19 ህንተ አሳተይ፥ ፆሳይ ህንተዉ እምዳ ህንተናን ደእያ ጌሻ አያና ኬ ግደይሳ ኤረከቲ? ህንተ ህንተባ ግደከታ።✝ 20 ፆሳይ ህንተና ጋተን ሻምስ። ሄሳ ግሾ፥ ህንተ አሳተን ፆሰ ቦንችተ።

27 ሽን ታኒ ሀራታስ ዎንገላ ኦድዳፐ ጉየ፥ ታኒ ታ ሁጰን የገትዳ አስ ግዶና መላ ታ አሳተ ዎልቃን ሃራዳ ታዉ ኪተታና መላ ኦይስ።

3 ታዉ ደእያባ ኡባ ማንቆታስ እምኮካ፥ ሀር አቶሽን፥ ታና ታማስ አ እምኮካ፥ ሲቆይ ይኮ ታና አይኮካ ማደና።

13 ኑኒ አይሁደ ግድን ግርከ ግድን አይለ ግድን ዎማኖ ግድን፥ ኡባይ እስ አሳተ ግዳናዉ ጌሻ አያናን ፃማቀትዳ። ቃስ ኑ ኡባይ እስ ጌሻ አያና ኤክዳ።

4 ኑ እስ አሳተ ግዶን ዱማ ዱማ ክፍለት ደኦሶና፤ ሄ ዱማ ዱማ ክፍለታስ ዱማ ዱማ ኦሶይ ደኤስ።✝ 5 ሄሳዳ፥ ኑኒ ዳሮ አስ ግድኮካ፥ ክርስቶሳን እስ አሳተ ግድዳ። ኑኒ እስ አሳተ ግድድ ዱማ ዱማ ክፍለት እሶይ እሱዋራ ኦይከትዳ።

8 አስ ባ አሳተ ምንናዉ ኦያ ኦሶይ ጉስ ማዴስ። ሽን ቱማ አያና ደኦን ባና ሎህሶይ ሀእስካ መርናዉካ ደኦ እምያ ኡፋይስ ደእያ ግሾ፥ ኡባስ ማዴስ።

22 ኡፋይትያ ዎዛን አሳስ ሎኦ ለ፤

ሽን መቅዳ ዎዛን አሳስ ዎልቃ ይሴስ።

24 ሎኦ ቃል ኤሳ እልሎዳ ማልኤስ፤

ሸምፖስ ማልኦ፤ መቀስ ፓፆ ግዴስ።

7 ነና ነ ሁጰን ጭንጫ ኦፋ፤

ጎዳ ያያ፤ ኢታፐ ሃካ።

8 ሄስ ነ አሳተስ ፓያተ ኤሀና፤

ነ መቀካ ፃልሳና።

13 ኔኒ ታ ግዶ አሳተ መዳሳ፤

ታ አየ ኡሎን ታና ኔኒ ትላዳሳ።

14 ኔኒ ታና ማላልስያባነ

የገልስ ኦዳ መዳ ግሾ፥

ታኒ ነና ጋላታይስ።

ነ ኦሶት ማላልሴስ!

ታኒ ሄሳ ሎይዳ ኤራይስ።

26 ታ ዎልቃይነ ታ ዎዛናይ ዳቡራናዉ ዳንዳኤስ፤

ሽን ፆሳይ ታ ዎዛና ምኖተነ

መርናዉ ታና ጋክዳ ሳማ።

1 አቤት ፆሳዉ፥ ነ ታ ፆሳ፤

ታ ዎዛናይ ነና ላሞቴስ፤

ታ አሾይካ ነና አሞቴስ።

ሃ ይድ ጳልቀትዳ ቢታዳ፥

ታ አሳተይ ነና ሳሞቴስ።

41 ፓጨን ህንተ ገሎና መላ ባርክድ ናግተነ ፆሳ ዎስተ። ህንተዉ ሎኦ አሞይ ደኤስ፥ ሽን ህንተ ዳቡራንቾ አስ" ያግስ።

29 ነ ኡሻቻ አይፈይ ነዉ ናጋራስ ጋሶ ግድኮ፥ ከሳ ሆላ። ነ አሳተይ ኩመ ጋናመ ታማን ዎናፐ ነ አሳተፈ እሶይ ይኮ ነዉ ሎኦ።✝

25 "ህዛ፥ ስእተ! ህንተ ደኦን ዳናዉ፥ ‘አይ ማኔ? አይ ኡያኔ? አይ ማአኔ?’ ግድ ኡንኤቶፍተ፤ ደኦይ ካፈ ዎይኮ አሳተ ማኦፐ አኔ?

