Confiar no Senhor
Confiar no Senhor é a base de toda vida espiritual. A confiança em Deus nos livra do medo, nos dá paz e nos posiciona para receber as promessas divinas.
Confiar de todo coração
Confia no Senhor de todo o coração. Não te apoies em teu próprio entendimento — em todos os caminhos o reconheça.
Yaa Nyuntɛ Loo
Nnwɔ ninsiɛ ni di Nnwɔ Niɛtaka Katoo Alenke ni kasiɛkɔ
kamatɛ ɔnyɛɛ di Nnwɔ Ninleke ni oyududu.
Kamabuɛ di Saate nwu suoto nlɛ, "Nnwɔɔ ninle mi katanikokɔ ku kawofakɔ nii,
Yaa nii, nnwɔ kamɛ letika ni disi."
Nwaako abadiki fɔ ankyeko kansiɛ okũ
ku ofiɛ kpile wɔ ninlo ni batii nnɛɛ.
Abatĩi fɔ ku selonkoo nɔɔ,
di afoko nɔɔ kalɔ kafɔɔ fabawɛ katanikokɔ;
onukwale nɔɔ nimale fɔ kubidifunsaa ku kɔba.
Yaa Batii Nwu Kanyu
Mba nietika ni disi di Saate nwu suoto nte fɛle Sion Kobokote
ko manamafuo ni otũkunsa kafɔɔ kubayila ni dinaa ni kaloo.
Fɛ mmle di abokote lɛmana ni Yerusalem eekyi nii,
nkpo di Saate nwu mmana batii nɔɔ ankyi nɛ,
diɛyɔ ni di nua dinaa ni kaloo.
Ɔlɔbayɛkɛ ɔlaa kpile kuonwii;
otu nɔɔ nte, antika Saate nwu disi.
Tika disi di Saate nwu suoto, faabla kafɔɔ dibiene;
siɛ di kasɔ nwu suoto, fanya suoto lɛyɔɔ.
Ta suoto siyɔɔ fɔ di Saate nwu kamɛ,
ni abata fɔ otu lɛfɔ kamɛ dibiesaa.
Yɔ osuku lɛfɔ fakpee di Saate nwu nnɛɛ;
tika nwɔ disi, ni ababla nle mmle kafɔɔ:
Abata ɔsaabla tinini lɛfɔ nkpa fɛle kolesɛtũ,
lɛbɛ lɛfɔ mate fɛle kakũ kufĩ.
Batii ba nin-ye ni leyooto lɛfɔ matika fɔ disi,
diekye afɔ, Saate, diidii fadiyee batii ba ninwolaa fɔ nii.
Segurança em Deus
Bem-aventurado o homem que confia no Senhor. Ele é como árvore plantada junto às águas — não temerá quando vier o calor.
"Kafɔɔ lɛtɔtrɔ bɛɛta otii wɔ nintika ni SAATE nwu disi,
nnwɔ nintika ni anu di suoto nɔɔ.
Abate fɛle kowoso ko bɛɛsɔ ni di okle kotoko
nintaa ni sidu nikũ di kaklenyii kotoko.
Kunnyɛkɛ nse difila lɛwa;
afata nikũ nte bokoboko obe lele.
Kunnkpee suoto kubuɛ di lɛlɛɛ le di koleele lɛkpɛ ni ku osie
di diidii kafɔɔ kunnsĩ ni abi otika."
Tika SAATE nwu disi dinaa ni kaloo,
diekye Saate nwu, Saate nwu ninle Dikfuɔnkpaa dinaa ni kaloo.
Nwaako Yaa ninle mi didiki;
kamatika nwɔ disi namayɛkɛ kafɔɔ.
SAATE nwu; SAATE nwu; ninle mi osie ku onu nii;
nnwɔɔ nintookple mi didiki nɛ."
O Saate wɔ Ninlenke ni,
suoto siyɔɔ otii wɔ nietika fɔ ni disi.
Batii bawo nkanta di bakeke ba di bapɔnkɔ nnanfi ni, bawo kafɔɔ di bapɔnkɔ,
kafɔɔ awo munkanta di Saate nwu, Yaa loo leyooto kamɛ.
Babanɔɔ mampɛ kaasɔ,
kafɔɔ awo bubataka munyila kpinkpĩ.
Dilɛ alɛ faataniko Saate nwu
ninlenke alɛ faatika anu di otii suoto.
Dilɛ alɛ faataniko Saate nwu
ninlenkee alɛ faatika disi di banɔɔfotii babi suoto.
Não confiar no homem
Não temas — em ti confiarei. Melhor é confiar no Senhor do que confiar no homem ou nos príncipes.
Di Yaa, nnwɔ ɔlaa nintansa ni,
di Saate nwu, nnwɔ ɔlaa nintansa ni-
Yaa letika disi; namayɛkɛ.
Obe di otii mafuo mi ɔbla?
Kafɔɔ ami, letika disi di lɛbɔmbɔ lɛfɔ le ninaa ni kaloo suoto;
otu nii nnya suoto lɛyɔɔ di didiki lɛfɔ kamɛ.
O Saate, kafɔɔ afɔ letika disi;
lebuɛ nlɛ, "Afɔ ninle Yaa nii."
Suoto siyɔɔ otii
wɔ niɛyɔ Saate nwu ɛɛbla ni anu ditikasaa nɔɔ,
anantikanko ni mba nintakatɛsa ni suoto katoo,
mamunikĩi mansifi ni balaatɛ afiɔ nfũ.