Consequências dos nossos atos

12 Rəkɔ, əzü bale bale lə takpa tə̂ əzə̂ ə pa əpʉ də ama də ə̂tə̂ ye kə Ndjapä gâ pâ aərə ə̂në tshə mbrə̂ gâ ye kɔ je.

6 â tshə sə kə mbrə ərə kə əzü bale bale ə lï də ərə ə̂në tshə mbrə̂ gâ ye kɔ.* 7 Tshə sə kə za sorô nə̂ alɔnɔ̂ kə azü ə̂në əndje za tə̂ əndje ndə kə mbrə ə̂rɔ̂ ərə â sə kə pra äwä kə mbe ətshe də kə lʉ ətshe gâ ndə äwä sorô ə̂në ə ro ro tə̂ ərə ne kɔ. 8 Bale, tshə sə kə yisə̂ âgbɔ̂ əkɔ nə̂ ye gashu gâ tə̂ azü ə̂në əndje wəra tə̂ əndje tə̂ ye, â wəra tə̂ əndje tə̂ djatra əpʉ â sə kə mbrə kʉtə̂ əmbrʉ ərə kɔ. 9 Âgbɔ̂ ərə əyo də âgbɔ̂ awa sə kə tə pâ azü nɔ̂ ə̂në əndje mbrə əmbrʉ ərə kɔ, Ajuwufu angbʉlînə, ndje də azü ə̂në əndje sə sə tə Ajuwufu ne kɔ. 10 Bale, Ndjapä sə kə za äwä kə mbe ətshe də kə lʉ ətshe gâ ndə blatshe kə azü nɔ̂ ə̂në əndje mbrə ə̂rɔ̂ ərə kɔ, kə Ajuwufu angbʉlînə, ndje kə azü ə̂në əndje sə sə tə Ajuwufu nə ne kɔ. 11 Mbrə ə̂në Ndjapä wu tshelə azü ə wu wu ne.

16 Âkrâ nə̂ Ndjapä nə mbrə̂ ə̈bə̈ ərə ndje ə rô nyaka nə̂ əzü bale nə; mbrə ə̂në tshemandâ nyaka nə̂ əzü bale nə kə də̂ əpʉ kə wa ngbanga gâ pâ azü â tshemandâ âkrâ nə̂ Ndjapä nə kə də̂ kə pa tshə mbrə azü nə, ə̂në anyaka nə̂ əndje sə ngbatshe kɔ, tə aə̂rɔ̂ azü lə ala ye. 17 Ngâ, tə̂ äwä əzü bale, tə̂ äwä nyaka nə̂ əzü bale, kuzu tê pâ azü nɔ̂. Bale tə̂ äwä Jezu Kristə tshî, azü sɔtə̂ aərə ngbatshe rô pâ nə djoko ndə Ndjapä: tshə ma ə̂rɔ̂tə̂ kə əndje rô pâ nə ə mbrə əndje tə aə̂rɔ̂ azü lə ala ye â əndje sə kə sə də sorô â sə tə alayïngerə də aəndje je mbrə Kristə nə.

E wä ngbanga wä gâ pâ angâ e ne

1 «E wä ngbanga wä gâ lə kumu azü ne, ka Ndjapä wa ngbanga wa gâ lə kumu e ne. 2 Mbrə ə̂në, Ndjapä sə kə wa ngbanga gâ lə kumu e Lïndə̂ ngbanga ə̂në e wa gâ lə kumu azü kɔ. Ərə ə̂në e sə kə za ndə kə to də ərə kə angâ e kɔ də̂ Ndjapä sə kə za ndə kə to də ərə kə e.

36 Mə pa kə e, tə̂ alɔ kə wa ngbanga nə̂ Ndjapä, azü sə kə kirə də əpʉ gâ pâ aamba aəpʉ nɔ̂ ə̂në əndje pa kɔ.

12 Mbrə ə̂në Əpʉ Ndjapä sə tə sorô ə sə kə mbrə ərə. Ama nə kî ə rô ama ə̈ngrʉ̈ kamba ə̂në aama nə sə bishi kɔ gâ ye; ə sə kə li əzü ʉrrr ndjɔ ə kru tshelə takpa tə̂ lɔsu ye də yîrə̂ ye, ə kru tshelə takpa tə̂ akəshe də ayerɔngɔ; ə sə kə wa tshelə aəpʉ ə̂në ə sə tə̂ lɔsu əzü kɔ də aəpʉ kə tegbɔ kumu ye. 13 Ə̈bə̈ ərə bale ə̂në Ndjapä mbrə̂ gâ ye kɔ sə sə kə za tə̂ ye wû ətshi Ndjapä nə ne, bale ərə nɔ̂ sə kpə tə̂ ə̂ngbʉ̂tshe ətshi ətshə ə̂në əzə̂ lï ndə kə pa a yisə̂ əpʉ gâ ətshi ye je kɔ.