Comunhão com Deus

9 ದೇವ್ ಇಸ್ವಾಸಾಚಾ಼ ಜಾ಼ಲ್ಯಾ. ದೇವಾಚಾ಼ ಲ್ಯೊಕ್‌ಜಾ಼ಲ್ಯಾಲಾ ಆನಿ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ ಜೀ಼ವ್ನಾತ್ ವಾಟ್ನಿಗಿಹ್ಯಾ ವ್ಹಯಿ ಮನ್ಹುನ್ ತುಮಾನಾ ಹಾಕಟ್‌ಲ್ಯಾಲ ತ್ಯನಿಸ್.

16 ತುಮಿ ದೇವಾಚ಼ ದಿವುಳ್ ಜಾ಼ಲ್ಯಾಸಾ ಮನ್ಹುನ್ ದೇವ್ ತುಮ್ಚಿಪ ಹಾ ಹ್ಯ ತುಮಾನಾ ಠಾವ ನಾಹಿಕ್ಯಾ?

ಯಾಕ್ ಶರೀರ್ ಖುಬ್ ಭಾಗ್

12 ಕಸ ಶರೀರ್ ಯಾಕ್ ತ್ಯಲಾ ಆಂಗ ಖುಬ್ ಹಾತ. ಆನಿ ಆಂಗ ಖುಬ್ ಆಸ್ಲಿತ ತರಿ ತ್ಯ ಯಾಕುಸ್ ಶರೀರ್ ಜಾ಼ಲ್ಯಾ ತಸಾಸ್ ಕ್ರಿಸ್ತಬಿ ಹಾ.

14 ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಿ಼ ಕ್ರಪಾ, ದೇವಾಚಿ಼ ಮಾಯಾ, ಪವಿತ್ರಾತ್ಮಾಚಿ ಯಕಿ ತುಮ್ಚೆ ಸಂಗ. ರಾಹುನಿ.

16 ದೇವಾಚಾ ಗರಾಲಾ, ಪಾಶಾನಾನಾ ಒಪ್ಕಿ ಕ್ಯಾ? ಆಮಿ ದೇವಾನಿ ಸಾಂಗ್‍ಲ್ಯಾ ಶಾರ್ಕ ಜೀವ್ ಆಸ್ನಾರ‍್ಯಾ ದೇವಾಚ಼ ಗರ್ ಜಾ಼ಲ್ಯಾವ್ ನವ್ಹ,

ಮಾಜಾ ಲೊಕಾನು ಮೀ ಗರ್ ಕರ್ತೊ, ತ್ಯಂಚೆ ಮದ್ದಿ ಮೀ ಫಿರ್ನಾರ್ ತ್ಯನಾ ಮೀಸ್ ದೇವ್ ಜಾ಼ಲ್ಯೊ,

ತೀ ಮನಾ ಪ್ರಜಾ ವ್ಹನಾರ್ ಮನ್ಹುನ್ ಸಾಂಗ್‍ಲ್ಯಾ. ✝

17 ಮನ್ಹುನ್ ಕೊನ್ತರಿ ಕ್ರಿಸ್ತಾಪ ಆಸ್‌ಲ್ಯಾವ ತ್ಯೊ ನವಿನಿ ಜ಼ಲಾಮಲ್ಯಾಲಾ. ಬಗಾ, ಪೈಲ ಸಗ್ಳ ಜಾ಼ವುನ್ ಸಗ್ಳ ನವ ಜಾ಼ಲ. 18 ಹ್ಯ ಸಗ್ಳ ದೇವಾಪ್ನಿಸ್ ಜಾ಼ಲ್ಯಾಲ. ದೇವಾನಿ ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಸಂಗ ಎಕ್ ಕರುನ್ ಎಕಿಕರಾಚಿ ಸೇವೆ ಆಮಾನಾದಿಲೆ; 19 ಕಸ ಮಂಜೆ, ಕ್ರಿಸ್ತಾಪ ದೇವ್ ದುನ್ಯಾ ಆಪ್ಲಿ ಸಂಗ ಯೆಕ್ ಕರ್ತ್ಯೊ; ಮಾನ್ಸಾಚಾ ಚು಼ಕಿ ತ್ಯಂಚಾ ಲೆಕ್ಯಾತ್ ಗಾಲಾಚೆ ಆಂದಿ, ಹ್ಯೊ ಯಕಿಚಾ಼ ಸಂದೇಸ್ ಸಗ್‌ಳ್ಯಾನಾ ಸಾಂಗಾಯಾ ತ್ಯೊ ಆಮ್ಚಿವ ದಿಲ್ಯಾ.

