A comunhão
A comunhão cristã é dom e mandamento. Juntos somos mais fortes. A Bíblia celebra a unidade dos crentes em Cristo como antecipação do céu na terra.
minmin tuh ccangkheit ccaccing lang a tang nawlan hae, kae tuh minmin kya ka um zah nang tuh ka kya na um, tuhteze nynh nang nynh kae hynh nae saw cipaw te kae hynh nae sungsah hawte minmin kha mah na sungsah hae cipaw kha laephi nynh a nyh cih.
Kawbya thawpaw kae pya oh: lu kheit te lu kheit sungsakuh oh. Kae nynh kae sungsah oh hawte nanning mah lu kheit te lu kheit sungsakuh oh. Lu kheit te lu kheit sungsakunaw na hoi oh ze, tuh-e sungsakunaw liate ccungccaw hae balyn nynh nanning tuh ka zuitu hae cipaw ae nyh cih oh," a cipya hae.
Zyntu hae balyn tuh pynkheihlan um hae zah pawpaw balyn kha a hoikheih hae. Mih hoipaw te mih uccaw hae kha zua hae zah ccungccaw miakaw kalan ahobou thyhte a nee hae. Minmin tuh beikinn kya nin takyh tungkuh hae zah mih inn kyakhe sanlou iathungkute lungtuate hysahnaw thinlung te mih looh kha leih a aekheih hae. Pachia kha thehoysah hae zah ccungccaw hae balyn malang maehoynaw a mue hae. Bawipaw nynh khumnaw a mue hae paw kha nin takyhte milu a lungsah chih.
Nanning mah kaening ryte vaeccawkunaw na hoibua ccaw oh cite kae muihpaw te kae thaepaw kha kae hopya oh; kaening tuh Paaw te a Ccapaw Jesu Khri ryte vaeccawkunaw kae hoi.
Khri nynh a hiinnaw kha aening hanlan a pyaku; tuhcite aening nynh Pachia sungsahnaw kha ah nythya oh; aening mah ah uno hae hanlan ah hiinnaw kha pyaku lan accan.
Tukeiccuze na cyimae oh hawte thawzung pyakuh kalang oh lah, lu kheit te lu kheit tynsakuh oh.
Tuh-e tuh nanning te kae nynh zynnaw raveih khate thawzung ah pyaku kalang ccaw oh cipaw nynh thua.
Ccungccaw abang nynh leih a cyimae hae hawte pynkheihlan pumkunaw kha umtaw leite, lu kheit te lu kheit thawzung pyakuh oh sih, Ninsaw tuh houhouh yn naekuh vae cipaw kha na muih oh hawte thawzung houhouh pyakuh oh sih.
Sivaw nynh sivaw kha a hesah,
ccungccaw nynh ccangpaw
ccungccaw hawnaw kha a hesah.
Lu kheit te lu kheit nae phupaw aripaw kha duekuh oh lah, tuhcite Khri kawbya kha na ccingsah cih oh.
Tukeiccuze ccyhhoypaw ah mue takyh oh te, ccungccaw balyn hanlan ahoypaw rya kha lawpah oh sih lah, abyapi lante zyntu innbyn hae hanlan ahoypaw rya kha lawpah oh sih.
Lu kheit laeze lu ning ahoyhua, pawccecize reihkute ryalaw mee alunghua a mue hae. Lukhakheit nynh a khuliaku ze, ccangpaw lu kheit nynh a tho cih; thuasalama lu kheit makhaete tuh a khuliaku ze ngaethya kou a um, a bawmtu hoi vae khyh. Lu ning te pynkheihlan a i hae ze mih khualung; thuasalama lu kheit makhaete tuh pawtemou a khualung kho cih? Lu kheit nynh ccangpaw lu kheit kha a tae kho zemah, lu ning nynh tuh lu kheit kha a tae cih. Ccangthum te ruepaw liarue tuh zoikadeihte pae khyh.