16 Aga m arịọ Nna m, ọ ga-enye unu Onye Nkasiobi ọzọ,* onye ga-enyere unu aka ma nọnyekwara unu ruo mgbe niile ebighị ebi.

18 Agaghị m ahapụ unu dị ka ndị na-enweghị nne na nna. Aga m abịakwute unu.

26 Ma Onye Nkasiobi ahụ bụ Mmụọ Nsọ, onye Nna m ga-ezite nʼaha m, ga-akụziri unu ihe niile, ọ ga-echetakwara unu ihe niile m gwara unu.

26 "Mgbe Onye Ndụmọdụ * ahụ ga-abịa, onye m ga-ezitere unu site nʼaka Nna, bụ Mmụọ eziokwu ahụ sitere na Nna pụta, ọ ga-agba ama banyere m.

7 Nʼagbanyeghị nke a, aga m agwa unu eziokwu, ọ bụ maka ọdịmma unu ka m ji ala. Ọ bụrụ na m alaghị, Onye Ndụmọdụ ahụ agaghị abịa. Ọ bụrụ na m laa, aga m ezitere unu ya.

3 Otuto dịrị Chineke na Nna nke Onyenwe anyị Jisọs Kraịst, bụ Nna nke obi ebere, nakwa Chineke nke nkasiobi niile. 4 Onye na-akasị anyị obi nʼime nsogbu anyị niile, ka anyị site nʼụzọ dị otu a nwee ike ịkasị ndị ọzọ niile nọ na nsogbu dị iche iche obi. Inyere ha aka dịka anyị onwe anyị si nata inyeaka site nʼaka Chineke.

5 Nʼihi na dịka anyị si eketa oke nʼime ọtụtụ ahụhụ nke Kraịst, otu a nkasiobi anyị na-ababiga ụba site na Kraịst.

5 Ka Chineke ahụ na-enye agbamume na ntachiobi nye unu mmụọ nke ịdị nʼotu nʼetiti onwe unu, dịka Kraịst Jisọs nwere.

19 Mgbe oke nchekasị obi batara nʼime m,

nkasiobi gị wetara mkpụrụobi m ọṅụ.

5 Nʼọnọdụ oke ihe mgbu m, akpọkuru m Onyenwe anyị,

ọ zara m, mee ka m nwere onwe m.

16 ‘Agụụ agaghị agụkwa ha ọzọ.

Akpịrị agaghị akpọkwa ha nkụ mgbe ọbụla.

Anyanwụ agaghị achakwa ha ọzọ,’*

okpomọkụ ọbụla agaghị erute ebe ha nọ.

17 Nʼihi na Nwa Atụrụ ahụ nke nọ nʼetiti ocheeze ahụ

ga-abụ onye ọzụzụ atụrụ ha;

‘ọ ga-edurukwa ha jee nʼisi mmiri nke ndụ ahụ.’*

‘Chineke ga-ehichapụkwa anya mmiri ọbụla site nʼanya ha.’*"

12 "Mụ, ọ bụladị mụ onwe m, bụ Onye ahụ na-akasị unu obi.

Onye ka ị bụ, na ị na-atụ egwu nwa mmadụ nke ga-anwụ anwụ,

ị na-atụ egwu nwa mmadụ nke bụ naanị ahịhịa,

4 Ngọzị na-adịrị ndị na-eru ụjụ,

nʼihi na a ga-akasị ha obi.