ, wa anzanui naa,
nii è yiimazeɠeni la, è-ma nu niinɛlai zu.
È-anzai ná-fai ɠaanɛɛʋɛ, ná-fai ʋagɛ eɠɛ dopai.
Kpusɛi ɗa-ɠoozunɛɛi laazeeli yeenɔpɛ.
Ɠoozunɛ siɛnɔpɛ su ná-nɛɛbɛi zu.
Mazɔlɔɔ wɛɛnziɛ anzanui laawooiti nɛɛʋɛ eɠɛ kɔin gulɔi,
ti ʋagɛ eɠɛ siɛma wulɔi.
Kɛlɛ ná-fai ɠaaɓelazuʋɛ ɠaa ɠa ɗa wana ga nu, eɠɛ siinziin ganigi, nii wanaai,) ɓaa kotoi ná-ani ʋili koozui ʋoogi (Gɔl 3:15; Kul 8:10-11).
gaaliʋɛ eɠɛ boɠa zɔkpɔi, nii gaaʋɛ fele.
Siɛ ʋelei ɠa ɗa li ga nui saai ʋɔ pelei,
kɔɠɔiti ta ɗa zeeli gɔvɛalaazu.
É la ɗa ga yiizoolɛ ga, é ziɛ ga zɛnvu ʋelei,
é la suɠwɛɛ ga toɠa ziɛzu ga kaka peleiti.
Niizu deɠɛmu, dòun zunu, woilo gòoi ma,
mina ɠɛlɛ dàawooiti ba,
Maaɠooza naama anzanui ma zii ʋa,
mina maaɓuɠa ná-pɛlɛlaʋɛ ʋa,
naa ɠa a kɛ, è mina è ɠaazu unfegi lɔ zunu ɠili zeezu,
ɗa-eteai mina lɔ zunu ɲɔu yeezu.
Mazɔlɔɔ wɛɛnziɛ anzanui laawooiti nɛɛʋɛ eɠɛ kɔin gulɔi,
ti ʋagɛ eɠɛ siɛma wulɔi.
Kɛlɛ ná-fai ɠaaɓelazuʋɛ ɠaa ɠa ɗa wana ga nu, eɠɛ siinziin ganigi, nii wanaai,) ɓaa kotoi ná-ani ʋili koozui ʋoogi (Gɔl 3:15; Kul 8:10-11).
gaaliʋɛ eɠɛ boɠa zɔkpɔi, nii gaaʋɛ fele.
Siɛ ʋelei ɠa ɗa li ga nui saai ʋɔ pelei,
kɔɠɔiti ta ɗa zeeli gɔvɛalaazu.
É la ɗa ga yiizoolɛ ga, é ziɛ ga zɛnvu ʋelei,
é la suɠwɛɛ ga toɠa ziɛzu ga kaka peleiti.
Maaɠooza naama anzanui ma zii ʋa,
mina maaɓuɠa ná-pɛlɛlaʋɛ ʋa,
naa ɠa a kɛ, è mina è ɠaazu unfegi lɔ zunu ɠili zeezu,
ɗa-eteai mina lɔ zunu ɲɔu yeezu.
Ni naa laade, è-mɔɔlɛzuʋɛ ɠa ɠɛ ga wɛɛinti daamiizu,
ɗa-wotii zulɔnɔgi ɠa ɠɛ ga pɛlɛ ɠili bu ani,
naa ɠa a kɛ, è mina li ɓalasu, ɗa-eteai ɠaaɓelazuʋɛ,
siɛgi zu è-ɓusɛi kpein suyɔkɔgai na la,
è mina ɠɛ ma:
«Leeni vaa zu gè maaɠoloi wɔinzeɠeni?
Leeni vaa zu tɛnɛgi la ɠɛni zoni zìi ma?
Leeni vaa zu gè la ɠɛni woiloni nà-kalamɔinti gooiti ma?
Gè la woiloni naati gooi ma, niiti ti kàlani?
Ná tago nɔ, gè ʋa ɠɛ maanɔɠɔi zu,
nuɓusɛiti ta-maaɓɔgi zaama.»
È-anzai ná-fai ɠaanɛɛʋɛ, ná-fai ʋagɛ eɠɛ dopai.
