18 Mkulu Nguluwi ka habehi na hewo watweguche nhumbula,

kanguwalohola weng’ha wagozole ng’hatu.

17 Nhambiko ya heni kwa hegwe, gwa Nguluwi,

ndo nhumbula ilingunyenyetela,

hegwe, gwa Nguluwi, hambe uileme nhumbula ilingunyenyetela na ilinguhulichiza.

3 Kanguwatanza watweguche nhumbula,

na kuwopa vilonda vya hewo.

26 Hanga ndiwe ndilihela mong’ho kuli lukuli na kuli muhe,

gwa Nguluwi, hegwe ndo italawe lya heni,

hegwe ndo honhu ha heni mazuwa gose.

15 Ahi ndo vyoyalingulonga Nguluwi Yawele Kuchanya,

yalingikala mazuwa gose na yawele itagwa lya heye ndo Yelile,

"Heni ndangikala ako kuchanya, honhu helile,

nda hamwe na walingulongaga gehile ga hewo na walingunyenyetela.

Heni ndowakangaza nhumbula walingunyenyetela,

ndowapa mong’ho walonjile gehile ga hewo.

2 Heni ndo ndividitile vinhu avi vyeng’ha,

avi vyeng’ha ndo vya heni.

Ila ndolajila uganililo kwa munhu yalingunyenyetela,

na yalingulonga gehile ga heye,

yalingukakama hala hoyohulika ulonzi wa heni.

1 Mkulu Nguluwi nakamemeza heni muhe wa heye,

kwa vila Mkulu Nguluwi nakambakaliza heni mafuta kunyhagula,

nakandajiza ndiwegalile wazunwa mbuli inojile,

ndiwakangaze watweguche nhumbula,

ndiwawikulile kilejeha kwa wapogozi wa ngondo,

kudoholigwa kwa wanweng’hwa.

2 Nakandajiza ndiuwikule mwaka wa isungu lya heye, Mkulu Nguluwi

zuwa lya heye lya kuhilula chibida,

na kuwahembuliza weng’ha walingulombocheza,

3 ndiwape wala wawele na masinzo ako Yelusalemu,

itaji lya uluwa honhu ha mivu,

mafuta ga kusangalala honhu ha kulombocheza,

ivalo lya lutogo honhu ha kutweguka nhumbula.

Nawo wochemigwa mialoni ja hachi,

joyanyalile Mkulu Nguluwi,

kulajila ukulu wa heye.

3 "Nawatambichizwa wawele ng’hochele kuli nhumbula,

kwa vila undewa wa kilanga ndo wa hewo!

4 Nawatambichizwa wala walingulombocheza,

kwa vila Nguluwi kowahembuliza.

5 Nawatambichizwa wawele waliholile,

kwa vila woihalila isi!

10 Kuwa na masinzo vyoyaganile Nguluwi kwangigalaga kugaluka kwa nhumbula, kugaluka kuli ngigala ulohozi, kuduhu kung’ung’uta. Ila masinzo ga chiisi, gangigalaga kubagama. 11 Lelo moweza kugona galawile kwa kona masinzo goyaganile Nguluwi, hemwe namditigwa leka muwe wanhu mlingikangaza na muwe mlinguweza kulonga kwa chiwalo cha kilewela. Mwangutinuka na kudumba, mwangikangaza na mwa goya kona hachi yangukoleka. Kwa chila nzila namditigwa leka muwe welile kuli mbuli ino.

9 Ila nakandonjela, "Isungu lya heni lyanguhega kwa hegwe, kwa vila ludali lwa heni lwangwenezwa ng’hatu kuli ung’hochele." Lelo ndochitogola kuwala ung’hochele wa heni leka ludali lwake Kilistu uwe mgati mwa heni.