Consequências dos nossos atos

12 Kɛɗɔn kopiya au tete yɛ sha vigbete pɛliyɛ piti kpai a Ɗalapa ɗekɨn.

6 Aru gbetenkɔ Ɗalapa yɛ shori ko-piya vi ɗɔnwanɛjo nɔgbete sho viyɛ. 7 Shɔ gãsi i ɓejo a ɗɔɔ vi tɔ̃vɨn pɛlinɛ, i kã bassinɛ a kutinɛ, a vitɔ̃vɨng pɛlinle; a Ɗalapa yɛ ãi Suru gbete sɔ̃ nyaɓayɛ. 8 Zɔgãsi i kasi ba i yuu i bẽẽ nyaba tɔ̃vɨntɔ, i kasinɛ nɗa i gɨn vigbete ɓa tɔ̃vɨn ɓayɛ; Ɗalapa yɛ nɔsiu sisɨn gɨnvɔ̃ pẽnɛba ai yuukɔ. 9 A ɗɔwaakɔɔ shɔgbete i pɛli vi kɔ̃linɛ iyɛ ɓooraatɔ a kɔnɛni, shɔyɛ gaa a Yahudawayi a pɛsi a shɔgbete i ɓa Yahudawaɓayɛ. 10 Ama shɔgbete kɛ pɛli vitɔ̃vɨng nɛ Ɗalapa yɛ ãu basinɛtɔ, a kutinɛ, a ɔ̃nɛ yɛti puru, Yahudawayikɔ a ɗekɨn yɛnɛ sɔ̃n shɔgbete i ɓa Yahudawaɓa. 11 Ɗalapa yeeri shɔ ruu ji nagbetenkɔ piti kpai.

16 A ɗɔwakɔ vɔsinɛ ɗɔn a tete Ɗalapa vi ãnɛ a shɔzɛ gbete ruuvini. Akɨnti shɔzɛ gbete ruuvini Adam, kɛ ruu yeenɛ a yuu <<Ruuvini>>; ama akɨnti ruuvini bang mi, vigbete Yesɔ ãuyɛ pɔ̃ Ɗalaparɛ <<sɨu au ɗekɨn.>> 17 Nizɛ kɔ a tete ruuvini gbete shɔzɛ pɛliyɛ vɔrɔ gaa kpati roonɛ kɨn aru vi a shɔzɛ gbete pɛliyɛ. Ama vigbete shɔzɛ gbetem pɛliyɛ u banɛ yɛ ɔ̃ kɛpikoviya? Yesɔ Kirisi! Shɔgbete yi kɛ tɛ Ɗalapa vi ãnɛ tɔ̃vɨn nɛ piti au pɔ̃rɛ i ɔ̃ a wuni, iyɛ roo kpati a Yesɔ Kirisi kabii.

Ɔkɔɔ yee ruu nɛ shɔ yuu ni

1 << Ɔkɔ yee ruu nɛ a shɔwɔyi yuu ni, ɔkɛ yeenɛ Ɗalapa yɛ yee ruu sɔ̃njo awɔ yuu ni. 2 Nogbete a yee ruu a shɔwɔ yuu, Ɗalapa yɛ yee sɔ̃njo nankɔ aa yuu, waa gbete a tesi vi awuni yɛ, shɔ yɛ teesaa sɔ̃njo a ukɔ.

36 N gelɔɔ tɛ a lee ruu lɔsine Ɗalapa yɛ pɔ̃rɛ kopiya yɛ sha jo au nya, vikɔ̃line a vitɔ̃vɨng gbete pɛli yɛ piti kpai.

12 Ɗalapa nyaruubii u suru aɗɔn aɗɔ vi shonɛ, u yɔnɛ tɛɛ zaali au nya kaziti tɛttɔ, kɔvitɔ ɓuzɨn yɛnɛ ɗɔgbete suru bi kpaa zɔ a suruyɛ, ɗɔgbete gboki a rɨti i kpaa zɔyɛ. Zɛ vigbete a sisɨn lɛriyɛtɔ a vi gbete a sisɨn ɔriyɛ. 13 Shɔ ɓusi Ɗalapa viwɔɔ ɓa; Vigbete shɛshi piti kpai shɔ ɓusi dɔɔɓa Ɗalapa nɔɔni ɓa. U shau vigbete u pɛliyɛ piti kpai sɔ̃n au ɗɔbiikɔ au nya.