Kpusɛi ɗa-ɠoozunɛɛi laazeeli yeenɔpɛ.
Ɠoozunɛ siɛnɔpɛ su ná-nɛɛbɛi zu.
Dòun zunu, leeni vaa zu è ɠaazuɠulazu nu ɠili anza ʋa?
Leeni vaa zu ɗa ziilɛi gaiziɛ naama anzanui ya, nii é la ga ɗɔnɔ?
Zenɔ ɠana é la, ga naama nui nii é ʋilɛsu seiɲɔɠɔi anzai ʋolu,
a vɔɔɠuna ba, salalalai la yɛga.
Kɛlɛ zɔi é wɛɛnziɛgi ɠɛɛzu anzanui ʋɔ, naa ʋalagɛ faaɠaaɠai ma,
ɗa naa ɠɛɛna, ɗa ɓɔɠɔ ɠoloɠolosu, ɗa ɓɔɠɔi.
Kɛlɛ zɔi é wɛɛnziɛgi ɠɛɛzu anzanui ʋɔ, naa ʋalagɛ faaɠaaɠai ma,
ɗa naa ɠɛɛna, ɗa ɓɔɠɔ ɠoloɠolosu, ɗa ɓɔɠɔi.
Toɠa kpɔlɔi zɔlɔɔ ta ɓaaɠulamai,
ná-unfegi la ɓega eyɛsu ɠɔ.
Mazɔlɔɔ toloi ɠa ɗa anzazinigi yiiɠula,
é la maawɔinɠa ɠɛa, yeei é potokulai ɠɛɛzu la.
É la unmɔɔ gani nɔpɛ soga,
é la vaa bu ɲɛgɛlɛin, anɛɛ ni ɗa lobɛani mɔinmɔin teʋesu.
Ziilɔɔ anzanui ɠa ɗa sinigi nɔungi wuzeɠe,
kɛlɛ anzanui é unfetala vai ɠɛɛzu, toɠa sinigi ʋa ga kae wana zeeɓɛi.
Nui ɠa ɗa faazeikpasui ɠɛ,
kɛlɛ Ɠɔoɠɔ GALAGI ɠa lo kɔɠɔʋolu pɛ.
Fizɔgɛ nu zei fiilɛ zosuʋɛ sokogi zu pɛlɛ ɠɔmaʋɛ,
wo ʋa li ɓɔsu zeizu ma, wa kpɔɛleʋe anzanui.
Undaanɛ nu ɠa ga naa, nii a anzanu zɔɓelamai zɔlɔɔ,
tosuʋɛ wɔɔlɔʋɛ kɔbu ani ʋagɔiti sɔngɔi ʋa.
Bíblia e casamento
Deus abomina o divórcio. A aliança matrimonial é reflexo da aliança de Deus com seu povo — sagrada e eterna.
Ɠɔoɠɔ GALAGI la wo felegɔ wo ɠɛɛni ga kpusɛ ɠila ta zɛnvu ɠila wa tɔ? Lee ɠa é ga naama ɓɔsu vai ʋoluʋɛ? É la ga wo-mavofodai zɔlɔɔ nɔ ɓaa, nii GALA ge feezu? À dama ga ɓɔɠɔ, wa ʋa ɠɛlɛ anzanui ʋa, nii wo seiɗai wa-zunu loungo ziɛgi zu! Ɠɔoɠɔ GALAGI, Izilayɛle ná-GALAGI ɠɛ ma: «Anza ɠɛlɛ ba vai maayo ge la bɛ̀. Zɔi é ɠɛlɛzu anzai ʋa, kulaʋɛ eɠɛ nui, nii é ná-seɠei zulaavesu ga ɲamai, a ɠɛna toosu vaiti kɛa.» Ɠɔoɠɔ GALAGI, Fai-Pɛ-Maliɠii ɠa é boga. À dama ga wo-yɛnvui, wo mina ɠɛ ga wooʋalada nu!
