A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
अवं तैन मां भोइलो, ते तू मीं मां भोल्हो, ताके तैना सिद्ध भोइतां अक भोन, ते दुनिया ज़ांने कि तीं अवं भेज़ोरोईं। ज़ेन्च़रे तीं मीं सेइं प्यार कियो, तेन्च़रे तीं तैन सेइं भी प्यार कियो।
अवं तुसन अक नंव्वो हुक्म देताईं कि, एक्की होरि सेइं प्यार केरा, ज़ेन्च़रे मीं तुसन सेइं प्यार कियो तुस भी एक्के होरि सेइं प्यार केरा। अगर तुस एक्के होरि सेइं प्यार केरेले त सेब्भी लोकन पतो लग्गेलो, कि तुस मेरे चेलेथ।"
यीशु मसीह पुड़ विश्वास केरनेबाले सारे अकोट्ठे रहते थिये, ते सैरी चीज़न मां एक्की होरि बराबर हिस्सेदार रखते थिये। ते तैना अपनि जेइदात ते माल सबाब बेच़तां एक्की होरेरी ज़रूरतरे मुताबिक रकम बेंटतां सेब्भी केरि ज़रूरत पूरी केरते थिये। तैना रोज़ अक मन भोइतां मन्दरे मां अकोट्ठे भोते थिये, ते घरन मां साथी रोट्टी खाते थिये ते प्रभु भोज मनाते थिये, ते अकोट्ठे भोइतां खुशी सेइं खाते थिये। तैना परमेशरेरी तारीफ़ केरते थिये, तैना सैरी केरि नज़री मां रोड़े थिये। ज़ैन पापन करां मुक्ति मैलती थी, परमेशर तैन लोकन तैन केरि टोली मां शामल केरतो थियो।
ज़ैन किछ असेईं यीशुएरे बारे हेरू ते शुनू तैसेरी खबर तुसन भी देतम, एल्हेरेलेइ कि तुस भी असन सेइं साथी शामलथ, ते इश्शी ई शामलीत बाजी सेइं साथी, ते तैसेरे मट्ठे यीशु मसीह सेइं साथीए।
असेईं प्यार इस्से सेइं ज़ानो, कि यीशु मसीहे इश्शे लेई अपने प्राण दित्ते, एल्हेरेलेइ इश्शो भी ढ्लां केरे लेई प्राण देने फर्ज़े।
एल्हेरेलेइ एक्की होरि हिम्मत देथ, ते एक्की होरेरी तरक्की भोनेरी ज़िरियो बना, लगातार, तुस एरू केरतथ भी।
मतलब इन, कि अवं तुसन कां एइतां तुसन सेइं साथी तैस विश्वासेरे ज़िरिये, ज़ै मीं मां ते तुसन मांए, तैसेरे ज़िरिये अस हिम्मत हासिल केरम।
ते एक्की ठैरी अकोट्ठू भोनू न शारम, ज़ेन्च़रे होरे लोक केरतन बल्के अस एक्की होरि हिम्मत देथ, तुस ज़ैस हिसाबे सेइं परमेशरे दुबारे एजनेरी दिहैड़ी नेड़ोंते लातथ तैस्से हिसाबे सेइं जादे एन गल्लन पुड़ च़लते भी राथ।
ज़ेन्च़रे लोंह लोंहे चमकाते,
तेन्च़रे मैन्हेरू तुत्तर अपने दोस्तेरे साथे सेइं चमकने बालू भोते।
तुस एक्की होरेरी मुशकलन मां मद्दत केरा, ते एन्च़रे मसीहेरो कानून पूरो केरा।
एल्हेरेलेइ ज़ैड़ी तगर मौको मल्ले सेब्भन सेइं भलियाई केरा; खास केरतां मसीही लोकन सेइं।
दोस्तेरी कीमत
एक्की करां दूई रोड़ेन, तैन केरि मेहनतरो रोड़ो फल भोते। किजोकि अगर तैन मरां अक बिछ़ड़े, त होरो तैस खड़े केरेलो; पन अफ़सोस तैस पुड़, ज़ै अकैल्लो भोइतां खिरके, ते तैस कोई खड़ो केरनेबालो न भोए। फिरी अगर दूई ज़ने अकोट्ठे झ़ुलतन त तैन निग्घू लग्गेलू, पन अकैल्लो केन्च़रे निग्घो रेइ सकते? अगर कोई अकैल्ले पुड़ हावी भोए त भोए, पन अगर दूई ज़ने भोन तैना तैसेरो सामनो केरि सकेले। ज़ै रस्सी ट्लाई डोरिन सेइं बनाई गातीए तै जल्दी न ट्लुटे।
Este artigo te tocou? Faça uma oração!
+581 estão orando agora.
Junte-se à corrente de oração.