Corpo

19 का तुम नी समजे कि तुमारो आंग पवित्र आत्मा को मन्दिर हइ. जो तुम मे बस्यो हुयो हइ अरु तुमखे परमेश्वर का तरफ से मील्यो हइ, अरु तुम अपना नी हइ? 20 क्युकि दाम दिखे मोल लिया गए हइ, येकालिये अपनो आंग का द्वारा परमेश्वर की महिमा करणु.

27 पर मी अपना आंग खे मारता कूटतो का अरु कब्जा मे लउस हइ. असो नी हो कि दुसरा को प्रचार करीखे खे मी खुद ही कोय रीति से नीकम्मो ठैइर्यु.

3 अरु अगर मी अपनी पुरी संपत्ती कगालहोन खलय दियु का या अपनी आंग जलान का लिये दि दियु कि अरु प्रेम नी रख्यु कितना मेखे कुछ भी लाभ नी.

13 क्युकि हम सब ने का यहूदी हइ, का यूनानी, का सेवक का स्वतंत्रता एक ही आत्मा का वजेसे एक आंग होन का लिये बपतिस्मा लियो, अरु हम सब खे एक ही आत्मा पिलायो गयो.

4 क्युकी जसो हमारो एक मन मे भोत जसो आंग हइ, अरु सब आंग खे एक ही सो काम नी हइ. 5 वोसो ही हम जो भोत हइ मसीह मे एक मन हुइखे आपस मे एक दुसरा को आंग हइ

8 क्युकी आंग की साधना से कम लाभ होस हइ, पर भक्ति सब बात का लिये लाभदायक हइ, क्युकी यो टेम को अरु आनवाला जिवन की भी वादो येका लिये हइ.

41 जागता ऱ्हे, अरु प्रार्थना करता ऱ्हे, की तुम परीक्षा मे नी पडे! आत्मा ते तैयार हइ, पन आंग कमजोर हइ."

29 अगर तरो जवनो आख तोखे ठोकर खलाये ते ओखे नीकाली खे फेकी दे. क्युकी तरा लिये योही अच्छो हइ कि तरा आंग मे से एक नास हुये जाये अरु तरो पुरो आंग नरक मे नी डाल्यो जाये.

25 येका लिये मी तुम से बोलुस हइ, कि अपना जान का लिये यो चिन्ता नी करणु कि हम का खाये अरु का पीये अरु नी अपना आंग का लिये की का पेने का जान खाना से, अरु आंग से कपडा से बडीखे नी?

28 जो आंग खे मारी सकस हइ, पर आत्मा खे अरु मन खे मारी नी सकस, ओकासे मत डरनु. पर परमेश्वर से डर, जो आत्मा अरु आंग दोय खे नरक मे नास करी सकस हइ.

ढोगी का खिलाप मे चेतावनी

1 येतना मे जब हजार की गर्दी लगी गय. ह्या तक कि एक दूसरा पर गिरी पडतो थो. ते व्हा सबसे पैयले अपना सेवक से बोलन लग्या. "फरीसीहोन को कपटी रुपी खमीर से हुशार र्‍हेनु. 2 कुछ झाक्यो नी. जो खोल्यो नी जाह्ये. अरु नी कुछ लुक्यो हइ. जो समजी नी जाह्ये. 3 येकालिये जो कुछ तुम ने अंधारा मे बोल्योस हइ. व्हा उजाला मे सुन्यो जाह्ये. अरु जो तुम ने अंदर का खोलीमे कानो कान बोल्योस हइ. व्हा छपर पर प्रचार कर्‍यो जाह्ये.

ओका से डरो

4 "पन मी तुम से जो मरा दोस्त हय बोल्यो जास हय. खे जो आंग खे मारी सकस हइ अरु ओकासे ज्यादा अरु कुछ नी करी सकस. उनका से मत डरे. 5 मी तुमखे चेतावनी दिउस हय कि तुम कि कोय से नी डरनु चाह्ये. मारन का बाद जो खे नरक मे डालन को अधिकार हइ. ओका से डर. क्युकी मी तुम से बोलुस हइ ओका से डर. 6 का दो पैसा की पाच कन्डा नी बेचाय? फिर भी परमेश्वर उनमे से एक खे भी नी भूलतो 7 क्युकी तुमारा माथा का सब बाल भी गिन्या हुया हइ. मत डरनु नी. तुम भोत कन्डा बडिखे हय.

यीशु खे मना करण को मतलब

8 "मी तुम से बोलुस हय जो कोय इन्सान का सामने मेखे मान्ये दुन्या उ इन्सान को बेटो भी परमेश्वर को स्वर्गदूतहोन का सामने मानी लिह्ये. 9 पन जो इन्सान का सामने मेखे मना कर्‍हे ओखे परमेश्वर को स्वर्गदूतहोन का सामने मना कर्‍यो जाह्ये.