À dama ga kidaaleʋelala nuiti ta-vai
À mina ɓɔ su wa kidaaleʋelala nuiti, wo-ziɛ ʋelei ʋa ɠɛ ga ani ɠila. Mazɔlɔɔ telebodai ta tɔ koloɠolo fai ta zoo nɛi ti ɓɔ su ɓaa? Wozakalagiti ta kpidii ta zoo nɛi ti ɓɔ su ɓaa?
Nii GALA ge pɔ wa-vaa zu, tɔ ɠa ga wa-ɲade fai: Wo mina ɓɔɠɔ lɔ koloɠologi zu, ɛsɛ ge zoo è-ɓusɛi zo ga pagɔ, é eteai ziɛ ɲadedai zu, ta unfemai, wo mina ɓɔɠɔ lɔ gaazuɠulapɔ ɲɔi zu, eɠɛʋelei GALA kwɛɛtala nuiti ti kɛɛzu la zii ɠiligiti saama.
À dama, nu mina faa ɲɔi ʋotokula ga faa ɲɔi, kɛlɛ à ʋilɛ faa ʋagɔi ɠɛɛ vai ʋolu yeenɔpɛ, wo naa ɠɛ ɓɔɠɔ yɔɠɔzu, ta nuɓusɛi pɛ bɛ.
é ʋɛɛ koloɠolo nuiti ba, ta zunuiti ti laazu ga ɓɔɠɔ, naa ʋɛɛ nu ʋɔdi nuiti, ta zɛɛ wo nuiti ba, naa ʋɛɛ kona zɔma nuiti ba, ta nii kpein é ɠɛɛzu gaama ɠalagi laalɔɠɔma.
Egilisi ɠundiɠii maanɛɛʋɛ é ɠɛ ga nui nii peelalazu nɔpɛ ge la ba, é ɠɛ ga anza ɠila kɛɛ nui, é ɠɛ ga sɔɓelama nu, é ɠɛ ga kidafaawu nu, é ɠɛ ga tuʋa ʋele ʋagɔ nu, é ɠɛ ga wɛɛn zɛsɛbo nu, é zoo kalagi wosu,
Egilisi wotiɠɛ nuiti maanɛɛʋɛ ti ɠɛ ga anza ɠila kɛɛ nuiti, ti zoo losu ti-lointi tuɠɔ ga pagɔ ta ta-ʋɛlɛyeɠeiti.
Egilisi lotuɠɔiti ti ɠilagilagi ti maanɛɛʋɛ ti ɠɛ ga zunui nii peelalazu la ba, é ɠɛ ga anza ɠila kɛɛ nui, ná-dointi ti ɠɛ ga kidaaleʋe nuiti, ti mina ɠɛ ga tuʋa ʋele ɲɔu nuiti, ti-ziɛ ʋelei zu, ti mina ɠɛ ga kololala nuiti.
Tɔgi zeikɔlɔgiti
Siɛgi zu zunui anzai zeizu la ga niinɛ, suvaa ɠa yɛ ga kɔɔɠɔ vai, daaloba woti vaa la laa unma, toɠa yɛ ná-pɛlɛyeɠei yeema, eyɛsu kona gila, anzai é fuluai, é naa ɠoozunɛ vai ɠɛ.
Vulu zaa vai
Ni tanisu zunui ta a anzanui ta zeina, ti yɛ liizu la, wɔinzeɠe ma, tɔɔzei é fai ta ɠa naa ʋa, nii é la nɛɛni bɛ, toɠa vulu zaa zɛʋɛi ɓɛtɛ, é fe zea, é pilɛ, é ɠula ná-pɛlɛi wu,
Vulu vai ma maaɲɛɛ tanigaani
Ni zunui ta a anzanui ta zeina, ti ɓɔ faa ma, naa ʋoluma, naa wɔinzeɠe ma, é zɛɛ vaiti kpɛtɛ anzanui laalɔɠɔma, é kisiɛ ɲɔi wo, é lo ba, é ɠɛ ma: «Gè la ɠɛni ma ɓea zeɠeni, gè fuluai ma, gè ʋilɛ polu,» naazu, anzanui kɛɛɠɛ ta dee ta ma ɓea ʋoogi zeɠe, ti lii la taa ɠundiɠiiti pɔ taa ziɠidaʋɛ, ti-zeizuʋɛ. Kɛɛɠɛ ɠa ɠɛ ti ma: «Gè dòun anzanui veeni zunui tɛi bɛ ga vului, kɛlɛ é maaɓoa, é tɔɔzeiɗa ga maaɓoa, ga wɛɛnziɛ nu ʋe, é la ma ɓea zeɠeni. Kɛlɛ poogi ʋɛtɛ, nii é dɛɛzu ga dòun anzanui ma ɓeai ɠɛni de.» Ta maazaa kpidii ma lasuzeɠei zuvie taa ɠundiɠiiti gaazu, nii ɲamai vazagai su.