28 አሾፐ አትሽን፥ ሸምፖ ዎናዉ ዳንዳኦናይሳታስ ያዮፍተ። ሽን ሸምፑዋነ አሹዋ ጋናመን ይሳናዉ ዳንዳእያ ፆሳስ ያይተ።

1 ሄ ዎደ ዳሮ ሙኩሉን ታይበትያ አሳይ ዎል ቦላ የታና ጋካናዉ አስ አሳ ቦላ ሺቅድ ደእሽን፥ የሱሲ ባ ታማረታኮ፥ "ፋርሳወታ እርሾፈ ናገትተ። ሄስካ ኤንታ ጩቦተ።✝ 2 ቆንጮና ቆሰትድ፥ ኤረቶና ጌምድ አትያባይ አይኮይካ ባዋ።✝ 3 ህዛ፥ ህንተ ማን ኦደትዳባይ ኡባይ ፖኦን ስኤታና፥ ቆልአ ጋን ካልካሽዳባይ ዳባባን ኦደታና።

4 "ታ ባጋቶ፥ ታ ኦደይሳ ስእተ፤ አሹዋ ዎኦሶናፐ አትሽን፥ ሀራ አይኮካ ኦናዉ ዳንዳኦናይሳታስ ባቦፍተ። 5 ሀኖሽን፥ ህንተ ባባናዉ በሰይሳ ታ ህንተዉ ቆንጭሳና። ሄስካ ዎዳፐ ጉየ ጋናመን የጋናዉ ዎልቃይ ደኤይሳስ እያዉ ባብተ። ኤ፥ ቱማ ኦዳይስ፤ እያዉ ባብተ። 6 እቻሹ ቡበት እስ ሳንትመስ ባይዘቶኮናዬ? ሀኖሽን፥ ኤንታፈ እስናካ ፆሳ ስንን ዶገቱኩ። 7 ሀር አቶሽን፥ ህንተ ሁጰ ብናናይካ ፓይደትድ ደኤስ። ህዛ፥ ባቦፍተ፤ ዳሮ ቡበታፐ ህንተ አታ።

8 "ታ ኦደይሳ ስእተ፤ አሳ ስንን ታዉ ማርካትያ ኡባስ አሳ ናእ ፆሳ ኪታንቾታ ስንን ማርካታና። 9 አሳ ስንን ታና ካደይሳስ ፆሳ ኪታንቾታ ስንን ታ እያ ካዳና። 10 አሳ ናአ ቦላ ካ ቃላ ሃሳያ ኡባይ ማሮታ ደማና፥ ሽን ጌሻ አያና ቦላ ካ ቃላ ኦደተይስ ማረተና።✝

11 "አስ ህንተና ኦይክድ አይሁደ ዎሳ ኬን፥ ዳይናታ ስንንነ ካዎታ ስንን ጎሸችያ ዎደ አይ ኦዳነኮነ ዎይግ ዛራነኮ ህርጎፍተ።✝ 12 ሄ ዎደ ህንተ ኦዳናባ ጌሻ አያን ህንተና ታማርሳና" ያግስ።

13 አሳ ግዶፈ እስ አስ የሱሳኮ ይድ፥ "ታ እሻይ ታዉ ኑ አዋ ላታፐ ሻካና መላ እያዉ ኦዳ" ያግስ።

14 የሱሲ ዛሪድ፥ "ላ አድያዉ፥ ህንተ ቦላ ታና ዳይናነ ላታ ሻክያ ጭማ ኦዳይ ኦኔ?" ያግስ። 15 ጉጅድካ፥ የሱሲ፥ "አሳ ደኦይ ሻሎ ዳሮተን ግዶና ግሾ ያረ አግድ ምንድ ህንተና ናግተ" ያግስ።

