A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
आंय तियांमेहें रोहीं आन तू मामेहें रोही जिया वाअहीं के ते पुरे ओत कोइत एक ओत जाय, आन दुन्या ओलखे के तुमेज माहूं मोकल्यू, आन जाईंत लेय के तुमे मापोअ मेर कोअयिही आन तेहेंज कोइत तियांपोअ बी मेर कोअल्यी.
आंय तुमुहूं एक नोवू आदेश आपोहो के एकान एकापोअ मेर कोआ; जेहलीही आंय तुमापोअ मेर कोअयिही, तेहेंज कोइत तुमू बी एकान एकापोअ मेर कोआ. जर एकान एकापोअ मेर कोअहा, ताहां याज वाअहीं आखे ओलखे के तुमू माआं सेला होये."
आखे विश्वास कोअनारे एकठेज रोतेते, आन तियांआं आखी वस्तु गोवांदीमेहें ओती. तें जिव जिवोअ मालधन वेसी वेसीइ जियांआं जेहलीही गरज तेहेंज कोइत वाटीत आपी देतेते. तें दाड़ख्येए एक मोन ओत कोइत मंदिरोम टोलू ओवतेते, आन तियांआं कोओं-कोओं खुसी आन खोरा मोनो वाअहीं रोटू खातेते, आन देवोअ स्तुती कोअतेते, आन आखे माअहें तियांहां पालित खुस ओवतेते: आन जियांहां तारण जोड़तोतो, तियां माअहुंहूं प्रभु तियांमेहें जुड़ी देतुतो.
जो कि बी आमू देख्योहो आन उनाअयाहा तियाआ खबर तुमुहूं बी आपताहा. याअकाजे के, तुमू बी आमाअरी हेंगात बोणुहूं जोवे; आन आमाअ ए हेंगात आब्हाअरी आन तियाआ बेटाह्हा ईसु ख्रिस्त याअरी होय.
तिये आपाआ काजेहे सोताआ जिव आपी देदू या वाअहीं आपू तियाआ मेर ओलख्यी; आन आपू बी आपाआ पाव्हीइलाआं काजे जिव आपुहूं जोवे.
आन एकान बिहीराहा उत्साहीत कोआ आन एकान बिहीराहा मदत कोआ, जेहलोहो तुमू ओमे बी कोअयाज कोअतेहे.
काहाके जेहेलाम आंय तुमाआं विसमेहें रोहीं, ताहां जो मामेहें आन तुमामेहें होय तिया विश्वासोवाअहीं आपुहूं एकान एका वाअहीं टेकू जोड़ीत सेके.
आन जेहलोहो बिहीरे वारुज जोएं कोअतेहे तेहेलोहो तुमू एकमेकाहा मिलीइलोअ मा सोड़हा, पोन एकमेकाहा समजाड़ते रोवा; आन जेहें जेहें तो दिही आहने आवत्लू देखाअहे, तेहें तेहें या रोत वादार कोअते जावा.
तुमू एकान एकाआ वोजू उसला, मोन्ज्ये एहें कोइत तुमू ख्रिस्ताआ नियम पुरु कोअहा.
तियाहा काजे जेतो ओत सेके तेतो आपू आखाअरी हाजोज कोअहूं जोवे, खास कोइत विश्वासी पाव्हीइलांअरी.
एका रोत बेन हाजे होय, काहाके तियांआं मेहेनतीइ हाजो फल जोड़ेहे. आन तियांमेहें रोत एक पोड़्यो ताहां बिहीरो तियाहा उठाड़ीत सेकेहे. पोन जों एखलोज ओय तियाहा कोडो उठाड़नारो ने रोयो, ताहां ते केतीही दुखोअ गोठ होय. फाशोअ जर बेन जोएं हुवे ताहां ते उफाले रोय, पोन एखलो माहुंउं केहें कोइत उफालो ओत सेकेहे? एक जोओं एखलाहा गाठाड़ीत सेकेहे, पोन बेन जोओं तियाहा हारवीत सेकताहा; जों दोअड़ो तिन फेली वाअहीं बोण्योहों तो वेगो नाहां टुटीत सेकतो.