«Mina la è-ɠɛɛ anzai taɠili koba. Toɠa ɠɛ ga è-ɠɛɛ unfe faa.
«Mina la ga è-zeiɲɔɠɔi anzai, ɗa ɓɔɠɔ ɠɔzɔ la.
«Siɛgi zu zunui ta a wɛɛnziɛ bona la ga seiɲɔɠɔi ta anza, wa wɛɛnziɛ nuiti felegɔ pɛ paa.
«Ni zunui ta a laana ga zunui ta, ti kɔzɔba vai ɠɛa, wa ti ʋaa. Ti-ma ɲamai ɠa la ti unma.
Ti la koloɠolo anzanu zeiɗa, ɓaa nii tɔɠɔi ɠoloɠologai. Ti la anzanu zeiɗa, nii sinigi ɠɛlɛai ba, mazɔlɔɔ zalaɠa ɠula nui ɲadegɛ ná-GALAGI ʋɛ.
«Zalaɠa ɠula nui naa mina anzanu zei, nii é zunu vaa ɠwɛɛ. É la poanza zeiɗa, ɓaa anzanui nii sinigi ɠɛlɛai ba, ɓaa koloɠolo anzanu, ɓaa nii tɔɠɔi ɠoloɠologai, kɛlɛ anzanui a ɠɛ seizu, kɛni é ɠɛ ga ná-bolodai zu anzalopo ɓeai, é la dɛ zunu vaa ɠwɛɛ.
Exemplos bíblicos
O Cântico dos Cânticos celebra o amor conjugal. A Bíblia honra o casamento em toda a sua beleza e profundidade.
Nɔ̀un seɠe, è kɛ̀ ga poogi ɠɛʋele è-yiimaʋɛ,
eɠɛ poogi nii é è-yeei ma.
Tɔɔzei nɛɛbɛi zɛbɛi wɔɔlɔʋɛ ga saai ɠɛʋele,
wɔinlai ɓaaʋɛ ga gɔvɛalaazu ɠɛʋele.
Nɛɛbɛi ná-abuzogiti ta ga abu nɛ golai.
Ziɛ wolai tanɔpɛ ge la zooga nɛɛbɛi ná-abui ʋaazu,
ziɛ wolaiti ti la maaɓɔlega.
Anɛɛ ɓalaa nui ta ɠa kɔligi kpein feezu nɛɛbɛi ɠeya vai ma,
ɲɛɛɠulasu nɔ ɠa ma nu a sɔlɔɔ.
(Ɠɛɛɠɛlointi)
Ziɛ wolai tanɔpɛ ge la zooga nɛɛbɛi ná-abui ʋaazu,
ziɛ wolaiti ti la maaɓɔlega.
Anɛɛ ɓalaa nui ta ɠa kɔligi kpein feezu nɛɛbɛi ɠeya vai ma,
ɲɛɛɠulasu nɔ ɠa ma nu a sɔlɔɔ.
(Ɠɛɛɠɛlointi)
È ɓɛtɛ ʋelei pɛ pagɛ, zìima anzanui,
nɛɛʋuzu nɔpɛ ge la è ʋa.
È-ɲiimi felegɔiti kulaʋɛ ga dopa yiʋo felegɔ,
eɠɛ dopa zaai ma yiʋo felegɔ,
ti tufai miizu bulɛgiti saama.
Ɗa wɛlɛna bà nɔ ɠila,
naa ɠa kɛ̀ɛzu unga wuulee,
anzalopoi, ɗɛi è ga ànza ɓeai,
ɗa-ɠɔbu ani gila kpegi ɠa kɛ̀ɛzu ga ɗa-luɔi.
