Consequências dos nossos atos

12 Yeti, yɛ nu biala kobu ye bɔbɔ ye ngondaa kohyire Nyameɛ.

6 Na "okotua ebiala kerɛ kyɛbɔ ye adwuma te ɔ." 7 Bɛ bɔ bɛfa animia bɛyɛ nningyein pa, ná bɛfa bɛpena anuonyam, nidie, ne nikye bɔ ɔmborɔ ne, ɔkɔma bɛ daa ngoa. 8 Nakoso, bɛ bɔ bɛkuro ngondii, bɛndie nahorɛ ne, na bɛyɛ bɔne ne, asotwe ne ɛyaa yeɛ ɔkɔwa bɛ so ɔ. 9 Sona biala bɔ ɔyɛ bɔne ne, amanehunu ne ɔhaw yeɛ ɔkɔwa ye so ɔ; okoli moa kɔwa Yudaniɛ so, kora ne wawa Greekniɛ so. 10 Nakoso ebiala bɔ ɔyɛ nikye pa ne de, okonya anuonyam, nidie ne asomdwie; Yudaniɛ yeɛ oli moa, kora ne Greekniɛ. 11 Ofikyɛ Nyameɛ de, ɔnyeye mmenia nu.

16 Afei, Nyameɛ akyɛdeɛ ne, ɔne sona-horɛ ne bɔne ne, ɔtte pɛ. Ofikyɛ bɔne kõ bɔ sona ne yɛle ne maa bɛbule ebiala fɔ, nakoso bɔne pee si po ne, akyɛdeɛ ne amaa babu mmeni pee kyɛ bɛte ateneneefoɛ. 17 Ɔte nahorɛ kyɛ, bɔne kõ bɔ sona-horɛ yɛle nati, ewue nate sɔ sona naso lili tumi. Nakoso bɔ ofili Yesu Kristo deɛ nanu wale ne te piri tra ɛhene koraa; ebiala bɔ onya Nyameɛ adom bɔ wabo so, ne tenenee akyɛdeɛ ne, ɔnate sona-horɛ, bɔ yeɛ ole Yesu Kristo naso koli hene wɔ ngoa nu.

1 "Nnɛmɔbu atɛn, ná bammu ɛmɔ atɛn; 2 ofikyɛ kyɛbɔ ɛmɔbu mmenia atɛn ne, sɔ ala yeɛ bɛkobu ɛmɔ atɛn ɔ. Na kongo bɔ ɛmɔfa bɛsusu nikye bɛma mmenia ne, ɛhene ala yeɛ bɛkɔfa bɛkosusu bɛkɔma ɛmɔ ɔ.

36 Na meka mekyire ɛmɔ kyɛ, edwirɛ bɔ mvasoɛ nne so biala bɔ sona kɔha ne, atemmuda ne, okobu ye nwo ngondaa.

12 Ofikyɛ Nyameɛ dwirɛ ne te ase, na tumi wɔ nu, na ye noa yɛ nná tra dadeɛ biala bɔ ye nyunu ne ye si pɛ, na ɔkora wura nu tonn kɔpakye-pakye ɔkra ne honhom ne bowue ne fonyi nu, na ɔkora nwu adwene ne nzusuyɛɛ bɔ ɔwɔ ebie ahone nu. 13 Na abɔdeɛ biala nne berɛ bɔ wafea wɔ nyunu ɔ, mmom nikye biala nwo la berɛ, na ɛso abukye pefee wɔ bɔ yɛkobu ngondaa yɛkohyire ye ne nyunu.