9 "Kung gaano kalayo ang langit sa lupa,

ganoon din kalayo ang aking pamamaraan

at pag-iisip kaysa sa inyo.

9 "Nakakaawa ang taong nakikipagtalo

sa Diyos na lumikha sa kanya.

Ang katulad niyaʼy palayok lamang.

Ang putik bang ginagawang palayok

ay maaaring magsabi

sa magpapalayok

kung ano ang dapat niyang gawin?

O makakapagreklamo ba siyang

walang kakayahan ang magpapalayok?

28 Hindi nʼyo ba alam?

Hindi nʼyo ba narinig?

Ang Panginoon ang walang hanggang Diyos

na lumikha hanggang sa dulo ng mundo.

Hindi siya napapagod o nanghihina

at walang nakakaarok

ng kanyang pang-unawa.

3 Panginoon, kayoʼy makapangyarihan

at karapat-dapat na purihin.

Ang inyong kadakilaan

ay hindi kayang unawain.

2 Bago nʼyo pa likhain ang mga bundok,

ang mundo, at ang sanlibutan,

kayoʼy nariyan na,

sapagkat kayoʼy Diyos

magpakailanman.

4 Ang isang libong taon sa amin

ay parang isang araw lang

na lumipas sa inyo,

o parang ilang oras lang sa gabi.

33 Napakadakila ng kabutihan ng Diyos!

Napakalalim ng kanyang karunungan

at kaalaman!

Hindi natin kayang unawain

ang kanyang mga pasya at pamamaraan!

3 ‘Tumawag ka sa akin at sasagutin kita, at ipahahayag ko sa iyo ang mga kahanga-hanga at mahihiwagang bagay na hindi mo pa alam.’

7 Pinakamahalaga sa lahat

ang karunungan at pang-unawa.

Sikapin mong magkaroon nito

kahit na maubos pa ang lahat

ng kayamanan mo.

29 Ang mapagpasensya

ay mas higit ang karunungan,

ngunit ang madaling magalit

ay nagpapakita ng kahangalan.

21 Marami tayong mga pinaplano,

ngunit ang kalooban pa rin

ng Panginoon ang masusunod.

2 Inaakala ng tao na tama

ang lahat ng kanyang ginagawa,

ngunit sinisiyasat ng Panginoon

kung ano ang nasa puso.

17 Hinihiling ko sa Diyos ng ating Panginoong Hesu-Kristo, ang dakilang Ama, na bigyan niya kayo ng karunungan at pang-unawa mula sa Banal na Espiritu, upang lalo pa ninyo siyang makilala.

18 Sa halip, lumago kayo sa biyaya ng Diyos at sa pagkakakilala sa ating Panginoon at Tagapagligtas na si Hesu-Kristo.

Purihin siya ngayon at magpakailanman! Amen.

130 Ang pagpapahayag ng inyong mga salita

ay nagbibigay-liwanag sa isipan ng tao

at karunungan sa mga kulang

sa kaalaman.

8 Sinabi ng Panginoon sa akin,

"Ituturo ko sa iyo ang daan

na dapat mong lakaran.

Papayuhan kita habang binabantayan.

5 Kung paanong hindi mo nalalaman

ang direksyon ng hangin

o kung paano lumalaki ang sanggol

sa sinapupunan ng kanyang ina,

hindi mo rin maiintindihan

ang gawa ng Diyos,

ang Manlilikha ng lahat ng bagay.

3 Sumagot si Hesus, "Sinasabi ko sa iyo ang totoo, walang sinumang makakaranas sa paghahari ng Diyos, malibang ipanganak siyang muli."

26 Tiningnan sila ni Hesus at sinabi, "Imposible ito sa tao; ngunit sa Diyos, ang lahat ay posible."

35 Kaya umupo si Hesus at tinawag ang labindalawa, at sinabi sa kanila, "Ang sinuman sa inyo na gustong maging una ay dapat maging huli sa lahat at maging lingkod ng lahat."

28 Ngayon, wala nang pagkakaiba ang Hudyo sa Hentil, ang alipin sa malaya, ang lalaki sa babae. Kayong lahat ay iisa na dahil kayoʼy nakay Kristo Hesus na. 29 At dahil kayoʼy kay Kristo na, kabilang na kayo sa lahi ni Abraham at mga tagapagmana ng mga ipinangako ng Diyos sa kanya.

21 Sa halip, suriin ninyong mabuti ang lahat upang malaman kung galing ito sa Diyos o hindi. Panghawakan ninyo ang mabuti, 22 at iwasan ang lahat ng uri ng kasamaan.

3 Kahit na namumuhay kami rito sa mundo, hindi kami nakikipaglaban sa mga kumokontra sa katotohanan nang ayon sa pamamaraan ng mundo.

18 Kaya hindi nakatuon ang aming mga mata sa mga bagay na nakikita kundi sa mga bagay na hindi nakikita. Sapagkat ang mga bagay na nakikita ay panandalian lamang, ngunit ang mga bagay na hindi nakikita ay walang hanggan.

13 Huwag sabihin ninuman kapag siyaʼy dumaranas ng pagsubok, "Akoʼy tinutukso ng Diyos," sapagkat hindi maaaring matukso ng masama ang Diyos, at hindi rin niya tinutukso ang sinuman.