20 ಹಬಕ್, ಮೀ ದಾರಾಪ ಉಬಾರಾವ್ಹುನ್ ವಾಜಿವತ್ಯೊ. ಕುನಿ ತರಿ ಐಕುನ್ ದಾರ್ ಉಗಡ್ಲತ, ಮೀ ಆತ್ ಯವುನ್ ತ್ಯಚಿ ಸಂಗ ಜೆವ್ನಾರ್ ಆನಿ ತ್ಯೊ ಮಾಜಿ ಸಂಗ ಜೆವ್ನಾರ್.

3 ಸಿಂಹಾಸನಾವ್ನಿ ಯೊಕ್ ಮೊಟಾ ಆವಾಜ಼್ ಮೀ ಐಕ್ಲಾ. ತ್ಯೊ ಆವಾಜ಼್, "ಆತಾ ದೇವಾಚ಼ ಘರ್ ಲೊಕಾಂಚೆ ಸಂಗ ಹಾ. ತ್ಯೊ ತ್ಯಂಚಿ ಸಂಗ ರಾಥೊ. ತೀ ತ್ಯಚಿ ಜಾ಼ಲ್ಯಾತ. ದೇವ್ ಆಪ್ನುಸ್ ತ್ಯಂಚಿ ಸಂಗ ರಾಥೊ ಆನಿ ತ್ಯಂಚಾ಼ ದೆವ್ ಜಾ಼ಲ್ಥಾ.

20 ಕಾ ಮಂಜೆ ದೊಗ ನಾಹಿತ ತಿಗ ಮಾಜಿಪ ಇಸ್ವಾಸ್ ಥಿವುನ್ ಯೇಕ್ ವ್ಹವುನ್ ಯತ್ಯಾತ ತ್ಯಂಚೆ ಮದ್ದಿ ಮಿ ರಾಥೊ. "

20 ಮಿ ಹ್ಯಂಚಿಸಾಟಿ ತ್ಯವ್ಡಸ್ ನವ್ಹ ಕೊನ್ ಹ್ಯಂಚಾನಿ ಸಾಂಗಲ್ಯಾಲ ಐಕುನ್ ಮಾಜಿವ ಇಸ್ವಾಸ್ ಥೆವ್‌ಲ್ಯಾಲ್ಯಾ ಸಗ್‌ಳ್ಯಾಂಚೆ ಸಾಟಿ ಮಿ ಮಾಗ್ನ ಕರ್ತ್ಯೊ. 21 ಬಾ ಮಿ ತುಜಿಪ ತು ಮಾಜಿಪ ಕಸ ಹಾವ್ ತಸಿಸ್ ತಿ ಆಮ್ಚಿ ವ್ಹವುಂತ. ಹ್ಯನಿ ತುಸ್ ಮನಾ ಲಾವುನ್ ದಿಲ್ಯಾಸ್ ಮನ್ಹುನ್ ದುನ್ಯಾ ಇಸ್ವಾಸ್ ಥಿವುನಿ. 22 ತು ಮನಾ ದಿಲ್ಯಾಲಿ ಮೈಮಾ ಮಿ ತ್ಯನಾ ದಿಲೆ. ಕಾ ಮಂಜೆ ಕಸ ಮಿ ಆನಿ ತು ಯೆಕ್ ಹಾವ್ ತಸಿ ತೀ ಯೆಕ್ ವ್ಹಂವುತ. 23 ಮಿ ತ್ಯಂಚಿಪ ರಾಥೊ ಆನಿ ತು ಮಾಜಿಪ ರಾಥೊಸ್ ಆಸಿ ತೀ ಸಗ್ಳಿ ಯೇಕ್ ವ್ಹವುಂತ. ಮನಾ ತು ಲಾವುನ್ ದಿಲ್ಯಾಸ್ ಆನಿ ತು ಮಾಜಿ ಮಾಯಾ ಕಸಿ ಕಿಲಿಸ್ ತಸಿಸ್ ತ್ಯಂಚಿಬಿ ಮಾಯಾ ಕಿಲಿಸ್ ಮನ್ಹುನ್ ದುನ್ಯಾ ಸಮ್‍ಜು಼ನ್ ಗಿಹುನಿ.

