Comunhão com os irmãos

41 ጰፅሮስ ኦድዳይሳ ኤክዳይሳት ፃማቀትዶሶና። ሄ ጋላስ ሄ ሙኩሉ ግድያ አሳይ አማንዶሶና። 42 ኤንቲ ሀዋረታ ትምርትያን፥ እስፈተን፥ ኡይ ሙሳንነ ዎሳን ምኖሶና።

43 ሀዋረታ ኩሸን ዳሮ ኦራባይነ ማላት ኦሰትያ ግሾ አሳ ኡባይ ያይዶሶና። 44 አማንዳ ኡባይ እስፈ ደኦሶና፤ ባንታዉ ደእያባ ኡባ እስፈ ሻከቶሶና።✝ 45 ኤንቲ ባንታዉ ደእያባ ባይዝድ ሚሽያ እሱዋስ እሱዋስ ኮሽዳ መላ ሻኮሶና። 46 ኡባ ጋላስ እስ ዎዛናን ግድድ ፆሳ ኬን ሺቆሶና። ባንታ ኬን እሶይ እሱዋ ፄግድ ኡፋይሳንነ አሽከ ዎዛናን ካ ሞሶና። 47 ፆሳ ጋላትሸ አሳ ኡባን ሳበትዶሶና። ጎዳይ አተይሳታ ጋላስ ጋላስ ኤንታ ቦላ ጉጄስ።

24 እሶይ እሱዋ ሲቆስነ ሎኦ ኦሶስ ዋት ደንነኮ አነ ቆፖስ። 25 እሶት እሶት ሜዘ ኦድ ሺቀይሳ አግዳይሳዳ ኑኒ እስፈ ሺቀይሳ አጎኮ። ሽን ጎዳ ጋላሳይ ማታትዳይሳ ህንተ በእያ ግሾ ሄሳ ካሰይሳፈ አድ ኦተ።

እስፈተ ጎአ

1 እሻት እስፈተን ደኤይስ፥

ዋን ሎእ ዋን ኡፋይስ!

2 ሄስ ሁጰን ትግን፥ ቡቻራ ጎግያ፥

አሮና ቡቻራ ጎግድ

እያ ሀሽያ ጋክያ አልኦ ዛይተ መላ።

3 ሄስ አርሞና ዙማፐ

ፅዮነ ደረታ ጋካናዉ

ዎያ አካ መላ።

ጎዳይ ያን አንጁዋነ፥

ደኡዋ መርናዉ እሚስ።

14 ኑ እሶይ እሱዋራ ኡሎ ኦዳ ኦደትዳ፤

ፆሳ ኬን ዳባባን አሳራ እስፈ ስመረትዳ።

9 ባንታ ኦሱዋን ሎኦ አይፈ ደምያ ግሾ እስኖ ግደይሳፈ ናምአ ግደይስ ሎኦ። 10 ናምኣፈ እሶይ ኩንድኮ እሶይ ደንስ፤ ሽን ባርካ ደእያ ኡራይ ኩንድኮ እያ ደንይ ባይና ግሾ እያ አየ! 11 ናምአይ እስፈ ዝንእኮ ሆኤስ፤ ሽን ባርካ ዝንእያ ኡራ ዋንድ ሆአናዉ ዳንዳኢ? 12 እስ አስ ባርካ ተቃናዉ ዳንዳኦና መቱዋ ናምኡ አሳት ተቃናዉ ዳንዳኦሶና። ሄ አይፈን ዶቀትዳ ዎዶሮይ ኤለ ዱፀና።

22 ህንተ ቱማተስ ኪተትድ ህንተናተ ጌሽደታ። ህንተ እሶይ እሱዋ ዎዛናፐ ሲቀታ፥ ሽን ሀእካ ቱማ ዎዛናፐ ምንድ ሲቅተ።

9 ዙዙሞና እሶይ እሱዋ እማተን ሞክተ።

10 እሶይ እሱዋራ እሻዳ ሲቀትተ፤ እሶይ እሱዋ ቦንችተ።

ቱማ አሽከተ

1 ክርስቶሳን ህንተ ደእያ ደኦይ ህንተና ምንስ፤ ቃስ እያ ሲቆይካ ህንተና ምንስ። ጌሻ አያናራ ህንተዉ እስፈተ ደኤስ፤ ህንተ ሀራታስ ኬሄታነ ቃተታ። 2 ህዛ፥ ህንተ እስ ቆፋን፥ ሲቆን፥ እስ ዎዛናንነ አያናን እስኖ ግድድ ታና ፖሎ ኡፋይስተ።

16 ክርስቶሳ ቃላይ ህንተ ዎዛናን ኩምድ ደኦ። ጭንጫተ ኡባን እሶይ እሱዋ ታማርስተነ ዞርተ። ማዝሙረን፥ ሳባንነ አያና የን ፆሳ ዎዛናፐ ጋላትሸ የፅተ።✝

32 አድ እሶይ እሱዋስ ኬሀነ ቃተይሳታ ግድተ። ፆሳይ ክርስቶሳ ባጋራ ህንተዉ አቶ ግዳይሳዳ ህንተካ ዎልስ አቶ ጊተ።✝

13 ታ እሻቶ፥ ህንተ ላአ ዳናዉ ፄገትደታ። ግዶሽን፥ ህንተ ላአተይ አሾ አሞ ፖላናዉ ህንተዉ ጋሶ ግዶፖ፤ ሄሳፈ አድ እሶይ እሱዋ ሲቆን ማድተ።

11 ሄሳ ግሾ፥ ህንተ ካሰ ኦይሳዳ፥ እሶይ እሱዋ ምንተነ ድችተ።

6 ኑስ እያራ እስፈተ ደኤስ ያግሸ ማን ደእኮ፥ ኑ ኦዳንነ ኑ ኦሱዋን ዎርዶቶስ። 7 ሽን ፖኦን እ ደኤይሳዳ፥ ኑካ ፖኦን ደእኮ፥ ኑስ ዎል ግዶን እስፈተ ደኤስ። እያ ናኣ፥ የሱሳ ሱይ ናጋራ ኡባፈ ኑና ጌሼስ።

11 ዉርሰን ታ እሻቶ፥ ሳሮ ደእተ። ቦረይ ባይና ደእተ፤ ታ ዞርያ ስእተ። እስ ዎዛናን ግድድ ደእተ፤ ሳሮተን ደእተ። ሲቆነ ሳሮ እምያ ፆሳይ ህንተራ ግዶ።

34 ታኒ ህንተዉ እምያ ኦራ ኪታይ ሀይሳ፤ እሶይ እሱዋ ዶስተ። ታኒ ህንተና ዶስዳይሳዳ ህንተ እሶይ እሱዋ ዶሳናዉ በሴስ።✝