Kɔʋɛzu ʋele yeei ɠa é daazu nɔ̀ungi wu,
é zeezai velevele mà.
Ee, nɛ̀ɛnɛ ga è-laaʋɛ, è nɛ̀ɛnɛ!
Ɗa-nɛɛbɛi ɠa sòsu, é leʋe dɔɔi ʋa.
Zɛnvui wo koozunɛɛi zu wa è-anzai nii nɛai è ʋɛ, naa ɠɛ etea wafuungi tɛi su, nii GALA ge feai è ʋɛ ga è kɛ zooi ɠa. Naa ɠa é ga ɗɔnɔi kpɔlɔi naa kpein su, è suzosu zooi ɠa.
Zɛnvui wo koozunɛɛi zu wa è-anzai nii nɛai è ʋɛ, naa ɠɛ etea wafuungi tɛi su, nii GALA ge feai è ʋɛ ga è kɛ zooi ɠa. Naa ɠa é ga ɗɔnɔi kpɔlɔi naa kpein su, è suzosu zooi ɠa.
Tɛnɛ gooiti
Nu felegɔi ɓɔgai su, naa vizɔgɛ nu ɠilagi ʋa,
ta ɠɛna fele, ta ɗa ta-wotii zulɔnɔgi zɔlɔɔ.
Ni gila ka loona, bɔɔlai ɠa ɗa buzeɠe,
kɛlɛ zɔi tɔ ɠila be, naa maawɔingo,
ni a loona, bɔɔla la ná, nii a buzeɠe.
Ʋele nɔ ɠana é la, ni nu wa ɠɛna laani ga nu felegɔ betei zu,
diegi ɠa zoo zeizu wo ma,
kɛlɛ zɔi tɔ ɠila é laani,
diegi ɠa zoo zeizu ɠale naa ma?
Ni nui ta a ɠɛna ná, é ɗa vɔni nu ɠilagi ma,
nu felegɔi ɠa zoo vɔnisu tɔun ma.
Galu ʋɔɛngi nii é ma ga saʋagɔ,
naa leʋe la ɓaaʋɛ.
Juízo e restauração
O Senhor é testemunha do pacto conjugal. Casamentos quebrados podem ser restaurados pelo poder e graça de Deus.
À ɠale ma, wo ʋa, kololala lointi
«À ɠale ma, wo ʋa, kololala lointi!»
Ɠɔoɠɔ GALAGI wooi ɠana.
«Mazɔlɔɔ nà ɠa gè ga wo-Maliɠii.
Nà wo zeɠezu, gila taa wolai ta zu,
felegɔ pɛlɛyeɠei ta wu,
ga gè li ga woye Siyɔn.
GALA ná-keela woo mɔungi é boni Wozé ma
Ʋele ɠa Ɠɔoɠɔ GALAGI tɔɔzeini la ga ɓɔɛa Wozé ʋɔ, é ɗa bo ná-nuɓusɛiti ma. Ɠɔoɠɔ GALAGI ɠɛni Wozé ma: «Li, è koloɠolo anzanui gila seɠe, è sei, dointi è ʋaazu ti zɔlɔɔsu ba, naati ta ɠɛ ga koloɠologi zu lointi. Mazɔlɔɔ zooi zu nuɓusɛiti pɛ ti ɓɔɠɔ vea koloɠologi ya, ga ti ʋoluave fai Ɠɔoɠɔ GALAGI ʋa.»
Zuda ta Izilayɛle nuiti ta ɠaalɛ ba naazu,
ti kundiɠi ɠila kpe nɔ zei ɓɔɠɔ unda.
Ta ɠula duɔla yooi zu,
mazɔlɔɔ Zizeleyɛle ná-foloi wɔɔlɔʋɛ.
