Coração puro
Bem-aventurados os puros de coração, porque verão a Deus. A pureza de coração é alvo, privilégio e busca constante do cristão que deseja contemplar a face do Senhor.
Coração puro
Bem-aventurados os puros de coração. A pureza interior precede toda transformação externa e abre os olhos para ver a Deus.
Wamweda waja weli na moyo unogile,
kwaviya wawo wezamuwona Mulungu!
Yelihi yondayakwele kuna umulima wa Mndewa Mulungu?
Yelihi yondayeme hanhu hake helile?
Munhu yosang’hana mbuli zinogile na yeli na moyo unogile,
ija hatambikila vinhu va uvwizi,
na heka chilagano cha uvwizi.
Kezatemeligwa mate na Mndewa Mulungu,
na kezapetigwa kanoga kwa Mulungu wa ulopozi wake.
Uchifise chihanga chako sekeulole uhasanyi wangu,
na usegeze ubananzi wangu wose.
Weye Mulungu, unilumbile moyo welile,
na wike moyo ugangamale mgati yangu.
Sekeunyase kutali na weye,
sekeunisegezele Muhe wako Yelile.
Kweli Mulungu kanoga kwa Waisilaili,
kwa waja weli na moyo unogile.
Purificar-se
Todo o que tem essa esperança em Cristo se purifica. O amor procede de coração puro, boa consciência e fé sincera.
Na chila munhu yeli na lolelo dino mgati mwa Chilisito koisafya yeye mwenyewo fana viya Chilisito viyasafyike.
Walondwa wangu, sambi cheye ni wana wa Mulungu, mbali hainakwikigwa hazelu viya vondachiwe, mbali chovimanya kuwa lusita Chilisito vondayalawilile chizakuwa fana yeye, kwaviya chizamuwona fana yeye viyeli. Na chila munhu yeli na lolelo dino mgati mwa Chilisito koisafya yeye mwenyewo fana viya Chilisito viyasafyike.
Lungilo da malagilizo yayo ni ulondo woulawa kuna umoyo welile, udaho wa kuvimanya kusagula kutenda yanogile hebu yehile na uhuwilo wa kweli.
Mbali uyepule na mbuli za kumelela mate za ubwanga, usang’hane yanogile haulongozi ha Mulungu na uhuwilo na ulondo na tindiwalo. Uwasondelele wanhu womtanga Mndewa kwa moyo welile.
Kwaviya nhosa yangu iyo ino, nompula Mulungu ulondo wenu wiiyohe ng’hani, hamwe na umanyi na ubala wose, muladi mudahe kusagula chinhu chinogile ng’hani kufosa vose. Baho mwizakuwa wanhu welile na welibule ching’hwasu chochose muna dizuwa dondayabwele Chilisito. Ugima wenu wizamemezigwa mbuli zinogile kwa nzila ya Yesu Chilisito, kwa kumtunhiza na kumwing’ha nhogolwa Mulungu.
Tendeni chila chinhu bila kulongelela wala kuihuma. Mbali muwe wanhu wanogile mulibule uhasanyi fana wana wa Mulungu welibule ubanazi wokala muna isi ihile na yagile. Mwizabung’huka hagati yawo fana nhondo vizimwemwesa ulanga. Muhamha mbuli yoigala ugima, nidahe kuwona kupata chinhu cha kuigodela muna Dizuwa dondayabwele Chilisito, kwaviya izawoneka funhu funhu kuiyoha kwangu na sang’hano yangu hayagile bule!
Ivo muhamala kuisafya mihe yenu kwa kuutegeleza ukweli mbaka kuuvikila ulondo wa ndugu ulibule udelenya, iyoheni kuilonda kwa moyo umwe.
Wanhu wowona nzila zawo zinoga,
mbali Mndewa Mulungu kolinga mihe ya wanhu.