10 "जो कोय इन्सान को बेटा का खिलाप मे कोय बात कर्‍हे. ओको व्हा गुन्हा माफ कर्‍यो जाह्ये. पन जो पवित्र आत्मा की नीन्दा कर्‍हे. ओका गुन्हा माफ नी कर्‍यो जाह्ये.

11 "जब दुन्या तुम आराधनालयहोन अरु अधिकारीहोन अरु अधिकारी होन का सामने ली जाह्ये. ते चिन्ता नी करणु कि हम कोय रीति से अरु का उत्तर दिह्या यो का बोल्हे. 12 क्युकी पवित्र आत्मा वय टेम तुम खे सीखी दिह्ये. कि का बोलनो चाह्ये."

एक लखपती इन्सान को दृष्‍टान्‍त

13 फिर गर्दी मे से एक ने ओकासे बोल्यो. "हे गुरु. मरो भैइ से बोल. कि बाप की दौलत मेखे बाटी दे."

14 यीशु ने उनका से बोल्यो "हे इन्सान कोय ने मेखे तुम्हारो न्याय या बाटनआलो नीवडि कर्‍यो हइ?" 15 अरु यीशु ने उनका से बोल्यो "हुशार र्‍हेव अरु हर रंग को लोभ से अपना आप खे बचायो रख क्युकी कोय को जिवन ओकी दौलत की भोत से नी होय."

16 यीशु ने उनका से एक दृष्‍टान्‍त बोल्यो. कोय लकपती की जमीन मे अच्छी फसल हुइ. 17 "तब व्हा अपना मन मे बिचार करण लग्या. कि मी का करु. क्युकी मरा ह्या जगह नी. झा अपनी फसल इत्यादि रखू." 18 अरु यीशु ने बोल्यो मी ह्या करु ह्यु मी अपनी खेत तोडि खे ओकासे बडि बनाह्यु अरु व्हा अपनो सब अनाज अरु दौलत रखह्यु. 19 अरु अपनी जान से बोल्ह्यु कि जान रता पास खुप साल का लिये खुप दौलत रखी हइ चैन से खास पीस अरु सुखी से र्‍हे. 20 पन परमेश्वर ने लखपती से बोल्यो. हे अनाडि या रात तरी जान तरासे ली लियो जाह्ये. तब जो कुछ ने तो एक जगा कर्‍योस मे व्हा कोय को हुये?

21 असो य उ इन्सान भी हइ जो अपना लिये पैसा जमाकरस हइ पन परमेश्वर की नजर मे पैसा नी.

कोय बात की चिन्ता नी करणू

22 फिर यीशु ने अपना सेवक से बोल्यो. "येकालिये मी तुम से बोलुस हय. अपनो जिवन की चिन्ता मत कर. कि हम का खाह्या. नी अपना आंग की. का पेन्ह्ये" 23 क्युव खाना से जान अरु कपडा से आंग झाकि खे हइ 24 ✝कव्वा पर ध्यान दे वे नी बोस हइ. नी काटस नी उनको खेत अरु नी खेत्ता होस हइ. नी फिर भी परमेश्वर उन खे खलास हइ. तुमारो मोल पक्षिहोन से कोय जादा हइ. फिर मसीह यीशु ने यो दृष्‍टान्‍त भी बोल्यो कोय की अंगूर की बाडी मे एक अंजीर को झाड लग्यो हुयो थो व्हा ओमे फल ढुडन आयो. पन नी मील्यो. 25 जब घर को स्वामी उठीखे दरवाजो बन्द करी चुक्योस हइ अरु तुम बाहेर खडो हुय दरवाजो ठोकिखे बोलन लग्या. हे प्रभु. हमारा लिये खोली दे कि मी तुम नी मालुम. तुम खा, आय? 26 तब तुम बोलन लगीगा. कि हमने तरा सामने खायो पियो अरु तोने हमारा बजार मे उपदेस दियो. 27 फुल पन व्हा बोल्हे. मी तुम बोलुस हय. मी नी समजु तुम खासे हय. हे बुरोकाम करणवाला. तुम सब मरासे दुर हो. 28 व्हा रोनो अरु दात कटरनो हुये. हे अल्पविश्वासिहोन जब तुम अब्राहम अरु इसहाक अरु याकूब अरु सब भविष्यव्दक्ताहोन खे परमेश्वर को राज मे बठी. अरु अपना आप खे बाहेर नीकली हुयो देख्ये.

