1 "N-ya mmle ninle ana nwu ayooto nɛ: Di katookasɔ kɔmɛ lɛkyɛ yi, Dan kamawɛ dikyuu ninwii; kɔmɛ nwu kamakyɛ di Hetlon osuku wɔ niefe kuosifi ni Lebo-Hamat; Hasar-Enan ku Damasko katookasɔ kɔmɛ ko ninkaako ni Hamat kamale kɔmɛ nwu lɛba diɛyɔ ni di kufĩkatunkɔ lɛkyɛ diesifi ni kufĩkamɛɛkɔ lɛkyɛ.

2 "Aser kamawɛ dikyuu ninwii; kɔmɛ nwu kamatika di Dan kɔmɛ suoto diɛyɔ ni di kufĩkatunkɔ diesifi ni kufĩkamɛɛkɔ.

3 "Naftali kamawɛ dikyuu ninwii; kɔmɛ kamatika di Aser kɔmɛ suoto diɛyɔ ni di kufĩkatunkɔ diesifi ni kufĩkamɛɛkɔ.

4 "Manase kamawɛ dikyuu ninwii; kɔmɛ kamatika di Naftali kɔmɛ suoto diɛyɔ ni di kufĩkatunkɔ diesifi ni kufĩkamɛɛkɔ.

5 "Efraim kamawɛ dikyuu ninwii; kɔmɛ kamatika di Manase kɔmɛ suoto diɛyɔ ni di kufĩkatunkɔ diesifi ni kufĩkamɛɛkɔ.

6 "Reuben kamawɛ dikyuu ninwii; kɔmɛ kamatika di Efraim kɔmɛ suoto, diɛyɔ ni di kufĩkatunkɔ diesifi ni kufĩkamɛɛkɔ.

7 "Yuda kamawɛ dikyuu ninwii; kɔmɛ nwu kamatika di Reuben kɔmɛ suoto, diɛyɔ ni di kufĩkatunkɔ diesifi ni kufĩkamɛɛkɔ.

8 "Di Yuda kasɔ kɔmɛ diɛyɔ ni di kufĩkatunkɔ diɛlaadu ni kufĩkamɛɛkɔ kamale lɛba le bibadiki minta ni fɛ lɛtasaa finle. Lɛblɛfɛ nini kamabla nkpaa nkpe-afosi-ana-nnyɔ, lɛkaana kafɔɔ nini diɛyɔ ni di kufĩkatunkɔ diɛlaase ni di kufikamɛɛkɔ kamakyɛkyɛ ku kɔna nwu kunwii lɛma kale; kakleklekɔ nwu kamayila di kasɔ nwu ntɛɛntɛɛ.

9 "Dikyuu finle le dikaatɛ ale biediki biɛtɛ biɛta ni SAATE nwu lɛkaana kamabla nkpaa nkpe-afosi-ana-nnyɔ, lɛblɛfɛ kafɔɔ nkpaa lefosi-nkpe nkuɔ-alafa-ana-afosi-anɔɔ. 10 Nle mmle kamale lɛba klekle ninta olebatatɛ. Lɛkaana nini kamabla nkpaa nkpe afosi-ana-nnyɔ di katookasɔ lɛkyɛ, lɛblɛfɛ kafɔɔ kamabla nkpaa lefosi nkpe nkuɔ-alafa-ana-afosi-anɔɔ di kufĩkamɛɛkɔ lɛkyɛ. lɛblɛfɛ kamabla nkpaa lefosi nkpe nkuɔ-alafa-ana-afosi-anɔɔ di kufĩkatunkɔ lɛkyɛ, lɛkaana kafɔɔ nkpaa nkpe afosi-ana nkpe nnyɔ di kalakasɔ lɛkyɛ. Ntɛɛntɛɛ nwu di SAATE nwu kakleklekɔ kamayila nɛ. 11 Nka mmle nimale olebatatɛ ba beekleklesa ni kale nɛ. Sadok batii ba niale ni onukwale di ɔkpɛ nii ɔbla kamɛ batayu ni osuku fɛ mmle di Lewi batii labla ni di obe wɔ di Israel batii layu ni osuku. 12 Kabale lɛtasaa finle le niekye ni dikyuu le nieklekle ni kamɛ ninta ma. Dikyuu le niɛtɛ dieklekle dilenke ni, di kɔmɛ kamatika ni di Lewi batii kɔmɛ suoto.

