Coração quebrantado
Deus está perto dos que têm o coração quebrantado. A Bíblia consola os aflitos: o sacrifício que Deus aceita é o espírito quebrantado e um coração contrito — jamais desprezará.
Bawipaw tuh thinlung
a koipaw kalan naekuh zah,
ngaehoinaw a hoi lei hae paw kha
a khum hae.
Pachia nynh a rypaw silawnaw tuh
akoipaw thinlung nynh thua;
Pou Pachia, akoipaw te angaesikuhpaw
thinlung kha na vua he khyh.
Thinlung koi hae paw kha
dansah hae zah,
mih vaemaw kha a heepya hae.
Ka pyn te ka thinlung tuh
nyaabung hae salamah,
Pachia tuh ka thinlung thawzung te
ka ccoupaw ka hanpaw nynh
athua zungzae.
Pawccecize a min tuh Athyaa cikuh zah,
zungzae a hiinpaw,
a hangpaw te a sung-epaw
Pachia nynh a hopaw tuh:
Kae tuh ahangpaw te athyaapaw
hmin kya ka um, a ngaesikuhpaw te
zakaw a sangsakuhpaw kya mah
ka um zah,
mih thinlung te mih tuanaw kha
thawsaenaw ka pyathui hae.
E hae balyn hynh ka kuih te
ka raepaw athua keiccuze,
e hae balyn hynh ka kya-e nynh thua hae,
cite Bawipaw nynh a ci.
Zakaw a sangsakuhpaw,
a thinlung kya a ngaesikuhpaw te
ka bya keiccuze a thyngkuhpaw kha
ka do cih.
Bawipaw PACHIA Muisaw tuh
ka tungvaw a um,
pawccecize Bawipaw nynh
kae kha chitui yn thuh vae;
tuaasahkunaw a teing hae paw kalan
thehoypaw thuakhaepya khylan
kae hynh yn saw vae,
thinlung akoi hae paw vaemaw kha
dansah khylan, a kyng hae paw kya
luenaw kong hopya khylan te
thongccah hae paw kha
luesah khylan thuasah,
Bawipaw thawccinaw kum te
ah Pachia kya-e liarunaw nin kha
siakhae khylan thuasah,
a rah a khui hae paw kha
lungtangnaw pya khylan thuasah,
Zion kya a rah a khui hae paw kha
bawm khylan—
buhhaw hanpaw haetapawsi,
rawkhuinaw hanpaw
lungtuanaw chitui,
ngaethyanaw hanpaw
lungtuanaw boeining kha
minmin kalan pya khylan thuasah
kae kha yn saw vae.
Bawipaw nynh a phu-enaw
langsaku khylan a linpaw
dingnaw thingku cite minmin kha
ko athua cih hae.
Thinlung zakawsangsakuh hae paw tuh lungtua hae paw nynh thua; pawccecize vaawlang peenaw tuh minmin kya-e nynh thua.
A rah a khui hae paw tuh lungtua hae paw nynh thua; pawccecize minmin tuh soihbia athua cih hae.
Lungne hae paw tuh lungtua hae paw nynh thua; pawccecize minmin tuh laephi rho a ccou cih hae.
Pawccecize Pachia rynaw thyhte athuapaw ngaethyanaw nynh tuh khumnaw kalan a thuakhaepaw ngaesikunaw kha thuakhae zah, ngaethyanaw kha thuakhae khyh; thuasalama laephi te asekuhpaw ngaethyanaw nynh tuh chinaw kha a thuakhae. Pawccecize Pachia rynaw thyhte hynh-e ngaethyanaw nynh nae lungkhu kya pawcihawpaw lungthonaw mou a thuakhae cipaw dotua oh: naemaw te naemaw sei thyaasahkunaw, atazae leipaw kya thinrianaw, rawrinaw, myarya pekinaw, thawte zuapyakunaw, detahnaw hae kha nae kya a thuakhae. Hynh-e uccaw kya nanning tuh seinaw na hoi vae khyh oh cipaw kha pawpaw kya balyn phe na langsaku vae oh.
thuasalama Bawipaw nynh kae kha, "Ka thawccinaw tuh na hanlan azaw; pawccecize ka thungnaw tuh thawzyanaw kyakhe ccingsah athua," yn cipya. Tukeiccuze Khri thungnaw tuh ka tungvaw atyn nawlan, ka thawzyanaw kyakhe lungtuate houh ka pookuh cih.