Corpo
O corpo é templo do Espírito Santo. A Bíblia ensina a cuidar do corpo com responsabilidade, moderação e respeito — honrando a Deus com nosso ser integral.
Templo do Espírito
Vosso corpo é templo do Espírito Santo. Glorificai a Deus no vosso corpo — ele não é vosso, foi comprado por preço.
ଆପେୟାଃ ହଡ଼୍ମଦ ପାର୍ମେଶ୍ୱାର୍ତାଃଏତେ ନାମାକାଦ୍ ପାବିତାର୍ ଆତ୍ମାରାଃ ମାନ୍ଦିର୍ ତାନାଃ, ଏନା କାପେଚି ସାରିତାନା ? ଆପେ ଆପେଗି ନାହାଁଲାପେ, ମେନ୍ଦ ପାର୍ମେଶ୍ୱାର୍ଆଃ ତାନ୍ପେ । ଇନିଃ ଆପେକେ ପୁରାଃ ଗନଙ୍ଗ୍ଆଁନ୍ତେ କିରିଙ୍ଗ୍କାଦ୍ପେୟା । ଏନାତେ ଆପେ ଆପେୟାଃ ହଡ଼୍ମତେ ପାର୍ମେଶ୍ୱାର୍ଆଃ ମାନାରାଙ୍ଗ୍ ରିକାଏପେ ।
ଏଟାଃକତାଃରେ ସୁକୁକାଜି ଉଦୁବ୍କେଦ୍ରେୟ ଆଇଙ୍ଗ୍ ଆଲକାଇଙ୍ଗ୍ ବାଗ୍ଡ଼ାଅଃ ମେନ୍ତେ ଦୁକୁ ସାହାତିଙ୍ଗ୍କେଦ୍ତେ ହଡ଼୍ମକେଇଙ୍ଗ୍ କେଟେଦ୍କେଦା ଆଡଃ ଆଇଁୟାଃ ଥାବର୍ରେଇଙ୍ଗ୍ ଦହକାଦା ।
ଆଇଙ୍ଗ୍, ଆଇଁୟାଃ ସବେନାଃ ଏମ୍ ଦାଡ଼ିୟାଇଙ୍ଗ୍ ଚାଏ ସେଙ୍ଗେଲ୍ରେ ଆଇଁୟାଃ ହଡ଼୍ମକେ ଜୁଲଃ ନାଗେନ୍ତେ ଏମ୍ ଦାଡ଼ିୟାଇଙ୍ଗ୍, ମେନ୍ଦ ଆଇଁୟାଃ ମନ୍ସୁରୁଦ୍ରେ ଦୁଲାଡ଼୍ ବାନଃରେଦ, ଏନ୍ ସବେନାଃ ଆଇଁୟାଃ ନାଗେନ୍ତେ ବୁଗିନାଃ କା ହବାଅଃଆ ।
ଏନ୍ଲେକାଗି ଯିହୁଦୀ ହବାଅଃ ଚାଏ ସାଅଁସାର୍, ଦାସି ହବାଅଃ ଚାଏ ରାଡ଼ାକାନ୍ ହଡ଼, ଆବୁ ସବେନ୍କଦ ମିଆଁଦ୍ ହଡ଼୍ମ ହବାଅଃ ନାଗେନ୍ତେ ମିଆଁଦ୍ ଆତ୍ମାତେବୁ ବାପ୍ତିସ୍ମାକାନା, ଆଡଃ ଏନ୍ ମିଆଁଦ୍ ହଡ଼୍ମରେ ମେସାକାନାବୁ ଆଡଃ ମିଆଁଦ୍ ଆତ୍ମାଏତେ ନୁଁ ନାଗେନ୍ତେ ସବେନ୍କକେ ଏମାକାନା ।
ଆବୁଆଃ ହଡ଼୍ମରେ ପୁରାଃଗି ହିସାକ ମେନାଃ ଆଡଃ ସବେନାଃରେୟାଃ କାମିକ ମିଦ୍ରାକାମ୍ଗି ବାନଃଆ । ଏନ୍ଲେକାଗି ଆବୁ ପୁରାଃଗି ମେନାବୁଆ, ମେନ୍ଦ ସବେନ୍କ ଖ୍ରୀଷ୍ଟ୍ଲଃ ମେସାକାନ୍ ହରାତେ, ଆବୁ ମିଆଁଦ୍ ହଡ଼୍ମ ତାନ୍ବୁ ଆଡଃ ହଡ଼୍ମରେ ସବେନ୍ ହିସା ମେନାଃ ଲେକାଗି ମିହୁଡ଼୍ ଆଡଃମିହୁଡ଼୍ଲଃ ଜଡ଼େନ୍କାନାବୁ ।
Cuidar do corpo
O exercício físico é proveitoso, mas a piedade tem promessa para a vida presente e futura. Cuide do corpo com sabedoria.
