Comunhão com Deus
A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.
Em comunhão com Deus
Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.
God ene yoba du meglmedi kanabuka i, ye ege ege ka dumara adigl moglkwa pre ye dumere kaima yegl erabuka. Te, God ama yene ere mogl, ene ye Wam Jisas bogl swara kaima moraiglmedi agle dugo, ene Krais Jisas, nono Yaglno Kade i bogl u swara pi, swara kaima mogl kodigwa.
Na ka ebrie ta yugu pre diga i, ene pre pogl sinaiglmedi prika. God ene i pere edidre, ene ere i ye yobama edugo, ene Mudu Murubuglo bogl akie meglkwa pre ene akie God yugumo mere yegl meglkwa. Yoba ta ene meglmara si pere pere edidre, ere kide ere tenan, ye God yugumo ere kide ere togwa mere yegl panabuka pre God yoba i ama ere kide ere tenabuka.
Nono ogono nagino siragl mere paugwa i, ene kanigwa. Nono ogono nagino swara paugwa ba ogono nagino swara i mina gumuglno paugo, gumano drano paugo, ogono kaglno ya ki paugo, pere pere paigwa. Ba ogono nagino u swara pi, swara paimere kuno yegl mere, nono Krais yobama munga i, swara kaima munga.
Te, God yobama na moglmara magigl meglkwa i, ye mudu ene wakai we di teigwa. Na prika, nono Yaglno Kade Jisas Krais ene yoko kaima ere wakai ere te moran, God dem muduo ene te pai moran, Mudu Murubuglo ama ene mudu deno muduno swara yenaiglmedi erabuka.
Mo, God yugumo yogwa i ya god kibi yuguno yogwa i, i swara edinamno? Ta manabuka. Na God yugumo we diga i, siragl pre God kor aimadi moglkwa i, nono ye yugumo mere yegl munga. God okna mabuno i pre ka ta dugo, yoba ye kamo mina bogl atne edigwa i, yegl beglkwa, Na ye meglmara suna moglsre, wan moraiglmara mogl tenaglka. Na ye Godno moglbo, ye na yobanama moraiglmiwe dugwa.
No erme kamga i, yoba deno muduno mina suna kandre, yoba ta Krais yugobunomo suna moglkwa i, ye u kor pi kodumedi kamga. Ye okna siragl mere moglkwa i dudugo, ye erme u kor pidre, kor kaima moglkwa.
Ana taragl mudu yegl mere God yene erukwa. God ere mogl, Krais kogon erumara i mina nono erme ye bogl deno muduno swara yomga. Na ka yegl diga i, God yoba bogl deno muduno swara yenaiglkwa i, God ere mogl, Krais kogon erabara swara i mina yoba mudu uglo koglo koglo meglkwa i, tadaglmeno kide kodo tenan, ye bogl deno muduno swara yenamnedi konbauna yauro togwa pre diga. Te, no ye kogonmo yoba munga i, God no ama kogon norsre, yoba siragl mere ye bogl deno muduno swara yenaiglkwa i, yoba di teo dugwa.
Presença divina
Eis que estou à porta e bato. O Senhor fez sua morada entre nós — e toda a criação é convidada à comunhão eterna.
Ene prio! Na yugu dua mina adigl mogl, dua sidre, ene agle di moglka mere yegl paugwa. Yoba ta na agle diga i prisre, yugu dua yauro edenan, na ede yugugl unaglka. Wibo, na yoba i bogl ame di mogl, kaya mokna akie nenabuglka.3.20
Ede atne edugo, yoba ta sia king yomara mogl, ka podo ta dugo, na prika. Ye yegl dugwa, Ene kanio! God sel yugumo erme yoba meglmara suna yenan, God ye yoba meglmara suna kipai moran, yoba i ye yobama moraiglkwa. God ye meglmara suna moglsre,
Yegl pre yoba suo mo suota na kagna mina makai sinaiglkwa i, na ye meglmara suna mogl teiwe dugwa.