Maliɠii Ɠɔoɠɔ GALAGI wooi ɠaa: ‹È è ɠabei lɛa mɛtu, è è-ɓusɛi ʋaalobazuʋɛ pɛ dɛa, è ɓɔɠɔ vee vai zu koloɠologi ya, ɗa-wɛɛinti zea, ta ɗa-ɠɔɔɠɔ gani nɔɠɔiti. È è-lointi ma ɲamai ʋuuni, è ti ɠulani ga zalaɠai ɗa-ɠɔɔɠɔ gani nɔɠɔiti bɛ. Naa ɠa é ba, nà ɗa-wɛɛinti pɛ gaalɛɛzu ba, zɔiti è ɓɔɠɔ veeni ti ya, niiti pɛ è ti nɛɛni ʋɛ, ta zɔiti è ti wɔinzeɠeni, gè naati pɛ kpɔ ti ʋa. Nà ti ɠaalɛɛzu ba è ma, ti zeɠe adaʋɛ pɛ, gè è ɠabei ʋilɛ, ti pɛ ti pɛtɛ mɛtu.
Kɛlɛ Ɠɔoɠɔ GALAGI maanɔɠɔ vaa wolaiti pɛɛni Falaɠɔn ta ná-pɛlɛyeɠei ʋa, Salayi maaʋele ma, nii é ga Abalame anzai. Falaɠɔn zɛba é Abalame loli, é ɠɛ ma: «Leeni ɠa è kɛai ga ze? Lee vaa zu è la boni mà ga è-anzai ʋe?
Agaal ná-fai ta Isemayɛle zɔlɔɔ fai
Abalame anzai Salayi la ɠɛni doun zɔlɔɔni bɛ ɲɛgɛlɛin. Kɛlɛ duɔ anzanui ta ɠɛni zea, daaseigi ɠɛni ga Agaal, é ɠɛni ga Ezipete yooi zu nu. É ɠɛni Abalame ma: «È kaa ga Ɠɔoɠɔ GALAGI la vaani bu ga gè doun zɔlɔɔ. Li, è ʋilɛ nà-duɔ anzanui ʋolu, tanisu nà doun zunu zɔlɔɔ ga maaʋele.» Abalame ziɛni ga anzai Salayi ná-tɛnɛ gooi. Abalame anzai Salayi ná-duɔ anzanui, Ezipete nui Agaal zeɠeni, é fe sinigi Abalame ya ga anza. Abalame zeini niina Kanaan yooi zu, é kɛ ná ga kona puugɔ.
Gila ge ɠɛni ma: «Konagi nii é ʋaazu, niima yeeɠɛɠalai zu, nà ʋaazu ʋolu è ʋɔ bɛ, è-anzai Sala ɠa doun zunu zɔlɔɔ.»
Sala yɛni poluʋɛ seɠe ɠotai wu, é niima wooiti mɛni. Abalaame ta Sala ti wɔlɔzaɠaga ɠɛni de niina, ti kona mɔinmɔin kula. Sala ɓudɛni niina doun zɔlɔɔ siɛgi maazu. Sala ɲɛɛi woni ɠoozu, é ɠɛ ma: «Niizu gè wɔlɔzaɠaga, zini pɛlɛ wu wɔin ɠa ɠɛ mà mɔnɔ ɓaa? Màliɠii ɓalaa wɔlɔzaɠaga.»
Kɛlɛ Wonan kwɛɛni ga naama lointi ti la ɠɛɛzu ga tɔun nɔnɔ. Naa ɠa é ba, a la ɠɛna ɓɛdɛa diɛ anzai ma, é ɠɛni gaaɓelazu ga é ma ɗɛi ʋu zooi ma, nii a kɛ é mina mavofoda zɔlɔɔ diɛ ʋɛ. Nii é ɠɛni kɛɛzu, naa wola ɲɔuni Ɠɔoɠɔ GALAGI ɠaazu, naa tɔ ɓalaa paani.
Salomɔn zɔlɔɔ fai
Davide maaɓuɠani anzai Ɓate-Seɓa ʋa, é gaanɛɛnɛ, é laani koba, naa doun zunu ɠili sɔlɔɔ bɛ ʋolu, é daasei pɛɛ ga Salomɔn. Ɠɔoɠɔ GALAGI doungoi naa nɛɛni ʋɛ,
Kɛlɛ Aɓiya mu ná-zobogi ɠaa ɠɛni liizu ga wɔɔlɔa. Anza puugɔ maazu naanigɔ (14) ɠa é fuluni, é zunu loin zɔlɔɔ ga puufele maazu felegɔ (22), anzanu loin ɠɛ ga puugɔ maazu lɔzita (16).