ଚିୟାଃଚି ହଡ଼୍ମରେୟାଃ କାସ୍ରାତ୍ କାଟିଃଲେକା ବୁଗିନ୍ଗିୟାଃ, ମେନ୍ଦ ପାର୍ମେଶ୍ୱାର୍ଆଃ କାଜିଲେକା ଜୀଦାନ୍ ବିତାଅତେୟାଃ ସବେନ୍ ଲେକାତେ ବୁଗିନାଃ, ଚିୟାଃଚି ନେ ଦିପିଲି ଆଡଃ ହିଜୁଃ ଦିପିଲି, ନେ ବାରାନ୍ ଦିପିଲିରେୟାଃ ଜୀଦାନ୍ ନାଗେନ୍ତେ ବାନାର୍ସା ଏମାକାନା ଆଡଃ ଏନା ପୁରାଃଗି ବୁଗିନାଃ ତାନାଃ ।
ରାସିକା ମନ୍ ବୁଗିନ୍ ରାନୁ ଲେକା ତାନାଃ ଓଡ଼ୋଃ ଦୁକୁ ମନ୍ ଜାଙ୍ଗ୍କେ ରହଡ଼୍ତାଃଏ।
ସୁଗାଡ଼ାନ୍ କାଜି ହୁରୁମ୍ସୁକୁ ଲେକ୍ନାଃ ତାନାଃ, ଏନା ଜୀଉ ନାଗେନ୍ତେ ସିବିଲ୍ ଓଡ଼ୋଃ ଜାଙ୍ଗ୍ ନାଙ୍ଗ୍ ବୁଗିୟଃ ଲେକ୍ନାଃ ତାନାଃ।
ଆମ୍ ଆମାଃ ନେପେଲ୍ରେ ସେଣାଁନ୍ ଆଲମ୍ ହବାୱା, ପ୍ରାଭୁକେ ବରଇମେ ଓଡ଼ୋଃ ଏତ୍କାନ୍ କାମି ହେତେ ସାଙ୍ଗିନ୍ରେ ତାଇନ୍ମେ। ନେ’ଲେକା ରିକାରେ ଆମାଃ ହଡ଼୍ମ ବୁଗିଲେକା ତାଇନାଃ ଓଡ଼ୋଃ ଆମାଃ ହଡ଼୍ମରାଃ ଜାଙ୍ଗ୍ରେ ତାଇକାନ୍ ଗୁଦା ପେଡ଼େଃ ହବାୱା।
Corpo e espírito
O espírito está pronto, mas a carne é fraca. Não vos preocupeis com o corpo — a vida é mais do que alimento.
ବିଡ଼ାଅରେ ଆଲ୍ପେ ଉୟୁଗଃକା ମେନ୍ତେ ଏୟନାକାନ୍ ତାଇନ୍ପେ ଆଡଃ ବିନ୍ତିପେ । ଆତ୍ମାଦ ସାନାଙ୍ଗ୍ତାନାଏ, ମେନ୍ଦ ହଡ଼୍ମ ନାରାଦୁରାଗିୟାଃ ।"
ଆଡଃ ଆମାଃ ଜମ୍ତିସାଃରାଃ ମେଦ୍ ପାପ୍ଇଚିମେରେଦ, ଏନାକେ ଅଡଙ୍ଗ୍କେଦ୍ତେ ହୁଦ୍ମାଏଣ୍ଡାଃଏମେ, ଚିୟାଃଚି ଆମାଃ ଗଟା ହଡ଼୍ମ ନାରାକ୍ରେ ହୁଦ୍ମାଅଃଏତେ ମିଆଁଦ୍ ହାଟିଙ୍ଗ୍ ଜିୟନଃରେ ଆମାଃ ନାଗେନ୍ତେ ବୁଗିଅଃତେୟାଃ ।
"ଏନାମେନ୍ତେ ଆଇଙ୍ଗ୍ ଆପେକେ କାଜିପେତାନାଇଙ୍ଗ୍, ଜୀନିଦ୍ ତାଇନଃ ନାଗେନ୍ତେ ଚିକ୍ନାଃବୁ ଜମାଃ ଆଡଃ ଚିକ୍ନାଃବୁ ନୁଁଏୟା, ଚାଏ ହଡ଼୍ମରେ ଚିକ୍ନାଃବୁ ତୁସିଙ୍ଗ୍ୟେଁନା ମେନ୍ତେ ଆପେୟାଃ ଜୀଉରେ ଆଲ୍ପେ ଉଡ଼ୁଃୟା । ଜମେୟାଁଃଏତେ ଜୀଉ ଆଡଃ ଲିଜାଃଏତେ ହଡ଼୍ମ କା’ଚି ମାରାଙ୍ଗ୍ଆଁ ?
ଆପେୟାଃ ହଡ଼୍ମ ଗଗଏଃକକେ, ମେନ୍ଦ ଆତ୍ମାକେ କା ଗଏଃ ଦାଡ଼ିକକେ ଆଲ୍ପେ ବରଆକଆ, ମେନ୍ଦ ପାର୍ମେଶ୍ୱାର୍ ଆପେୟାଃ ହଡ଼୍ମ ଆଡଃ ଆତ୍ମା ବାରାନାଃକେ ନାରାକ୍ରେ ଜିୟନ୍ ଦାଡ଼ିୟାଏ, ଇନିଃକେ ବରଆଇପେ ।
ହସଡ଼ ହଡ଼ କତାଃଏତେ ଚିର୍ଗାଲାକାନ୍ପେ
ଏନ୍ତେ ପୁରାଃ ହାଜାର୍ ଗାଦେଲ୍ ହଡ଼କ ହୁଣ୍ଡିୟାନା, ଆଡଃ ଆକ ଆକଗି ଇପ୍ଲିଙ୍ଗ୍ଅଃତାନ୍କ ତାଇକେନା, ଇମ୍ତାଙ୍ଗ୍ ୟୀଶୁ ଆୟାଃ ଚେଲାକକେ ପାହିଲା କାଜିୟାଦ୍କଆଏ, ଫାରୁଶୀକଆଃ ସାବାଃ ହଲଙ୍ଗ୍ ଲେକାନ୍ ହସଡ଼ ବିଷାଏହେତେ ଚିର୍ଗାଲାକାନ୍ ତାଇନ୍ପେ । ସବେନ୍ ଉକୁଆକାନ୍ତେୟାଃ ନେଲଆଃ ଆଡଃ ସବେନ୍ ଦାନାଙ୍ଗ୍ଆଁକାନ୍ ତେୟାଃଦ ସାରିୟଃଆ । ଆପେ ନୁବାଃରେ କାଜିକାଦ୍ତେୟାଃ ମାର୍ସାଲ୍ରେ ଆୟୁମଃଆ ଆଡଃ ଆପେ ଭିତାର୍ ବାଖ୍ରାରେ ଉକୁକେଦ୍ତେ କାଜିକାଦ୍ତେୟାଃ, ସାଡ଼୍ମି ଚେତାନ୍ଏତେ ଉଦୁବଃଆ ।
