A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
Me ndi moonyi mu bo, na we li moonyi mu me. Buuna, bo buuba muutu mumosi we bu hwafwana, mana baatu ba tsi bayaaba ti we atsindaha me, na ti we atondo bayihi ba me we bu we atondo me.»
Me miipa benu mukele wu munyatihi: tondosonwani. Benu lafwana utondosono, we bu me atondi benu. Tso benu libaatondosono, buuna boosi sa bayaaba ti benu lili bayihi ba me.»
Boosi ba baasiidi hiitu baaba itwadi, na baakapfuuta mbuha mosi byosi bi bo baaba na byo. Bo baakasumbasa busina bwa bo na bi bo baaba na byo. Bo baakakabasana mbongo, we bu hwaba nzala a muutu-muutu. Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha. Bo baakayusa Nzambi, na baatu boosi baaba na hyese hya bo. Na pasi ilumbu Pfumu akabwese hu kabu la banga hiitu, ba nde hakayobolo.
Bisu lili mu ulongese benu ma bisu laamoni na laayuhi. Bisu luulongese benu mo, mana benu kaka liba ba baakangama na bisu mu itwadi hi bumwana bu bungu, hi bisu lili na hyo na Taata Nzambi na Mwana a nde Yisu Kristo.
Mono buni lafwana uyaba litondo hima lo lili: Yisu Kristo ayehuli muvumu a nde mu bisu. Ni buuna, bisu kaka lafwana uyeholo mivumu mya bisu mu baana ba ngu a bisu.
Ni mu buuna, hwadasanaani na kumbasanaani mu ukula mu imiinu, we bu benu lili mu ubaasa.
Buuve, hufulili bubwe ti, me na lehemene bibaayaka uba ŋa hati la benu, mana liyakaani kwadisili mu itwadi. Kwadisili a benu mu imiinu hya me, na kwadisili a me, mu imiinu hya benu.
Linyahaani utiimba mapfuutini ma bisu, we bu hu li ipfu hya baatu bakima. Ka laafwana ubaahwadasana. Mu tooni a bu lili mu umono ti ilumbu hya Pfumu hyaka bebele.
Baabitasanaani mipfuna: buna benu sa likuhasa mukele a Kristo.
Ni mu buuna, bu taangu yimonihili, libaavaangaani ma mabwe huli pasi muutu, fula-fula huli baana ba ngu ba imiinu mu Kristo.