Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
Wenji nawaukunda ulonzi wa heye, nawabatizigwa. Wanhu elufu zidatu nawonjezeka kuli chila chilundo zuwa alyo. Awa weng’ha walutilila kilangusa kulawa kwa watumigwa, kikala hamwe chilukolo na kumogola ibumunda na kumlanda Nguluwi.
Kikala kwa chila zuwa kwa wala wanhu wa Nguluwi
Vinduzanduza vinji navilajilwa kwa kukolela watumigwa mbaka chila munhu nakadumba. Wanhu weng’ha wa Nguluwi nawalutilila kuwa chinhu chimwe na vinhu vya hewo nawegawila. Nawali woguza lufufu lwawo na vinhu vyowawele navyo hamba nawegawila sendi kwa kiwhana na vinhu vyoyalinguganigwa kuwa navyo chila yumwe. Nawalutilila kiting’hana hamwe chila zuwa kuli Ng’handa ya Nguluwi. Ila mhela wa kumogola mibumunda, naweting’hana kuli ng’handa za hewo na nawalya hamwe chilyo acho kwa usangalalo na nhumbula zigoloche. Nawamtogola Nguluwi, nawaganigwa na wanhu weng’ha. Chila zuwa Mkulu nakawonjezela wanhu kuli chilundo cha hewo wawele nawaloholigwa.
Twitanze kiditila kwa mbuli ya kiyonjezela kikangaza kwa kigana kuli kudita ganojile. Tuleche kuleka yila mbuli ya kiting’hana hamwe, kota vila wanhu wanji vyowawele ting’hana, kwa vila yanguganigwa titanze, mina zuwa lila lya Mkulu yahabehi.
Uhamwe hali wanhu
Ndo mbuli inojile na ya kunojeza ng’hatu,
wenyelukolo kikala hamwe kwa uhamwe.
Ndo kota mafuta ganojile kumutwi,
mbaka kuli lulevu lwa heye Aluni,
mbaka mlupembo lwa ivalo lya heye msingo,
kota ulajilo kota Nguluwi nakamhagula leka yawe mtambika.
Kota nungwi vyoilingulawila kuli chidunda cha Helimoni,
utambichizo wa Nguluwi wokuya mchanya mwa chidunda cha Siyoni.
Ako Mkulu Nguluwi nakalonga nakalagana kuwatambichiza wanhu wa heye,
kuwegalila ukomu ulihela kuduma.
Hetwe natuzowela kulongasa kwa kikala goya,
natujenda hamwe kuli ng’handa ya Nguluwi, hali walingufugamila wanji.
Fola kuwa wanhu weli kusinda yumwe, kwa vila howowa hamwe wokola mijito goya kwa kitanza. Wone yumwe hali hewo kogwa myage komwinula, ila wone munhu kogwa na kayeka, yowa ndo mbuli yihile ng’hatu kwa vila kowa haduhu wa kumtanza kwinuka. Wone kuwe na chipute wanhu weli wowasa hamwe leka kigalila ivuche, ila munhu koweza ndaze kigalila ivuche heye yaliyeka? Munhu yawele yaliyeka koweza kusumigwa na munhu yunji, ila wanhu weli woweza kumtowa na kumsumya munhu ayo. Kahi ng’weso itawigwe goya ng’hatu kwa nyuzi zidatu, haiweza kudumuka himahima.
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
Lelo kwa kuhulichiza kukomya, hemwe mweliza muhe wa hemwe na kuwagana wang’holozenu ne kuwa hela udesi, lelo migane kwa nhumbula yeng’ha yelile.
Migane mwemwe kwa mwemwe ne kung’ung’uta.
Migane chilukolo, mihulichize hemwe kwa hemwe, chila yumwe yaluche kumjesa myage kwa kumuhulichiza.
Kunyenyetela na ukulu wa Kilistu
Ndaze, kikala kwa hemwe kuli kilumba na Yesu Kilistu kwanguwakangaza? Ndaze, igano lya heye lyanguwahembuliza? Ndaze, mwahamwe na Muhe Yelile na mnaisingu kwa chiwalo cha hemwe na nhumbula zinojile? Lelo mndite heni sangalale ng’hatu kwa kuwa na majesa ga uhamwe na igano limwe na nhumbula imwe na kunuwila kumwe.
Ulonzi wa Kilistu naumema ng’hatu mgati mwa hemwe. Milanguse na kikanya kwa nyhala zeng’ha. Mwimbe zabuli na nzimbo za kumtogola na kumfugamila Nguluwi. Kuno mumwimbila Nguluwi mlonga malumbo mnhumbula za hemwe.
Ila muwe na isungu na mitanze, chila yumwe wa hemwe yalechele gehile ga miyage, kota Nguluwi vyoyalingulechela gehile ga hemwe kwa kukolela Kilistu.
Hemwe wang’holozangu, namchemigwa muwe wanhu welejehe. Ila kilejeha ako kuleche kuwa chiwalo cha kulongozwa na maya genu ga wihe, ila mwanguganigwa mkole mijito kwa chiwalo cha mwemwe baho kwa igano.
Ahyo mikangaze nhumbula mwemwe baho na kitanza kota vyomlingudita sambi.
Hotulonga kota twahamwe naye na baho twangikala mjiza, hatuwa tulonga tukomya kwa ulonzi na madito. Ila hotuchikala kuli lumuli, kota naye vyoyali kuli lumuli, lelo, towa hamwe twetwe baha na danda ya heye Yesu Kilistu, Mwanage, yangutuhovuga wihe wa hetwe.
Lelo, wang’holozangu, ndaguwalaga! Muwe mwenele na mibatilile malajizo ga heni na muwe na kunuwila kumwe na mikale goya, naye Nguluwi wa igano na kikala goya kowa hamwe na hemwe.
Ndanguwapa mzilo unyale, migane mwemwe, migane kota vyondilinguwagana.