ଅକଏକେ ବର ଲାଗାତିଙ୍ଗ୍ୟାଁଃ
"ଏ ଆଇଁୟାଃ ଗାତିକ, ଆଇଙ୍ଗ୍ କାଜିୟାପେ ତାନାଇଙ୍ଗ୍, ହଡ଼୍ମ ଗଗଏଃକକେ, ଆଡଃ ତାୟମ୍ତେ ଜେତ୍ନାଃ କା ରିକା ଦାଡ଼ିକକେ ଆଲ୍ପେ ବରଆକଆ । ମେନ୍ଦ ଆପେ ବରଆଇ ଲାଗାତିଙ୍ଗ୍ନିଃକେ ଆଇଙ୍ଗ୍ ଉଦୁବାପେୟା, ଗଏଃକି ତାୟମ୍ତେ ନାରାକ୍ରେ ହୁରାଙ୍ଗ୍ଏଣ୍ଡାରେୟାଃ ପେଡ଼େଃତାଇନ୍ନିଃ ପାର୍ମେଶ୍ୱାର୍କେ ବରଆଇପେ; ହାଁ, ଆଇଙ୍ଗ୍ ଆପେକେ ସାର୍ତିଗିଙ୍ଗ୍ କାଜିୟାପେତାନା, ଇନିଃକେଗି ବରଆଇପେ ।
"ଚିୟାଃ ମଣେୟାଁ ଗେରଁୱାକ ବାରିଆ ସିକାତେ କାକ ଆଖ୍ରିଙ୍ଗ୍ୟଃଆ ? ଆଡଃ ଏନ୍ରେୟ ପାର୍ମେଶ୍ୱାର୍ ଇନ୍କୁଏତେ ମିଆଁଦ୍ନିଃକେହଁ କାଏ ରିଡ଼ିଙ୍ଗ୍ଇତାନା । ହେଗି, ଆପେୟାଃ ବହଃରାଃ ସବେନ୍ ଉବ୍ହ ଲେକାକାନା । ଆଲ୍ପେ ବରଏୟା, ଆପେ ପୁରାଃ ଗେରଁୱାକଏତେ ପୁରାଃଗି ଗନଙ୍ଗ୍ଆଃଁପେ ।
ଖ୍ରୀଷ୍ଟ୍କେ ସାରିନିଃ ଆଡଃ କା ସାରିନିଃ
"ଆଇଙ୍ଗ୍ କାଜିୟାପେ ତାନାଇଙ୍ଗ୍, ହଡ଼କଆଃ ଆୟାର୍ରେ ଜେତାଏ ଆଇଙ୍ଗ୍କେ ସାରିୟାଃଇଙ୍ଗ୍ ମେନ୍ତେ କାଜିରେଦ ମାନୱାହନ୍ ପାର୍ମେଶ୍ୱାର୍ଆଃ ଦୁଁତ୍କଆଃ ଆୟାର୍ରେ ଇନିଃକେ ସାରିୟାଃଇଙ୍ଗ୍ ମେନ୍ତେ କାଜିୟା । ମେନ୍ଦ ହଡ଼କଆଃ ଆୟାର୍ରେ ଆଇଙ୍ଗ୍କେ କାଇଙ୍ଗ୍ ସାରିୟାଃ ମେନ୍ତେ କାଜିନିଃକେ ମାନୱାହନ୍ହ ପାର୍ମେଶ୍ୱାର୍ଆଃ ଦୁଁତ୍କଆଃ ଆୟାର୍ରେ ଇନିଃକେ କାଇଙ୍ଗ୍ ସାରିୟାଃ ମେନ୍ତେ କାଜିୟା ।
"ଆଡଃ ମାନୱାହନ୍ଆଃ ବିରୁଧ୍ରେ ଜେତାଏ କାଜିରେଦ ଇନିଃକେ ଛାମା ଏମଃଆ, ମେନ୍ଦ ପାବିତାର୍ ଆତ୍ମାରାଃ ବିରୁଧ୍ରେ ନିନ୍ଦା କାଜିକ କାଜିନିଃକେ ଛାମା କା ଏମଃଆ ।
"ଆଡଃ ଇନ୍କୁ ଆପେକେ ସାମାଜ୍ ଅଡ଼ାଃତେ, ଲାଟ୍ସାହାବ୍କତାଃ ଆଡଃ ଆକ୍ତେୟାର୍ ନାମାକାଦ୍ ହାକିମ୍କଆଃ ସାମ୍ନାଙ୍ଗ୍ତେକ ଆଉପେରେ, ଆପେ ଚିଲ୍କା ଆଡଃ ଚିକ୍ନାଃପେ କାଜିରୁହାଡ଼େୟା ଆଡଃ ଚିକ୍ନାଃପେ କାଜିୟାଃ ମେନ୍ତେ ଆଲ୍ପେ ପାହାମେୟା । ପାବିତାର୍ ଆତ୍ମା ଆପେକେ କାଜି ଲାଗାତିଙ୍ଗ୍ତେୟାଃ ଏନ୍ ଦିପିଲିରେଗି ଇତୁପେୟା ।"
ଡଣ୍ଡ କିସାଁଣ୍ ହଡ଼ଆଃ ଜନ୍କା କାଜି
ଗାଦେଲ୍ ହଡ଼କଏତେ ଜେତାଏ ହଡ଼ କାଜିକିୟାଏ, "ହେ ଗୁରୁ, ଆଇଁୟାଃ ହାଗାଇଙ୍ଗ୍କେ ଆପୁଏତେ ନାମାକାଦ୍ ଖୁର୍ଜିକେ ଆଇଁୟାଃଲଃ ହାଟିଙ୍ଗ୍ୟେଁମେ ମେନ୍ତେ କାଜିୟାଇମେ ।"
ୟୀଶୁ କାଜିରୁହାଡ଼୍କିୟାଏ, "ଏ ଗାତି, ଆବେନାଃ ବିଚାର୍ନିଃ ଚାଏ ହାଟିଙ୍ଗ୍ଏନିଃ ମେନ୍ତେ ଅକଏ ଆଇଙ୍ଗ୍କେ ସାଲାକାଦିଙ୍ଗ୍ଆଏ ?" ଆଡଃ ଇନିଃ କାଜିୟାଦ୍କଆଏ, "ନେଲେପେ, ସବେନ୍ ହାୟାହେତେ ଆତମାକାନ୍ପେ; ଜେତାଏୟାଃ ମେନାଃତେୟାଃ ପୁରାଃଗିରେୟ ଏନାରେ ଇନିୟାଃ ଜୀଦାନ୍ ବାନଆଃ ।"
