Comunhão com os irmãos

41 ሄ ጋላስ ቃላ ኤኪዳይቲኔ ጻማቄቲዳይቲ ሄ ሺ ማላ ኣሳይ ካሴይታ ቦላ ጉጄቲዴስ። 42 ኢስቲካ ሃዋሬታ ቲሚርቴን፥ ኢሲፌ ቁማ ሙሳኒኔ ዎሳን ሚኒዳ።

43 ሃዋሬታ ኩሼን ዳሮ ማላታቲ ኦሴቲዳ ጊሻስ ኣሲ ኡባይ ኢስታስ ባቢዴስ። 44 ኣማኒዳይቲ ዉሪካ ኢሲፌ ዴኢዳ፤ ባስ ዲዛዚካ ኡባ ኢሲ ቦላ ጎኤቲዳ።✝ 45 ባስ ዲዛ ሚሼኔ ሜሄ ባይዚ ባይዚ ባ ጊዶን ኮሺዳ ማላ ጊሼቺዳ። 46 ጋላስ ጋላስ ጾሳ ኬን ኢሲፌ ሺቄቴስ፤ ባ ኬንካ ቁማ ኢሲፌ ኡፋይሳኒኔ ሱሬ ዎዚናን ኢሲፌቴን ሜቴስ። 47 ኢስቲ ጾሳ ጋላቲሼ ዴሬ ሲንን ቦንቼቲዳ። ጎዳይካ ኢስታ ቦላ ጋላስ ጋላስ ኦራ ኣማኒዛይታ ጉጂዴስ።

24 ሲቆኒኔ ሎኦ ኦሶን ኑ ሚኒ ዳና ማላ ኣኔ ኢሶይ ኢሳ ቆፊሶስ። 25 ኣኔ ኑ ኡባ ጋላስ ኢሶይ ኢሳራ ጋኪ ጋኪ ኢሶይ ኢሳ ሚንስ ኣቲን ኢሲ ኢሲ ኣሳቲ ሺቆ ኣጊዳ ማላ ኣኔ ኑኒ ሺቆዛ ኣጎኮ፤ ሃራፔካ ጎዳ ዬሱሲ ማታቲዳይሳ ቆፒሼ ካሴፔ ሚኒ ሺቂቴ።

ዳዊቲ ፑዴ ኬዚሼ ዬጺዳ ማዛሙሬ

1 ኢሻንቲ ኢሲፌቴን ዴኢዛይሲ

ኣይ ማላ ሎኦኔ

ኣይ ማላ ኡፋይሲዛዜ!

2 ሄሲ ኣሮኔ ሁኤን ቲጊን

ቡቻራ ቢዲ

ኢዛ ማይኦ

ማጫራ ጋካናስ ጎጊዲ

ሳዎ ቱኑ ጊዛ ኣልኦ ዛይቴ ማላ።

3 ቃሴካ ሄርሞኔ ዙማታፔ

ዱጌ ጺዮኔ ዙምቡላታ ቦላ

ጾኪዛ ጻዛ ማላ፤

ጎዳይ ሄሳን ኣንጆኔ

ዴኦ ሜርናስ ኣዛዚዴስ።

14 ኑኒ ኢሶይ ኢሳራ

ኡፋይሳን ሃሳዬቲዶስ፤

ኢሲፌካ ጾሳ ሶን

ሲሜሬቲዶስ።

9 ኢስታ ኦሶይ ሎኦ ኣይፌ ኢማናስ

ዳንዳይዛ ጊሻስ

ኢሲኖ ጊዳናፔ

ናምኡ ጊዴ ሎኦ።

10 ቃሴ ናምኣፌ ኢሶይ ኩንዲኮ

ኢሶይ ዴንስ፤

ጊዶ ኣቲን ኩንዲኮ ዴንዛ

ላጌይ ባይንዳዴይ

ኣይ ማላ ቃዜ!

11 ናምኣይ ኢሲፌ ኢቺኮ ሆኤስ፤

ጊዶ ኣቲን ባርካ ኢቺዳዴ

ዋኒ ሆኣና ዳንዳይዜ?

