18 Yehowa tsɔ ɖe ame siwo ƒe dzi gbã gudugudu la gbɔ,

eye wòɖea ame siwo ƒe gbɔgbɔ wogbã ƒu anyi.

17 Vɔsa siwo nye Mawu tɔe nye gbɔgbɔ si wogbã.

O! Mawu, màdo vlo dzi si gbã hetugu la o.

3 Eda gbe le ame siwo ƒe dzi gbã la ŋu,

eye wòbla woƒe abiwo na wo.

26 Nye ŋutilã kple nye dzi nu ava yi,

gake Mawue nye nye dzi ƒe ŋusẽ

kple nye gomekpɔkpɔ tegbetegbe.

15 elabena ale ame si nye gã,

eye wòkɔ wu nuwo katã,

ame si li tegbee, eye eƒe ŋkɔe

nye Kɔkɔe la gblɔe nye esi,

"Mele teƒe kɔkɔ si le kɔkɔe,

gake meli kple ame si ƒe nu vɔ̃wo vee,

eye wòbɔbɔ eɖokui ɖe anyi le gbɔgbɔ me be

magbɔ agbe ame si bɔbɔ eɖokui ɖe anyi la

ƒe gbɔgbɔ, eye magbɔ agbe

ame si ƒe nu vɔ̃wo vee la ƒe dzi.

2 Menye nye asie wɔ esiawo katã,

eye wova dzɔ oa?"

Yehowae gblɔe.

"Esiae nye ame si mebuna;

ame si bɔbɔ eɖokui,

da ahe le gbɔgbɔ me,

eye ne ese nye nya la,

wòdzona nyanyanya.

1 Aƒetɔ Yehowa ƒe Gbɔgbɔ le dzinye,

elabena Yehowa si ami nam,

be magblɔ nyanyui la na ame dahewo.

Edɔm ɖa be mayɔ dɔ ame siwo ƒe dzi gbã.

Maɖe gbeƒã ablɔɖe na aboyomewo,

eye woaɖe ga gamenɔlawo tso viviti me;

2 ne maɖe gbeƒã.

Yehowa ƒe dɔmenyo ƒe ƒe la

kple míaƒe Mawu la ƒe hlɔ̃biaŋkeke,

eye mafa akɔ na konyifalawo.

3 Edɔm be mana nu Zion ƒe nuxalawo,

ne maɖɔ atsyɔ̃fiakuku na wo ɖe dzofi teƒe,

dzidzɔkpɔkpɔ ƒe ami ɖe nuxaxa teƒe,

kafukafu ƒe awu ɖe gbɔgbɔ

si bu mɔkpɔkpɔ teƒe.

Woayɔ wo be dzɔdzɔenyenye ƒe logotiwo,

ati siwo Yehowa ŋutɔ do,

be yeatsɔ aɖe yeƒe bubu afiae.

3 "Dzi nedzɔ mi, mi ame siwo da ahe le gbɔgbɔ me la,

elabena wotsɔ dziƒofiaɖuƒe la na mi.

4 Dzi nedzɔ mi, mi ame siwo hã le konyi fam la,

elabena woafa akɔ na mi!

5 Dzi nedzɔ mi, mi ame siwo fa tu,

miawoe anyi anyigba la ƒe dome.

10 Elabena ɣe aɖewo ɣi la, Mawu nana míexaa nu be míadze si míaƒe nu vɔ̃wo eye míadzudzɔ nu vɔ̃ɖi wɔwɔ, eye míadi agbe mavɔ la. Ke ne ame aɖe xa nu vevie le eya ŋutɔ ƒe agbe vlo nɔnɔ ta, gake metrɔ dzi me o la, ahe ku vɛ. 11 Miawo ŋutɔ mikpɔ ɖa, nenem nuxaxa sia si miexa ɖe Mawu ƒe didi nu la he vevidodo geɖe vɛ na mi. Ena mieku kutri, eye mietsi dzimaɖi be yewoatsri nu vɔ̃ si ŋu meƒo nu le na mi la wɔwɔ. Vɔvɔ̃ ɖo mi le nuwɔna ma ta eye miedi gɔ̃ hã be mava kpe ɖe yewo ŋuti le nya sia me. Miehe to na ame siwo wɔ nu gbegblẽ sia hã vevie, eye mieɖe mia ɖokui fia be miede nu si wowɔ la dzi o.

9 Ke ɣe sia ɣi la, Aƒetɔ la gblɔna nam be, "Nye amenuveve sɔ gbɔ na wò, elabena meɖea nye ŋusẽ fiana to ame siwo gbɔdzɔ le ŋutilã me la dzi." Eya ta enye dzidzɔ nam be maƒo adegbe le nye gbɔdzɔgbɔdzɔ ŋuti boŋ, ale be Kristo ƒe ŋusẽ blibo la katã nadze le menye.