Ana Jisas kamage yegl ere kodidre, ama yegl dugwa, Na duglo beglkwa yoba magigl meglkwa i keme pre kamage erekrika ba na kana dibi, yoba ira ta pre medraiglkwa i pre ama kamage erika. Nina yo, na ye pre kamage erika i, nono swara kaima muglere yegl mere ye ama swara yegl moraiglmedi prika. Na ene motnara suna moglko, ene na moglmara suna motnga. Ye nono muglara suna meglbi, makandigle yoba kandre, ene na dedumedi pre medraiglmedi priwe dugwa.
Nono swara muglere yegl, ye swara kaima moraiglmedi prika. Prisre, na kagna kade natnga i, ye ama teiga. Te, ene na moglmara suna motngo, na ye meglmara suna moglka i, ye swara kaima moraiglkwa pre erubuglka. Ye swara kaima meglbi, makandigle yoba kandre, ene na dedinedi pre medraiglkwa. Te, ene den mudun nare, na dedingo wimere i, makadigle yoba ama ene den mudun na duglo beglkwa yoba teniwe di praiglmedi priwe dugwa.
Viver na comunhão
Quem permanece nele e ele no Senhor, esse dá muito fruto. A comunhão com Deus produz transformação e alegria.
Nono ye lomo duglo bunga igne, God nono munara mogl noruko, ye bogl si dakagl munga. Te, ye Murubuglomo norukwa i, nono God bogl si dakagl meglmedi di pogl norukwa.
Ana nono ama prumga i, God Wam udre, pre pogl sinaiglmedi eruko, nono erme God kaima moglkwa i, pre pogl sinamga kuno erukwa. Te, God Wam Jisas Krais bogl akie si dakagl munga pre God kaima moglkwa i bogl akie si dakagl munga. munga. Te, Jisas Krais ye God kaima moglsre, aimadi kamin kor moramga i, ye mabuno moglkwa.
God ye Murubuglomo norukwa pre God bogl si dakagl mungo, ye munara mogl norumedi pre kan erumga.
Ene dena muduna teiga meglkwa i, nono deno muduno ikne ikne tenamga paugwa. I siragl pre deno muduno tenamga mabuno i, God norukwa. Yoba ta dem muduo yoba pere togwa i, ye God gagigle ta moglsre, God pre kan erukwa yoba ta moglkwa.
Didre, ye pre kan erumga i, nono akie si dakagl moramga pre ene di tomga. Nono kaima Neno Kade God ya ye Wam Jisas Krais bogl akie si dakagl munga pre yegl dumga.
Na gagrama wagle, Krais u plau dinabuka igne, nono ye gumuglo mina kudugl gogl, agai gogl dinamnedi Krais bogl si dakagl molo!
Ana nono Jisas pre medunara swara i mina God nono yoba du meglmedi kan kodugwa. Yegl pre nono okna God kudamo ikne munga i, erme moglkrumga. Nono Yaglno Kade Jisas Krais kogon erumara i mina nono erme God bogl deno muduno swara yomga. Te, nono erme munga i, God nono ere kide erekre, yoko kaima ere wakai ere norumara i mina atne kra mogl kodumga. Mogl kodumga i, nono Jisas pre medungo, ye konbauna yauro norumara i mina nono ede suna pidre, munga. Moglsre te, nono okuo God abuglagemo podo sumara ye bogl akie wakai kaima moramga i, kaima yegl moramnedi prisre, gun podo yomga pre diga.
Yegl pre nono deno muduno mina kaima prisre, Jisas ka kaima pre medigl mogl, ede God moglmara magigl enamga paugwa. I siragl pre nono mabunono kide dudumedi praiglmedi Jisas yene bormaimo nono mina si plai sidre, God gumuglo mina nono deglbi yei dinaiglmedi nigl wakai kaima ta mina nono nigl pai norukwa mere yegl paugwa.
Yegl pre ene God moglmara mogl atne edidre, yagl kide bakagl noro dinabedi adigl gigledi molo! Ene yegl eribi, yagl kide ene meglmara kide kodo, teke ede enabuka.
Ene God moglmara mogl magigl edio! Ene God moglmara mogl magigl edibi, ye ama ene meglmara mogl magigl edenabuka. Yoba ogono nigl edimere yegl, ene tadaglme erikwa i, i pi kide kodio! Te, ene yoba ta nomano suo yenabuka i, nomano kide, i pi kide kodibi, deno muduno pe sinabuka.