Comunhão com os irmãos
A comunhão com os irmãos é marca da igreja verdadeira. Os cristãos primevos perseveravam na comunhão — partindo pão, orando e encorajando-se mutuamente.
Comunhão verdadeira
Perseveravam na doutrina dos apóstolos e na comunhão. A comunhão autêntica envolve amor sacrificial e acolhimento mútuo.
ज़ुंणी पतरासे गल्ला दी विश्वास किअ, तिन्नैं लई पाणीं दी डुबकी अर तैहा ई धैल़ी मिलै कोई चअन हज़ार लोग विश्वास तिन्नां संघै। तेखअ तिंयां सोभ लागै शधाणूं का शिक्षा लंदै, संगती, प्रभू भोज़ा करदै अर हर धैल़ै प्राथणां करदै लागी।
विश्वासीए संगत
एरुशलेम नगरीए सोभी लोगा पल़ी डअर, अर खास्सै रहैन करनै आल़ै काम अर नछ़ैण हआ तै शधाणूं करै प्रगट। तिंयां सोभ विश्वास करनै आल़ै रहा तै कठा, अर तिन्नें सोभ च़िज़ा बी हआ ती कठा। तिंयां करा तै आपणीं-आपणीं ज़ैदात अर समान बेच़ी-बेच़ी ज़ेही ज़सरी ज़रुरत हआ ती तेही बांडी।
हर धेल्लै हआ तै तिंयां भबनै कठा अर घअरै-घअरै प्रभू भोज़ करदी नंद अर भलै मन्नैं खाआ तै रोटी। तिंयां सोभ करा तै परमेशरे स्तोती अर सोभ लोग तै तिन्नां करै खुश अर ज़सरअ उद्धार हआ त, तिन्नां ज़ोल़ा त हर धैल़ै प्रभू तिन्नां संघै।
ऐहा गल्लो डाहणअ खास धैन कि आप्पू मांझ़ै एकी दुजे किहअ करै सका झ़ूरी अर भलै कामां करना लै मज़त करी। आप्पू मांझ़ै कठा हणअ निं छ़ाडी, ज़िहअ कि कई भैस्स आसा, पर एकी-दुजै रहा समझ़ाऊंदै लागी, अर ज़िहअ-ज़िहअ प्रभूए फिरी एछणें धैल़ै तम्हैं नेल़ एछदअ भाल़े, तिहअ-तिहअ रहै होर बी खास्सै मिलदै-ज़ुल़दै लागी।
बिधाते परज़ा लागा मिल़ी-ज़ुल़ी करै रहणअ
सह भाल़ केही शोभली अर भली गल्ल आसा कि
बिधाते परज़ा रहा आप्पू मांझ़ै मिल़ी-ज़ुल़ी करै।
अह गल्ल हणीं तेऊ जैतूने किम्मती तेला ज़ेही
ज़ुंण तेल हारण प्रोहते मुंडै तरैल़अ त,
अर तेऊए दाल़्ही बाती उंधै लागी ती तेते ट्रिहुंणीं च़ोल़े पाल्लै तैणीं।
अह हणीं हर्मोन धारा ओशा ज़ेही,
ज़ुंण सियोन धारा पल़ा।
ज़हा ज़ैगा का बिधाता लोगा लै बर्गत दैणा लै बोलअ त,
कि तम्हां लै दैंऊं एही ज़िन्दगी ज़ुंण कधि खतम निं हणीं।
हे परमेशर, हाम्हैं रहा संघा अर आप्पू मांझ़ै राम्बल़ै चिंजदै बाशदै,
तेरी जाचा लै बी एछा तै हाम्हैं लोगा संघै संघा।
कल्ही रहणैं का हआ दूई ज़ण्हैं भलै किल्हैकि तिंयां सका सफल हणां लै एकी दुजे मज़त करी। ज़ै तिन्नां मांझ़ै एक ज़ण्हअ धरनीं पल़े, दुजअ सका तेऊ खल़अ झ़ैऊई। पर ज़ै कुंण कल्ही ज़ण्हअ धरनीं पल़े, तेऊ लै हणीं आफ़त अर तेऊए मज़त कुंणी लाई करी? ठांढै-शेल़ै सका दूई ज़ण्हैं कठा सुत्ती नैत्तै-तात्तै रही, पर कल्ही ज़ण्हअ किहअ करै च़ाल्लअ नैत्तै रही? एकी ज़ण्हैं सका कुंण च़िक्की-मारी बी, पर दूई ज़ण्हैं सका तेऊओ मकाबलअ करी। चिई लुल़ी करै पल़ैई दी राश्शी निं तेही झ़ट च़ारै चुटदी।
Amor fraternal
Amai-vos com amor fraternal sincero. Encorajem-se mutuamente e carreguem os fardos uns dos outros.
