Compaixão
A compaixão é o coração de Deus em ação. Ele é compassivo e misericordioso, tardio em irar-se e grande em amor. Somos chamados a refletir essa compaixão no mundo.
"ଇୟା ଜାହାରା ଜାର୍ନି କିତି ମୀର୍ଏଣାଇଁ ଜୀୱୁ ନ଼ଆନା
କି ଜାହାରା ପା଼ଲୁ ଊଟ୍ହି ଡା଼ଲୁଇଁ ବା଼ଣା ଆୟାଲି ଆ଼ଡିନେ ?
ହାଅ, ଈୱାରି ବା଼ଣା ଆୟାଲି ଆ଼ଡିନେରି,
ଆ଼ତିଜିକେଏ ନା଼ନୁ ମିଙ୍ଗେ ବା଼ଣା ଆୟଅଁ।
ମେହ୍ଦୁ, ନା଼ନୁ ଜାହାରା ରୀ କେୟୁତି ପାସିତା ମୀ ଦ଼ରୁ ରା଼ଚାମାଇଁ;
ମୀ ଗା଼ଡ଼ାତି କ଼ଟା କା଼ଲେଏ ନା଼ ନ଼କିତା ମାନେ।
ଇଞ୍ଜାଁ ଏ଼ଦାଆଁତାକି ପ୍ରବୁ ମିଙ୍ଗେ ତାକି କାର୍ମା ଆ଼ହାଁ କା଼ଚା ଡ଼ୟିନେସି, ଅ଼ଡ଼େ ଏ଼ଦାଆଁତାକି ଏ଼ୱାସି କାଜାସି ଆ଼ହାଁ ମିଙ୍ଗେ କାର୍ମା ଆୟାନେସି। ଇଚିହିଁ ପ୍ରବୁ ନୀହାଁୟି ବିଚାରା କିନି ମାହାପୂରୁ; ଆମ୍ବାଆରି ଏ଼ୱାଣାଇଁ କା଼ଚାହାଁ ଡ଼ୟିନେରି ଏ଼ୱାରି ନେହେଁ।
ମୀରୁ ମାହାପୂରୁତି ଲ଼କୁତେରି; ଏ଼ୱାସି ମିଙ୍ଗେ ଜୀୱୁନ଼ହାଁନା ତାଙ୍ଗେତାକି ଆ଼ଚାମାଞ୍ଜାନେସି । ଏ଼ଦାଆଁତାକି ମୀରୁ ହିତ୍ଡ଼ି ହିୟାଁ, କାର୍ମାମେହ୍ନାଣି, ଊଣା ଆ଼ନାୟି, ସୁଦୁ ସୁୱାଲା ମାଣ୍କି ଅ଼ଡ଼େ ଅ଼ର୍ହିନାଣି ପର୍ଦୁ ।
ଅ଼ଡ଼େ, ରଅତେରି ରଅଣାଇଁ କାର୍ମା ଅଣ୍ପାଦୁ, ହିତ୍ଡ଼ି ହିୟାଁ, ଅ଼ଡ଼େ ମାହାପୂରୁ କ୍ରୀସ୍ତ ତା଼ଣା ମିଙ୍ଗେ ଏ଼ନିକିହିଁ ଦ଼ହ ପିସ୍ତାନେସି, ଏଲେକିହିଁ ରଅତେରି ରଅଣି ଦ଼ହ ପିହ୍ଦୁ ।
ନେହିଁ କାମାତାକି କସ୍ତ ପା଼ଣ୍ନାୟି
ଡା଼ୟୁତି କାତା ଈଦି, ମୀରୁ ବାରେଜା଼ଣା ତେରି ରଣ୍ତିଏ ଅଣ୍ପୁ ତଲେ ବାରେତି ସୁକୁ ଦୁକୁତା ଆଣ୍ତ୍ୱି ଆ଼ନାୟି, ତାୟି ତାଙ୍ଗିଇଁ ଜୀୱୁନ଼ନାୟି, ନେହିଁ ହିୟାଁ ଅ଼ଡ଼େ ଜାହାରାଇଁ ଊଣା କିହାକଡାଦୁ ।
ସାମା ଆମ୍ବାଆସି ଦାର୍ତିତା ଦ଼ନ ଗାଟାସି ଆ଼ହାଁ ତାନି ତାୟିତି ଲ଼ଡ଼ାମାନାଣି ମେସାହାଁ ଜିକେଏ ଏ଼ୱାଣାଇଁ କାର୍ମା ମେହ୍ଅସି ଇଚିସାରେ, ତାନି ହିୟାଁତା ମାହାପୂରୁତି ଜୀୱୁନ଼ନାୟି ମାନେ ଇଞ୍ଜିଁ ଏ଼ନିକିଁ ଏଲେଇନାୟି ?
