Comunhão com Deus

A comunhão com Deus é o propósito supremo da existência humana. Fomos criados para viver em intimidade com o Criador — e em Cristo, esse acesso é plenamente restaurado.

Em comunhão com Deus

Deus é fiel, pelo qual fostes chamados à comunhão de seu Filho. A comunhão com Deus é dom da graça e fruto da redenção.

9 Anɔkualetsɛ ji Mawu nɛ e maa pee enɛ ɔ ha nyɛ, ejakaa e yeɔ e si womi nɔ, nɛ lɛ nɔuu ji nɔ nɛ tsɛ nyɛ kɛ ba e kɛ e Bi wa Nutsɔ Yesu Kristo huɛ bɔmi ɔ mi.

1 Coríntios 1:9

16 Anɛ nyɛ li kaa nyɛ tsuo Mawu Sɔlemi We ji nyɛ, nɛ Mawu Mumi ɔ hii nyɛ mi lo?

1 Coríntios 3:16

12 Kaa bɔ nɛ wa ngɛ nɔmlɔ tso kake se e hɛɛ he nihi fuu, nɛ he ni nɛ ɔmɛ tsuo nɛ peeɔ nɔmlɔ tso kake ɔ, ja a nɔuu ji Kristo Nɔmlɔ tso ɔ nɛ.

1 Coríntios 12:12

14 Wa Nutsɔ Yesu Kristo dloomi ɔ, kɛ Mawu suɔmi ɔ, kɛ Mumi Klɔuklɔu huɛ bɔmi ɔ kɛ nyɛ tsuo nɛ hi si.

2 Coríntios 13:14

16 Nɛ mɛni kake peemi Mawu sɔlemi We ɔ kɛ wɔhi ngɛ? Ejakaa Mawu hɛ kalɔ ɔ Sɔlemi Tsu ji nyɛ, nɛ Mawu de ngɛ nyɛ he ke, "Ma hi a mi; nɛ ma nyɛɛ a kpɛti; nɛ ma pee a Mawu nɛ mɛ hu a maa pee ye ma."

2 Coríntios 6:16

17 Ke nɔ ko ngɛ Kristo mi ɔ, jamɛ a nɔ ɔ plɛ nɔmlɔ he, e pi nɔ́ nɛ e ji kekle ɔ hu, ejakaa e je wami he sisi.

18 Ní he nɛ ɔmɛ kulaa je Mawu ngɔ. Lɛ ji nɔ nɛ gu Kristo Yesu nɔ kɛ dla waa kɛ lɛ nitsɛ wa kpɛti. Nɛ e ha wɔ he blɔ kaa wa tsɛ nɔ tsuaa nɔ kɛ ba e mɔbɔ nami ɔ mi nɛ a kɛ lɛ nɛ ba tsa. 19 Nyakpɛ munyu nɛ e kɛ ha wɔ kaa waa fiɛɛ kɛ ha ni kpahi ji, Mawu gu Kristo nɔ nɛ e kɛ je ɔ ngɛ huɛ bɔe, nɛ e kojo we mɛ ngɛ a yayami ɔmɛ a he hu.

2 Coríntios 5:17-19

Presença divina

Eis que estou à porta e bato. O Senhor fez sua morada entre nós — e toda a criação é convidada à comunhão eterna.

20 Hyɛ, i daa si ngɛ sinya a nya, nɛ i ngɛ sie be fɛɛ be. Ke nɔ ko nu he kaa i ngɛ lɛ tsɛe nɛ e bli sinya a, i ma ba e ngɔ nɛ i kɛ lɛ maa ye ni, nɛ lɛ hu e kɛ mi maa ye.

Apocalipse 3:20

3 I nu ngmlaa ko kɛ je matsɛ sɛ ɔ nɔ ke, "Hyɛ, Mawu we ɔ ngɛ nimli a kpɛti jehanɛ ɔ. E kɛ mɛ maa hi si, nɛ a maa pee e nimli. Niinɛ, Mawu nitsɛ maa hi a kpɛti.

Apocalipse 21:3

20 Ejakaa he nɛ ni enyɔ loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ."

Mateus 18:20

20 Tsa pi mɛ kɛkɛ nɛ i ngɛ sɔlee ngɛ pɛɛ kpae ha, se mohu kɛ ha nihi hu nɛ hwɔɔ se ɔ, a ma he ye munyu ɔ maa ye kɛ gu a odase yemi nɔ ɔ. 21 Ye sɔlemi ji, mɛ tsuo a pee kake ngɛ tsui kɛ juɛmi mi kaa bɔ nɛ mo, Tsaatsɛ, o kɛ mi ngɛ ɔ, nɛ o ngɛ ye mi nɛ ami hu i ngɛ o mi ɔ, konɛ mɛ hu a hi wa mi, bɔ nɛ pee nɛ je ɔ nɛ he ye kaa mo nɛ o tsɔ mi.

