Convicção
A convicção cristã é firmeza de fé que não se abala diante da oposição. É a certeza interior que compele a proclamar a verdade com ousadia, independentemente das consequências.
Ousadia para falar
Recebereis poder e sereis minhas testemunhas. A convicção do Espírito nos equipa para proclamar com coragem e sem vergonha.
पर जेबे पवित्र आत्मा तुसा पाँदे आऊणा, तेबे तुसा सामर्थ पाणी और यरूशलेम नगरो रे, सारे यहूदिया और सामरिया प्रदेशो रे और तरतिया रे कनारे तक तुसे मेरे गवा ऊणे।"
जेबे तिने पतरस और यूहन्ने री ईम्मत देखी और ये जाणी ला कि यो तो अनपढ़ और सादारण माणूं ए तो हैरान ऊईगे, तेबे सेयो पछयाणे कि यो तो प्रभु यीशुए साथे रओ थे।
तेबे पतरसे और ओरी प्रेरिते ज्वाब दित्तेया, "माणूंए री आज्ञा ते बढ़ी की परमेशरो री आज्ञा खे मानणा ई म्हारा फर्ज ए।
और माखे बी प्रार्थना करो कि माखे बोलणे रे बखते एड़ा प्रबल वचन दित्तेया जाओ, ताकि आऊँ इम्मता साथे सुसमाचारो रा पेत बताई सकूँ, इजी री खातर आऊँ जंजीरा साथे जकड़े रे राजदूतो जेड़ी सेवा करने लगी रा। प्रार्थना करो कि माखे जिंयाँ बोलणा चाईयो, तिंयाँ ई आँऊ बिना डरे सुसमाचार सुणाई सकूँ।
कऊँकि आऊँ मसीह रे बारे रे एस सुसमाचारो ते शर्मांदा निए। ये तिना सबी खे उद्धारो रे निमित परमेशरो री सामर्थ ए, सबी ते पईले यहूदिया खे तिजी ते बाद दूजी जातिया खे जो एस सुसमाचारो पाँदे विश्वास करोए।
जो कोई एसा व्याभिचारिया और पापी जातिया बीचे, मांते और मेरिया गल्ला ते शर्माओगा, तो तेबे मां माणूं रा पुत्रो बी, जेबे पवित्र स्वर्गदूता साथे आपणे पिते री महिमा साथे आऊणा, तो मां बी तेसते शर्माणा।"
इजी री खातर ओ तीमुथियुस, तूँ ना तो आसा रे प्रभु यीशु मसीह री गवाई देणे ते शर्मिंदा ओ और ना ई मांते जो तेसरा कैदी ए शर्मिंदा ओ। पर परमेशरो री सामर्था पाँदे परोसा राखी की तूँ मां साथे सुसमाचारो री खातर दु:ख उठांदा रओ।
ओ तीतुस, तूँ इना गल्ला खे पूरे अक्को साथे समजेया और सिखांदा रओ। कोई ताखे तुच्छ नि समजो।
Firmeza e confiança
Não temas diante dos homens. A Palavra de Deus é fogo na boca do profeta e firmeza na vida do crente.
पर यहोवे माखे बोलेया, "ईंयाँ नि बोल कि आऊँ बऊत ई जवान माणूं ए, कऊँकि जेस केसी गे बी आऊँ ताखे पेजूँगा, तैं तेती जाणा ओर जो मां ताखे बोलणे खे बोलणा से ई तैं बोलणा।
किने माखे बोलेया सिय्योनो खे एक शुभ सन्देश बोल, ऊच्चे पाह्ड़ो पाँदे चढ़ी जाओ, ओ यरूशलेम शईरो खे शुभ सन्देश सुनाणे वाल़ेयो, बऊत जोरे की बोल, जोरे की बोल, डर नि, यहूदा शईरो रे लोका खे बोल कि आपणे परमेशरो खे देखो!
प्रभु यहोवे माखे सिखणे वाल़ी जीब देई राखी, ताकि आऊँ थके रे लोका खे आपणे बचना साथे सम्बाल़ी सकूँ। से माखे प्यागा रोज जगाओआ ओर मेरे कान खोलोआ, ताकि आऊँ शिष्य जेड़ा सुणूँ।
जेड़ा ईरा पात्थरो ते बी सख्त ओआ तेड़ा ई मां तेरा मन तिना रे सामणे सख्त करी देणा। तूँ तिना ते बी जादा जिद्दी ऊणा, तैं तिना ते नि डरना। तैं तिना ते बिल्कुल नि डरना कऊँकि सेयो बिद्रोही कराने रे ए।"
मां राजेया रे सामणे तेरिया शिक्षा री चर्चा करेया करनी
ओर शर्म नि करनी,
दूजिया जातिया बीचे तुसा रा चाल-चलण खरा ओ, कऊँकि जिना-जिना गल्ला रे सेयो तुसा खे कुकर्मी जाणी की बदनाम करोए, सेयो तुसा रे पले कामा खे देखी की तिना पले कामा री बजअ ते तिना रे आऊणे रे दिने परमेशरो री महिमा करो।
माणूंए रा डर मानणा फन्दा ऊई जाओआ,
पर जो यहोवे पाँदे परोसा राखोआ, तेस लोका बीचे आदर पाणा।
पर परमेशरे आसे एते जोगे समजी की आसा गे सुसमाचार सम्बाल़ेया, आसे तेड़ा ई बताऊँए। इजी खे आसे माणूंआ खे नि, पर परमेशरो खे, जो म्हारे मनो खे परखोआ, खुश करने खे उपदेश देऊँए।
तुसे दुनिया री जोति ए, जो नगर पाह्ड़ो पाँदे बसी रा, से लूकी नि सकदा। लोक दिऊआ बाल़ी की टोकरूए निठे नि राखदे, पर फटिया पाँदे राखोए, तेबे तिजी साथे कअरो रे सारे माणूंआ खे प्रयासा ओआ। तिंयाँ ई तुसा रा प्रयासा बी लोका सामणे चमको, ताकि तुसा रे खरे काम देखी की सेयो तुसा रे पिते री, जो स्वर्गो रे ए, तिना री तारीफ करो।"