ପା଼ୱୁଲ ମାହାପୂରୁଇଁ ଜହରା କିନାୟି
ମା଼ ପ୍ରବୁ ଜୀସୁ କ୍ରୀସ୍ତତି ଆ଼ବା ମାହାପୂରୁକି ଜହରା, ଏ଼ୱାସି କାର୍ମାମେହ୍ନି ଆ଼ବା ଅ଼ଡ଼େ ଦୁକୁ ଡ଼ୁକ୍ନି ମାହାପୂରୁ । ମାହାପୂରୁ ତା଼ଣାଟି ଆମିନି ଦୁକୁ ଡୂକ୍ନି ତା଼ଣା ମା଼ର ଦୁକୁ ଡୂପ୍କି ଆ଼ହିମାନାୟି, ଏ଼ ଦୁକୁ ଡୂକ୍ନାଣି ତଲେ ଏ଼ନିକିହିଁ ବାରେ ଲେହେଁତି ଦୁକୁ ବେଟାଆ଼ହିମାନି ଲ଼କୁଣି ଦୁକୁ ଡୂକ୍ହାଲି ଆ଼ଡିନାୟି, ଈଦାଆଁତାକି ଏ଼ୱାସି ବାରେ ଦୁକୁତା ମାଙ୍ଗେ ଦୁକୁ ଡୂକ୍ନାଣି ହୀହାମାଞ୍ଜାନେସି
ଆମ୍ବାଆସି ମା଼ ଦ଼ହ ପୁଞ୍ଜାଲି ଆ଼ଡିନେସି, ଏଲେତି କାଜା ପୂଜେରା ଏ଼ୱାସି ଆ଼ଏ । ସାମା ମା଼ କାଜା ପୂଜେରା, ମା଼ ଲେହେଁ ବାରେୱାକି ତାୟିପାରି ଆ଼ହାମାଚେସି, ଆ଼ତିଜିକେଏ ଏ଼ୱାସି ପା଼ପୁ କିହାହିଲାଆତେସି
ଆମିନି ଗାଟାରି ରା଼ହାଁ କିନେରି ଏ଼ୱାରିତଲେ ରା଼ହାଁ କିଦୁ; ଆମ୍ବାଆରି ଡ଼ୀନେରି ଏ଼ୱାରିତଲେ ଡ଼ୀଦୁ ।
ତାୟିୟାଁ ଅ଼ଡ଼େ ତାଙ୍ଗିସ୍କାତେରି, ରା଼ହାଁ କିଦୁ, ନେହାତେରି ଆ଼ଦୁ, ରଅତେରି ରଅଣାଇଁ ବା଼ର୍ସୁ ହୀୱିଆ଼ଦୁ, ରଣ୍ତିଏ ମ଼ନ ଆ଼ଦୁ, ହିତ୍ଡ଼ି ତଲେ ବାସା ଆ଼ଦୁ, ଅ଼ଡ଼େ ହିତ୍ଡ଼ି ଇଞ୍ଜାଁ ଜୀୱୁ ନ଼ନି ମାହାପୂରୁ ମୀ ତଲେ ଡ଼ୟିନେସି ।