16 ካልድካ ሌምሶን፥ "ጋደይ ዳሮ ካ እምያ እስ ዱረ ኡራይ ደኤስ። 17 ሄ ኡራይ፥ ‘ታ ካ ታኒ ሺሻናዉ በሲ ጉፅዳ ግሾ አይ ኦ?’ ያግድ ባ ዎዛናን ቆፕስ። 18 ህዛፐ ያታና፤ ካሰ ደእያ ሻለታ ላላዳ ሀራ ዳልጋ ሻለታ ኬፃና። ካነ ታዉ ደእያባ ኡባ እያን የጋና። 19 ባ ሸምፐኮ፥ ‘ታ ሸምፐተ፥ ዳሮ ላይስ ነዉ ግድያ ሻሎ ሺሻስ። ህዛ፥ ሸምፓዳ ማ፥ ኡያ፥ ኡፋይታ’ ያጋና።

20 "ሽን ፆሳይ፥ ‘ላ፥ ኤያ ኡራዉ፥ ሀች ቃማ ነ ሸምፕያ ኔፐ ኤከታዉሱ። ህዛ፥ ነ ሺሽዳባይ ኦደስ ግዳኔ?’ ያግስ።

21 "ሄሳ ግሾ፥ ባዉ ዱረተ ሳአን ሺሽያ አሳስ፥ ፆሳ ማታን ዱረ ግዶና አሳስ ዉርሰይ ሀ ኡራ መላ" ያግስ።

22 ሄሳፈ ጉየ፥ የሱሲ ባ ታማረታኮ፥ "ህዛ፥ ታ ኦድያባ ስእተ፥ ህንተ ሸምፑዋስ አይ ሚኖ? ህንተ አሳተስ አይ ማእኖ? ያግድ ኡንኤቶፍተ። 23 ሸምፖይ ካፈ፥ አሳተ አፍላፐ አስ። 24 ካፎታ በእተ ዘሮኮና፥ ኪሾኮና፥ ኤለይነ ሻለይ ኤንታዉ ባዋ። ሽን ፆሳይ ኤንታና ሙዜስ። ህንተ ካፎታፐ ዳሮ አታ። 25 ሀኖሽን፥ ህንተፈ ኡንኤትድ ባ ላይ ቦላ እስ ቃማ ጉጃናዉ ዳንዳኤይ ኦኔ? 26 ህዛ፥ ሀ ጉባ ኦናዉ ዳንዳኦና ህንተ፥ ሀራባስ አይስ ኡንኤተቲ? 27 አነ ጪሻት ዋንድ ድጭያኮ በእተ። ዋዮኮናነ ሱቆኮና። ሀር አቶሽን፥ ሶሎሞነይ ባ ደእያ ቦንቾ ኡባን ኤንታፈ እሱዋ መላካ ማእቤና።✝ 28 ህንተኖ፥ አማኖይ ፓጭዳይሳቶ፥ ህዛ፥ ፆሳይ ሀች በንትድ ዎንቶ ታማን የገታና ጪሻታ ሀይሳዳ ማይዝኮ፥ ህንተና ዋት አድ ማይዘኔ? 29 ሄሳ ግሾ፥ አይ ምኖ ዎይኮ አይ ኡይኖ ግድ ኡንኤቶፍተ። 30 ሄ ኡባስ ፆሳ አማኖና አሳት ኡንኤቶሶና። ሽን ህንተ አዋይ ፆሳይ ሄስ ኡባይ ህንተዉ ኮሸይሳ ኤሬስ። 31 ኡባፈ አድ ፆሳ ካዎተ ኮይተ፤ ሄስ ኡባይ ህንተዉ ጉጅ እመታና።

32 "ህንተኖ፥ ጉ ደረቶ፥ ያዮፍተ፤ ህንተ አዋ ፆሳይ ካዎተ ህንተዉ እማናዉ ኡፋይቴስ። 33 ህንተዉ ደእያባ ባይዝድ ማንቆታስ እምተ። ካይሶይ ኤኮናሶን፥ ብል ሞናሶን፥ ጭሞና ካርፂታን፥ ዉሮና ሻሎ ሳሎን ሺሽተ። 34 ህንተ ዎዛናይ ህንተ ሻሎይ ደእያ በሳን ግዳና።