24 ತ್ಯಚೆ ಆಜ್ಞೆ ಶಾರ್ಕ ಚಾ಼ಲತ್ಯಾಲಾ ತ್ಯಚಿಪ ರಾಥೊ ಆನಿ ದೇವ್ ತ್ಯಚಿಪ ರಾಥೊ. ತ್ಯೊ ತ್ಯಚಿಪ ರಾಥೊ. ಆಮ್ಚಿಪ ಹಾ ಮನ್ಹುನ್ ತ್ಯನಿ ಆಮಾನಾ ದಿಲ್ಯಾಲ್ಯಾ ಆತ್‌ಮ್ಯಾನಿ ಆಮಾನಾ ಠಾವ ಹಾ.

20 ದೇವಾಚಾ಼ ಲ್ಯೊಕ್ ಹೇ ದುನೆತ್ ಯವುನ್ ಆಮಿ ಖರ‍್ಯಾಲಾ ಸಮಜು಼ನ್ ಗೆತಲ್ಯಾ ಸಾರ ಆಮಾನಾ ಗಿನ್ಯಾನ್ ದಿಲ್ಯಾ ಮನ್ಹುನ್ ಆಮಾನಾ ಠಾವ ಹಾ, ಆನಿ ಆಮಿ ದೇವಾಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ ರಾಥ್ಯಾಲಿ ವ್ಹವುನ್ ಖರಾ ದೇವ್ ಜಾ಼ಲ್ಯಾಲ್ಯಾಪ ಹಾವ್. ಹ್ಯೊ ಕ್ರಿಸ್ತುಸ್ ಖರಾ ದೇವ್, ಶಾಶ್ವತ್ ಜೀವ್ ಜಾ಼ಲ್ಯಾ.

13 ದೇವಾನಿ ಆಮಾನಾ ಆಪ್ಲ ಆತ್ಮ ದಿಲ್ಯಾ ಮನ್ಹುನ್ ಆಮಿ ತ್ಯಚಿಪ ಹಾವ್ ಆನಿ ತ್ಯೊ ಆಮ್ಚಿಪ ಹಾ ಮನ್ಹುನ್ ಸಮಜು಼ನ್ ಗೆಥಾವ್.

ದೇವ್ ಮಾಯೆಚಾ಼

7 ಮಾಯೆಚಾನು, ಆಮಿ ಯಕಾಮಕಾಲಾ ಮಾಯಾ ಕರುಯಾ. ಮಾಯಾ ದೇವಾಪ್ನಿ ಆಲ್ಯಾಲಿ ಜಾ಼ಲೆ ಆನಿ ಮಾಯಾ ಕರ್ತ್ಯಾಲ ಪರ್ತೇಕ್ ಯೊಕ್ ದೇವಾಪ್ನಿ ಜ಼ಲಾಮ್‌ಲ್ಯಾಲಾ ದೇವ್ ಠಾವಾ ಆಸ್‌ಲ್ಯಾಲಾ ಜಾ಼ಲ್ಯಾ.