ଆଡଃ ଇନିଃ ଇନ୍କୁକେ ମିଆଁଦ୍ ଜନ୍କା କାଜି ଉଦୁବାଦ୍କଆଏ, "ଜେତାଏ ମିଆଁଦ୍ କିସାଁଣ୍ ହଡ଼ଆଃ ଲୟଙ୍ଗ୍ରେ ପୁରାଃ ଜ ୟାନା । ଇନିଃ ମନ୍ରେ ଉଡ଼ୁଃକେଦାଏ, ଚିନାଃଇଙ୍ଗ୍ ଚିକାୟା ? ଆଇଁୟାଃ ଜ ଦହତେ ଠାୟାଦ୍ ବାନଆଃ । ଏନ୍ତେ ଇନିଃ ମେନ୍କେଦାଏ, ଆଇଙ୍ଗ୍ ନେକାୟା, ଆଇଁୟାଃ ଭାଣ୍ଡାର୍ ଅଡ଼ାଃ ଉତୁଡ଼୍କେଦ୍ତେ ଆଦ୍କା ମାପ୍ରାଙ୍ଗ୍ଇଙ୍ଗ୍ ବାଇୟାଃ, ଆଡଃ ଏନ୍ତାଃରେ ଆଇଁୟାଃ ସବେନ୍ ଜ ଆଡଃ ବୁଗିନ୍ତେୟାଃକଇଙ୍ଗ୍ ଦହୟା । ଆଡଃ ଆଇଙ୍ଗ୍ ଜୀଉତାଇୟାଁଃକେଇଙ୍ଗ୍ କାଜିୟା, ଏ ଜୀଉ, ଆମାଃତାଃରେ ପୁରାଃ ସିର୍ମା ନାଗେନ୍ତେ ପୁରାଃ ବୁଗିନ୍ତେୟାଃ ଦହଆକାନା, ରୁଡ଼ୁନ୍ମେ, ଜମ୍ ନୁଁଏମେ ଆଡଃ ସୁକୁତେ ତାଇନଃମେ । ମେନ୍ଦ ପାର୍ମେଶ୍ୱାର୍ ଇନିଃକେ କାଜିକିୟାଏ, ଆମ୍ ଡଣ୍ଡ, ନେ ନିଦାରେ ଆମାଃ ଜୀଉ ଆମାଃତାଃଏତେ ଇଦିୟଃଆ, ତାବ୍ଦ ଆମ୍ ଆମାଃ ନାଙ୍ଗ୍ ସବେନ୍ ହୁଣ୍ଡିଆକାଦ୍ତେୟାଃ ଅକଏୟାଃ ହବାଅୱା ।"
ଅକଏ ଆୟାଃ ନାଗେନ୍ତେ ଖୁର୍ଜି ହୁଣ୍ଡିନିଃ ମେନ୍ଦ ପାର୍ମେଶ୍ୱାର୍ ନାଙ୍ଗ୍ କାଏ କିସାଁଣାଃ, ଇନିଃନାଙ୍ଗ୍ ନେ ଲେକାଗି ହବାଅୱା ।
ପାର୍ମେଶ୍ୱାର୍ତାଃରେ ଆସ୍ରାଏପେ
ଆଡଃ ୟୀଶୁ ଆୟାଃ ଚେଲାକକେ କାଜିୟାଦ୍କଆଏ, "ଏନାମେନ୍ତେ ଆଇଙ୍ଗ୍ ଆପେକେ କାଜିପେତାନାଇଙ୍ଗ୍, ଜୀନିଦ୍ ତାଇନଃ ନାଗେନ୍ତେ ଚିକ୍ନାଃବୁ ଜମାଃ ଆଡଃ ଚିକ୍ନାଃବୁ ନୁଁଏୟା, ଚାଏ ହଡ଼୍ମରେ ଚିକ୍ନାଃବୁ ତୁସିଙ୍ଗ୍ୟେଁନା ମେନ୍ତେ ଆପେୟାଃ ଜୀଉରେ ଆଲ୍ପେ ଉଡ଼ୁଃୟା । ଜମେୟାଁଃଏତେ ଜୀଉ ଆଡଃ ଲିଜାଃଏତେ ହଡ଼୍ମ ମାରାଙ୍ଗ୍ଆଃ । କାଉୱା ଚେଣେଁକକେ ନେଲ୍କପେ, ଇନ୍କୁ କାକ ହେରେୟା ଆଡଃ କାକ ଇରେୟା, ଆଡଃ ଇନ୍କୁଆଃ ଭାଣ୍ଡାର୍ ଅଡ଼ାଃ ଚାଏ ଗୋଦାମ୍ ଅଡ଼ାଃ ବାନଃରେୟ, ପାର୍ମେଶ୍ୱାର୍ ଇନ୍କୁକେ ଆସୁଲ୍କତାନାଏ । ଆପେ ଚେଣେଁକଏତେ ଚିମିନ୍ ଆଦ୍କାଗିପେ ମାରାଙ୍ଗ୍ଆଃ ! ଆପେକଏତେ ଅକଏ ଉଡୁଃକେଦ୍ତେ ଆୟାଃ ଜୀଉକେ ମିଦ୍ ଘାଡ଼ି ପସାଦାଡ଼ିୟାଏ । ଏନ୍ତେ ଆପେ ହୁଡିଙ୍ଗ୍ଉତାର୍ତେୟାଃକେହ କାପେ କାମିଦାଡ଼ିରେଦ ଚିକ୍ନାଃ ମେନ୍ତେ ବାକିକାଜି ନାଗେନ୍ତେପେ ପାହାମ୍ତାନା । ବାହାକକେ ନେଲେପେ, ଇନ୍କୁ କାକ କାମିୟାଃ ଚି କାକ ତୁକୁଇତାନା, ହଲେହଁ ଆଇଙ୍ଗ୍ ଆପେକେ କାଜିୟାପେ ତାନାଇଙ୍ଗ୍, ସୁଲିମାନ୍ହଁ ଆୟାଃ ସବେନ୍ ସୁଗାଡ଼ାନ୍ତେୟାଃଏତେ ନେ ମିଆଁଦ୍କ ଲେକା କାଏ ସିଙ୍ଗାରାକାନ୍ ତାଇକେନା । ଏନ୍ତେ ପାର୍ମେଶ୍ୱାର୍ ତିସିଙ୍ଗ୍ ମେନାଃ ଆଡଃ ଗାପା ଚୁଲ୍ଲାରେ ହାଁଣବଃତାନ୍ ଅତେରାଃ ତାସାଦ୍କେ ନେ ଲେକାଏ ସିଙ୍ଗାରେରେଦ, ଏ ହୁଡିଙ୍ଗ୍ ବିଶ୍ୱାସ୍ତାନ୍କ, ଚିୟାଃ ଇନିଃ ନେଆଁଁଏତେ ଆଦ୍କା ଆପେକେ କାଏ ତୁସିଙ୍ଗ୍ପେୟା ?
