Céu

2 Apei ki ga kibungdung kekiee ge bam. Dede Iciu melie cai au, Ih nnui dage ranggai beu dizie nage, Kedanemene Ih au nnui ziemne heni ge mtei beulai eh bam.

RAMPAUBE Zai au yicang

1 Tinggimdung Tinggwang kemdu ranglia bam,

nah tingkamdung pe tadung peu cigai bam!

2 Tingnai ge cai tingnai ge sam ranglia bam;

tingmui ge cai tingmui ge pe maci keulia bam.

5 N kedi pwa ting gage lialo, Tinggwang,

nah n kendu de kideu pelane reu peu hetwa punglo.

8 Anui gu kengha au RAMPAUBE da bam,

tinggim nah kideu tei kegaibe da.

25 Nang mecai a ziemne tinggim ga cau bam no?

Kideu ga nang gwale migede Ih luu keneu ga.

Kendeu

1 Kendeu dau*, Tinggwang tinggimdung nah kideu damgai.* 2 Dui kecok de reu kemui ne puibam. Nah kideube pe rehi gah nah mtamrwa. Tinggwang Rabe* duidung reu ga nlai eh bam.

6 Tinggim ga takswa tei kelube cide au pa delei,

nah kideu reu gage pa pe ting bang teilu.

Pa dui kedi gu duidung qugai la,

nah kideu zu gage penuide rui mpet kai la, pe zi au RAMPAUBE.

24 Migede kengkim bam ge ga mbai lubui ni iciu eh Ih pecu ngau tadi kera?—aide RAMPAUBE ne ndugai—

nah Ih ne tinggimdung nah kideu de tei pui meni?—aide RAMPAUBE ne ndugai.

17 "Oh, RAMPAUBO! Pielo! Nang nkatei n kengkieng nah n ba hwa gai eh tinggimdung nah kideu teilu. Nang kerang leune magede nang tei kepa gah.

20 Dede anui au tinggim peupeime ge dida, cikade anuide kelikelube, Rampaube Jisu Khrista de regui eh kwabam.

Tinggim ga mabam

19 Kideu gage nnui ziemne mabam hekwa so, taklei nah mtu ne teimsiadi kera gage, nah keregame raklüt eh rega kera gage. 20 Meliene, n ziemne mabam tinggim gage hekwalu, cika taklei mede mtu ne teimsiadi gailak, nah cika keregame raklüt mede rega teudi gailak.

14 Dede Jisu rangdi, "Henamedung de peu ada gwanglo, penuide kaam helo, kedanemene tinggim hegwangram au cipaume gulu."

21 Jisu pe dage rangdi, "Nang magade yicangsiak neucai, mie delwe n mabam pelane zwadi, delwe kegahme de peudi, iciude nang tinggim ga mabam bam luzie, delwe gwang acai suilu."

35 Tinggim nah kideu gah dizie, dede a samdung au madaude gah dilak.

2 Nreule kebambedung ha cet bamlo, kideu ga kebambedung ha be mene.

16 Rampaube tinggim gade nghung zie. Pa ma sahbak gai eh gwang zie, tinggimgwame kedibe aja kai gaizie, nah Tinggwang teluibe kwagai zie, nah Khrista da la eh tsaikedime ringcuh raizie. 17 Pecai anui ring kebamme, bang kelume, penuide ngngwa nghang hemwa gade keu ncütlwe tingkai gade Rampaube de redau zie. Iciu eh anui Rampaube de ngngwa lamui dizie.

2 Akumedung, anui cu au Tinggwang name dida, nah anui dai nzwa di ziebi kecu liagai mereu. Khrista kegwang dau, anuide pa nzwa di kera anui cibam, kedanemene pa kelade nzwa anui pecu ngau zielu. 3 Nah keheibede peda keregui aide kebamme au pekatei pecu teimci lula, Khrista mci kecu nzwa.

18 Rampaube kesia ta pelane gade acu kelibeu zie nah acu pe tinggim hegwangram ziemne kelibeu zie. Pecu peu kelungta ndu kelube tei lulo. Amen.

Cuhkedi

50 Iciu eh pa penuide nzangpwa Bethany lebie gwangdi, nah pa pe ba hwacuh penuide samlambeu. 51 Pa penuide samlambeu kebamdau, pa penui dade tetdi, iciu eh pecu ngngwa tinggim nghang di.

9 Pa aidungde rang kedicai, penui ngangcuh pie kebamdau, pecu ngngwa cuhdi, nah hemwa gene penui miakngau gade pecu sung teudi.*

12 Kedanemene anui mi teih nah mi jai de ngngwa keregi ma, dede kedime, kengkieng keteumedung, kideu kemui teu kebamme, tinggim ga kesia rabe maadungde ngngwa renia bamlu.

7 Kedanemene anui kideu ga magede keugwang ma, nah anui kideu gade magede keutet gailak. 8 Dede anui ketyeipok nah paini bamcai, aidungde le anui mnung luzie.

9 kedanemene tinggimdung au kideu swade hu ki kecu nzwa, cinzwa a lampuidung de n lampuidung swade hu ki, nah a kecetdung liede n kecetdung swade hu.

Maleune Peting ziemne Peting ge

1 Kedanemene ma pelane ziemne peting ge riet pwabam, nah tinggim kangga ma keheibe ziemne peting pehi ge bam. *

15 Minabe pe pui pok gade gwang kelu nzwa,

pa paula eh caili tet zie.

Pa pe ba lepwa tei kelu tsibui kette keutet gailak.✝