A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
मे तींद्रेम रवु, ने तु मारेम रहे ने चे आखा ने आखा एक सारका हय जाय ने ईनी कळीन माणसे ज जाण लेय की ईसु भगवानेन मकेल्लु मसी छे, ने जसु तु मार सी परम कर्यु तसु तु बी तीनुक परम करे।"
मे तुहुंंक एक नवलु हुकुम आपो, तुहुंं एक दीसरा पर परम राखु जसु मे तुंद्रे पर परम राख्यु तसा तुहुंं बी एक दीसरा पर परम राखु। कदी तुहुंं एक दीसरा पर परम राखसु ती च देखीन आखा माणसे जाण लेसे की तुहुंं मारा चेला छे।"
ने आखा ईसु पर भुरसु करन्या भेळात रवतेला, ने तींद्रे धड़े जो काय बी हतलो तेरेमां आखान साजु हतलु। चे आपणो-आपणो माल-धन ने खेत एच देद्ला, जे पयस्या-टका आवे, चे पयस्या-टका तीनाक चाहजे, तीनाक आप देदला। चे आखा एक मन्या हय्न दाहड़ीन मंदीर मां भेळा हवतेला, ने आखान घर-घर जाय्न मालीकेन खातरीन पंगत मां भेसकायतेला ने सुदले मने भेळा हय्न खाणो खात्ला। ने चे भगवानेन गुण गाया करतेला, ने आखा माणसे तींद्रे सी खुस हतला। ने जे-जे पाप सी छुटकारु हात करतेला, तीनुक मालीक ईसु दाहड़ीन तींद्रे पुठ्ये भेसकी देदलु।
हव, हामु ईना ईसुक देखला, ने सामेळला छे, तेरीत खुस-खबर हामु तुहुंंक देखाड़जे। हामु ते बासेन, ने तेरा बेटा ईसु मसीन साजल्या रवजे। जी वात हामु एरेन करीन तुहुंंक देखाड़जे की तुहुंं बी हामरे पुठ्ये रवीन तींद्री साजल्या बण जावु।
हामु परम हेरेसी जाण्या, की मसी आपणे वाटे आपसान जीव आप देदु; ने हामुक बी भायस्यो वाटे जीव आपणु चाहजे।
तेरेमां तुहुंं एक दीसरान हिम्मत बड़ावता रहु, ने एक दीसराक चुखली-आत्मा मां टणका करता रहु, जसा तुहुंं करता आय रया।
अळतेन ज की जत्यार मे तुंद्रे ईचमां रवो, ती हामु तीना भुरसान साहरे ज हामरे मां, ने तुंद्रे मां छे एक दीसरा सी वात वीच्यार जड़े।
काहना-काहना ईसु पर भुरसु करीन बी, ईसुन मंडळीन मां जाणु छुड़ देदला छे। तुहुंं असला माणसेन चाल मां धरु। बाकुन एक दीसराक समजाड़ीन सांती आपता रहु। ने जसा-जसा ईसुन आवणेन दाहड़ा धड़े आवता जाय, तसा तुहुंं अळी-अळीन भेळा हय्न भगवानेन वात सीकता रहु, ने भगवानेन सेवा भक्ती करता रहु।
असु करीन तुहुंं एक दीसरान काहनु बी बुजु हाकलीन सात देवु, ने ईने रीते तुहुंं ईसु मसीन परमेन नीयम पुरो करे।
ने मुखु जड़तात आखान वारु करनु चाहजे, खास करीन जे ईसु पर भुरसु करे, तींद्री भलाय ते करनुत चाहजे।
एक सी दुय वारु छे, काहाकी तेरा मेहनत सी वारलु फळ जड़े। काहाकी कदी तेरेम सी एक हीटी पड़े, ती दीसरु तीनाक हाकलसे; बाकुन वारु नी तेरे पर जु एखलुत पड़े ने तीनाक काहनु बी हाकलने वाळु नी हय। अळी कदी दुय जणा भेळा सुवे ती चे हुप वाळा रवसे, बाकुन काहनुक एखलु कसु तातु रय सके? कदी काहनुक एखला काजे हाराड़े ती हाराड़ी देय, बाकुन दुय तेर अगळ लड़ाय कर सकसे। जी दुरी तीन दुरीन बणीन रह्वे ची छाटीस नी टुटे।