"ଆଡଃ ଚିକ୍ନାଃବୁ ଜମେୟାଁ ଆଡଃ ଚିକ୍ନାଃବୁ ନୁଁଏୟା ମେନ୍ତେ ମନ୍ରେ ଆଲ୍ପେ ନାମ୍ବାଡ଼ାୟା ଆଡଃ ଆଲ୍ପେ ଉଡ଼ୁଗେୟା । ନେ ଅତେଦିଶୁମ୍ରେନ୍ ସାଅଁସାର୍ ହଡ଼କ ନେ ସବେନାଃ ଦାଣାଁଁବାଡ଼ାଃକ, ଆଡଃ ନେ ସବେନାଃ ଆପେୟାଃ ଲାଗାତିଙ୍ଗ୍ୟାଁଃ, ଏନା ଆପେୟାଃ ସିର୍ମାରେନ୍ ଆପୁ ସାରିୟାଏ । ମେନ୍ଦ ପାର୍ମେଶ୍ୱାର୍ଆଃ ରାଇଜ୍ ଦାଣାଁଁଏପେ ଆଡଃ ନେ ସବେନାଃହ ଆପେକେ ଏମଃଆ ।
ସିର୍ମାରେ ଖୁର୍ଜି
"ଏ ହୁଡିଙ୍ଗ୍ ଗୋଟ୍କ ଆଲ୍ପେ ବରଏୟା ଆପେୟାଃ ଆପୁଦ ଆପେକେ ଆୟାଃ ରାଇଜ୍ ଏମଃନାଙ୍ଗ୍ ସୁକୁଆକାନାଏ । ଆପେୟାଃ ମେନାଃତେୟାଃ ଆଖ୍ରିଙ୍ଗ୍ କେଦ୍ତେ କଏଁକକେ ଏମାକପେ, କା ମାଇଲାଅଃ ପାଏସାମୁନା ଆପେନାଙ୍ଗ୍ ବାଇୟେପେ, କା ଖାରାପଃ ଖୁର୍ଜି ସିର୍ମାରେ ଦହଏପେ, ଏନ୍ତାଃରେ କୁମ୍ବୁଡ଼ୁ କାଏ ତେବାଃଏୟା ଆଡଃ ନିଦିର୍ କାଏ ଜମେୟାଁ । ଚିୟାଃଚି ଆପେୟାଃ ଖୁର୍ଜି ତାଇନଃତାଃରେଗି ଆପେୟାଃ ମନ୍ ତାଇନାଃ ।
ଚିର୍ଗାଲାକାନ୍ ଦାସିକ
"ଆପେୟାଃ ମାୟାଙ୍ଗ୍ ପାଟେକେଦ୍ତେ କାମିନାଙ୍ଗ୍ ସେକାଡ଼ାକାନ୍ପେ ଆଡଃ ଆପେୟାଃ ଦିମି ଜୁଲାକାନ୍ ତାଇୟଃକା । ଆଡଃ ଏନ୍ ହଡ଼କଲେକାଅଃପେ, ଇନ୍କୁ ଆବୁଆଃ ଗମ୍କେ ଆଣ୍ଦିଏତେ ଚିଉଲାଏ ରୁହାଡ଼ାଃ ଆଡଃ ଇନିଃ ହିଜୁଃକେଦ୍ତେ ଠକ୍ ଠକାଏରେଦ ଇନିଃ ନାଗେନ୍ତେ ଇମ୍ତା ଦୁଆର୍ବୁ ନିଜେୟା ମେନ୍ତେକ ନେଲ୍ହରାଇତାନା । ଅକନ୍ ଦାସିକକେ ଆକଆଃ ଗମ୍କେ ଏୟନାକାନ୍ ଆଡଃ ସେକାଡ଼ାକାନ୍ ହିଜୁଃନାମ୍କରେ ଏନ୍ ଦାସିକ ଚିମିନ୍ ସୁକୁତାନ୍ଗିୟାକ, ଆଇଙ୍ଗ୍ ସାର୍ତିଗି କାଜିୟାପେ ତାନାଇଙ୍ଗ୍, ଇନିଃ ମାୟାଙ୍ଗ୍ ପାଟେକେଦ୍ତେ ଇନ୍କୁଲଃ ଜଜମ୍ ନାଗେନ୍ତେ ଦୁବ୍କଆଏ ଆଡଃ ହିଜୁଃକେଦ୍ତେ ଇନ୍କୁକେ ସୁସାର୍କଆଏ । ଆଡଃ ଇନିଃ ଥାଲାନିଦା ଚାଏ ସିମ୍କରାଃ ହିଜୁଃକେଦ୍ତେ ଇନ୍କୁକେ ନେ ଲେକାଏ ନାମ୍କରେଦ ଏନ୍ ଦାସିକ ଚିମିନ୍ ସୁକୁତାନ୍ଗିୟାକ । ମେନ୍ଦ ନେଆଁଁ ଆଟ୍କାରେପେ, ଅଡ଼ାଃରେନ୍ ଗମ୍କେ କୁମ୍ବୁଡ଼ୁ ହିଜୁଃ ଦିପିଲି ସାରିକାଇରେଦ ଇନିଃକେ ଆୟାଃ ଅଡ଼ାଃରାଃ ସିନ୍ଧି କାଏ ଉତୁଡ଼୍ରିକା ଇଚିକାଇତେୟାଃ । ଏନା ନାଗେନ୍ତେ ଆପେୟ ସାପ୍ଡ଼ାଅକାନ୍ ତାଇନ୍ପେ, ଚିୟାଃଚି ଆପେ କାପେ ଉଡ଼ୁଃତାନ୍ ଦିପିଲିରେଗି ମାନୱାହନ୍ ହିଜୁଃଆଏ ।"
ପାତିୟାର୍ ଆଡଃ କା ପାତିୟାର୍ ଦାସିକ
ଏନ୍ତେ ପାତ୍ରାସ୍ କୁଲିକିୟାଏ, "ହେ ପ୍ରାଭୁ ଚିୟାଃ ଆମ୍ ଆଲେକେ ଚି ସବେନ୍କକେ ନେ ଜନ୍କା କାଜି କାଜିୟାଲେତାନାମ୍ ?"
