Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
Nguluwi ndo wa kukundigwa, heye nakawachema hemwe leka muwe chinhu chimwe na Mwanage Yesu Kilistu Mkulu wa hetwe.
Ndaze, hamvizelele kota hemwe mwa ng’handa ya Nguluwi na Muhe wa Nguluwi kangikala mgati mwa hemwe?
Kota vila lukuli vyoluwele lumwe na luna vitomo vinji, vitomo avyo vyeng’ha hanga ndo vinji, vyanguludita lukuli luwe lumwe, hihyo du ndo vyoili kwa Kilistu.
Isungu lya Mkulu Yesu Kilistu na igano lya Nguluwi na Muhe Yelile, viwe hamwe na hemwe weng’ha.
Ng’handa ya Nguluwi yangiwhana ndaze na jimalukolo? Kwa vila hetwe twa ng’handa ya Nguluwi yawele mkomu. Kota Nguluwi yuye vyoyalonjile,
"Ndochikala mgati mwa hewo,
na kikala hali hewo,
ndowa Nguluwi wa hewo,
nawo wowa wanhu wa heni."
Wone Munhu yoneche yowa mgati mwa Kilistu nakawa chilumbigwe chinyale, mbuli za katali nazikola, mbuli zinyale nazuya. Geng’ha ndo mijito ja Nguluwi yalingutuhanyisa hetwe na heye kwa kukolela Kilistu, na kutupa mijito ja kuwahanyisa wanhu wanji na heye. Nguluwi nayali yoihanyisa isi na heye kwa kukolela Kilistu, ne kuwaza gehile ga wanhu. Heye nakatupa usenga kwa chiwalo cha kuwahanyisa wanhu na heye.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Uhulichize! Heni ndangwima hali lwizi na kugong’onda na kuchemeleza. Munhu wone yahuliche lizi lya heni na kuchumula lwizi, ndokwinjila hakaye hake na kulya chilyo hamwe naye, naye kolya hamwe na heni.
Hamba nanyulika lizi likulu kulawa kuli chigoda cha undewa ilonga, "Ulole! Hakaye ha Nguluwi ndo hamwe na wanhu. Kochikala hamwe na hewo, nawo wowa wanhu wa heye, naye kowa Nguluwi wa hewo.
Ndochikala hagati ha Waisilaeli, na heni ndowa Nguluwi wa hewo.
Kwa vila heng’ha hala walingiting’hana weli ama wadatu kwa itagwa lya heni, heni ndabaho hali hewo."
"Silingulanda kwa chiwalo cha hewo yeka, ila ndangulanda kwa chiwalo cha weng’ha howokunda kwa kiwhana na usenga wa hewo. Ndangulanda leka weng’ha wawe chinhu chimwe. Mhaza! Ndangulanda wawe mgati mwa hetwe kota hila hegwe vyouwele mgati mwa heni nani mgati mwa hegwe. Ndangulanda wawe chinhu chimwe leka isi ikunde kota hegwe nakundajiza. Nandiwapa ukulu wuwula woumhele leka wawe chinhu chimwe kota hetwe vyotuwele hamwe, heni ndiwe mgati mwa hewo, nagwe uwe mgati mwa heni, leka wenele na wawe chinhu chimwe, leka isi ivizele kota nakundajiza na kwanguwagana kota vyoulingungana.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Yalinguhulichiza mzilo wa Nguluwi kangikala kuli kilumba na Nguluwi na Nguluwi kangikala kuli kilumba naye. Kwa kukolela Muhe Yelile Nguluwi yatigalile, hetwe twanguvizela kota Nguluwi kangikala kuli kilumba na hetwe.
Tuvizela kahi kota Mwana wa Nguluwi koya, nakatugalila uwanzi leka tumzele Nguluwi wa kukomya, tikale mgati mwa Nguluwi wa kukomya kuli kilumba na Mwanage, Yesu Kilistu. Ayu ndo Nguluwi wa kukomya na ndo ukomu wa mazuwa gose ne kuduma.
Twanguvizela kota twangikala kuli kilumba na Nguluwi, naye Nguluwi kangikala kuli kilumba na hetwe, kwa vila heye nakatupa Muhe wa heye.
Wang’holozangu, tigane, mina igano lyangulawa kwa Nguluwi. Chila munhu yawele na igano ndo mwana wa Nguluwi na kangumzela Nguluwi.
Lotuchiwene na kuhulika ndo tulinguwadamlilani hemwe kahi, leka namwe muwe hamwe na hetwe kuli kikala hamwe tuwele nako na Mhaza na Mwanage Yesu Kilistu.
Ena, mowana, lelo mikale mgati mwake leka mhela hoyolawila tuwe tikale ne kudumba ne kuwa na chinhu cha kivisa kwa soni zuwa lya kuya kwa heye kahi.
Lelo, kwa vila tuditigwa tuwe watanganiche kwa makundo, lelo twangikala goya na heye Nguluwi kwa kukolela Mkulu wa hetwe Yesu Kilistu. Kwa makundo ga hetwe, Yesu nakatigala kuli kunoga kwa heye Nguluwi motulingikala sambi. Lelo, twangidaila kitumbila kotuwele nako kwa kihanza kuli ukulu wa Nguluwi.
Ahyo tumhejelele Nguluwi kwa nhumbula zelile na makundo ga kukomya, kwa nhumbula zelile kulawa kuli majesa gehile, kwa ng’huli zihovujigwe kwa mazi ganojile.
Lelo mumhulichize Nguluwi, mlileme Limazoga naye kowabilimani. Mhejeleleni Nguluwi, naye kowahejelela hemwe. Muhovuje moko ga hemwe mwihile na kuhovuga nhumbula za hemwe, hemwe muwele na majesa meli.