Chamada
A chamada de Deus é irrevogável. Ele nos chamou das trevas para a sua maravilhosa luz — para sermos santos, discípulos e instrumentos de sua graça no mundo.
Chamados por Deus
Fostes chamados para a liberdade. A chamada de Deus é dom irrevogável que nos convida à santidade e ao serviço.
पर ऐबै लोल़ी तम्हैं सोभी साबै पबित्र रहै ज़ुंण बी तम्हैं करा। किल्हैकि ज़ुंणी परमेशरै तम्हैं छ़ांटै दै आसा, सह आसा पबित्र। किल्हैकि पबित्र शास्त्रा दी आसा लिखअ द,
"पबित्र हआ, किल्हैकि हुंह आसा पबित्र।"
तम्हां शादणेंओ आसा परमेशरो एक मकसद इहअ बी कि तम्हैं भलै काम करनै पिछ़ू बी तेऊ लै दुख ज़िरे। मसीहा ज़ुंणी थारी तैणीं दुख ज़िरै, सह आसा तम्हां लै आदर्श। तैही लागा तम्हां तिहअ करनअ ज़िहअ तेऊ किअ।
बूराईए बदल़ै बूराई निं करा अर नां गाल़ी दैणैं आल़ै लै बदल़ै दी गाल़ी दैआ, पर एते उंबल़ी दैआ लोगा लै बर्गत। किल्हैकि परमेशरै आसा तम्हैं होरी लै बर्गत दैंदै शादै दै। ज़ै तम्हैं इहअ करे, परमेशरा दैणीं तम्हां लै बी बर्गत।
परमेशरै किअ म्हारअ उद्धार अर तेऊ आसा हाम्हैं पबित्र ज़िन्दगी ज़िऊंणां लै शादै दै। ज़ुंण हाम्हैं भलै काम किऐ, तेऊ निं हाम्हैं तेता भाल़ी बच़ाऊऐ, पर तेऊ थिअ हाम्हां लै महान दान दैणें बारै संसार शुरू हणैं का आजी डाहअ द सोठी! परमेशरै पजैल़अ ईशू मसीहे जशा करै सह दान हाम्हां लै।
तम्हां शादणैं आल़अ आसा शुचअ-पाक्कअ, तेऊ आसा तम्हैं पबित्र हणां लै शादै दै अर तेऊ करनै तम्हैं बी पबित्र।
हाम्हैं सोभै विश्वासी आसा एकी ई देहीए आंगा ज़िहै अर हाम्हां सोभी आसा एकी रंगे पबित्र आत्मां भेटी दी, ज़ेही तम्हां लै आशा आसा भेटी दी ज़ेभै तम्हैं परमेशरे आपणैं हणां लै आसा छ़ांटै दै।
हुंह रहा कबल्लअ नशाणैं बाखा लै ठुहर्दअ लागी ताकि मुंह तेते नांम स्वर्गै परमेशरा संघै सदा रहणअ भेटे, ज़ेता लै हुंह परमेशरै मसीहा ईशू दी आसा शादअ द।
A resposta à chamada
Deus é fiel, pelo qual fostes chamados. Ele nos escolheu, nos capacitou e nos enviou com propósito eterno.
परमेशरा करनअ इहअ, सह करा तिहअ ई ज़िहअ सह बोला किल्हैकि सह आसा शुचअ-पाक्कअ। तेऊ आसा हाम्हैं आपणैं पूता संघै एक हणां लै शादै दै ज़ुंण म्हारअ प्रभू ईशू मसीहा आसा।
परमेशरै छ़ांटै तिंयां मणछ ज़हा अह संसार निक्कै अर बृथा समझ़ा ताकि सह तेता बरैबाद करे ज़ेता संसार खास समझ़ा। परमेशरै किअ इहअ एते तैणीं कि तेऊ सम्हनै कोहै घमंड नां करी सके।
हाम्हां का आसा ऐहा गल्लो थोघ कि ज़ुंण लोग परमेशरा संघै झ़ूरी करा, तिन्नां लै करा परमेशर सोभी गल्ला भलाई पैईदा, मतलब तिंयां ई ज़ुंण परमेशरै आप्पू लै आसा छ़ांटै दै।
ज़ुंण खुशीओ समाद तम्हां का हाम्हैं खोज़अ, तेता करै शादै तेऊ तम्हैं उद्धार हणां लै ताकि तम्हां म्हारै प्रभू ईशूए प्रतप्पा दी साझ़ू हई सके।
पतरासै बोलअ तिन्नां लै, "आपणैं पापो प्राश्त करा संघा लआ तम्हैं सोभै आपणैं-आपणैं पाप माफी लै मसीहा ईशूए नाओंऐं डुबकी, तै भेटणीं तम्हां पबित्र आत्मां ज़ुंण परमेशरो दान आसा।
तम्हैं निं हुंह छ़ांटअ पर मंऐं छ़ांटै तम्हैं अर एते तैणीं डाहै कि तम्हैं फल़ दैई सके अर थारअ फल़ कबल्लअ रहे कि तम्हैं मेरै नाओंए बाब परमेशरा का ज़िहअ बी मांगे, सह तम्हां लै दैए।
बिधाता बोला इहअ, "हुंह त मेरी परज़े हर गल्ला लै ज़बाब दैणा लै तैर, पर तिन्नैं निं मुखा अरज़ ई किई! हुंह त भाल़अ लागअ द कि तिंयां मुंह लोल़े, पर तिंयां निं धख लोल़ै भाल़ै बी लागै! ज़ुंणीं देशै मुंह सेटा अरज़ बी नांईं किई, तिन्नां लै बी रहअ हुंह बोल्दअ लागी, ‘हुंह आसा इधी, हुंह करूं थारी मज़त।’