3 ಆಮ್ಚಿಪ ಆಸ್‌ಲ್ಯಾಲೆ ಯಕಿತ್ ತುಮಿಬಿ ಮಿಳಾಯಾ ವ್ಹಯಿಸಾ ಮನ್ಹುನ್ ಆಮಿ ಬಗುನ್ ಐಕಲ್ಯಾಲ ತುಮಾನಾ ಸಾಂಗ್ತಾವ್. ಆಮ್ಚಿಪ ಆಸ್‌ಲ್ಯಾಲಿ ಯಕಿ ಬಾಪ ಆನಿ ತ್ಯಚಾ಼ ಲ್ಯೊಕ್ ಜಾ಼ಲ್ಯಾಲ್ಯಾ ಕ್ರಿಸ್ತಾಪಬಿ ರಾಯ್‌ಲ್ಯಾಲಿ ಜಾ಼ಲೆ.

28 ಮಾಯೆಚಾ ಪೊರಾನು, ತ್ಯೊ ಪ್ರತ್ಯಕ್ಷ ವ್ಹತಾನಾ ಆಮಿ ತ್ಯಚಾ ಯನ್ಯಾತ್ ತ್ಯಚೆ ಮೊರ‍್ಹ ಉಬಿರಾಹ್ಯಾ ಲಾಜಾ಼ಚೆ ಆಂದಿಸ್ ದಿರ‍್ಹಾನಿ ಆಸ್‌ಲ್ಯಾಚೆಗತ್ ತ್ಯಚಿಪ ರಾಹುಯಾ.

ದೇವಾ ಸಂಗ ನಿಯತ್

1 ಆಸ ಆಸ್ಥಾನಾ, ಆಮಿ ಇಸ್ವಾಸಾನಿ ನೀಯತಿಚಿ ಹಾವ್. ತ್ಯಾ ಕಾರ್ನಾನಿ ಆಮಚಾ಼ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ದೇವಾ ಸಂಗ ಸಮಾದಾನ್ ಹಾ. 2 ತ್ಯನಿ ಆಮಾನಾ ಆಮ್ಚಾ ಇಸ್ವಾಸಾಸ್ ಲಾಗುನ್ ದೇವಾಚಿ ಕ್ರಪೆ ಗೇತ್ಲೆ ಆತಾ ಆಮಿ ತ್ಯಾತ್ ಜೀವ್ನಾ ಕರ್ತ್ಯಾವ್ ಮನ್ಹುನ್ ದೇವಾಚೆ ಮೈಮೆತ್ ಆಮಿ ವಾಟದಾರ್ ವ್ಹನಾರ್ ಮನ್ಯಾಚಿ ಆಶಾ ಆಮಾನಾ ಹಾ ಮನ್ಹುನ್ ಆಮಿ ಬಡಾಯಿ ಕರ್ತಾವ್.

22 ಆಮಿ ದುನ್ಹಾರಿ ವ್ಹವುನ್ ಬುರ್ಶಾ ಮನಾತ್ನಿ ಸುಟ್ಕಿ ಜಾ಼ಲ್ಯಾವ್. ಆಮ್‌ಚ಼ ಶರಿರ್ ಚಾ಼ಂಗಲ್ಯಾ ಪಾನ್ಯಾನಿ ದುತ್‌ಲ್ಯಾ. ಮನ್ಹುನ್ ಪುರ‍್ಯಾ ಇಸ್ವಾಸಾನಿ ನಿಚ಼ಳ್ ಮನಾನಿ ದೇವಾಪ ಯವುಯಾ.

7 ಆಸ ಆಸ್ತಾನಾ ತುಮಿ ದೇವಾಸಂಗ ರಾಹುನ್ ಸೈತಾನಾಲಾ ಆಡ್ಯಾವಾ, ತವಾ ತ್ಯೊ ತುಮಾನಾ ಸುಡುನ್ ಪಳುನ್ ಜಾ಼ಯಿಲ್. 8 ತುಮಿ ದೇವಾಪ ಯವಾ, ತವಾ ತ್ಯೊ ತುಮ್ಚಿಪ ಯಯಿಲ್. ಪಾಪಿನು, ತುಮ್‍ಚ಼ ಹಾತ್ ದುವ್ಹಾ; ಕಪ್ಟಿನು ತಿಮ್ಚಿ ಮನ ನಿರ್ಮಳ್ಕರಾ.