35 "ቃንን ዳንጭድ ጊገትተ፤ ህንተ ፆምፐይ ፖኦ።✝ 36 ባንታ ጎዳይ ያጋኖፐ ስማና ጋካናዉ ባርክድ ናገይሳታዳ፥ ጎዳይ ይድ ፄግያ ዎደ ኤለስድ ዶያናዉ ጊግዳ አሳታ ዳንተ።✝ 37 ባንታ ጎዳይ ስምያ ዎደ ስኮና ደእሸ ናገይሳት አንጀትዳይሳታ። ቱማ ጋይስ፤ ጎዳይ ቃንን ዳንጭድ ጋይታ ዩሾን ኡትስድ ሞኬስ። 38 ጎዳይ ላደ ግድን፥ ግድ ብላሄ ግድን፥ ዎይኮ ዎንት ማ ግድን ይድ፥ ሄሳ መላ ስኮና ናግሽን ደምያ ሄ አይለት አንጀትዳይሳታ። 39 ሽን ሀይሳ ኤርተ፤ ካይሶይ አዉደ ያነኮ ኬ አዋይ ኤርያኮ ኬይ ቦከትያ ዎደ ስእ ግድ በኤና።✝ 40 ህንተካ ጊግድ ናግተ፤ አሳ ናእ ህንተ ቆፖና ዎደ ያና" ያግስ።

41 ጰፅሮስካ፥ "ጎዳዉ ሀ ሌምሱዋ ኑ ፃላላስ ኦዳየ ዎይኮ አሳ ኡባሴ?" ያግስ።

42 ጎዳይ ዛሪድ፥ "ህዛ፥ ካ ሙዛናዉ በሲያ ዎድያን እማና መላ ጎዳይ ባ አይለታ ቦላ ሹምዳ አማንይስነ ዎዛናማ ሀላቃይ ኦኔ? 43 ጎዳይ ስምያ ዎደ ሄሳ መላ ኦሸ በንትያ አይለይ፥ እ አንጀትዳይሳ 44 ታ ህንተዉ ቱማ ኦዳይስ፤ ባ ጎዳስ ደእያ ሻሎ ኡባ ቦላ እ፥ ሹመታና። 45 ሽን ሄ አይለይ፥ ‘ታ ጎዳይ ኤለ ዬና’ ያግድ ባ ዎዛናን ቆፕድ፥ ማጫ አይለታነ አደ አይለታ ዋኮ፥ ቃስ ባዉ ኮይዳ መላ ምሸነ ኡይሸ ማትኮ፥ 46 ሄ አይልያ ጎዳይ፥ እ ቆፖና ጋላሳንነ ህርጎና ዎደ ያና። ይድ እያ ቃንፀረድ፥ እያ ቃዳ አማኖና አሳራ ኦና።

47 "ጎዳ ሸንያዳ ጊጎናይስነ እያ ጎዳይ አይ ዶስያኮ ኤርሸ ኦና አይለይ ዳሮ ጋራፈታና። 48 ሽን ባ ጎዳ ሸንያ ኤሮና አትድ ጋራፈታናዉ በሰይሳ ኦዳይ ጉራ ጋራፈታና። ጋሶይካ ዳሮ እመትዳይሳፈ ዳሮ ኮየቴስ፥ ዳሮ ሀዳራ ኤክዳይሳፈካ ዳሮ እማና ግድ ናገቴስ።

49 "ታኒ ይዳይ ቢታ ቦላ ታማ ኦይናሳ። ሀእ ታማይ ኦይክያኮ ታና ዋንድ ኡፋይሳንደሻ! 50 ሀኖሽን፥ ታ ሀእ ፃማቀተይ ፅንቃተይ ደኤስ። እ ፖለታና ጋካናዉ ታ ዳሮ ኡንኤታይስ።✝ 51 ሳአ ቦላ ሳሮተ ኤሀናዉ ይዳ ህንተዉ ዳኒ? ግደና፥ ታ ይዳይ ሻካናሳ። 52 ሀእፈ ዶምድ ዎል ግዶን ሻከትዳ እቻሹ ኬ አሳት እስፈ ደኦሶና። ናምአት ሄታ ቦላ፥ ሄትካ ናምአታ ቦላ፥ ደንድድ ሻከቶሶና። 53 አዋይ ናኣ ቦላ፥ ናአይካ አዋ ቦላ፥ አይያ ናኤ ቦላ፥ ናእያ አየ ቦላ፥ አዝና አይያ ናአ ማቸ ቦላ፥ ናአ ማችያ አዝና አየ ቦላ፥ ደንድድ ሻከታና።"✝