29 अरु पूर्व अरु पश्चिम. उत्तर अरु दक्षिण से दुन्या अयखे परमेश्वर को राज को खाना मे मी मील्हु हय. 30 क्युकी जगत का अरु सभ दुन्या यो समजी लेव कि गैरयहूदीहोन खे तना पिछे हइ वे पैयले हुये. ते स्वर्ग से बाप अरु खेत्ता जो पैयले हइ पिछे हुये. 31 वय टेम मे खे तना फरीसीहोन ने अयखे यीशु से बोल्यो. "ह्या से नीकलीखे चली जा. क्युकी हेरोदेस का राज्य खे तोखे मारी देनो चाहस हइ."

यरुशलेम का लिये यीशु को प्रेम

32 यीशु ने उकासे बोल्यो. जयखे उ लाडग्या से बोल्यो बाप खे दे. कि देख मी आज अरु कल बुरीआत्माहोन खे नीकालतो अरु बिमारी खे अच्छो करुस हइ राज्य देन को तत्पर हइ अरु तिसरा दिन अपनो काम पुरो कर्‍हु. 33 ते भी मेखे आज अरु कल अरु परसु चलनो जरुरती हइ. क्युकी हुय नी सखे कि कोय आकाशवाणी यरुशलेम का बाहेर धन मार्‍यो जाह्ये. 34 हे यरुशलेम! हे यरुशलेम! तु जो मन भविष्यव्दक्ताहोन खे मारी डालनो हइ. अरु जो तरा पास भेज्यो गयो उनखे फत्तर मारस हइ. खे त्ता बार मेने यो चाह्यो. कि जसी मुर्गी अपना बच्चा खे अपना पख, नीच्चे येकजगा करस हइ. वसो मी भी तरा धन खे जमा करु पर तुम ने यो नी चाह्यो.

यरुशलेम का लिये रोनो

35 तुमारो घर बन्धी के र्हिये अरु दिव्वो जलते र्हिये, 36 अरु तुम वे इन्सानहोन का जसा बन. जो अपना स्वामी की आनकी रस्ता देखीरास हय. कि व्हा भ्याव से कब आह्ये कि जब अयखे दरवाजो ठोक्हे ते झल्दी खोल देनू. 37 धन्य हइ वे सेवक . जिनखे स्वामी अयखे जगो मील्हे; मी तुम से सच्ची बोलस हय. कि व्हा कमर बाधी खे उनखे खानो खान खे बठाह्ये. अरु नजीक अयखे उनकी सेवा कर्‍हे. 38 अगर वा रात का दुसरा बारा बजे का बाद अरु तिन बजे का बाद अयखे उनखे जागो मील्यो. ते वे सेवक धन्य हइ. 39 पन तुम ह्या समजी रास. कि अगर घर को स्वामी समजस . कि चोर कोय टेम आह्ये. ते जागते र्‍हियो. अरु अपना घर मे घुसन नी देनको. 40 तुम भी तैयार र्‍हेव; क्युकी जो टेम तुम सोचे भी नी. वा टेम इन्सान को बेटो अय जाह्ये.

विश्वासयोग्य अरु अविश्वासयोग्य सेवक कोन?

41 तब पतरस ने बोल्यो. "हे प्रभु. तुमारा ह्या दृष्‍टान्‍त का जसो हमारा लिये हइ या गर्दी का लिये भी?" 42 प्रभु ने बोल्यो. व्हा विश्वासयोग्य अरु दिमाक से बडो कोन हइ. जिनको स्वामी ओखे नवकर- चाकर पर मुखीयो रख्यो कि उनखे टेम पर खानकि चिजहोन दे. 43 अच्छो हइ उ सेवक जेखे ओको स्वामी वापीस पर ह्या करते हुयो मील्हे. 44 मी तुम से सच्ची बोलुस हय; व्हा ओखे अपनी सब दौलत पर अधिकारी रखे. 45 पन अगर चेलाहोन सोचन लग्या. की मरो स्वामी आना मे देर करी रोस हइ. अरु सेवक होन अरु दासीहोन खे मारन पिटन अरु खान पिन अरु पियक्कड होन लग्या. 46 ते सेवक को स्वामी असो दिन. जब उ ओका रस्ता नी करनू करी रास हय. अरु असी टेम जेखे व्हा समजो नी हय. अय गया अरु ओखे भरी दंण्ड दिखे ओको भाग अविश्वासीहोन का सात रोख्यो जाह्ये. 47 अरु व्हा सेवक जो अपनो स्वामी की इच्छा समजतो थो. अरु तैयार नी र्‍हियो अरु नी होनकि इच्छा का अनुसार चल. खुप मार खायो 48 पन जो नी समजीखे मार खानको बरबर काम कर्‍हे व्हा. जरासी मार खाह्ये. येकालिये जेखे भोत दियो गयोस हइ. ओकासे खुप माग्यो जाह्ये; अरु जेखे खुप दि दियो गयोस हइ. ओकासे खुप लियो जह्ये.