ଆଡଃ ପ୍ରାଭୁ କାଜିରୁହାଡ଼୍କେଦାଏ, "ଏନ୍ତେ ଗୁସିୟାଁ ଆୟାଃ ଅଡ଼ାଃରେନ୍କକେ ବୁଗିନ୍ ନେଡାରେ ଜମେୟାଃଁ ଏମାକ ନାଗେନ୍ତେ ଅକଏକେ ଇନିଃ ସାଲାକିଆଏ, ଏନ୍ଲେକାନ୍ ପାତିୟାର୍ରଃ ଆଡଃ ସେଣାଁଁନ୍ ଭାଣ୍ଡାରି ଅକଏ ତାନିଃ ? ଆୟାଃ ଗୁସିୟାଁ ନେ’ଲେକା କାମିତାନ୍ ଦାସିକେ ହିଜୁଃ ନାମିରେ ଇନିଃ ସୁକୁତାନ୍ଗିୟାଏ । ସାର୍ତିଗିଙ୍ଗ୍ କାଜିୟାପେତାନା, ଇନିଃ ଏନ୍ ଦାସିକେ ଆୟାଃ ସବେନ୍ ମେନାଃତେୟାଃରେନ୍ ଗୁସିୟାଁ ଦହଇୟାଏ । ମେନ୍ଦ ଏନ୍ ଦାସି, ଆଇଁୟାଃ ଗୁସିୟାଁରାଃ ହିଜୁଃତେୟାଃ ବିଲାମଃତାନାଃ ମେନ୍ତେ ମନ୍ତାୟାଃରେ କାଜିକେଦ୍ତେ ଦାସିକ ଆଡଃ କାମ୍ଡ଼ିକକେ ଦାଦାଲ୍, ଆଡଃ ଜଜମ୍ ନୁଁ ଆଡଃ ବୁଲଃ ଏଟେଦ୍ରେଦ, ଏନ୍ ଦାସିଆଃ ଗମ୍କେ ଇନିଃ କାଏ ଉଡ଼ୁଃ ହୁଲାଙ୍ଗ୍ରେ ଆଡଃ କାଏ ସାରି ଦିପିଲିରେ ହିଜୁଃଆଏ ଆଡଃ ଇନିଃକେ ପୁରାଃ ଦୁକୁ ଏମାଇତାନ୍ଲଃ ଟୁକ୍ଡ଼ା ଟୁକ୍ଡ଼ା ମାଆଃଇୟାଏ, ଏନ୍ତେ କା ବିଶ୍ୱାସ୍ତାନ୍କଲଃ ହାନାଟିଙ୍ଗ୍ଆଏ ଏମାଇୟା ।
"ଆୟାଃ ଗମ୍କେୟାଃ ମନ୍ ସାରିକେଦ୍ତେ କାଏ ସେକାଡ଼ାକାନ୍ ଆଡଃ ଇନିୟାଃ ମନେଲେକା କା କାମିକେଦ୍ ଦାସି ପୁରାଃଗିୟାଏ ଦାଲଃଆ । ମେନ୍ଦ କା ସାରିକେଦ୍ତେ ଦାଲଃଲେକା କାମିକେଦ୍ନିଃ ହୁଡିଙ୍ଗ୍ଲେକାଏ ଦାଲଃଆ । ଆଡଃ ପୁରାଃ ନାମାକାଦ୍କଏତେ ପୁରାଃ ଆସିୟଃଆ; ଆଡଃ ହଡ଼କ ପୁରାଃଗିକ ଏମାକାଇନିଃଏତେ ପୁରାଃଗିକ ଆସିୟା ।
ୟୀଶୁଆଃ ନାଗେନ୍ତେ ବିନ୍ଗାଅ
"ଆଇଙ୍ଗ୍ ଅତେରେ ସେଙ୍ଗେଲ୍ ଜୁଲ୍ନାଙ୍ଗ୍ ହିଜୁଆକାନାଇଙ୍ଗ୍, ଆଡଃ ଆଇଙ୍ଗ୍ ସାନାଙ୍ଗ୍ତାନାଇଙ୍ଗ୍, ଜାଲ୍ଦିଗି ସେଙ୍ଗେଲ୍ ଜୁଲଃକା । ମେନ୍ଦ ମିଆଁଦ୍ ବାପ୍ତିସ୍ମାଏତେ ଆଇଙ୍ଗ୍କେ ବାପ୍ତିସ୍ମାଅଃ ଲାଗାତିଙ୍ଗ୍ୟାଁଃ, ଆଡଃ ଏନା ଆଉରିଚାବାଃଅ ଜାକେଦ୍ ଦୁକୁତେ ପୁରାଃଗିଇଙ୍ଗ୍ ବିତ୍ଲାଅକାନା । ଚିୟାଃ ଆଇଙ୍ଗ୍ ଅତେଦିଶୁମ୍ରେ ଜୀଉସୁକୁ ଏମ୍ତେ ହିଜୁଆକାନାଇଙ୍ଗ୍ ମେନ୍ତେପେ ଆଟ୍କାରିଙ୍ଗ୍ତାନା ? ବାନଃଗି, ମେନ୍ଦ ବିନ୍ଗାଅ ନାଗେନ୍ତେଇଙ୍ଗ୍ ହିଜୁଃକାନା । ନାହାଁଃଏତେଦ ମିଆଁଦ୍ ପାରିବାର୍ରେନ୍ ପାଞ୍ଚ୍ଝାନ୍ ହଡ଼କ ବିନ୍ଗାଅଆଃକ, ତିନ୍ଝାନ୍ ବାର୍ହଡ଼୍କିନାଃ ବିରୁଧ୍ରେ ଆଡଃ ବାର୍ହଡ଼୍ ତିନ୍ଝାନ୍କଆଃ ବିରୁଧ୍ରେ । ହନ୍କଡ଼ା ବିରୁଧ୍ରେ ଆପୁ, ଆଡଃ ଆପୁ ବିରୁଧ୍ରେ ହନ୍କଡ଼ା, ହନ୍କୁଡ଼ି ବିରୁଧ୍ରେ ଏଙ୍ଗା, ଆଡଃ ଏଙ୍ଗା ବିରୁଧ୍ରେ ହନ୍କୁଡ଼ି, କିମିନ୍ ବିରୁଧ୍ରେ ହାନାର୍ତେ ଆଡଃ ହାନାର୍ତେୟାଃ ବିରୁଧ୍ରେ କିମିନ୍ତେ, ବିନ୍ଗାଅଆଃକ ।"
ଏନ୍ ଦିପିଲିରେୟାଃ ଚିହ୍ନାଁ
ଇନିଃ ଗାଦେଲ୍ ହଡ଼କକେ କାଜିୟାଦ୍କଆଏ, ଆପେ ସିଙ୍ଗିହାସୁରଃସାଃଏତେ ରିମିଲ୍ ରାକାବ୍ତାନ୍ପେ ନେଲେତାନ୍ ଇମ୍ତା ଦାଆଃ ଗାମାୟାଏ ପେ ମେନେତାନା ଆଡଃ ନେକାଅଃ ତାନ୍ଗିୟାଃ । ଆଡଃ ଦାକ୍ଷିଣ୍ ହୟ ହୟତାନ୍ ନେଲ୍କେଦ୍ତେ ସିତୁଙ୍ଗ୍ୟେଁଆଏ ପେ ମେନେତାନା ଆଡଃ ନେକାଅଃ ତାନ୍ଗିୟାଃ । ଏ ବେଦାହଡ଼କ, ଆପେ ଅତେ ଆଡଃ ସିର୍ମାରେୟାଃ ଚିହ୍ନାଁପେ ଆଟ୍କାର୍ଉରୁମ୍ ଦାଡ଼ିୟାଃ ମେନ୍ଦ ନେ ଦିପିଲିରେୟାଃ ଚିହ୍ନାଁ ଚିଲ୍କା କାପେ ନେଲ୍ଉରୁମେତାନା ?
ବାଇରିଲଃ ମେସାନାଃବୁ
ଚିନାଃମେନ୍ତେ ଠାଉକାନ୍ ଲେକାଗି ନେଲଃତେୟାଃ ଆପେଗି କାପେ ବିଚାରେତାନା ? ଆମାଃ ବାଇରିଲଃଦ ହାକିମ୍ତାମ୍ ସେନଃତାନ୍ରେ ଇନିଃଏତେ ଅଡଙ୍ଗ୍ଅଃ ନାଙ୍ଗ୍ ହରାରେଗି ଉଡ଼ୁଃଇମେ, କା’ରେଦ ଇନିଃ ବିଚାର୍ନିଃତାଃତେ ଥାଇଜ୍ଇଦିମେଁୟାଏ, ଆଡଃ ବିଚାର୍ନିଃ ସିପାଇକଆଃ ତିଃଇରେ ଜିମାମେଁୟା ଆଡଃ ସିପାଇଦ ଜେହେଲ୍ମେଁୟାଏ । ଆଇଙ୍ଗ୍ କାଜିୟାମ୍ ତାନାଇଙ୍ଗ୍, ତାମ୍ବା ସିକା କାଉଡ଼ି କାଉଡ଼ି ଆଉରି ହାଲ୍ଚାବାଏ ଜାକେଦ୍ ଏନ୍ତାଃଏତେ କାମ୍ ଅଡଙ୍ଗ୍ ଦାଡ଼ିୟା ।
ଏନାମେନ୍ତେ ଆମାଃ ମନ୍ସୁରୁଦ୍ ଏତେ ଖିସ୍ କାଜିକକେ ସାଙ୍ଗିନ୍ ରିକାଏମେ ଆମାଃ ହଡ଼ମ ରେୟାଃ ଦୁକୁ କାଜିକକେ ସାଙ୍ଗିନ୍ ରିକାଏମେ । ଚିୟାଃଚି ସେପେଡ଼େଦ୍ ଦିପିଲି ଓଡ଼ୋଃ ଏନ୍ ଜିୱାନ୍ ରେୟାଃ ହିସାକ ସାମା ତାନାଃ ।
União e harmonia
O corpo é um só, mas tem muitos membros. Cristo é a cabeça; a paz de Cristo governe em vossos corações.