54 ቃስካ አሳኮ፥ "ዉሎሀ ባጋራ ሳሎይ ሻራትያ ዎደ በእድ፥ ኤለስድ፥ ‘እር ያና’ ያጌታ፥ ሄሳዳካ ሀኔስ። 55 ዱገሀ ጫርኮይ ጫርክያ ዎደ ‘ሳእ አዋና’ ያጌታ፥ ሄሳዳካ ሀኔስ" ያግስ። 56 ህንተኖ፥ ጩቦቶ፥ ሳሎባነ ሳአባ ሻክድ ኤሬታሽን ሀ ዎድያ ሻክድ ኤሮይ ህንተና ዋንድ ፆንዴ?

57 "ያትን፥ ህንተ ሁጰስ አይስ ቱማ ፕርደከቲ? 58 ነ ሞርክያራ ዎላ ዳይና ስንን ኤቃናዉ ባሸ ኦገ ቦላ ጊጋናዉ ኮያ። ነ ጊጎና እፅኮ ጎሸችድ ዳይና ስን ነና ኤፋና። ዳይናይ ነና ቃችያ አሳስ አድ እማና። እ ነና ዎይነን የጋና። 59 ስእተ፥ እስ ባካን አቶና ጭጋ ኦንጋና ጋካናዉ ነ ያፐ ከዮናይሳ ኤራ" ያግስ።

10 ናአተነ ጎባተ ሀዳ ግድያ ግሾ ነ ዎዛናፐ አዛኖ፥ ነ አሳተፈ ኢታተ ድጋ።

4 ፆሳይ ህንተና ፄግዳ ዎደ እስ ኡፋይሳስ ፄግዳይሳዳ እስ አሳተነ እስ አያን ደኤስ።

22 ማቸቶ፥ ጎዳስ ሃረተይሳዳ ህንተ አዝናታስ ሃረትተ።✝ 23 ክርስቶስ ዎሳ ኬስ ሁጰ ግደይሳዳ አዝንካ ባ ማቼስ ሁጰ። ቃስ ክርስቶስ ባ አሳተ ግድዳ ዎሳ ኬ አሸይሳ።

15 ፆሳይ ህንተና እስ አስ ኦድ ፄግዳይ፥ ሳሮተስ ግድያ ግሾ ክርስቶሳ ሳሮተይ ህንተ ዎዛና ሃሮ።

22 ጎዳ ፆሳይ አዳመፐ ኤክዳ መቀ ማጫ ኦድ መስ፤ ያትድ እዮ እያኮ ኤህስ። 23 አዳመይ፥ "ሀ መቀያ ታ መቀፈ፥ ሀ አሽያ ታ አሾፐ ኤከትዳሮ። እያ አደፈ ኤከትዳ ግሾ ማጫ* ጌተቶ" ያግስ። 24 ሄሳ ግሾ አስ ባ አዋነ ባ አይዉ አግድ፥ ባ ማቸራ እስፈ ደኤስ፤ ናምአይ እስ አስ ግዶሶና።

16 ሄሳ ግሾ፥ ኑኒ ኡፋይስ ቃንፆኮ። ኑ በንትያ አሳተይ ዳቡርሸ ብያባ ግድኮካ፥ ኑ አያና አሳተይ ጋላስ ጋላስ ኦራፄስ።

24 ኑኒ ናጋራስ ሀይቅድ ፅሎተስ ዳና መላ ክርስቶስ ባ አሹዋን ኑ ናጋራ ማስቃልያ ቦላ ቶክስ፤ ህንተ እያ ማዱንን ፓፅደታ።✝

2 ኑ ኡባይ ዳሮባን ባለቶስ። ባ ኦዳን ባለቶና ኦንካ ባናተ ናጋናዉ ዳንዳእያ ፖሎ አስ።