ज़ांऊं तम्हैं परमेशरो सत्त मनअ, तम्हैं हेरै शुचै बणाईं। ऐबै लागा तम्हां आपणैं संघी विश्वासी संघै कबल्ली दिला-मन्नां का झ़ूरी करनी।
ज़ै कुंण विश्वासी हांढदी-फिरदी थारै घअरै प्राहुंणअ एछे, तेऊ लै निं नराज़ हणअ, पर तम्हैं तेऊए च़ाकरी खुशी दिलै।
एकी-दुजै संघै डाहा एही झ़ूरी कि तम्हैं आसा आप्पू मांझ़ै एक टबर, आप्पू मांझ़ै अदर करना लै रहा एकी-दुजै लै आजू।
मसीहे मानदारी अर महान झींण
तै ऐबै, ज़ै मसीहा दी तम्हां हैअ आसा, मसीहे झ़ूरी दी तम्हां शांती आसा, पबित्र आत्मां दी साझ़ आसा, मसीहा तम्हां लै झींण अर झ़ूरी किई, तै करा मेरी ऐहा खुशी पूरी कि एक मन्न रहा अर एक्कै ई झ़ूरी, एक सोठ अर हर काम करनअ सोभी मिल़ी-ज़ुल़ी करै एक मन्न बणाईं।
ज़ुंण तम्हैं मसीहा का आसा शिखल़अ द, तिन्नां हर गल्ला मनी ज़िऊआ आपणीं ज़िन्दगी परमेशरे मरज़ी दी। एकी-दुजै लै दैआ आपणीं अक्ल करै समझ़ाऊंणी अर सखाऊंणी ज़ुंण तम्हां परमेशरा का आसा भेटी दी। भज़न, गाऊंण अर आत्मिक गिहा करै रहा परमेशरे स्तोती अर शूकर करदै लागी।
एकी-दुजै लै हआ झणैल़ू अर झ़ूरनै आल़ै। ज़िहअ परमेशरै मसीहा ईशू दी थारै ज़ुल्म माफ किऐ, तिहै ई करा तम्हैं एकी-दुजै माफ।
ए भाईओ, तम्हैं आसा परमेशरै आज़ाद हणां लै शादै दै अर ऐबै निं तम्हां मोसा गूरे बधाने गलामी दी रहणें ज़रुरत आथी, पर इहअ निं सोठा कि तम्हैं आसा देहीए पापी सभाबे साबै काम करना लै आज़ाद। एकी-दुजै संघै करा झ़ूरी अर च़ाकरी तम्हैं आसा एता करना लै आज़ाद।
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
ज़ै हाम्हैं इहअ बोले कि प्रभू संघै आसा म्हारी साझ़ अर तेखअ बी हांढे हाम्हैं न्हैरै दी! तै आसा हाम्हैं झ़ुठै अर तै निं हाम्हैं सत्ता दी रहणैं आल़ै आथी। पर ज़िहअ परमेशर प्रैश्शअ आसा, ज़ै तिहै ई हाम्हैं बी प्रैश्शै दी हांढे, तै हआ म्हारी एकी-दुजै संघै साझ़ अर तेऊए पूत मसीहा ईशूओ लोहू करा हाम्हां सोभी पापा का शुचै।
राज्ज़ी-खुशी
ऐबै ए मेरै भाईओ, नंद रहा, अर सिध्द रहा हंदै लागी, एकी-दुजै लै दैआ हैअ अर आप्पू मांझ़ै डाहा एक मन्न अर मेल़-ज़ोल़। झ़ूरी अर शांती दैणैं आल़अ परमेशर हणअ तम्हां संघै।
"ऐबै दैणीं मुंह तम्हां लै एक नऊंअ हुकम कि एकी-दुजै संघै डाहा झ़ूरी, ज़ेही मंऐं तम्हां लै झ़ूरी किई तेही झ़ूरी करा तम्हैं एकी-दुजै लै।