13 "Di olebatatɛ kasɔ kɔmɛ lɛkyɛ yi, Lewi batii kamawɛ dikyuu ninwii di lɛkaana mabla ni nkpaa nkpe afosi-ana-nnyɔ, lɛblɛfɛ kafɔɔ nkpaa lefosi nkpe nkuɔ-alafa-ana-afosi-anɔɔ. Lɛkaana nika kamuu kamabla nkpaa nkpe afosi-ana-nnyɔ, lɛblɛfɛ kafɔɔ nkpaa lefosi nkpe nkuɔ-alafa-ana-afosi-anɔɔ. 14 Banaa osuku beesunsũ ee bɛɛkyɛlɛnsa kasɔ nwu kukanwii beefũ lɛsaa. Kasɔ ka mmle nle kasɔ ka ninlɛ kalenke nii, dinaa kafɔɔ alɛ keebuo di batii bamba nnɛɛ, diekye kɛɛbla kasɔ klekle kɛɛta SAATE nwu.

15 "Lɛba le niebu ni di lɛkaana lɛbla ni nkpaa nkpe-nnɛ-alafa-anyɔ-afosi-anyɔ-nnɔɔ, lɛblɛfɛ nkpaa nkpe afosi-ana-nnyɔ, kamale lɛba le di okpoo kplɛ nwu otii biala kamafuo ni ayo otofo, kanta ni kafɔɔ babɔkɛɛ sɛfa kaweekɔ. Okpoo kplɛ kamawɛ di ntɛɛntɛɛ nika. 16 Nnya mmle di okpoo kplɛ nwu lɛklapoo nwu kamate ni: Katookasɔ lɛkyɛ kamabla nkpaa nkpe nkuɛnsĩ alafa-anɔɔ, kalakasɔ nkpaa nkpe nkuɛnsĩ alafa-anɔɔ, kufĩkatunkɔ nkpaa nkpe nkuɛnsĩ alafa-anɔɔ, kufĩkamɛɛkɔ kafɔɔ nkpaa nkpe nkuɛnsĩ alafa-anɔɔ. 17 Babɔkɛɛ sɛfa kaweekɔ diɛta ni okpoo kplɛ nwu kamabla nkpaa alafa ana afosi-anyɔ di katookasɔ, nkpaa alafa ana afosi-anyɔ di kalakasɔ, nkpaa alafa ana afosi-anyɔ di kufĩkatunkɔ, nkpaa alafa ana afosi-anyɔ kafɔɔ di kufĩkamɛɛkɔ. 18 Kasɔ ka nimabu kante ni kɔmɛ ku kasɔ klekle dikyuu nwu lɛkaana kamabla nkpaa lefosi-nkpe-nkuɔ-alafa-ana-afosi-anɔɔ di kufĩkatunkɔ, nkpaa lefosi-nkpe-nkuɔ-alafa-ana-afosi-anɔɔ di kufĩkamɛɛkɔ lɛkyɛ. Kasɔ nika alesaa kamale alesaa anta okpoo kplɛ nwu bakpɛmblatɛ. 19 Bakpɛmblatɛ ba niekye ni okpoo kplɛ nwu kamɛ babakpɛ ni kasɔ nwu kamakye Israel ana nwu amuu kamɛ. 20 Kasɔ kamuu akɔ ana nwu kamakyɛkyɛ, kababla nkpaa nkpe-afosi-ana-nkpe-nnyɔ di ɔfankyi biala suoto. Bibadiki dikyuu klekle nwu mintɛ fɛ lɛtasaa finle, diɛkyakaa ni di okpoo kplɛ nwu lɛsaawɛ suoto.

