12 Maphú nandoo Ana̱ꞌlóꞌ jaꞌyalaꞌ, rí asndo niraꞌwáa̱nꞌlaꞌ rí ma̱nindxa̱ꞌlaꞌ xa̱bii̱. Ikhaa jngó jámba̱ miꞌtsú ga̱ñáwíin a̱kia̱nꞌlaꞌ, ga̱ꞌne májáan a̱kia̱nꞌlaꞌ, gu̱xrígú-mijnálaꞌ, ga̱ꞌne gamakuáanꞌlaꞌ, jamí ma̱xájiꞌnáaꞌlaꞌ nacha̱ guéño.

32 A̱ꞌkhue̱n gakon, ga̱nindxa̱ꞌlaꞌ xa̱bo̱ tsí májáan a̱kui̱ín jamí nañáwíin a̱kui̱ín juya-mijná. Gu̱ne̱ mba̱a̱ a̱kia̱nꞌlaꞌ ju̱ya̱-mijnálaꞌ, xómá rí neꞌne mba̱a̱ a̱kui̱in Ana̱ꞌlóꞌ jaꞌyalaꞌ ga̱jma̱á majñu̱u̱ Krísto̱.

8 Rí nda̱wa̱á jayu rá, mbá xúgiáanꞌlaꞌ gu̱ru̱wa̱a ju̱ma̱ꞌlaꞌ. Gu̱mbáñúúlaꞌ tsí guáꞌdáá gajmá. Ga̱galaꞌ ju̱ya̱-mijnálaꞌ xómá nandúún juya-mijná mbá guꞌwíin xa̱bo̱. Ga̱ñáwíin a̱kia̱nꞌlaꞌ ju̱ya̱-mijnálaꞌ jamí gu̱xrígú-mijnálaꞌ.

17 Xí mbáa xa̱bo̱ gíꞌdoo rí ma̱xtáa-muu ndaꞌyoo rí dxájuu na̱nguá gíꞌdoo rí ma̱xtáa-muu, jamí na̱nguá imbáyúu̱, á nandoo xa̱bo̱ tsúꞌkhue̱n jaꞌyoo dxájuu xómá nandoo Ana̱ꞌlóꞌ jaꞌñúú xa̱bo̱ rá.

3 A̱gu̱ma-mba̱a̱ Ana̱ꞌlóꞌ, Anu̱u̱ máꞌ Tátiálóꞌ Jesukrísto̱. Numuu rí Ana̱ꞌlóꞌ nañáwíin a̱kuii̱n jaꞌyalóꞌ jamí jámba̱ miꞌtsú naxnáa la tsiakhe̱ a̱kia̱nꞌlóꞌ. 4 Ana̱ꞌlóꞌ naxnáa la tsiakhe̱ a̱kia̱nꞌlóꞌ ído̱ rí juwalóꞌ ná awúun mbá xúgíí inii jamínu̱ꞌ, kajngó mangáanꞌlóꞌ ma̱goo mu̱ꞌxnáalóꞌ tsiakhe̱ a̱kui̱ín tsí júwa̱ꞌ ná awúun jamínu̱ꞌ, xómá rí naꞌne jayu Ana̱ꞌlóꞌ rí naxnáa la tsiakhe̱ a̱kia̱nꞌlóꞌ ikháánꞌlóꞌ.

15 Numuu rí na̱nguá guaꞌdaalóꞌ mbáa tsí jayá idxu̱ún dxakuun tsí tsíꞌngo̱o̱ gáñáwíin a̱kui̱in jaꞌyalóꞌ rí wabáánꞌlóꞌ, rí guaꞌdaalóꞌ mbáa tsí ndiyoo gixa̱a̱ gáꞌne-rájáa mbá xúgíí jayu xómá rí nugíꞌníí ikháánꞌlóꞌ, i̱ndo̱ó máꞌ numuu rí ikhaa̱ ni miꞌtsú táꞌnii̱ aꞌkhán.

15 Ga̱ꞌdxu a̱kia̱nꞌlaꞌ gajmiálaꞌ tsí nadxu a̱kui̱ín, jamí gu̱mbi̱ya̱ꞌ gajmiálaꞌ tsí nu̱mbi̱ya̱ꞌ.

11 A̱ngui̱nꞌ, na̱tha̱n-ngáwalaꞌ ga̱jma̱á ajngáa ríge̱ꞌ: ga̱juwalaꞌ gagi. A̱gajáanꞌlaꞌ asndo rí ma̱ꞌne káxáanꞌlaꞌ. Gu̱xna̱alaꞌ tsiakhe̱ a̱kia̱nꞌlaꞌ. Mbóó ju̱ma̱ꞌlaꞌ gáꞌne rí mu̱ñajunlaꞌ. Jamí tsímáá gájuwalaꞌ. Xkuaꞌnii kajngó Ana̱ꞌlóꞌ tsí nandoo jaꞌyalóꞌ jamí tsí naꞌne rí ma̱juwalóꞌ tsímáá ma̱xtáa ga̱jma̱á nindxa̱ꞌlaꞌ.