«Naa ɠa é ga tɔgi é ʋilɛ tolo vai ʋa, siɛgi zu anzanui é zini bɛ, é sinigi yaavazu la, é ɓɔɠɔ ɠɔzɔ, ɓaa ni tolo yii a lɔɔna zunui ta yiima, é zooʋi anzai ma koloɠolo fai zu. Toɠa ɠula la Ɠɔoɠɔ GALAGI ɠakala. Zalaɠa ɠula nui ɠa naa ɠɛ, nii kpein sɛʋɛai tɔgi zu.
Ziilɛi fai ma minazeɠegi Izilayɛle ʋɛ
Wooɠula ga koozunɛɛi,
ɗɛi è ɠɛni ga doun zɔlɔɔtala anzanui,
è la ɠɛni doun zɔlɔɔni!
Guyei loo ga koozunɛɛi, è wooɠula la,
ɗɛi è la doun ɠoozuwana woni!
Mazɔlɔɔ Ɠɔoɠɔ GALAGI boni ga:
«Anzanui kɛlɛi wogai ba, ná-dointi ta mɔin,
é leʋe anzanui nɔnɔi ʋa, nii é zini bɛ.»
Faanɛɛ wuuɠwɛɛ guyei
Ɠɔoɠɔ GALAGI ɠa bɛ̀ ga koozunɛɛi ma un golai.
Zìilaaʋɛ, tɔɔzei nà-GALAGI ná-faa zu,
mazɔlɔɔ toɠa màaɠilizu ga kizogi ma zeɠei,
é telebodai ma zeɠei veleveleni mà,
eɠɛ anzazini niinɛi é ɓɔɠɔ maaɠilizu ga zalaɠa ɠula nui ná-seɠei,
ɓaa mu anza ɓeai é ɓɔɠɔ maaɠilizu ga ná-bala ʋagɔiti.
Ane GALA mama fai Yesu ná-faa zu
GALA goo wo anzanui ta ɓalaa ɠɛni ná, daa ga Ane, é ɠɛni ga Fanuwɛle ná-doun anzanui, Asɛɛl wolodamai ta ɠɛni de. É wɔlɔzaɠani niina, kona dɔfelai ʋoluma nii ti kɛɛni ʋa ta sinigi ná-anzalopo ziɛgi zu.
«Ni nui ta ɠa è lolina vulu laamii wosuʋɛ, mina li, ɗa ʋa zei ʋelela ɓɔkpɔgi ma, nii a kɛ ni é nui taɠili toligɛ, nii gaazu unfegi wɔɔlɔai ɗɔnɔi ʋa,
«Zɔi nɔpɛ é ɠɛlɛzu anzai ʋa, é taɠili sei, é wɛɛnziɛgi ɠɛa. Zɔi ma é anzanu zeizu, nii sinigi ɠɛlɛai ba, tɔ ɓalaagi wɛɛnziɛgi ɠɛa.»
Nuiti ti ɠɛni daamii wosu, ti ɗa kpɔɔleiti bo, ti ɗa anzaiti fulu ɓɔɠɔ ʋɛ ta ti-lointi bɛ, eyɛsu naama voloi zeeli, yeei Nowe lɛɛni la kein wolai zu. Ziɛve golai ʋaani, é ti pɛ undaaʋili.
Yesu ɠaalɔni, é ɠɛ anzanui ma: «È maalɔɔ nuiti ta mini? Tanɔpɛ ge la è ʋeelalani?» Anzanui ɠɛni ma: «Màliɠii, nu nɔpɛ ge la pèelalani.» Yesu ɠɛni ma: «Nà ɓalaa gè la è ʋeelalazu. Li, è mina mɔ koto ɠɛ.»]
Zɔiti nɔpɛ ti zeɠezu ta-ʋɛlɛiti ba, ti-ɠɛɛlointi ɓaa ti-ʋaazeelaiti ba, ti-ɠɛɛni ɓaa ti-leeni ba, ti-lointi ba, ɓaa ta-lii ɠɛɛzuʋɛti ba nɔ̀un maaʋele ma, ta ʋaazu naati ma ʋɛɛda ungilagilagi zɔlɔɔsu, naa ʋoluma ta tɔnɔ zɔlɔɔ ɠɔoɠɔ zɛnvui zu.