यीशु का कारण फुट गिरनो

49 मी पृथ्वी पर अंगार लगन आयोस हय; अरु का चाहुस हय फक्त ह्या कि अभी चती जस. 50 मेखे तो एक बपतिस्मा लेनो हइ; अरु जब तक व्हा नी हुयु तब तक मी कसी उत्साहीत मे र्‍हिव. 51 का तुम समजस हय कि मी पृथ्वी पर शांती करन आयोस हय? मी तुम से बोलुस हय; नी. क्युकी अल्लग करन आयो हय. 52 क्युकी आब से एक घर मे पाच झन तुमारा से विरुध रखन. तिन दो से दो तीन से. 53 बाप बेटा से. बेटो बाप से खीलाप रखह्ये; माय बेटी से अरु बेटी माय से. सासु भव से अरु भव सासु से खिलाप.

टेम कि पैछान

54 अरु यीशु ने गर्दी से भी बोल्यो. "जब बद्दल खे पश्चिम से उठते देखस हय. ते तुरुत बोलस हय. की बारीश हुये; अरु असो य होस हइ. 55 अरु जब दक्षिणी हवा चलती देखस हय ते तुम बोलस हय कि खुप चल्हे. अरु असो होस हइ. 56 हे कपटिहोन. तुम धरती अरु आकाश का रुप मे भेद करी सकस हय. पन यो जगत का बारेमे का भेद करनू नी समज्हे?

अपना समस्याहोन खे समजाह्ये

57 "तुम खुद यो नीर्णय नी करी ले. कि अच्छो हइ? 58 जब तु अपना मुद्दा का सात न्यायाधिश का पास जय रास हइ. ते रस्ता य मी ओकासे छुटन को इजा करी ले असो नी हुये. की व्हा तोखे न्याय का पास खीची ली जाह्ये. अरु न्याय तोखे सिपय खे बन्दीगृह दि दियो अरु सिपय तोखे बंदीघर मे डाली दे. 59 मी तुम से बोलुस हय. की जब तक तु पाइ-पाइ नी चुकय दिह्ये तब तक व्हा से छुटनो नी मील्हे."

10 अपना मन से चिन्ता अरु अपना शरीर से दु:ख करे, क्युकी बचपनो अरु जवानी दोय बेकार हइ.

4 एक ही आंग हइ अरु एक ही आत्मा जेमे तुम्ह बुलायो गया था अपना बुलायो जाना से एक ही आस हइ.

22 हे लुगेनहोन,अपना अपना अदमी को असो अधीन रेस जसो प्रभु को. 23 क्युकी अदमी लुगेन को माथो हइ जसो की मसीह मंडली को माथो हइ अरु स्वयं ही आंग को उद्धारकर्ता हइ.

15 मसीह की शांती जेका लिये तुम एक आंग हुयखे बुलायो भी हइ, तुमारा प्रेम मे राज कर्‍हे अरु तुम धन्यवादी बन्यो र्‍हेव.

22 अरु परमेश्वर ने वा पसली खे जो ओने आदम मे से निकाली थी, बइ बनै दि; अरु ओ खे आदम का पास ली आयो. 23 तब आदम ने बोल्यो, "अब या मरी हड्डिहोन मे की हड्डी अरु मरा माँस मे को माँस हइ; येकालिए येको नाम नारी हुये, क्युकि या नर मे से निकाली गय हइ."✝ 24 यो कारण अदमी अपना माय-बाप खे छोडी खे अपनी लुगय से मिली खे र्हिये अरु वे एक ही तन बन्या र्हिये.✝

विश्वास से जीनो

16 येका लिये हम हिम्मत नी छोड्ये. अगर हमारो बाहेर कि इन्सानीयत खत्म भी हूइ जास हइ, ते भी हमारा अंदरुनी इन्सानीयत दिन हर दिन नवो होतो जास हइ.

24 मसीह तरो यो हमारो पाप खे अपना आंग पर लियो हुयो क्रुस पर चडय दियो, जेखे हम पाप का लिये मरी खे धार्मीकता का लिये जिवन बितायो वोकोय मार खाना से तुम अच्छा हुयो.

2 येकालिये कि हम सब भोत बार चुकी जास हइ. जब कोय भी ओका बोलना मे नी चूकस हइ ते उ एक सिद्ध इंन्सान हइ अरु सब आंग पर भी ताबो करी सकस हइ.