5 momentos em que Jesus mostrou como amar ao próximo

44 Endelo, mbi naotɔndeakadeani sooti bo: Palani baloni ba bino ko angɔnɔni ta tina e bato ibia bakaonɔngedjeni.

30 Yesu asɔmbedja bo: «Moto omɔti adonga ta Yelusalɛmɛ ko atitaka ta Yeliko, asonganaka na bapundji bamokatoa, bamoboma, bakɛɛ ko bamokina ndoko. 31 Nganga o Ndjakomba omɔti anɔɔkɔ ta ndjea emina. Amoɛnɛ, ko amobambaa ta ngunda ekina e ndjea ko anɔɔ. 32 Mondumba momɔti pongono, molewi aimea ta esika emina, amoɛnɛ, ko amobamba. 33 Endelo Mosamalia omɔti, anɔɔkɔ ta ndjea emina, aimea mbuti na moto omina. Amoɛnɛ, ko amookea pɛhɛ. 34 Abatama mbuti na nde, ko asopea munɛ ko vino* ta pola emina ko aenanga na esendja. Amokondedja ta diko di punda o nde mɛnɛ akɛɛ na nde ta ndako e bakɛndɛli, ko amokɔmedja bopele. 35 Amakaya busa, aiwa pata dji palanga djibae, abipa ta dii mobanei o ndako e bakɛndɛli ko abala na nde bo: "Saloa moto iyo; okabakeadea palanga djikina diko, ta ihule di mbi naosɔmbedjadea."»

36 «Moto iyoyo okatoa bapundji, ta tei e bobo basato, odii mɛɛnɛ mina nde nda?» 37 Molehi o mobeko asɔmbedja bo: «Edii iyoyo omookea pɛhɛ.» Yesu abala na nde bo: «Kɛɛ ko wɛ kɔɔ pongono oko iboa.»

3 Balehi ba mibeko ko na Bapalisai bamolwɛɛ mwali omɔti otanea ibo akɔɔ bɔɔli. Bamoemea ta boso bo bato basusu 4 ko babala na Yesu: «Molehi, mwali iyoyo lomotanei oko ta ehole edaki iyo akɔɔ bɔɔli. 5 Mose ta mobeko aloloma bo loowoe bali ba mondumba mu na mabɔkɔ*. Ko wɛ, ebalakadea wɛ tina e modjɔ momina nde?» 6 Babalaka iboa tina ebomopikea elambo bɛngi badie enɔli e bomopunda. Endelo Yesu asunama ko abanga bokoma na mosapi ta kpɔtɔ. 7 Abo basɛsɛnɛkɛ na bomowadja, Yesu asaninodja ko abala na bu: «Moto odii pɛ boda na pekato ta ndanda e bino amolɛ ibɔkɔ di boso.» 8 Ngɔngɔ djimina asumana naikina ko asɔmbɔ bokoma ta kpɔtɔ. 9 Ehole eoka ibo mobalo momina, basatuba omɔti omɔti, bobanga na bato bapingamake. Ko Yesu adika iyo mɛnɛ na mwali, odaaka aemi boso bo nde. 10 Iboa Yesu asaninodja naikina ko abala na nde: «Bopele, ibo bado? Pɛpɛ nongo moto omɔti osaodumba na ikambo?» – 11 Asɔmbedja bo: «Kumu pɛpɛ nongo moto.» Yesu abala bo: «Mbi pongono nitaodumbakadea. Kɛɛ, endelo pɛpɛ bokɔ pekato naikina.»]

Yesu aheledji mosali o kapita omɔti o bosodha mokama

5 Naboa ta ehole ekwea Yesu ta kapalanaume, kapita omɔti o bosodha mokama abatama mbuti na nde, amoangɔnɔ, 6 ko abala bo: «Kumu, mosali o mbi asambi ta ndako, binama bi nde bikatatai ko apekakadea bobuke mɛɛnɛ.» 7 Yesu amosɔmbedja bo: «Mbi, nakɛkɛdea amoheledja.» 8 Endelo kapita o basodha mokama asɔmbedja bo: « Kumu, nadiiti mobwanake bɛngi okwee ta ndako e mbi. Endelo bala oto kɔpi emɔti pɛ ko mosali o mbi aheladea. 9 Modjɔ mo mbi mɛnɛ nadii ta nase dji bokondji bo ibia banɔini ko nadii na bosodha badii ta nase dji bokondji bo mbi. Nakabala na omɔti bo: "Kɛɛ!" Ko adii bokɛɛ; nakabala na okina bo: "Doa!" Adii bodoa ko nakabala na mosali o mbi bo: "Kɔɔ iboo!" Adii bokɔɔ.» 10 Ehole eoka Yesu kɔpi emina akamwa bobuke ko abala na bato ibia bamohokamedjaka bo: «Naotɔndeakadeani sooti mɛnɛ bo: napakina songana na moto o edhimeli mondumba imumu ta Isalɛlɛ. 11 Naikina nabalakadea na nu, bato banɛnɛ badongabi ta pamba ekangɔe modaakabusa ko ta pamba ekasame modaakabusa bɛngi badae ta mesa na Abalayama, Isaka ko na Yakobo ta Bokumu bo busa. 12 Endelo basangoli ba Bokumu bo busa badumbamabi sokolu ta modidi, iho bayeabi ko bakpɛkɛnɛbi miino.»

13 Iboa Yesu abala na kapita o basodha mokama bo: «Yana ta ndako ewɛ, yɛɛ bo ekɔɔme bobwana na bodhima bowɛ!» Oko ta ngonga emina mosali o nde aso ahela.

13 Bwela mɛɛnɛ bonɛnɛ bobwani moto boinedja bopa bomɔ bonde ta tina e babinande.