12 ኣሲ ቢዛ ቆሃና ዳንዳዬስ፤

ናምኡ ጊዲኮ

ኢዛራ ኤቄታና ዳንዳዬቴስ፤

ሄን ዶቄቲዳ ዎዶሮይ

ኤሌ ዱጼና።

22 ኢንቴ ኣማኒዛይታ ሱሬ ዎዚናፔ* ሲቃና ማላ ቱማስ ኣዛዜቴን ኢንቴ ኢንቴ ኣሳቴ ጌሺዴታ፤ ሄሳ ጊሻስ ኢንቴ ኢንቴ ጊዶን ኢሶይ ኢሳራ ሎኤ ሲቄቲቴ።

9 ዙዙን ባይንዳ ኢሶይ ኢሳ ኢማቴ ሞኪ ኤኪቴ።

10 ኢንቴ ኢንቴ ጋርሳን ኢሶይ ኢሳራ ኢሻታ ማላ ሎኤ ሲቄቲቴ፤ ኢሶይ ኢሳ ባፔ ኣ ቦንቺዛይታ ጊዲቴ።

ኣሽኬቴ ኪርስቶሳፔ ታማሮ

1,2 ኢንቴስ ኪርስቶሳ ባጋራ ቤቲዳ ኢሲፌቴ ጋሶን ኢሶይ ኢሳ ሚንዛዝ ሲቆ ጊዲንካ ዎይኮ ኣያና ኢሲፌቴ ዎይኮ ማሮይኔ ኣሳስ ሚሼቴ ኢንቴ ጋርሳን ዲኮ ኢንቴ ኣስ ሲቆን ኢሲ ኣያናኒኔ ኢሲ ቆፋን ጊዲዲ ታ ኡፋይስ ፖሊቴ።

16 ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ።

32 ኢንቴና ጾሲ ኪርስቶሳ ባጋራ ኣቶ ጊዳ ማላ ኢንቴካ ኢንቴ ጋርሳን ኣቶ ኣቶ ጌቴቲቴ፤ ኢሶይ ኢሳራ ኪያታኔ ኢሶይ ኢሳስ ቃቲዛይታ ጊዲቴ።✝

13 ታ ኢሻቶ! ኢንቴ ጌሻቴስ ጼይጌቲዴታ፤ ኢንቴ ኢንቴ ጌሻቴ ዛሪዲ ኢንቴስ ኣሾ ኣሞ ፖላናስ ጎኤቶፍቴ፤ ሄሳፌ ኢንቴ ኢንቴ ጋርሳን ሲቆን ኢሶይ ኢሳ ማዲቴ።

11 ሄሳ ጊሻስ ቱማፔ ኢንቴ ሃኢ ኦዛይሳ ማላካ ኢሶይ ኢሳራ ሚኔቲቴኔ ሚንቴ።

6 «ኑ ማን ሲሜሬቲሼ ኢዛራ ኑስ ኢሲፌቴ ዴስ» ጊኮ ዎርዶቶስ ኣቲን ቱማን ዶኮ። 7 ጊዶ ኣቲን ኢዚ ፖኦን ዲዛ ማላ ኑኒካ ፖኦን ሲሜሬቲኮ ኑ ጋርሳን ኑስ ኢሲፌቴ ዴስ፤ ኢዛ ና ዬሱስ ኪርስቶሳ ሱ ኑና ናጋራ ኡባፌ ጌሼስ።

11 ኣኔ ሃኢ ታ ኢሻቶ! ሳሮ ዲቴ፤ ኢንቴ ዱሳ ሎኤቴ፤ ታ ኢንቴና ዞሮይሳ ካሊቴ፤ ኣሳይ ኢሶይ ኢሳራ ሲጌቲቴ፤ ሳሮን ዲቴ፤ ሲቆኔ ሳሮ ጎዳይ ኢንቴናራ ጊዳና።

34 ኢንቴ ኢንቴ ጊዶን ኢሶይ ኢሳራ ሲቄታና ማላ ታ ኢንቴስ ኦራ ኣዛዞ ኢማይስ። ታ ኢንቴና ሲቂዳ ማላ ኢንቴ ኢንቴ ጊዶን ኢሶይ ኢሳራ ሲቄቲቴ።✝