21 "Kasɔ ka nimabu kante ni di ɛfankyi nwu ɛnyɔ niɛbla ni kasɔ klekle ku okpoo kplɛ nwu lɛsaawɛ kamale ɔka kale. Lɛblɛfɛ di kufĩkatunkɔ lɛkyɛ kamayɔ di kasɔ klekle nwu nkpaa nkpe-afosi-ana-nkpe-nnyɔ kanaatika di kufĩkatunkɔ kɔmɛ suoto, kufĩkamɛɛkɔ lɛkyɛ kafɔɔ kamayɔ di nkpaa nkpe-afosi-ana-nkpe-nnyɔ kanaatika di kufĩkamɛɛkɔ kɔmɛ suoto. Aba ya mmle akyuu nwu anyɔ ninte ni di ana nwu nsɔ lɛkaana kanya kamale ɔka kale. Kasɔ klekle nwu ku olekatakɔ kakleklekɔ nwu kamawɛ di ntɛɛntɛɛ lɛma. 22 Nioso, Lewi batii lɛsaawɛ ku okpoo kplɛ nwu lɛsaawɛ kamate di lɛba le ninle ni ɔka kasɔ ntɛɛntɛɛ. Lɛba le ninle ni ɔka kasɔ kamate di Yuda kɔmɛ ku Benyamin kɔmɛ obo.

23 "Ana nwu bule mma yi: Benyamin kamawɛ dikyuu ninwii; kabayɔ di kufĩkatunkɔ lɛkyɛ kansifi kufĩkamɛɛkɔ lɛkyɛ.

24 "Simeon kamawɛ dikyuu ninwii; kɔmɛ kamatika di Benyamin kɔmɛ suoto kun-yɔ di kufĩkatunkɔ kunsifi kufĩkamɛɛkɔ.

25 "Isakar kamawɛ dikyuu ninwii; kɔmɛ kamatika di Simeon kasɔ suoto kun-yɔ di kufĩkatunkɔ kunsifi kufĩkamɛɛkɔ.

26 "Sebulun kamawɛ dikyuu ninwii; kɔmɛ kamatika di Isakar kasɔ suoto kun-yɔ di kufĩkatunkɔ kunsifi kufĩkamɛɛkɔ.

27 "Gad kamawɛ dikyuu ninwii; kɔmɛ kamatika di Sebulun kasɔ suoto kun-yɔ di kufĩkatunkɔ kunsifi kufĩkamɛɛkɔ.

28 "Gad kɔmɛ di kalakasɔ kamafe di kalakasɔ lɛkyɛ kun-yɔ di Tamar kanaatika di Meriba-Kades ntu kanya, kunfe di Egipte Kaklenyii kunaadu Lekpo Kplɛ nwu.

29 "Nka mmle ninle kasɔ ka bibasɛ minta ni Israel ana nwu fɛ atesaa nɛ. Mbe mmle nwu kafɔɔ nimale nsɔ lɛma nɛ," SAATE Kplɛ nwu niebuɛ.

30 "N-ya mmle nimale aba ya babafe mandie ni di okpoo kplɛ nwu kamɛ nɛ: Keekye ni kasɔ di katookasɔ lɛkyɛ, di lɛkaana kamabla ni nkpaa nkpe nkuɛnsĩ alafa-anɔɔ, 31 Israel ana ayooto babayɔ mantika okpoo kplɛ nwu n-yoko. N-yoko be ntiɛ ninkpe ni di katookasɔ lɛkyɛ kamale Reuben kayoko, Yuda kayoko ku Lewi kayoko.

32 "Di kufĩkatunkɔ lɛkyɛ, di lɛkaana lɛbla ni nkpaa nkpe nkuɛnsĩ alafa-anɔɔ yi, n-yoko ntiɛ kamawɛ: Yosef kayoko, Benyamin kayoko ku Dan kayoko.

33 "Di kalakasɔ lɛkyɛ, ninle ni nkpaa nkpe nkuɛnsĩ alafa-anɔɔ yi, n-yoko ntiɛ kamawɛ: Simeon kayoko, Isakar kayoko ku Sebulun kayoko.

34 "Di kufĩkamɛɛkɔ lɛkyɛ, ninle ni nkpaa nkpe nkuɛnsĩ alafa-anɔɔ yi, n-yoko ntiɛ kamawɛ: Gad kayoko, Aser kayoko ku Naftali kayoko.

35 "Obo wɔ nimate kunkyi ni okpoo kplɛ nwu omuu kamabla nkpaa nkpe afosi anɔɔ nkpe-nna.

"Okpoo kplɛ nwu leyooto diɛyɔ ni di obe nwu nkpo kamɛ diesifi ni nimale: SAATE NWU NKPE NINFA."