ମିଆଁଦ୍ଗି ହଡ଼୍ମ ଆଡଃ ମିଆଁଦ୍ଗି ଆତ୍ମା, ଆଡଃ ମିଆଁଦ୍ଗି ଆସ୍ରାତେ ପାର୍ମେଶ୍ୱାର୍ ଆପେକେ କେଡ଼ାକାଦ୍ପେୟା ।
କୁଡ଼ିକ, ଆପେ ପ୍ରାଭୁତାଃରେ ଜିମାନ୍ତାନ୍ ଲେକାଗି ଆପାନ୍ କଡ଼ାକତାଃରେ ଜିମାନ୍ପେ । କାଲିସିୟା ଚେତାନ୍ରେ ଖ୍ରୀଷ୍ଟ୍ଆଃ ଆକ୍ତେୟାର୍ ମେନାଃ ଲେକା କୁଡ଼ି ଚେତାନ୍ରେ କଡ଼ାରାଃ ଆକ୍ତେୟାର୍ ମେନାଃ, ଆଡଃ ଖ୍ରୀଷ୍ଟ୍ଗି ଆୟାଃ ହଡ଼୍ମ ଲେକାନ୍ କାଲିସିୟାରେୟାଃ ବାଞ୍ଚାଅନିଃ ତାନିଃ ।
ଖ୍ରୀଷ୍ଟ୍ ଏମାକାଦ୍ ଜୀଉସୁକୁତେ ଆପେ ଉହାଟ୍କାଦ୍ ତେୟାଃକକେ ଆୟୁର୍ତେ ଇଦି ନାଙ୍ଗ୍ ଦେଙ୍ଗାପେକାଏ, ଚିଆଃଚି ନେ ଜୀଉସୁକୁ ନାଗେନ୍ତେ ପାର୍ମେଶ୍ୱାର୍ ଆପେକେ ମିଦ୍ତେ ମିଆଁଦ୍ ହଡ଼୍ମ ହବାଅଃ ନାଙ୍ଗ୍ ସାଲାକାଦ୍ପେୟାଏ । ସବେନ୍ ଇମ୍ତା ଧାନ୍ୟାବାଦ୍ ହବାଅଃକା ।
ଏନ୍ତେ ପ୍ରାଭୁ ପାର୍ମେଶ୍ୱାର୍ ଇନିୟାଃ ସାଡ଼େଜାଙ୍ଗ୍ ଏତେ ମିଆଦ୍ କୁଡ଼ି ବାଇକିୟାଏ, ଓଡ଼ୋଃ ଇନିଃକେ ଏନ୍ ମାନୱାରାଃ ହେପାଦ୍ତେ ଆଉକିୟା। ଏନ୍ତେ, ଏନ୍ ମାନୱା କାଜିକେଦାଏ,
"ଇନିଃ ଆଇଁୟାଃ ଲେକାଗି ମେନାଇୟା,
ଇନିୟାଃ ଜାଙ୍ଗ୍ ଆଇଁୟାଃ ଜାଙ୍ଗ୍ ଏତେଗି ବାଇୟାକାନା ଓଡ଼ୋଃ ଇନିୟାଃ ମାସ୍ ଆଇଁୟାଃ ମାସ୍ ଏତେଗି ବାଇୟାକାନା।
ଇନିୟାଃ ନୁତୁମ୍ କୁଡ଼ି, ଚିୟାଃଚି ଇନିଃଦ କଡ଼ା ଏତେଗି ହିଜୁଆକାନା।"
ନେଆଁ ନାଗେନ୍ତେ କଡ଼ା ଆୟାଃ ଏଙ୍ଗା ଓଡ଼ୋଃ ଆପୁକେ ବାଗିକେଦ୍ତେ ଆପ୍ନାଃ କୁଡ଼ିଲଃ ମେସାନାଏ ଓଡ଼ୋଃ ଏନ୍ ବାରାନ୍କିନ୍ ମିଆଦ୍ ହଡ଼୍ମ ହବାଅଃଆକିନ୍।
ବିଶ୍ୱାସ୍ତେ ଜୀନିଦ୍
ଏନାମେନ୍ତେ ଆଲେ ଚିଉଲାଅ କାଲେ ହୁଡିଙ୍ଗ୍ଜୀଉ କାନା । ଆଲେୟାଃ ନେଲଃତାନ୍ ହଡ଼୍ମ ମାଡ଼ି ମାଡ଼ିତେ ଜିୟନଃ ତାନା, ମେନ୍ଦ ଆଲେୟାଃ ମନ୍ସୁରୁଦ୍ରେୟାଃ ଆତ୍ମା ଅକ୍ନାଃଚି ପାର୍ମେଶ୍ୱାର୍ତାଃଏତେ ନାମାକାନା ଏନା ମୁସିଙ୍ଗ୍ ମୁସିଙ୍ଗ୍ତେ ନାୱାଇଦିୟଃ ତାନା ।
ଆବୁ ଜେ’ଲେକା ପାପ୍ ନାଙ୍ଗ୍ ଗଏଃକେଦ୍ତେ, ଧାର୍ମାନ୍ ନାଗେନ୍ତେବୁ ଜୀହୁଦଃକା, ଏନାମେନ୍ତେ ୟୀଶୁ ଖ୍ରୀଷ୍ଟ୍ ଆଇଃକ୍ଗି କ୍ରୁଶ୍ ଚେତାନ୍ରେ ଆୟାଃ ହଡ଼୍ମରେ ଆବୁଆଃ ପାପ୍କଏ ଗଅଃକେଦା । ଆବୁ ଆୟାଃ ହଡ଼୍ମରେ ହାଁଣ୍ସାକାନ୍ ଘାଅ ହରାତେ ବୁଗିକାନାବୁ ।
ଆବୁ ସବେନ୍କଦ ଚିମିନ୍ସା ଭୁଲ୍ ରିକାଃବୁ । ଜେତାଏ ଆୟାଃ ଜାଗାର୍ତାନ୍ ଇମ୍ତା କାଏ ଭୁଲ୍ଲେତାନ୍ ରେଦ, ଇନିଃ ପକ୍ତାକାନ୍ ଆଡଃ ଆପ୍ନାଃ ହଡ଼୍ମକେ ପୁରା ଥାବର୍କେଦ୍ତେ ଦହ ଦାଡ଼ିତାନ୍ ହଡ଼ ତାନିଃ ।