22 I ha mɛ anunyami nɛ o ngɔ ha mi ɔ, konɛ a pee kake kaa bɔ nɛ wɔ hu wa ngɛ kake ɔ. 23 I ngɛ a mi, nɛ mo hu o ngɛ ye mi, nɛ wɔ tsuo wa pee kake kɛ pi si, konɛ je ɔ nɛ na kaa mo nɛ o tsɔ mi, nɛ o suɔ mɛ kaa bɔ nɛ o suɔ mi ɔ.

João 17:20-23

Viver na comunhão

Quem permanece nele e ele no Senhor, esse dá muito fruto. A comunhão com Deus produz transformação e alegria.

24 Nɔ tsuaa nɔ nɛ yeɔ Mawu kita amɛ a nɔ ɔ, e kɛ Mawu ngɛ, nɛ lɛ hu e kɛ lɛ ngɛ. Wa le enɛ ɔ kaa e ji anɔkuale, ejakaa Mumi Klɔuklɔu ɔ nɛ e kɛ ha wɔ ɔ deɔ wɔ ja.

1 João 3:24

20 Nɛ wa le hu kaa Kristo nɛ ji Mawu Bi ɔ, e ba nɛ e ba ye kɛ bua wɔ nɛ waa le anɔkuale Mawu ɔ. Nɛ amlɔ nɛ ɔ, wa peeɔ Mawu bimɛ, ejakaa wa peeɔ e Bi Yesu Kristo ɔ se nyɛɛli. Lɛ pɛ ji anɔkuale Mawu; nɛ lɛ ji neneene wami ɔ.

1 João 5:20

13 Nɛ e ngɔ lɛ nitsɛ e Mumi Klɔuklɔu ɔ kɛ wo wa tsui mi, nɛ e kɛ tsɔɔ kaa waa kɛ lɛ ngɛ, nɛ lɛ hu e kɛ wɔ ngɛ.

1 João 4:13

7 Anyɛmimɛ, nyɛ ha nɛ waa suɔ wa he, ejakaa suɔmi je Mawu ngɔ, nɛ nihi nɛ suɔmi ngɛ a mi nɛ a mi mi jɔ ɔ, e tsɔɔ kaa a ji Mawu bimɛ nɛ a le Mawu.

1 João 4:7

3 Ní nɛ wa na, nɛ wa nu ɔ he odase wa ngɛ yee kɛ ngɛ nyɛ hu tsɔɔe, bɔ nɛ pee nɛ nyɛɛ kɛ wɔ nɛ pee kake kaa bɔ nɛ waa kɛ Tsɛ ɔ kɛ e Bi Yesu Kristo ngɛ ɔ.

1 João 1:3

28 Jehanɛ ɔ, ye bimɛ tsɔwi, nyɛɛ hi Nutsɔ ɔ mi, bɔ nɛ pee nɛ ke e ba a, zo nɛ ko pee nyɛ kaa nyɛɛ kɛ lɛ ma ya kpe.

1 João 2:28

Waa kɛ Mawu kpɛti he jɔmi

1 Amlɔ nɛ ɔ, akɛnɛ a gu hemi kɛ yemi nɔ kɛ bu wɔ bemi he je ɔ, he jɔmi ba waa kɛ Mawu kpɛti ngɛ nɔ́ nɛ Yesu Kristo, wa Nutsɔ ɔ, tsu kɛ ha wɔ ɔ he. 2 Ejakaa ngɛ wa hemi kɛ yemi ɔ nya a, wa na he blɔ kɛ gu Yesu nɔ kɛ ba su e dloomi ɔ mi, nɛ wa ngɛ nɔ́ nɛ Mawu to kɛ ha wɔ ɔ blɔ hyɛe kɛ bua jɔmi.

Romanos 5:1,2

22 nyɛ ha nɛ waa hɛ kɛ su Mawu he kɛ anɔkuale tsui kɛ hɛ nɔ kami kaa e ma he wɔ, ejakaa a ngɔ Kristo muɔ ɔ kɛ fiã wa nɔ nɛ a kɛ tsukɔ wa he,nɛ jehanɛ ɔ hu a fɔ wa nɔmlɔ tso ɔmɛ a he kɛ nyu nɛ mi tsɔ.

Hebreus 10:22

7 Enɛ ɔ he je ɔ, nyɛɛ ba nyɛ he si ha Mawu. Nyɛɛ te si kɛ si abosiami nɛ e maa tu nyɛ nya fo. 8 Nyɛɛ sa kɛ su Mawu he nɛ e maa sa kɛ su nyɛ he. Nyɛ tsake nyɛ tsui, nyɛ yayami peeli, nɛ nyɛɛ nyɛɛ Mawu kɛkɛ se konɛ nyɛ tsui mi nɛ tsɔ nɛ nyɛɛ ye lɛ anɔkuale.