A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
मि उन मा अना तु मोरो मा की वय सिध्द भयके एक जाहेत अना जगत जानहेत की तुना मोला धाडिसेस अना जसो तुना मोरो लक माया राखिसेस, वसोच उनलक भी माया राख।"
मि तुम्हिला एक नवतो हुकूम देवासु, का एकमेक लक माया करो, जसो मि तुम्हरो लक माया राखासु, वसोच तुम्हि एकमेक लक माया राखो। अदी आपसी मा माया राखो, ता सबच जान जाहेत, का तुम्हि मोरो चेला आव।"
अना सबच बिस्वासी लगातार संगती बनायो राखत होतिन। अखीन उनको जवर जोन काही जीनुस होतो वोला वय आपसी मा बटवार करत होतिन। वय अपरी-अपरी सम्पित अना चीज ला बीकत होतिन। अना वोको लक जोन पैसा भेटेत, उनकी जरुरत को अनुसार बाट देत होतीन। वय हर दिवस मंदिर मा समूह मा मिलत होतिन। वय आपरो घरगिन मा संगमा जेवन बाट-बाट के अना सरल मन लक खुसी लक, मिलजुल के जेवत होतिन। हर रोज पिरभु उनला समहू मा जोड़त होतो। सबा लोक गिन साजरा भावना को मजा लेवत हुयो, वय परमेस्वर को पिराथना करत होतीन अखीन जोन हररोज बचावत जात होतिन उनला समूह मा मिला लेवत होतिन।
जोन काही आमी ना दिसया अना आयको सेजन ओको खबर तुमला देसेजन, एकोलाय की तुमी भी आमरो संगा संगी सेजन, अना आमरो यो संगीपन बाबूजी को संगा अना ओको टूरा यीसु मसीह को संग से।
आमी ना माया एकोलाय जानिया का ओना आमरो लाई आपरो जान दे देइस; अना आमला भी आपरो भाऊ लाई जान देवनो जरुरी से।
एको लाई एक दुसरो ला सान्ती देवो। अना एक दुसरो की तरक्की करहो जसो का तुमी कर भी रहिसेव।
मोरो मतलब सेत का जबा अमी आपस मा भेट करहेत ता दुई पक्स को बिस्वास बढेत।
अना एक दुसरो संग जमा होवनो नोको छोड़ो। जसो कितरो लोकगीन को असोच रित सेत। अना एक दुसरो ला बढ़ावा देवत रव्हो, जसो-जसो विपदा को दिवस जवर आवता चोवो असोच करो।
असो बोझ लक मोसे को नियम मा एक दुसरो की मदद करबीन अना येने रिती लक मसीह को हुकूम पूरो करबीन।
एकोलाय जबा तकन आमी ला डाव मिलसे, आमी सबको भला करसेजन। मुख रूप लक उन लोकगीन की जोन भरोसा को कारन आमरो परिवार का सेत।
एक लक साजरा दुई से, काहेकि उनको मेहनत को साजरो फर मिलासे। अदी एक मानूस पड़ जाहेत ता दूसरो वोको मदत करहेत। पर कोनी मानूस को एखलो रव्हनो साजरो नहात काहेका जबा उ पड़हे ता वोको कोनी मदत करनवारो नही रव्हेत। मंग दुही झन संग मा झोपेत ता वोय गरम रहेत, पर कोनी एखलो कसो गरम होय सकासे? एखलो मानूस ला बैरी हरा देहेत, पर वोच बैरी दोन मानूस गिनला नही हरा सकेत। अना तीन बैरी पर लगत भारी भयी जाहेत जसो का तीन आट को दोरी ला तोड़नो लगत कठीन सेत।