«Kalamɔn, Moize niima levei veeni, é ɠɛ ma: ‹Ni zunui ta a zaana, é la doun yɛni ga ʋoluʋelei, kɛɛɠɛloin maanɛɛʋɛ ga é ná-poanzai zei ga anza, nii a kɛ é naa ma zuwui makɛ.›.
Tɔɔzei siɛgi zu buzeɠei wosu da, nu ɠula saai ya, zunuiti ti la mɔ anza zeɠea, anzanuiti ti la mɔ zeiɗa zini bɛ, ta ɠɛɛzu niina eɠɛ geezuɠeelaiti.
Tɔɔzei nui yiimaʋɛ ɠa kisiɛ ɲɔiti ta ɗa zeɠe ná, ti nui liizu nu ʋaa vai ta wɛɛnziɛgi ma, naa ʋɛɛ koloɠologi ta unmai ʋa, ta zɛɛ zeele wooiti, naa ʋɛɛ tɔɠɔ ɠoloɠolo faiti ba.
Tama kpusɛi ɠɛɛwotiiti kulaʋɛ kɛlɛma, tiya ɠa ti ga niiti: koloɠologi, kɔzɔba vai, ɓaaɠulama vai, kɔɔɠɔ gani kɔɔ vai, zoɠo vai, maayobalabɛ vai, kpɔɛ vai, tolo ɲɔi, ziiɠulagi, maaɠɔɔ fai, zeeɠaaɠwɛɛ vai, balima vaiti, gaazuɠulapɔi, dɔɔzodai, ziimaɠɛɛ lateʋegai, ta naa ɠɛɠala vaiti. Nà wo lɛnɛsu niina, eɠɛʋelei gè boni la wo ma, zɔiti ti naama vaiti kɛɛzu, ti la GALA ná-masadai zɔlɔɔga.
È-anzai ɠa ɠɛ ɗa-ʋɛlɛi wu, eɠɛ leezɛn ɓelei gaawaai mɔinɗai,
è-loun zunuiti ta ɠooli ɗa-laɓalii ma, eɠɛ wolive wului ma ʋɔnɔgiti.
Zenɔ ɠana é la, anzanui fuluai, giliʋɛ sinigi ʋa tɔgi ya, ni naa ɠa dɛ vulua. Kɛlɛ sinigi a zaana, é viega, é ɠula sinigi ná-tɔgi wu. Naa ɠa é ba, ni sinigi la dɛ zaani, a zeina zunu ɠili bɛ, toɠa loli ga wɛɛnziɛ anzanui. Kɛlɛ ni sinigi a zaana, é viega, é la mɔ naa ná-tɔgi wu, toɠa zoo naazu é ɠɛ ga zunu ɠili anza, é la loliga ga wɛɛnziɛ anzanu.
Kɛlɛ wɛlɛ, nii gè ma yelii losu è ma, naa ɠa é ga, ɗa Zezaɓɛle yɛsu ná, anzanui naa nii é ɠɛ toɠa ga GALA goo wo nu, é ɗa nà-botiɠɛ nuiti kaka ga ti ɓɔɠɔ lɔ koloɠologi zu, ti ɗa suaiti mi, niiti ti ɠulaai ga zalaɠai kɔɔɠɔ ganigiti bɛ.
Nuɓusɛi niiti ti la ti-ziɛ ʋelei maavaliboni, ti ʋa ɓe ta-nu ʋaa vai ʋa pɛ, ta ta-zoɠo vaiti, ta ta-ɠoloɠologiti, ta ta-unma wo faiti.
Tɔɔzei ná-tukpɔɠaaleʋeaiti ta ga gaamai, ti zɔlegɛ.
É koloɠolo anzanu wolai ʋeelala,
nii é ɠɛa eteai ɠoloɠolosu ga ná-koloɠologi.
GALA ná-botiɠɛ nuiti é ti ʋaani,
é ti-ma ɲamai ʋotokula ma.»